اۆتونوميالى رايون تارباعاتاي ايماعى ارناۋلى اقپار جاريالاۋ ءماجىلىسىن اشتى
كەلسەڭ كەتكىڭ كەلمەس، كەتسەڭ ەسىڭنەن كەتپەس
انار بۇلت / شينجياڭ گازەتىنىڭ ءتىلشىسى لي شيڭ 12 - ايدىڭ 2 - كۇنى ۇرىمجىدەن حابارلايدى. عاجايىپ تا كورىكتى تيانشان ”كاريدورى“، بايىرعى دا تابيعي ساحارا كورىنىسى، ءدامى ءتىل ۇيىرەتىن ەرەكشە ءدامدى تاعامدار... اۆتونوميالى رايون 12 - ايدىڭ 2 - كۇنى اشقان تارباعاتاي ايماعى ارناۋلى اقپار جاريالاۋ ماجىلىسىندە، تاڭعاجايىپ تا كوركەم، الۋان بوياۋلى تارباعاتايدىڭ كورىنىسى كوپ ادامدى باۋرادى، اقپار جاريالاۋ ماجىلىسىنە قاتىناسقان 10 بۇقارا بەينە ەكراندا بايانداۋ ءتاسىلى ارقىلى ءتىپتى دە كوپ ادامنىڭ تارباعاتاي ايماعىنىڭ دامۋىن، وزگەرىسىن تۇسىنۋىنە، ءار ۇلت حالقىنىڭ ءبىر وتباسىنىڭ ادامدارىنداي باقىتتى تۇرمىسىن كورۋىنە مۇمكىندىك جاسادى.
وركەن وتباسى شاۋەشەك قالاسى قاراءدوڭ كوشەسى 5 - كوشەسىندە تۇرادى، بۇل ارادا 14 ۇلت تۇرمىس كەشىرەدى. كىشكەنتايىنان ءار ۇلت دوستارى ۇيلەرىنە كەلىپ مەيمان بولاتىن وركەننىڭ كوڭىلىنە ۇلتتار ىنتىماعى ءنارى ۇيالاعان بولاتىن. ول اقپار جاريالاۋ ماجىلىسىندە وتباسىنداعىلاردىڭ بىرگە تۇسكەن سۋرەتىن كورسەتىپ: ءبىزدىڭ وتباسىمىز 23 ادامنان قۇرالعان كوپ ۇلتتى ۇلكەن وتباسى، وتاۋلارىمىز ەركىن ماحابباتتاسۋ جولىمەن باستارىن قۇراعان، ءوزىم قىرعىز ۇلتىنانمىن، ايەلىم مەن ۇلكەن جەزدەم موڭعۇل ۇلتىنان، ۇلكەن كۇيەۋ بالام حانزۋ ۇلتىنان، ەكىنشى كۇيەۋ بالام قازاق ۇلتىنان، - دەپ تانىستىردى. ”ءبىز باقىتتى، جاراسىمدى، تىنىش تا كوركەم تۇرمىسىمىزدى امەريكاداعى، باتىستاعى جۇڭگوعا قارسى كۇشتەردىڭ سان - ساققا جۇگىرتۋىنە استە جول بەرمەيمىز“، - دەدى وركەن.
