تيانشان تورى   ›   جاڭالىقتار   ›   سۋرەتتى حابار

نازاردى باس نىساناعا شوعىرلاندىرىپ، جاڭا دامۋ ۇستانىمىن دايەكتىلەندىرىپ، جوعارى ساپالى دامۋدى ىلگەرىلەتىپ، ەكونوميكالىق، قوعامدىق دامۋدىڭ تۇتاس جىلداعى باستى نىسانا - مىندەتتەرىن قۇلشىنا ورىنداۋ كەرەك

  اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسى باس شۋجي شي جينپيڭنىڭ ورتالىق رەفورمانى جاپپاي تەرەڭدەتۋ كوميتەتىنىڭ 22 - رەتكى ماجىلىسىندە سويلەگەن ماڭىزدى ءسوزىنىڭ رۋحىن جەتكىزدى، ۇيرەندى، بۇكىل رايوننىڭ ەكونوميكالىق اينالىم قىزمەتىن اقىلداستى

  نازاردى باس نىساناعا شوعىرلاندىرىپ، جاڭا دامۋ ۇستانىمىن دايەكتىلەندىرىپ، جوعارى ساپالى دامۋدى ىلگەرىلەتىپ، ەكونوميكالىق، قوعامدىق دامۋدىڭ تۇتاس جىلداعى باستى نىسانا - مىندەتتەرىن قۇلشىنا ورىنداۋ كەرەك

  چىن چۋانگو ءماجىلىستى باسقاردى

  انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 12 - ايدىڭ 2 - كۇنى ۇرىمجىدەن حابارلايدى. 12 - ايدىڭ 2 - كۇنى اۆتونوميالى رايوندىق پارتكوم تۇراقتى كوميتەت (كەڭەيتىلگەن) ءماجىلىسىن اشىپ، باس شۋجي شي جينپيڭنىڭ ورتالىق رەفورمانى جاپپاي تەرەڭدەتۋ كوميتەتىنىڭ 22 - رەتكى ماجىلىسىندە سويلەگەن ماڭىزدى ءسوزىنىڭ رۋحىن جەتكىزدى، ۇيرەندى، بيىل جىل باسىنان بەرگى بۇكىل رايوننىڭ ەكونوميكالىق اينالىم جاعدايى جونىندەگى مالىمەتتى تىڭدادى، بۇكىل رايوننىڭ ەكونوميكالىق اينالىم قىزمەتىن اقىلداستى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.

  ءماجىلىس مىنالاردى اتاپ كورسەتتى: باس شۋجي شي جينپيڭنىڭ ورتالىق رەفورمانى جاپپاي تەرەڭدەتۋ كوميتەتىنىڭ 22 - رەتكى ماجىلىسىندە سويلەگەن ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، پارتيا ورتالىق كوميتەتىنىڭ رەفورمانى جاپپاي تەرەڭدەتۋ جونىندەگى ءتۇرلى شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، رەفورمانىڭ ورنىقتىلىق، دامۋ ىستەرىنە اناعۇرلىم ويداعىداي قىزمەت وتەۋىن ىلگەرىلەتۋ كەرەك. رەفورما تاباندىلىعىن ساقتاپ، رەفورما سەنىمىن بەكەمدەپ، رەفورما تۇراقتىلىعىن ساقتاپ، رەفورما باتىلدىعىن كۇشەيتىپ، رەفورما بىرىككەن كۇشىن ۇيىستىرىپ، رەفورمانى جاپپاي تەرەڭدەتۋدى اناعۇرلىم زور تەبىنمەن ىلگەرىلەتىپ، ءتۇرلى رەفورمانى جاڭا دامۋ ارناسىن قالىپتاستىرۋدى ىلگەرىلەتۋگە قاراي ۇزدىكسىز شوعىرلاندىرۋ، كۇش سالۋ كەرەك. رەفورمانىڭ ناقتى ونىمدىلىگىن تەرەڭدەتىپ، رەفورمانىڭ ستراتەگيالىق سيپاتىن، بولجامپازدىق سيپاتىن، باعىتتامالىلىق سيپاتىن ونان ارى جوعارىلاتىپ، تياناقتاندىرۋدى مىقتى يگەرۋ، ناقتى ونىمدىلىككە قول جەتكىزۋ جاعىندا سەرپىندى ارتتىرۋ، قارقىندى تەزدەتۋ، ءتىپتى دە تەرەڭدەتۋ، رەفورمانى جاپپاي تەرەڭدەتۋدىڭ شەشۋشى رولىن اناعۇرلىم ويداعىداي ساۋلەلەندىرۋ كەرەك.

