جالپى ءماجىلىس رۋحىنىڭ بارشا جۇرتقا جەتكىزىلىپ، جۇرەكتەرگە تەرەڭ ۇيالاۋىن ىلگەرىلەتتى
− اۆتونوميالى رايوننىڭ ۇگىت لەكسيا ۇيىرمەسى جەر - جەرگە بارىپ، پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحى جونىندە ۇگىت لەكسيا جاسادى
□ انار بۇلت / شينجياڭ گازەتىنىڭ تىلشىلەرى
تاياۋ كۇندەردەن بەرى پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى اۆتونوميالى رايوننىڭ ۇگىت لەكسيا ۇيىرمەسىنىڭ بايانداما جاساۋ ءماجىلىسى قاشقار ايماعىندا، بايىنعولين موڭعۇل اۆتونوميالى وبلىسىندا، التاي ايماعىندا وتكىزىلدى، اۆتونوميالى رايوننىڭ ۇگىت لەكسيا ۇيىرمەسىنىڭ مۇشەلەرى ۇگىت لەكسيا بايانداماسىن جاساپ، جالپى ءماجىلىس رۋحىن جان - جاقتى ءتۇسىندىردى ءارى نەگىزگى ساتىداعى كادر - بۇقارامەن ءوزارا پىكىر اۋىستىرىپ، اۋىس - كۇيىس جاساپ، كوپشىلىك كوڭىل ءبولىپ وتىرعان ماسەلەلەر جونىندەگى سۇراۋلارعا سول جەردىڭ وزىندە ەگجەي - تەگجەيلى جاۋاپ بەرىپ، ءتۇسىندىرىپ، جالپى ءماجىلىس رۋحىنىڭ بارشا جۇرتقا جەتكىزىلىپ، جۇرەكتەرگە تەرەڭ ۇيالاۋىن ىلگەرىلەتتى.
”جالپى ءماجىلىستىڭ ەڭ كەلەلى جەتىستىگى «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارىن» قاراپ ماقۇلداعاندىعى بولدى“. 11 - ايدىڭ 30 - كۇنى پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى اۆتونوميالى رايوننىڭ ۇگىت لەكسيا ۇيىرمەسىنىڭ بايانداما جاساۋ ءماجىلىسى قاشقار قالاسىندا وتكىزىلدى، اۆتونوميالى رايوننىڭ ۇگىت لەكسيا ۇيىرمەسىنىڭ مۇشەسى، شينجياڭ قازىنا - ەكونوميكا داشۋەسى پارتكومىنىڭ ورىنباسار شۋجيى حى پيڭ قاشقار ايماعىنداعى قالىڭ پارتيالى كادرلارعا ۇگىت لەكسيا بايانداماسىن جاساپ، شينجياڭنىڭ ءىس جۇزىندىگىنە بىرلەستىرە وتىرىپ جالپى ءماجىلىس رۋحىن جۇيەلى ءتۇسىندىردى. ۇگىت لەكسيانى تىڭداعاننان كەيىن، قاشقار ايماقتىق پارتكومنىڭ شۋجيى لي نيڭپيڭ مىنالاردى ءبىلدىردى: ايماعىمىز جوعارىدان تومەنگە دەيىن جالپى ءماجىلىس رۋحىن ۇيرەنۋدى، ۇگىتتەۋدى، دايەكتىلەندىرۋدى كەلەلى ساياسي مىندەت ەتىپ، نازاريامەن قارۋلانۋدى ۇزدىكسىز تەرەڭدەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، باس نىسانانى مىقتى يگەرىپ، پارتيا تاريحىن ۇيرەنۋ تاربيەسىن تەرەڭدەتىپ، كەڭەيتىپ، ورنىقتىلىقتىڭ، دامۋدىڭ ءتۇرلى قىزمەتتەرىن ويداعىداي ىستەپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىنىڭ قاشقاردا تياناقتانىپ تامىر تارتۋىن ىلگەرىلەتەدى.
