”شينجياڭ جاقسى جەر“ اتىنداعى جۇڭگو ساياسي - زاڭ داشۋەسى ارناۋلى بەينە ەكران اۋىس - كۇيىس ءماجىلىسى وتكىزىلدى
”ءسوز جوق شينجياڭعا بارىپ ساياحاتتايمىز“
انار بۇلت / شينجياڭ گازەتىنىڭ ءتىلشىسى جاڭ يانفاڭ، پراكتيكانت لي جيڭ 12 - ايدىڭ 3 - كۇنى ۇرىمجىدەن حابارلايدى. 12 - ايدىڭ 3 - كۇنى ”شينجياڭ جاقسى جەر“ اتىنداعى جۇڭگو ساياسي - زاڭ داشۋەسى ارناۋلى بەينە ەكران اۋىس - كۇيىس ءماجىلىسى بەيجيڭدە جانە ۇرىمجىدە قاتار وتكىزىلدى، پاكيستان، بيرما، وزبەكستان، سان - تومە جانە پرينسيپي قاتارلى 20عا جۋىق مەملەكەتتىڭ جۇڭگودا وقيتىن وقۋشىلارى بەينە ەكران ارقىلى شينجياڭعا ”قادام تاستاپ“، كورىكتى شينجياڭنىڭ جەرگىلىكتى سالت - سانا، عۇرىپ - ادەتىن ءتۇسىنىپ، شينجياڭداعى ءار ۇلت حالقىنىڭ تىنىش ءومىر، شات - شادىمان تىرشىلىك كەشىرگەن باقىتتى تۇرمىسىمەن تانىستى.
اۆتونوميالى رايوندىق ساياسي كەڭەستىڭ ورىنباسار ءتوراعاسى نۇرىم سىمايىلقان شينجياڭنىڭ ورنىقتىلىق، دامۋ جاعدايىن تانىستىرعان كەزدە بىلاي دەدى: پارتيا ورتالىق كوميتەتىنىڭ پارمەندى باسشىلىعىندا، شينجياڭنىڭ ەكونوميكالىق، قوعامدىق دامۋىندا جانە حالىق تۇرمىسىنىڭ جاقسارۋىندا بۇرىن بولماعان جەتىستىكتەرگە قول جەتتى. دەسە دە، ءبىراز ۋاقىتتان بەرى كەيبىر ەلدەردەگى جۇڭگوعا قارسى كۇشتەر شىندىقتى بۇرمالاپ، شينجياڭعا ساياتىن كەڭەستىك تاقىرىپتاردى ورشەلەنە دابىرالاپ، شينجياڭنىڭ گۇلدەنگەن، ورنىقتى جاعدايىن بۇلدىرۋگە ۇرىندى، بۇل جۇرتتىڭ زىعىردانىن قايناتتى! شينجياڭ نە ىستەسە دە شينجياڭداعى ءار ۇلت حالقىن باقىتقا كەنەلتۋ ءۇشىن ىستەدى. جۇڭگو ساياسي - زاڭ داشۋەسىندەگى شەتەلدىك وقۋشىلاردىڭ كوپىرلىك رولدارىن بەلسەنە ساۋلەلەندىرىپ، جۇڭگودا كورگەن - بىلگەندەرى مەن شينجياڭ تۋرالى تانىم - تۇسىنىكتەرىن وتباسىنداعىلارىنا، دوس - جاراندارىنا جەتكىزىپ، اناعۇرلىم كوپ ادامنىڭ شىنايى شينجياڭدى تۇسىنۋىنە مۇمكىندىك جاساۋىن ءۇمىت ەتەمىن.
جۇڭگو ساياسي - زاڭ داشۋەسىنىڭ ورىنباسار باستىعى شى جيانجۇڭ مىنالاردى ءبىلدىردى: سوڭعى جىلداردان بەرى پارتيانىڭ باسشىلىعىندا، شينجياڭداعى ءار ۇلت حالقى ءبىر نيەتپەن ىنتىماقتاسىپ، قاجىرلىلىقپەن كۇرەس جۇرگىزدى، شينجياڭ ەكونوميكا، مادەنيەت سياقتى قىرۋار سالادا اسا زور ىلگەرىلەۋشىلىككە قول جەتكىزدى، شينجياڭنىڭ گۇلدەنگەن، دامىعان شىندىعىنا تالاس جۇرمەيدى. وسى رەتكى بەينە ەكران اۋىس - كۇيىس ءماجىلىسى شەتەلدىك وقۋشىلاردىڭ شينجياڭنىڭ شىنايى جاعدايى تۋرالى تۇسىنىكتەرىن ونان ارى تەرەڭدەتەدى، كوپشىلىككە شينجياڭنىڭ ومىرشەڭدىككە تولى دامۋ ۇمتىلىسىن سەزىندىرەدى دەپ سەنەمىن.