  ءماجىلىس مىنانى اتاپ كورسەتتى: بيىل جىل باسىنان بەرى بۇكىل رايوننىڭ ەكونوميكاسى جالپى جاقتان ورنىقتىلىق بارىسىندا جاقسارىپ، مەجەدەگىدەن جاقسى بولىپ، ”14 - بەسجىلدىقتا“ جاقسى باستاما باستاۋدى جۇزەگە اسىردى. ءماجىلىس مىنالاردى باسا دارىپتەدى: ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن جانە ورتالىقتىڭ ەكونوميكالىق قىزمەت ءماجىلىسىنىڭ، 3 - رەتكى ”ءبىر بەلدەۋ، ءبىر جول“ قۇرىلىسى اڭگىمە ءماجىلىسىنىڭ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، قولايلى ساتتەن پايدالانىپ، ەكونوميكانىڭ جوعارى ساپالى دامۋىن ىلگەرىلەتىپ، ەكونوميكالىق، قوعامدىق دامۋدىڭ تۇتاس جىلداعى باستى نىسانا - مىندەتتەرىن قۇلشىنا ورىنداپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الۋ كەرەك. دۇرىس دامۋ بەتالىسىنا تاباندى بولىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن تولىق، دالمە - ءدال، جالپى بەتتىك دايەكتىلەندىرىپ، جاڭا دامۋ ارناسىنا قىزمەت وتەپ جانە توعىسىپ، ورىن مەن سالىستىرمالى ارتىقشىلىقتى شىن مانىندە ءدال تاۋىپ، ەكونوميكالىق قىزمەتتىڭ ىرىقتىلىق ۇقىعىن مىقتاپ يگەرۋ كەرەك. جاڭا قوزعاۋشى قۋاتتى، جاڭا باسىمدىقتى جەتىلدىرىپ، قامداۋ جاعىنداعى قۇرىلىمدىق رەفورمانى تەرەڭدەتىپ، جاڭالىق اشۋ ارقىلى دامۋعا دەم بەرۋدى كۇشەيتىپ، ءداستۇرلى كاسىپتەردىڭ تيبىن وزگەرتىپ، دارەجەسىن جوعارىلاتۋدى جانە ستراتەگيالىق جاڭادان گۇلدەنگەن كاسىپتەردىڭ دامۋىن، زورايۋىن ءبىر تۇتاس جوسپارلاپ، ناقتى ەكونوميكانى ناقتىلاندىرىپ، كۇشەيتىپ، ساپالىلاندىرىپ، ءونىمدى قارجى قوسۋدى ۇزدىكسىز كەڭەيتىپ، كەشكى ەكونوميكانىڭ اقاۋسىز دامۋىن ىلگەرىلەتىپ، قالا مەن اۋىلدىڭ تۇتىنۋىن ۇزدىكسىز گۇلدەندىرىپ، ەنەرگيامەن قامداۋدى قامتاماسىز ەتۋدى كۇشەيتىپ، جوعارى ساپالى دامۋدىڭ قوزعاۋشى كۇشىن، ومىرشەڭدىك كۇشىن ءونىمدى جانداندىرۋ كەرەك. كاسىپ سالاسىنىڭ دامۋ دەڭگەيىن جوعارىلاتىپ، جۇمىستانۋ بەتالىسىن كۇشەيتىپ، 10 ءىرى كاسىپ سالاسىن كۇش سالا دامىتىپ، ەرەكشە باسىمدىققا يە كاسىپ سالاسىن زورايتىپ، ەڭبەك شوعىرلانعان كاسىپ سالالارىن كۇش سالا دامىتىپ، اۋىل شارۋاشىلىعىنىڭ ساپاسىن جوعارىلاتىپ، ونىمدىلىگىن ارتتىرۋدى، ونەركاسىپتىڭ نەگىزىن كۇشەيتىپ، ونىمدىلىگىن ارتتىرۋدى جانە تيبىن جاڭالاپ، دارەجەسىن جوعارىلاتۋدى ىلگەرىلەتىپ، وسى زامانعى قىزمەت وتەۋ كاسىبىنىڭ دامۋىن ىلگەرىلەتىپ، كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعى مەن وسىزاماندانۋ دەڭگەيىن ۇزدىكسىز جوعارىلاتۋ كەرەك. رەفورما جاساپ، ەسىك اشۋدى ۇزدىكسىز تەرەڭدەتىپ، ءتۇيىندى سالالار مەن شەشۋشى بۋىندار رەفورماسىن ءبىر تۇتاس جوسپارلاپ، رەفورمانىڭ جۇيەلى شوعىرلانۋى مەن سايكەستى، جوعارى ءونىمدى بولۋىن كۇشەيتىپ، جاڭا دامۋ ارناسىن قالىپتاستىرۋعا قۋاتتى قوزعاۋشى كۇش ازىرلەۋ كەرەك؛ جوعارى ولشەمدى، باياندى، حالىق تۇرمىسىنا تيىمدىلىك جاساۋدى نىسانا ەتىپ، كەلەلى نىسانداردىڭ تياناقتانىپ ونىمدىلىك كورسەتۋىن ىلگەرىلەتىپ، ”ءبىر پورت“، ”ەكى رايون“، ”بەس ۇلكەن ورتالىق“، ”شەكارا وتكەلى ەكونوميكالىق