ىجداعاتتىلىقپەن ەمدەپ، شيپاگەرلىك سۇيىسپەنشىلىكتەرىن حالىققا ارنادى
− اۆتونوميالى رايوندىق دەنساۋلىق ساقتاۋ، سالاماتتىق كوميتەتى ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن ىشكەرىلەي ىلگەرىلەتتى
انار بۇلت / شينجياڭ گازەتىنىڭ ءتىلشىسى سۋ لۋپيڭ
پارتيا تاريحىن ۇيرەنۋ تاربيەسى ورىستەتىلگەننەن بەرى، اۆتونوميالى رايوندىق دەنساۋلىق ساقتاۋ، سالاماتتىق كوميتەتىنىڭ باس بولۋىندا، بۇكىل رايونداعى ءار دارەجەلى دەنساۋلىق ساقتاۋ، سالاماتتىق تاراۋلارى، ەمدەۋ، دەنساۋلىق ساقتاۋ قۇرىلىمدارى بۇقارانىڭ ەمدەلۋدەگى ”شۇعىل، قيىن، الاڭداعان، ءزارۋ“ ماسەلەلەرىن توڭىرەكتەي وتىرىپ، نەگىزگى ساتىنىڭ ەمدەۋ قۇرىلعىلارىن ۇزدىكسىز كەمەلدەندىرىپ، ەمدەۋ بويىنشا قىزمەت وتەۋ ورەسىن جاقسارتىپ، ەمدەۋ قىزمەت وتەۋ تارتىپتەرىن ساپالىلاندىرىپ، بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتتى.
دەنساۋلىق تەكسەرۋدىڭ اناعۇرلىم جوعارى ءونىمدى بولۋىنا مۇمكىندىك جاسادى
”بۇرىن ءبىز تەك قىستاق تۇرعىندارىنىڭ ۋاعىندا دەنساۋلىق تەكسەرتكەن - تەكسەرتپەگەنىنە عانا نازار اۋداراتىنبىز، قازىر ەمحانانىڭ تەحنيكالىق ورەسى جوعارىلادى، تارتىپتەرى جۇيەلىلەندى، ءبىز بۇقاراعا اناعۇرلىم دالمە - ءدال قىزمەت ەتەتىن بولدىق“. جالپى حالىقتىق سالاماتتىق دەنساۋلىق تەكسەرۋ ينجەنەرياسى اتقارىلعان 6 - جىلى، باسقا دا نەگىزگى ساتى شيپاگەرلەرىمەن بىردەي، ماكىت اۋدانى تومەنتال اۋىلدىق سەنترلى ەمحانانىڭ شيپاگەرى زورىگۇل ءوماردىڭ بۇقارا ءۇشىن ەمدەۋ قىزمەت وتەۋىن جاقسى ىستەۋ سەنىمى ارتا ءتۇستى.
”مەن بۇقارا ءۇشىن ناقتى ءىس ىستەيمىن“ امالياتتىق قيمىلىمەن ۇشتاستىرىپ، رايونىمىز جالپى حالىقتىق سالاماتتىق دەنساۋلىق تەكسەرۋىنىڭ ساپاسىن مەڭگەرۋدى كۇشەيتتى. جالپى حالىقتىق سالاماتتىق دەنساۋلىق تەكسەرۋىنىڭ ساپاسىن مەڭگەرۋ كۋرسىن وتكىزۋ، ساپاسىن مەڭگەرۋ جۇيەسىن كەمەلدەندىرۋمەن بىرگە، دەنساۋلىق تەكسەرۋ بارىسىنداعى ءالسىز بۋىندارعا مەڭزەس، جەر - جەر دەنساۋلىق تەكسەرۋ شيپاگەرلەرىن، نەگىزگى تەكسەرۋشى شيپاگەرلەرىن، اسىرە تولقىندىق تەكسەرۋ شيپاگەرلەرىن قاتىستى ماماندىق بىلىمدەرى مەن شەبەرلىك بويىنشا باۋلۋدى كۇشەيتىپ، نەگىزگى ساتى كاسىپتىك تەحنيكالىق قىزمەتكەرلەرىنىڭ دياگنوز قويۋ ورەسىن ۇزدىكسىز جوعارىلاتتى.