سول كۇنى تۇستەن كەيىن، حى پيڭ قاشقار قالاسى پاقتاكلا اۋىلىنا ورنالاسقان 100 جىلدىق قاشقار سارايىنا بارىپ، نەگىزگى ساتىداعى كادر - بۇقارامەن بەتپە - بەت وتىرىپ اڭگىمەلەستى، حالىققا جاناسىمدى ۇگىت لەكسيا كوپشىلىكتى ەرەكشە اسەرلەندىردى. ”بۇل ءبىر توتەنشە اسەرلى جالپى ءماجىلىس رۋحىن پىسىقتاۋ ساباعى بولدى“. ساقا پارتيا مۇشەسى عوپۇر قادىر اسەرلەنە بىلاي دەدى: جۇڭگو كوممۋنيسىتك پارتياسى بولماسا، جاڭا جۇڭگو دا بولماق ەمەس، پارتيا 18 - قۇرىلتايىنان بەرى ءار ۇلت بۇقاراسىنىڭ تۇرمىسى بارعان سايىن شالقي ءتۇستى، كوپشىلىك پارتيا ورتالىق كوميتەتىنىڭ پارمەندى باسشىلىعىندا، شينجياڭنىڭ بولاشاعىنىڭ، ءسوز جوق، ءتىپتى دە تاماشا بولاتىندىعىنا كامىل سەنەدى!
12 - ايدىڭ 1 - كۇنى پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى اۆتونوميالى رايوننىڭ ۇگىت لەكسيا ۇيىرمەسىنىڭ بايانداما جاساۋ ءماجىلىسى التاي قالاسىندا وتكىزىلدى، اۆتونوميالى رايوننىڭ ۇگىت لەكسيا ۇيىرمەسىنىڭ مۇشەسى، اۆتونوميالى رايوندىق وقۋ - اعارتۋ مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى قايرات ۇگىت لەكسيا بايانداماسىن جاسادى. باياندامانىڭ مازمۇنى باي، ماڭىزدى ءتۇيىنى كورنەكتى، اسەرلى دە جاندى بولىپ، ماجىلىسكە قاتىناسقان كادر - بۇقارا تەرەڭ تۇسىنىككە يە بولدى. بايانداما جاساۋ ءماجىلىسى التاي ايماعىنىڭ ءارقايسى اۋداندارىندا (قالا، كورىنىس ءوڭىرى)، اۋىلدارىندا (قالاشىق، فەرما، ءمالى) بەينە ەكران فورماسىندا اشىلدى.
”پارتيانىڭ الدىڭعى ەكى تاريحي قارارىنىڭ نەگىزگى بايىمداۋلارى مەن تۇجىرىمدارىن كۇنى بۇگىنگە دەيىن ءباز - باياعىداي جارامدى پايدالانىپ وتىرعاندىعىن قالاي تۇسىنۋگە بولادى؟“، ”نە ءۇشىن شي جينپيڭ جاڭا ءداۋىر جۇڭگوشا سوتسياليزم يدەياسى ماركسيزمنىڭ جۇڭگوشالانۋىنىڭ تىڭ سەكىرۋى دەيمىز؟“... سول كۇنى تۇستەن كەيىن، قايرات التاي قالاسى قىزىلتاس قالاشىعى ساياتەرەك قىستاعىنا ورنالاسقان ”قورجا“ مادەنيەت ۇلكەن اۋلاسىنا، التاي قالاسى جياڭجۇنشان شاڭعى الاڭىنا جانە شاشۋ جولى مالىسىنە بارىپ، نەگىزگى ساتىداعى كادىر - بۇقارامەن بىرگە قورالانا وتىرىپ، كوپشىلىكتىڭ سۇراعان سۇراۋلارىنا جاۋاپ بەردى، ورتا قىزۋ مەرەيگە شومدى.