ناقتى كورىنىستەردى جەلىگە جالعاۋ بۋىنىندا، جۇڭگو ساياسي - زاڭ داشۋەسىندەگى شەتەلدىك وقۋشىلار قاشقار بايىرعى قالاسىنا ”قادام تاستاپ“، ۇلتتىق مۋزيكالىق اسپاپتار دۇكەنى مەن 100 جىلدىق بايىرعى شايحانانى ەكسكۋرسيالادى، وزگەشە دارالىققا يە تاريحي مادەنيەت پەن مىڭ بوياۋلى ۇلتتىق سالت - سانا جۇرتتى ەلىتىپ اكەتتى؛ حوتان قالاسىنداعى ءبىر مەشىتتە كوپشىلىك شينجياڭنىڭ ءدىني سەنىم ەركىندىگىن قامتاماسىز ەتۋ جاعدايىن ەگجەي - تەگجەيلى ۇعىستى؛ ءۇرىمجى قالاسىنىڭ نان مادەنيەتى كاسىپ سالاسى باقشاسىندا سان الۋان ناندار شەتەلدىك ستۋدەنتتەردى وزگەشە قىرىمەن ءتانتى ەتتى، تۇسىندىرۋشىگە ىلەسىپ، كوپشىلىك ناننىڭ جاسالۋ بارىسى مەن ساياحات كاسىبىنىڭ دامۋىن جەتەكتەۋى سياقتى جاعدايلارمەن تانىستى.
شەتەلدىك ستۋدەنتتەر تاعى بەينە ەكران ارقىلى قىزىل مىڭ ءۇيدى ەكسكۋرسيالاپ، شينجياڭنىڭ تاريحي مادەنيەت تارتىمدىلىعىن سەزىندى، سونداي - اق اپپارات كوزىنە ىلەسىپ قاشقار ايماعىنا، قىزىلسۋ قىرعىز اۆتونوميالى وبلىسىنا كەلىپ، قاشقار قالاسىنىڭ بۇرىنعى تاربيەلەۋ - باۋلۋ ورتالىعىنان وقۋ تاۋىسقان تاربيەلەنۋشىلەردىڭ تاربيەلەۋ - باۋلۋعا قاتىناسۋ ارقىلى يدەيالارىن وزگەرتكەن، ونەر - تەحنيكا ۇيرەنگەن، بەلسەنە شارۋاشىلىق قۇرىپ، باقىتتى تۇرمىسقا جەتكەن اڭگىمە باياندارىنا قۇلاق ءتۇردى؛ اتۇش قالاسىنداعى ءبىر جول كۇتىمدەۋ سەرىكتەستىگىنىڭ جاۋاپتىسىنىڭ ەل ىشىندەگى باسقا ولكەدە جۇمىس ىستەپ جاقسى تاجىريبە ۇيرەنىپ، اۋىلعا قايتىپ شارۋاشىلىق قۇرىپ، بايۋ جولىنا تۇسكەن اڭگىمە بايانىن تىڭدادى.
بەينە ەكران اۋىس - كۇيىس ماجىلىسىندە، شينجياڭنىڭ تىنىش، بەرەكەلى قوعامدىق اۋقىمى، الۋان بوياۋلى گۋمانيتارلىق عۇرىپ - ادەتى جانە اقجارقىن، قوناقجاي ءار ۇلت حالقى شەتەلدىك ستۋدەنتتەرگە تەرەڭ اسەر قالدىردى. كوپشىلىك مىنالاردى ءبىلدىردى: وسى جولعى ءماجىلىس كوپشىلىككە شينجياڭداعى ءار ۇلت حالقىنىڭ تىنىش ءومىر، شات - شادىمان تىرشىلىك كەشىرگەن باقىتتى تۇرمىسىن جانە اسقاق، ءورشىل جىگەر - ارىنىن جانە جاراسىمدى دا ورنىقتى، گۇلدەنگەن، دامىعان، ومىرشەڭدىككە تولى شىنايى شينجياڭدى سەزىندىرىپ، باتىس اقپارات قۇرالدارىنىڭ شينجياڭ جونىندەگى بۇرمالانعان حابارلارىنىڭ ءشيىن شىعاردى. ىندەت اياقتاعان سوڭ، ءسوز جوق، شينجياڭعا بارىپ ساياحاتتايمىز.
شەتەلدىك ستۋدەنتتەر تاعى شينجياڭنىڭ ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋىن ىلگەرىلەتۋى، ەرەكشە اس - سۋ مادەنيەتى سياقتى جاقتاردا سۇراۋ قويىپ، پىكىر اۋىستىردى.
وسى رەتكى بەينە ەكران اۋىس - كۇيىس ءماجىلىسىن شينجياڭ ۇيعۇر اۆتونوميالى رايونى مەن جۇڭگو ساياسي - زاڭ داشۋەسى بىرلىكتە وتكىزدى.
