انار بۇلت / شينجياڭ گازەتىنىڭ ءتىلشىسى لي شيڭ 12 - ايدىڭ 1 - كۇنى ۇرىمجىدەن حابارلايدى. 12 - ايدىڭ 1 - كۇنى شينجياڭ ۇيعۇر اۆتونوميالى رايونىنىڭ ”زورلىقپەن ەڭبەككە سالۋ“ دەگەنگە تويتارىس بەرۋ ارناۋلى اقپار جاريالاۋ ماجىلىسىندە اۆتونوميالى رايوندىق ءتۇستى مەتال كاسىبى قوعامىنىڭ باس حاتشىسى پان سۇنشياڭ اۆتونوميالى رايوندىق ءتۇستى مەتال كاسىبى قوعامى، كرەمني كاسىبى بولىمشە قوعامى جانە قاراستى بارلىق كاسىپورىندار اتىنان امەريكانىڭ، باتىستىڭ جۇڭگوعا قارسى كۇشتەرىنىڭ قۇتىرىنا جالا جابۋىنا قاتتى كەكتەنەتىندىگىن جانە باتىل قارسى تۇراتىندىعىن ءبىلدىردى!
بيىل جىل باسىندا حالىقارالىق كۇن ەنەرگياسى كاسىبى ۇيىمدارى، زەرتتەۋ قۇرىلىمدارى ايتىلمىس ”زورلىقپەن ەڭبەككە سالۋعا قارسى تۇرۋ“ بىرلەستىگىن قۇرعاندىعىن جاريالاپ، نايزا ۇشىن جۇڭگو شينجياڭىنىڭ فوتوۆولت كاسىپ سالاسىنا قاراتىپ، شينجياڭنىڭ ماقتا كاسىپ سالاسىنا سوققى بەرۋ تاسىلىنەن پايدالانىپ، شينجياڭنىڭ فوتوۆولت كاسىپ سالاسىنا ”زورلىقپەن ەڭبەككە سالۋ“ قالپاعىن كيگىزىپ، شينجياڭنىڭ فوتوۆولت كاسىپ سالاسىنىڭ دامۋىن تەجەپ، جۇڭگونىڭ الەمدىك فوتوۆولت كاسىپ سالاسى قۇن تىزبەگى سەلبەستىگىنە ات سالىسۋىن بۇلدىرۋگە ۇرىندى.
”كوپ كريستالدى كرەمنيدى ءوندىرۋ ەڭبەك شوعىرلانعان كاسىپ سالاسىنا جاتپايدى“. پان سۇنشياڭ بىلاي دەدى: كەيبىر شەتەل اقپارات قۇرالدارىنىڭ تىلشىلەرى سول جەردىڭ وزىندە شينجياڭنىڭ كوپ كريستالدى كرەمني ءوندىرۋ بازاسىنا تىلشىلىك جاساپ، ەشقانداي ”زورلىق“ بەلگىلەرىن بايقامادى، شينجياڭنىڭ جوعارى دارەجەدە اۆتوماتتاندىرىلعان جانە سيفرلاندىرىلعان وسى زامانعى زاۆودتارىنا جوعارى باعا بەردى.
قازىر شينجياڭنىڭ كوپ كريستالدى كرەمني كاسىپورىندارىنىڭ ءبارى حالىقارالىق وزىق ورەگە جەتىپ، جوعارى دارەجەدە اۆتوماتتاندىرۋدى جانە سيفرلاندىرۋدى جۇزەگە اسىرىپ، 5G تەحنيكاسى ءوندىرىس بارىسىندا قولدانىلدى. ءوندىرۋ بارىسىنداعى كوپ ساندى جۇمىستار كومپيۋتەرمەن ورىندالادى، ءارقايسى ءوندىرۋ بۋىندارى قىرۋار قىزمەتكەردىڭ قولمەن جۇمىس ىستەۋىن قاجەت ەتپەيدى. ۇگىتۋ جانە قوراپتاۋ بۋىنىن مىسالعا الساق، اۆتوماتتاندىرۋ جابدىقتارىنىڭ ەنگىزىلۋىنە ىلەسە، قاجەت ەتەتىن ادام كۇشى 10 جىلدىڭ الدىنداعىمەن سالىستىرعاندا ％50 ازايدى.