”ۇگىت لەكسيانى تىڭداعاننان كەيىن، جالپى ءماجىلىس رۋحى جونىندە ءتىپتى دە تەرەڭ تانىمعا جانە تۇسىنىككە يە بولدىم“. التاي قالاسى قىزىلتاس قالاشىعىنىڭ دومبىرا ۇگىت لەكسيا شاعىن اترەتىنىڭ مۇشەسى سەرعازى توقتىباي مىنانى ءبىلدىردى: ەستىگەندەرىمدى، ۇيرەنگەندەرىمدى دومبىرادا ۇگىت لەكسيا جاساۋمەن توعىستىرىپ، پارتيانىڭ ءۇنىن دەر كەزىندە بۇقارانىڭ جۇرەگىنە جەتكىزەمىن.
12 - ايدىڭ 1 - كۇنى پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى اۆتونوميالى رايوننىڭ ۇگىت لەكسيا ۇيىرمەسىنىڭ بايانداما جاساۋ ءماجىلىسى كورلا قالاسىندا وتكىزىلدى. اۆتونوميالى رايوننىڭ ۇگىت لەكسيا ۇيىرمەسىنىڭ مۇشەسى، اۆتونوميالى رايوندىق پارتكوم پارتيا مەكتەبىنىڭ (اكىمشىلىك شۋەيۋانى) ورىنباسار باستىعى (ورىنباسار شۋەيۋان باستىعى) دۋان لياڭ بايىنعولين وبلىسىنداعى قالىڭ پارتيالى كادرلارعا ۇگىت لەكسيا بايانداماسىن جاسادى. دۋان لياڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن قورىتىندىلاۋدىڭ كەلەلى ماڭىزىن تەرەڭ تانۋ، پارتيانىڭ 100 جىلدىق كۇرەستەگى اۋەلگى ماقساتى مەن بورىشىن جانە كەلەلى تابىستارىن تەرەڭ تانۋ، جۇڭگوشا سوتسياليزمنىڭ جاڭا داۋىردەگى تاريحي تابىستارىن جانە تاريحي وزگەرىستەرىن تەرەڭ تانۋ جاقتارىن ءتۇيىندى ارقاۋ ەتىپ، جالپى ءماجىلىس رۋحى جونىندە جۇيەلى ۇگىت لەكسيا جانە تۇسىنىك جاسادى.
سول كۇنى تۇستەن كەيىن، دۋان لياڭ كورلا قالاسى جاڭا ءداۋىر وركەنيەتىن امالياتتا ايگىلەۋ ورتالىعىنا بارىپ، الەۋمەتتىك اۋماق قىزمەتكەرلەرىمەن، ۇگىت لەكسيا تىرەكتىلەرىمەن، بۇقارا ۋاكىلدەرىمەن بەتپە - بەت وتىرىپ اڭگىمەلەسىپ، پىكىر اۋىستىردى. ”ۇگىت لەكسيانى تىڭداپ، ءبىزدىڭ كۇش - قۋاتىمىز تاسقىندادى“. كورلا قالاسى سىلۋ ءمالىسى شاڭشۇيچىڭ الەۋمەتتىك اۋماعىنىڭ قىزمەتكەرى ءمارىپ يمىن مىنالاردى ءبىلدىردى: حالىقتى وزەك ەتۋ سىندى دامۋ يدەياسىنا باستان - اياق تاباندى بولىپ، ۇساق ىستەردەن باستاپ ىستەپ، بۇقاراعا شىن جۇرەكتەن، شىنايى سۇيىسپەنشىلىكپەن قىزمەت وتەيمىن.
(ءتىلشى جاڭ يانفاڭ، قاتىناسقان تىلشىلەر ۋاڭ نا، بايىنعولين وبلىسىنداعى تىلشىلەر پۋنكتىنەن ياڭ شياۋدۇڭ، ەرىكتى تىلشىلەر ۋاڭ ۋىنبو، چىن چاۋ، حۋ جۇنشيۋ، جاۋ شۋاڭ)