بەلدەۋى“ قۇرىلىسىن كۇش سالا ىلگەرىلەتىپ، جىبەك جولى ەكونوميكالىق بەلدەۋى وزەكتى رايونىن جەدەل قۇرىپ، ىشكى قۇرلىقتىق ەسىك اشۋ مەن شەكارالىق ەسىك اشۋدىڭ بيىگىن قالىپتاستىرۋ كەرەك. اۋىل - قىستاقتى گۇلدەندىرۋدى جالپى بەتتىك ىلگەرىلەتىپ، قايتالاي كەدەيلەسۋدەن ساقتانۋدى قاداعالاۋ جانە كومەكتەسۋ - سۇيەمەلدەۋ ءتۇزىمى مەحانيزمىن اقاۋسىزداندىرىپ، كەمەلدەندىرىپ، اۋىل - قىستاق كاسىپ سالالارىن زورايتىپ، اۋىل - قىستاق رەفورماسىن جانە اۋىل - قىستاق قۇرىلىسىن ىلگەرىلەتىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋدى جاپپاي ىلگەرىلەتۋمەن ءونىمدى ۇشتاستىرۋدى جەدەلدەتۋ كەرەك. حالىق تۇرمىسىنىڭ ىرىس - قۇتىن ۇزدىكسىز ارتتىرىپ، حالىقتى وزەك ەتكەن دامۋ يدەياسىنا تاباندى بولىپ، حالىققا تيىمدىلىك جاساۋ ينجەنەرياسىن ۇزدىكسىز ىشكەرىلەي اتقارىپ، ورنىقتى جۇمىستاندىرۋدى كورنەكتى تۇردە ويداعىداي يگەرىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز جوعارىلاتۋ كەرەك. قالا - قالاشىقتاندىرۋ قۇرىلىسىنىڭ ساپاسىن جوعارىلاتىپ، ادامدى وزەك ەتكەن جاڭاشا قالا - قالاشىقتاندىرۋدى ىلگەرىلەتىپ، ءۇرىمجى قالا شەڭبەرىن جەتىلدىرىپ، سولتۇستىك شينجياڭ قالا بەلدەۋىن قۇرىپ، وڭتۇستىك شينجياڭ قالا شوعىرىن قالىپتاستىرىپ، قالا مەن اۋىلدىڭ توعىسپالى دامۋىن جەدەلدەتۋ كەرەك. ەكولوگيالىق ورتانى قورعاۋدى كۇشەيتىپ، تۇنىق سۋ، جاسىل تاۋ − باعالى بايلىق ۇستانىمىن بەرىك ورناتىپ، كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ قىزمەتىن تارتىپپەن ىلگەرىلەتىپ، تاۋ، سۋ، ورمان، اتىز، كول، جايلىم، قۇمدى ءبىر تۇلعالاندىرىپ قورعاۋعا جانە جۇيەلى جونگە سالۋعا تاباندى بولىپ، اشىق اسپاندى، تۇنىق سۋدى، تازا توپىراقتى قورعاۋ شايقاسىن ۇزدىكسىز ويداعىداي جۇرگىزىپ، ”ەكى جوعارى“ نىسانداردىڭ كوزسىزدىكپەن دامۋىن باتىل تەجەپ، ەكونوميكالىق، قوعامدىق دامۋدىڭ جاپپاي جاسىلعا تيبىن وزگەرتۋدى ىلگەرىلەتۋ كەرەك. قازىنا، باجى، فينانس قىزمەتىن ويداعىداي ىستەپ، قازىنا بايلىعىن ءبىر تۇتاس جوسپارلاۋدى كۇشەيتىپ، قازىنالىق قارجىنىڭ ورنالاسۋى مەن قازىنالىق شىعىس قۇرىلىمىن ساپالىلاندىرىپ، فينانستىڭ ناقتى ەكونوميكاعا قىزمەت وتەۋ قابىلەتىن ۇزدىكسىز جوعارىلاتۋ كەرەك. ءتۇيىندى قىزمەتتەردى ءبىر تۇتاس جوسپارلاپ ىلگەرىلەتىپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ، قوعام ورنىقتىلىعى، ىندەتتەن ساقتانۋ - تىزگىندەۋدى ۇدايىلاندىرۋ، ءوندىرىس حاۋىپسىزدىگى قىزمەتىن تىڭعىلىقتى ويداعىداي ىستەپ، كەلەر جىلعى قىزمەتتەردى عىلمي جوسپارلاپ، ورگانيكالى ۇشتاستىرۋدى جۇزەگە اسىرىپ، بيىلعى جىلدى تابىستى اياقتاتۋعا جانە كەلەسى جىلدا جاقسى باستاما باستاۋعا تاماشا ورتا ازىرلەۋ، بەرىك نەگىز قالاۋ كەرەك.

     ءماجىلىس باسقا دا ىستەردى اقىلداستى.

  ەركىن تۇنياز، شاۋكەت يمىن، نۇرلان ءابىلماجىن، حى جۇڭيوۋ، جاڭ جۋ، تيان شياڭلي، چىن ۋيجۇن، ۋاڭ ميڭشان، ءزۇمىرات وبۇل، ياڭ فاسىن، ەلزات احمەتجان، قادەن كابەن قاتارلىلار ماجىلىسكە قاتىناستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.