تيانشان تورى
تيانشان تورى   ›   جاڭالىقتار   ›   شينجياڭ حابارلارى

جۇڭگو مۇناي حيميا شينجياڭ كۇشار جاسىل سۋتەگى ۇلگى كورسەتۋ نىسانىنىڭ قۇرىلىسى باستالدى

  جۇڭگو مۇناي حيميا شينجياڭ كۇشار جاسىل سۋتەگى ۇلگى كورسەتۋ نىسانىنىڭ قۇرىلىسى باستالدى

  ەركىن تۇنياز، ما يۇڭشىڭ قاتىناستى ءارى ءسوز سويلەدى

  انار بۇلت / شينجياڭ گازەتىنىڭ ءتىلشىسى لي ياڭ 11 - ايدىڭ 30 - كۇنى ۇرىمجىدەن حابارلايدى. 11 - ايدىڭ 30 - كۇنى تۇستەن بۇرىن جۇڭگو مۇناي حيميا شينجياڭ كۇشار جاسىل سۋتەگى ۇلگى كورسەتۋ نىسانى بەينە ەكران تاسىلىندە بەيجيڭدە، ۇرىمجىدە، كۇشاردا بىردەي باستالدى. بۇل ەلىمىزدەگى تۇڭعىش 10 مىڭ توننالىق فوتوۆولتتىق جاسىل سۋتەگى ۇلگى كورسەتۋ نىسانىنىڭ رەسمي قۇرىلىس باستاعاندىعىنىڭ بەلگىسى.

  اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ۋاقىتشا ءتوراعاسى ەركىن تۇنياز، جۇڭگو مۇناي حيميا سەرىكتەستىگىنىڭ القا باستىعى، پارتيا باسشىلىق گرۋپپاسىنىڭ شۋجيى ما يۇڭشىڭ قاتىناستى ءارى ءسوز سويلەدى.

  ەركىن تۇنياز جۇڭگو مۇناي حيميا توبىنىڭ ۇزاق ۋاقىتتان بەرى شينجياڭ قىزمەتىن زور كۇشپەن قولداعاندىعىنا العىس ايتتى. ول بىلاي دەدى: جۇڭگو مۇناي حيميا ەل ىشىندەگى ەڭ ۇلكەن وڭدەلگەن مۇنايمەن جانە مۇناي حيميا ونىمدەرىمەن قامداۋ ساۋداگەرى رەتىندە، مەملەكەتتىڭ ەنەرگيا حاۋىپسىزدىگىن قامتاماسىزداندىرۋ، مۇناي حيميا كاسىپ سالاسىنىڭ حاۋىپسىزدىگىن قورعاۋ سىندى كەلەلى جاۋاپكەرشىلىكتى ارقالاپ كەلەدى. كوپ جىلداردان بەرى جۇڭگو مۇناي حيميا شينجياڭدا قارجى قوسىپ، قۇرىلىس جۇرگىزۋ تەبىنىن ۇزدىكسىز ارتتىرىپ، كاسىپ سالاسى ارقىلى شينجياڭعا كومەكتەسۋدى ناقتى ىلگەرىلەتىپ، شينجياڭنىڭ جۇمىستاندىرۋدى كەڭەيتۋىنە، حالىق تۇرمىسىن جاقسارتۋىنا، ەكونوميكانىڭ جوعارى ساپالى دامۋىن جەدەلدەتۋىنە، قوعام ورنىقتىلىعى مەن باياندى تىنىشتىقتى ىلگەرىلەتۋىنە ماڭىزدى ۇلەس قوسىپ، شينجياڭداعى ءار ۇلت حالقىنىڭ العىسىنا بولەندى. جۇڭگو مۇناي حيميا توبىنىڭ تۇڭعىش رەتكى جاسىل سۋتەگى ۇلگى كورسەتۋ نىسانىنىڭ شينجياڭنىڭ كۇشارىنا ىرگە تەبۋى − ەكى جاقتىڭ ستراتەگيالىق سەلبەستىكتى جاپپاي ىلگەرىلەتۋىنىڭ ماڭىزدى مازمۇنى ءارى 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحى مەن 8 - رەتكى بۇكىل مەملەكەت بويىنشا شينجياڭعا باعىتتامالى كومەكتەسۋ قىزمەتى ءماجىلىسىنىڭ رۋحىن دايەكتىلەندىرۋدىڭ، تياناقتاندىرۋدىڭ ناقتى ارەكەتى. وسى نىسان قۇرىلعاننان كەيىن ”كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ“ مەملەكەتتىك ستراتەگياسىنا پارمەندى قىزمەت وتەپ، قامتاماسىزداندىرىپ ءارى جەرگىلىكتى ورىنداعى بۇقارانى جۇمىستانىپ كىرىسىن ارتتىرۋعا باستاۋدا، شينجياڭ ونەركاسىبىنىڭ نەگىزىن كۇشەيتىپ، ونىمدىلىگىن جوعارىلاتۋعا جانە تيبىن وزگەرتىپ دارەجەسىن جوعارىلاتۋعا دەم بەرىپ، ەكونوميكالىق، قوعامدىق دامۋدى ىلگەرىلەتۋدە ماڭىزدى ءمان الادى. اۆتونوميالى رايون مەملەكەتتىڭ ”ءۇش بازا، ءبىر وتكەل“ ستراتەگيالىق ورنىن قۇرۋىن تياناق ەتىپ، شارۋاشىلىق - ساۋدا ورتاسىن ۇزدىكسىز ساپالىلاندىرىپ، كاسىپورىن مەن جەرگىلىكتى ورىن سەلبەستىگىن ۇزدىكسىز تەرەڭدەتىپ، جۇڭگو مۇناي حيميا توبىنىڭ شينجياڭداعى ءار سالا ىستەرىن دامىتۋدا تاعى دا تىڭ ساتىعا كوتەرىلۋىنە بەلسەنە قولداۋ كورسەتىپ، جۇڭگو مۇناي حيميا توبىنىڭ جوعارى ساپالى دامۋىن جۇزەگە اسىرۋعا، مەملەكەتتىڭ ەنەرگيا حاۋىپسىزدىگىن قامتاماسىزداندىرۋعا، ەلىمىز ەنەرگيا قۇرىلىمىنىڭ تيبىن وزگەرتۋىنە ءتيىستى ۇلەس قوسۋىن ىلگەرىلەتۋگە دەم بەرەدى.