امەريكاداعى، باتىستاعى جۇڭگوعا قارسى كۇشتەر شينجياڭدا ”زورلىقپەن بەدەۋلەۋ“ ءومىر سۇرۋدە دەگەن قيسىنسىز ساندىراقتاردى ويدان قۇراپ، وسەك - اياڭ ارقىلى شينجياڭنىڭ ۇلت قاتىناسىنا ىرتكى سالۋعا ۇرىندى. ءدوربىلجىن اۋدانى ءدوربىلجىن قالاشىعى چياۋنان قىستاعىنىڭ تۇرعىنى ءدىلمۇرات نيجات پەن ايەلى 2 قىز بالالى بولعان، بۇل كۇندەرى ايەلىنىڭ تاعى دا جۇكتى بولعانىنا 6 اي بولىپتى. ءدىلمۇرات نيجات: 2 قىزىم تۋۋدان بۇرىن شيپاحانا ايەلىمنىڭ فولين قىشقىلىن تەگىن تەكسەرىپ بەردى، بالالارىم تۋعاننان سوڭ بەلگىلەنگەن ۋاقىتتا تەگىن ۆاكسينا ەگىپ بەردى. وسى رەت جۇكتى بولعاندا، ايەلىم ۋاقىتىندا ايەلدەر مەن بالالاردىڭ دەنساۋلىعىن ساقتاۋ شيپاحاناسىنا بارىپ تەكسەرىلدى ءارى تاعى دا مەملەكەتتىڭ ءتۇرلى تۋىت ساياساتىنان يگىلىكتەندى، − دەي كەلە: ”ءبىز وتباسىمىزبەن كىشكەنتاي بوبەكتىڭ امان - ەسەن دۇنيەگە كەلۋىن ارمانداپ وتىرمىز“ دەدى.
اقپار جاريالاۋ ماجىلىسىندە، بەيزاتتىق مادەنيەت مۇراسىنىڭ ۋاكىلدىك سيپاتتى نىسانى ”سابان مەرەكەسىنىڭ“ جالعاستىرۋشىسى ءزايتۇنا كاريموۆا، شاۋەشەك قالاسى اشىلى داعۇر ۇلتتىق اۋىلى مادەنيەت پۋنكتىنىڭ باستىعى گو مەي، تولى اۋداندىق حالىقتىق ادەبيەت - كوركەمونەر قىزمەتكەرى عازيزا توقاي سياقتى ءار ۇلت ادەبيەت - كوركەمونەر قىزمەتكەرلەرى وزدەرىنىڭ ءداستۇرلى مادەنيەتتى جالعاستىرۋ جانە ونى قورعاۋ حيكايالارىن بايانداپ، شينجياڭنىڭ پارىقتارعا قۇرمەت ەتۋگە، سيىسمدى دا كوپ ءتۇرلى بولۋعا، ءوزارا ۇلگى الۋعا تاباندى بولىپ، ءتۇرلى سالت - ساناعا، مادەنيەتكە تولىق قۇرمەت ەتىپ جانە ونى قورعاپ، كوپ نەگىزدى مادەنيەتتىڭ جاراسىمدى، بىرگە ءومىر ءسۇرۋىن جۇزەگە اسىرعاندىعىن ءبىلدىردى.
تارباعاتاي ايماقتىق اكىمشىلىك مەكەمەسىنىڭ ءۋاليى ايدىن تولەۋقان بىلاي دەپ تانىستىردى: پارتيا 18 - قۇرىلتايىنان بەرى ءبىز جاڭا داۋىردەگى پارتيانىڭ شينجياڭدى جونگە سالۋ جالپى جوباسىن مۇقيات دايەكتىلەندىرىپ كەلەمىز، قوعامدىق كەلەلى جاعداي ۇزدىكسىز ورنىقتىلىعىن ساقتادى، ەكونوميكانى ورنىقتى، اۋقاسىز دامىتتتىق، ءار ۇلت حالقى تىنىش ءومىر، شات - شادىمان تىرشىلىك كەشىرىپ، تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى. ءار ۇلت بۇقاراسى تارباعاتاي ايماعىنىڭ ەكونوميكاسىنىڭ دامۋىنا تولىق سەنىم، بولاشاقتاعى باقىتتى تۇرمىسقا تولىق ءۇمىت ارتىپ وتىر. تارباعاتاي ادامدى سۇيىندىرەتىن تابيعي كورىنىسىمەن، ءتۇرلى ەرەكشەلىككە يە كوپ نەگىزدى مادەنيەتىمەن، ءدامى اۋزىڭنان كەتپەيتىن ەرەكشە ءدامدى تاعامدارىمەن ايتسا - ايتقانداي ”كەلسەڭ كەتكىڭ كەلمەس، كەتسەڭ ەسىڭنەن كەتپەس جەر!“.