ساپاسىن جوعارىلاتۋ نەگىزىندە، رايونىمىز جالپى حالىقتىق سالاماتتىق دەنساۋلىق تەكسەرۋىن قاداعالاۋ قىزمەت وتەۋىن كۇشەيتىپ، دەنساۋلىق تەكسەرۋ ناتيجەسى بولىمدى بولعاندارعا كورسەتكىشتەردى باسقارۋ تالابى بويىنشا دەر كەزىندە حابارلاندىردى ءارى قاداعالاپ دەنساۋلىق جاعدايىن سۇراپ تۇردى. سايكەستى مەحانيزم ورناتۋ، بۇقارامەن تىعىز بايلانىس ورناتۋ، سالاماتتىق ارحيۆىن اشىق ۇستاۋ، دەنساۋلىق تەكسەرۋ تۇرلەرىن كوبەيتۋ سياقتىلار ارقىلى ءار ۇلت بۇقاراسىنىڭ اناعۇرلىم جوعارى ساپالى دەنساۋلىق تەكسەرۋ قىزمەت وتەۋىنەن يگىلىكتەنۋىنە مۇمكىندىك جاسادى.
”وسى رەتكى تەكسەرۋ ناتيجەسىنەن قاراعاندا، دەنساۋلىعىڭ بۇرىنعىدان اجەپتاۋىر جاقسارىپ قالىپتى، ۋاعىندا ءدارى ءىشىپ، ۋاعىندا تەكسەرىلىپ تۇر“. 11 - ايدىڭ 28 - كۇنى ايدارشا ارتەريانىڭ قابىنۋىنان بولعان جۇرەك اۋرۋى بار ابدۇللا مامەت تەكسەرىلىپ بولعاننان كەيىن، زورىگۇل ءار كۇنى ءدارى ىشەتىن رەت سانى مەن دوزاسىن جازىپ الىپ، ابدۇللانىڭ ءۇيىنىڭ تامىنا جاپسىرىپ قويدى، ”مەن ۇزدىكسىز ۇيرەنىپ، قىستاق تۇرعىندارىنا اناعۇرلىم ويداعىداي قىزمەت وتەيمىن“، - دەدى زورىگۇل.
ينفورماتسيادان جان − جاقتى پايدالاندى
”وسى مەزگىلدەردە ۋاعىمەن ءدارى ءىشتىڭىز بە؟ مۇرنىڭىزدان سۋ اققانى، باسىڭىزدىڭ اۋىرعانى باسىلايىن دەدى مە؟“. 11 - ايدىڭ 29 - كۇنى ساعات 11دە ءۇرىمجى قالالىق كوز، قۇلاق، مۇرىن، جۇتقىنشاق اۋرۋلارى ارناۋلى شيپاحاناسىنىڭ قۇلاق، مۇرىن، جۇتقىنشاق اۋرۋلارىن تەكسەرۋ بولمەسىندە تەتە اعا شيپاگەر شيە جۇن تەلەفونىن اشىپ، مۇرىن قويناۋىنىڭ قابىنۋى ناۋقاسىنا شالدىققان ما جۇننىڭ ناۋقاسىن ينتەرنەت شيپاحاناسى جەلىسىندە قايتالاپ تەكسەردى.
”مەن بۇقارا ءۇشىن ناقتى ءىس ىستەيمىن“ امالياتتىق قيمىلىندا اۆتونوميالى رايوندىق دەنساۋلىق ساقتاۋ، سالاماتتىق كوميتەتى نازاردى بۇقارانىڭ اۋرۋ كورسەتۋ ۋاقىتى ۇزاق، اقى تاپسىرۋ ۋاقىتى ۇزاق، ءدارى - دارمەك الۋ ۋاقىتى ۇزاق، ناۋقاس تەكسەرتۋ ۋاقىتى قىسقا بولۋ ماسەلەلەرىنە شوعىرلاندىرىپ، ناۋقاستاردىڭ ءىس جۇزىندىك ەمدەلۋ قاجەتىنە ساي، شيپاحانانىڭ ”داۋال“ شەكتەمەسىن بۇزىپ، ينفورماتسيا تەحنيكاسى مەن ەمدەۋ قىزمەت وتەۋىنىڭ تەرەڭ توعىسۋىن ىلگەرىلەتتى.
