انار بۇلت/ شينجياڭ گازەتىنىڭ تىلشىلەرى ما بويۇي، يان شياۋتيان 12 - ايدىڭ 2 - كۇنى ۇرىمجىدەن حابارلايدى. 11 - ايدىڭ 28 - كۇنى ورتالىق كوميتەت ۇگىت ءبولىمى، ورتالىق وركەنيەت كەڭسەسى، مەملەكەتتىك ايەلدەر بىرلەستىگى جىجياڭنىڭ جياشيڭىندا ”وتباسىندا وتباسى تاربيەسىن، وتباسى ستيلى قۇرىلىسىن كۇشەيتۋ قىزمەتىن ىلگەرىلەتۋ ءماجىلىسىن“ بىرلەسىپ اشتى، ماجىلىستە 2021 - جىلعى بۇكىل ەلدەگى ەڭ ارداقتى وتباسى بولعان 999 وتباسىنىڭ اتى ناق مايداندا جاريالاندى. شينجياڭ ۇيعۇر اۆتونوميالى رايونىنان 26 وتباسى، شينجياڭ ءوندىرىس - قۇرىلىس بيڭتۋانىنان 17 وتباسى قاتاردان ورىن الدى، ليۋ حۋ وتباسى، ما حۇڭكوۋ وتباسى قاتارلىلاردىڭ تىزىمدە اتى اتالدى.
وتباسى − قوعامنىڭ نەگىزگى كلەتكاسى، وتباسى ستيلى − وتباسىنىڭ رۋحاني وزەگى. ”بۇكىل ەلدەگى ەڭ ارداقتى وتباسىن“ باعالاۋ قىزمەتى جىلىنا ءبىر رەت جۇرگىزىلەدى. شينجياڭ مۇناي الابى سەرىكتەستىگى جۇندۇڭ مۇناي الۋ زاۆودى شاۋشان جۇمىس اۋماعىنىڭ مۇناي الۋشى جۇمىسشىسى اكىمجان مامەت ءوز وتباسىنىڭ تىزىمگە اتى ىلىنگەنىن بىلگەندە: ”مۇنداي داڭق اتاعىنا يە بولعانىمدى ماقتانىش سەزىنەمىن. وتباسى بەرەكەلى بولسا، ءىس ىلگەرى بولادى، كوممۋنيستىك پارتيا مۇشەسى رەتىندە، مەن قاجىرلى دا قاراپايىم، ەڭبەكشىل، العا ۇمتىلعىش وتباسى ستيلىن ۇزىكسىز جالعاپ، شينجياڭداعى باسقا وتباسىلارمەن بىرگە جاڭا داۋىردەگى جۇڭگوشا سوتسياليستىك شينجياڭ قۇرۋ جولىندا قۇلشىنا كۇرەسەمىن“، - دەدى.
”شينجياڭدى مادەنيەتپەن نارلەندىرۋدى وتباسىلارعا ەنگىزۋ“ قيمىلىن ۇزدىكسىز ىلگەرىلەتۋ ءۇشىن، اۆتونوميالى رايوندىق ايەلدەر بىرلەستىگى ”10 مىڭ وتباسىنىڭ شينجياڭ حيكاياسىن ويداعىداي ايتۋى“ قاتارلى قيمىلداردى ىلگەرىندى - كەيىندى ورىستەتىپ، شينجياڭ حيكاياسىن جان - جاقتىلى، ستەرەولدى بايانداپ، جۇڭحۋا ۇلتى ورتاق تۇلعا تانىمىن ءاربىر وتباسى مۇشەسىنىڭ جۇرەك تۇكپىرىنە ۇيالاتۋدى ىلگەرىلەتتى. كەلەسى قادامدا، اۆتونوميالى رايوندىق ايەلدەر بىرلەستىگى يدەيا - ساياسيمەن جەتەكشىلىك ەتۋدى كۇشەيتىپ، ”بارلىق وتباسىلار باقىتتى، امان - ەسەن بولۋ ينجەنەرياسىن“ اتقارىپ، رايونىمىز بۇقاراسىن وتباسىن ويداعىداي قۇرىپ، جاقسى وتباسى ستيلىن جالعاۋعا جەتەكتەيدى.