  ما يۇڭشىڭ مىنالاردى ءبىلدىردى: سۋتەگى ەنەرگياسى − ەڭ دامۋ كومەسكى كۇشىنە يە تازا ەنەرگيالاردىڭ ءبىرى. قازىر جۇڭگو مۇناي حيميا توبى دۇنيە جۇزىندەگى وزىق تازا ەنەرگيالىق حيميا ونەركاسىبى سەرىكتەستىگىن قۇرۋدى جەدەلدەتىپ، ”ءبىردى نەگىز، ەكىنى قانات ەتكەن، ءۇش جاڭا“ كاسىپ سالاسى ارناسىن قالىپتاستىرىپ، ”14 - بەسجىلدىق“ مەزگىلىندە جاڭا ەنەرگيا كاسىبىن بار كۇشپەن دامىتىپ ءارى سۋتەگى ەنەرگياسىن جاڭا ەنەرگيا كاسىبىندەگى نەگىزگى قامال الۋ بەتالىسى ەتەدى. وسى ۇلگى كورسەتۋ نىسانى شينجياڭنىڭ بايلىق باسىمدىعىن تولىق ساۋلەلەندىرەدى، جۇڭگو مۇناي حيمياسى تۇلعالاعان ”جۇڭگوداعى ءبىرىنشى سۋتەگى ەنەرگياسى سەرىكتەستىگىنىڭ“ ءتۇيىندى ينجەنەرياسى، سونداي - اق كاسىپورىن مەن جەرگىلىكتى ورىن سەلبەستىگىنىڭ تىڭ دا كەلەلى ستراتەگيالىق جەتىستىگى، ەنەرگيانىڭ تيبىن جاڭالاۋىن ىلگەرىلەتۋدە، شينجياڭنىڭ ەكونوميكالىق، قوعامدىق دامۋىن جەبەۋدە، ەلىمىزدىڭ ەنەرگيا حاۋىپسىزدىگىن قامتاماسىزداندىرۋدا ماڭىزى زور. سەرىكتەستىك ورايدى مىقتى يگەرىپ، ونى سارا نىسان، ۇلگى ينجەنەريا ەتىپ قۇرىپ، شينجياڭ ەكونوميكاسىنىڭ، قوعامىنىڭ جوعارى ساپالى دامۋىن جانە ەلىمىزدىڭ ”قوس كومىر قىشقىل“ نىساناسىن جۇزەگە اسىرۋدا بەلسەندى ۇلەس قوسۋىنا دەم بەرەدى.

  جۇڭگو مۇناي حيميا شينجياڭ كۇشار جاسىل سۋتەگى ۇلگى كورسەتۋ نىسانى − ەل ىشىندەگى تۇڭعىش كولەمدەنگەن فوتوۆولت ارقىلى توك تاراتۋدان تىكە سۋتەگىن وندىرەتىن نىسان، مەجەمەن 2023 - جىلى 6 - ايدا سالىنىپ بولىپ وندىرىسكە قوسىلادى، وندىرىسكە قوسىلعاننان كەيىن جىلدىق جاسىل سۋتەگىن ءوندىرۋ مولشەرى 20 مىڭ تونناعا جەتەدى. وندىرىلگەن جاسىل سۋتەگىمەن جۇڭگو مۇناي حيميا توبى تاحى ليانحۋا شەكتى جاۋاپكەرشىلىك سەرىكتەستىگىن قامداپ، قازىرگى تابيعي - گاز قازىندى ەنەرگيا ارقىلى سۋتەگىن ءوندىرۋدىڭ ورنىن باسادى. مەجەمەن ءار جىلى كومىر قىشقىل گازىن شىعارۋ مولشەرى 485 مىڭ تونناعا ازايادى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.