قازىر بۇكىل رايوندا 31 ەمدەۋ قۇرىلىمى ينتەرنەت شيپاحاناسىن قۇرىپ، ناۋقاس كورۋدىڭ الدىنداعى، دياگنوز قويعانداعى، دياگنوز قويۋدان كەيىنگىنى قامتىعان تۇتاس بارىستىق، ارنايىلانعان، زەردەلىلەنگەن قىزمەت وتەۋدى ۇسىنىپ، سوزىلمالى اۋرۋلار مەن كوپ ۇشىرايتىن اۋرۋلارعا شالدىعۋشىلاردىڭ شيپاگەرگە قايتا كورىنۋ، ەمدەلۋ قاجەتىنەن شىعۋدى زور دارەجەدە قولايلىلاستىرىپ، ينفورماتسيادان جان − جاقتى پايدالانۋدى، ناۋقاستاردىڭ سارساڭعا تۇسپەۋىن جۇزەگە اسىردى. 12 - ايدىڭ 1 - كۇنىنە دەيىن بۇكىل رايونداعى ينتەرنەت شيپاحانالارىندا ينتەرنەت جەلىسىندە 107 مىڭ 708 ادام - رەت ناۋقاس تەكسەردى. مۇنىڭ ىشىندە ينتەرنەت جەلىسىندە ناۋقاس جاعدايىن سۇراپ تەكسەرۋ تاپسىرىس سانى 20 مىڭ 748، جەلىدە كەڭەس الۋ تاپسىرىس سانى 12 مىڭ 109، جەلىدە ءدارى - دارمەك ساتىپ الۋ تاپسىرىس سانى 74 مىڭ 851 بولعان.
”ينتەرنەت + سالاماتتىق ەمدەۋ“ بويىنشا اناعۇرلىم جاقسى باقىلاۋ - باسقارۋ ءۇشىن، اۆتونوميالى رايوندىق دەنساۋلىق ساقتاۋ، سالاماتتىق كوميتەتى ”اۆتونوميالى رايوندىق ينتەرنەتتە اۋرۋ كورۋ - ەمدەۋ قىزمەت وتەۋىن باقىلاۋ - باسقارۋ تۇعىرىن“ قۇرىپ، تۇتاس بارىستى قاداعالاپ، ۇعىسۋعا، قۋزاستىرۋعا مۇمكىندىك جاسادى.
ەمدەلۋدى ونان ارى قولايلىلاستىرۋعا مۇمكىندىك جاسادى
”بۇرىن ۇلكەن شيپاحانالارعا بارىپ اۋرۋ كورسەتۋدەن قورقاتىنمىن، عيماراتتان عيماراتقا شىعىپ - ءتۇسىپ، توتەنشە قولايسىز بولاتىن“. 12 - ايدىڭ 1 - كۇنى اۆتونوميالى رايوندىق حالىق شيپاحاناسىنىڭ ”ءبىر بەكەتتىك ناۋقاستارعا قىزمەت وتەۋ ورتالىعىندا“ جۇبايىنىڭ اۋرۋىن كورسەتۋگە كەلگەن لي گۇيفىن تەبىرەنە: ”قازىر ءبىر قىزمەت وتەۋ ورتالىعى - اق ماسەلەنى شەشىپتى، توتەنشە قولايلى بولدى“، - دەدى.
اۆتونوميالى رايوندىق حالىق شيپاحاناسىنىڭ ”ءبىر بەكەتتىك ناۋقاستارعا قىزمەت وتەۋ ورتالىعى“ ەرىكتىسىنىڭ نۇسقاۋىندا، ناۋقاستار مەن ءۇي ىشىندەگىلەر شيپاحانا توسەگىنە تارتىپپەن الدىن الا ۋادەلەسىپ، امبولاتوريا اقىسىن سۇراپ جاتتى؛ قىزمەتكەرلەر ۋاقىتتى مىقتى ۇستاپ ناۋقاستارعا امبولاتوريا اۋرۋ تاريحىن باسىپ بەرىپ، مەديتسينالىق دياگنوز قويۋ ىسپاتتاماسىنا تاڭبا باسىپ، ەمدەۋ قامسىزداندىرۋىن تەكسەردى. سونىمەن بىرگە شينجياڭنان سىرت جەردەگى ناۋقاستارعا پويەز بەلەتىن، ۇشاق بەلەتىن، ت . ب ساتىپ الىپ بەردى.