”فوتوۆولت كاسىپ سالاسى جات نيەتپەن كۇيە جاعۋدى ەمەس، اناعۇرلىم كوپ سەلبەسۋدى قاجەت ەتەدى“. پان سۇنشياڭ بىلاي دەدى: ”قورعان تۇرعىزباۋدى“، ”اۋاشالانباۋدى“، حالىقارالىق ساۋدا ەرەجەلەرى مەن بازار شارۋاشىلىعى پرينسيپتەرىنە قايشىلىق جاساماۋدى ءۇمىت ەتەمىز، ول الەمدىك كاسىپ سالاسى تىزبەگىن، قامداۋ تىزبەگىن ءبۇلدىرىپ قالماستان، امەريكانى قامتىعان ءار ەل كاسىپورىندارى مەن تۇتىنۋشىلاردىڭ ۇقىق - مۇددەسىن زياندايدى.
حالىقارالىق كۇن ەنەرگياسى كاسىبى ۇيىمدارى، زەرتتەۋ قۇرىلىمدارى، سونداي - اق قاتىستى ەلدەردىڭ فوتوۆولت كاسىپورىندارى سياقتىلارداعى دوس قايراتكەرلەردىڭ شينجياڭعا ساپارلاي كەلۋىن، تەكسەرۋ جۇرگىزۋىن قارسى الۋمەن بىرگە، پان سۇنشياڭ بىلاي دەپ باسا دارىپتەدى: شينجياڭنىڭ فوتوۆولت كاسىپ سالاسى زاڭ بويىنشا تىركەلىپ، زاڭ بويىنشا، ەرەجە بويىنشا ءوندىرىس، تيجارات جۇرگىزىپ، قوعامدىق جاۋاپكەرشىلىگىن باستان - اياق ادالدىقپەن اتقارىپ، ساۋدا ءمورال ولشەمدەرىنە بويسۇنىپ، ءار ۇلت قىزمەتكەرلەرىنىڭ ۇقىق - مۇددەلەرىن زاڭ بويىنشا قامتاماسىزداندىردى، ايتىلمىس ”زورلىقپەن ەڭبەككە سالۋ“ سياقتى ماسەلەلەر مۇلدەم ءومىر سۇرگەن جوق.
اقپار جاريالاۋ ءماجىلىسىنىڭ جۇرگىزۋشىسى حۋ جىچۇن مىنانى ءبىلدىردى: امەريكاداعى، باتىستاعى جۇڭگوعا قارسى كۇشتەر شينجياڭعا ساياتىن ”زورلىقپەن ەڭبەككە سالۋ“ ساندىراعىن ويدان قيىستىرىپ، شينجياڭنىڭ قاتىستى كاسىپ سالاسى مەن كاسىپورىندارىنا قۇتىرىنا قىسىم جاسادى، ءتۇبىرلى ماقساتى − شينجياڭعا ”كاسىپ سالاسىن جويۋ“ جۇرگىزۋگە ۇرىنىپ، جۇڭگونىڭ الەمدىك قۇن تىزبەگى سەلبەستىگىنە ات سالىسۋىن ءبۇلدىرىپ، جۇڭگو كاسىپورىندارىنىڭ حالىقارالىق باسەكەلىك قۋاتىن السىرەتىپ، جۇڭگونى دۇنيە ءجۇزى بازارىنان ىعىستىرىپ، اناعۇرلىم زور كولەمدە ”شينجياڭ ارقىلى جۇڭگونى شاۋجايلاۋ“ ماقساتىن جۇزەگە اسىرۋ. شينجياڭ جاق پارمەندى شارالار ارقىلى باتىلدىقپەن قايتارما سوققى بەرىپ، جۇڭگوعا قارسى كۇشتەرمەن سوڭىنا دەيىن كۇرەسۋگە انت بەرەدى.