”ءبىر بەكەتتىك ناۋقاستارعا قىزمەت وتەۋ ورتالىعىندا ’تۇڭعىش قابىلداۋعا جاۋاپتى بولۋ ءتۇزىمىن‘ قولدانىپ، ناۋقاس كاسىپتىك تەرەزەلەرگە قاتە بارعان كۇندە دە، قىزمەتكەرلەر وعان سوڭىنا دەيىن قىزمەت وتەيدى“، - دەدى اۆتونوميالى رايوندىق حالىق شيپاحاناسى ەمدەۋ ىستەرى ءبولىمىنىڭ ورىنباسار مەڭگەرۋشىسى، امبولاتوريا ءبولىمىنىڭ مەڭگەرۋشىسى ياڭ ۋىن.
”مەن بۇقارا ءۇشىن ناقتى ءىس ىستەيمىن“ امالياتتىق قيمىلىندا رايونىمىزدىڭ ەمدەۋ، دەنساۋلىق ساقتاۋ قۇرىلىمدارى تولىق تەكسەرۋ - زەرتتەۋ جۇرگىزۋ نەگىزىندە ءتىزىمدى اشالاپ، ناۋقاستاردىڭ ەمدەلۋ بارىسىنداعى كەسىرگە، بوگەتكە قاراتا ەمدەۋ ءتارتىبىن ساپالىلاندىرىپ، قىزمەت وتەۋ ساپاسىن جوعارىلاتتى.
شيپاحانادا توسەك تاپشى بولۋ، ناۋقاستاردىڭ شيپاحاناعا جاتۋ ۋاقىتى ۇزاق بولۋ سياقتى ماسەلەلەردى ءونىمدى شەشۋ ءۇشىن، رايونىمىزداعى ۇلكەن شيپاحانالار كۇندىزگى وپەراتسيا ورتالىعىن قۇرىپ، ەمدەۋ بايلىعىنىڭ بارىنشا پايدالانىلۋ مولشەرىن جۇزەگە اسىرۋمەن بىرگە، ناۋقاستاردىڭ ەمدەلۋىنە قولايلىلىق جاساپ، ناۋقاستاردىڭ ەكونوميكالىق اۋىرتپالىعىن جەڭىلدەتتى.
”بۇرىن تاس بايلانۋ تۇرىندەگى ناۋقاستار 5 كۇندە بارىپ شيپاحانادان شىعاتىن، ال قازىر كۇندىز وپەراتسيا جاساتقاننان كەيىن، حاۋىپسىز باقىلاۋ مەرزىمى وتسە بولعانى، ءبىر تاۋلىك ىشىندە شيپاحانادان شىعىپ، ۇيگە قايتىپ وپەراتسيادان كەيىن دەنساۋلىعىن قالپىنا كەلتىرە الادى“، - دەدى شينجياڭ مەديتسينا داشۋەسىنە قاراستى 1 - شيپاحانا كۇندىزگى وپەراتسيا ورتالىعىنىڭ سەسترالار باستىعى جاۋ يانجۇن.
”ۇعىسۋ، تيىمدىلىك جاساۋ، توعىستىرۋ“ بويىنشا ارالاپ ءجۇرىپ ەمدەۋ اترەتىن قۇرۋ، الەۋمەتتىك يگىلىك قۇتقارۋ - كومەكتەسۋ نىسانىن بەلسەنە قولعا كەلتىرۋ، ەمدەۋ ماماندارىن اتىز باسىنا، كاسىپورىندارعا، زاۆودتارعا، كەندەرگە، الەۋمەتتىك اۋماقتارعا، مەكتەپتەرگە دەنساۋلىق جونىندە ۇگىت تاربيە جۇرگىزۋگە تاڭداپ جىبەرۋ... ناقتى ىستەر ءار ۇلت بۇقاراسىنىڭ ەمدەۋ سەزىنىسىن ۇزدىكسىز جوعارىلاتتى.
