تيانشان تورى   ›   جاڭالىقتار   ›   سۋرەتتى حابار

جىلدىق ءتۇرلى رەفورما ورنالاستىرۋلارىن جوعارى ساپامەن ورىنداپ، رەفورما مەن دامۋدىڭ تەرەڭ توعىسۋىن، جوعارى ءونىمدى ىقپالداستىعىن ىلگەرىلەتۋ كەرەك

  چىن چۋانگو اۆتونوميالى رايوندىق پارتكوم رەفورمانى جاپپاي تەرەڭدەتۋ كوميتەتىنىڭ ماجىلىسىندە بىلاي دەپ باسا دارىپتەدى

  جىلدىق ءتۇرلى رەفورما ورنالاستىرۋلارىن جوعارى ساپامەن ورىنداپ، رەفورما مەن دامۋدىڭ تەرەڭ توعىسۋىن، جوعارى ءونىمدى ىقپالداستىعىن ىلگەرىلەتۋ كەرەك

  ەركىن تۇنياز، شاۋكەت يمىن، نۇرلان ءابىلماجىن، حى جۇڭيوۋ قاتىناستى

  انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 12 - ايدىڭ 3 - كۇنى ۇرىمجىدەن حابارلايدى. جۋىقتا اۆتونوميالى رايوندىق پارتكوم رەفورمانى جاپپاي تەرەڭدەتۋ كوميتەتى ءماجىلىس اشىپ، باس شۋجي شي جينپيڭنىڭ ورتالىق رەفورمانى جاپپاي تەرەڭدەتۋ كوميتەتىنىڭ 22 - رەتكى ماجىلىسىندە سويلەگەن ماڭىزدى ءسوزىنىڭ رۋحىن جەتكىزدى، ۇيرەندى، دايەكتىلەندىردى، بۇكىل رايوننىڭ رەفورمانى جاپپاي تەرەڭدەتۋ قىزمەتىن ورنالاستىردى. اۆتونوميالى رايوندىق پارتكومنىڭ شۋجيى، اۆتونوميالى رايوندىق پارتكومنىڭ رەفورمانى جاپپاي تەرەڭدەتۋ كوميتەتىنىڭ مەڭگەرۋشىسى چىن چۋانگو ءماجىلىستى باسقاردى ءارى ءسوز سويلەدى.

  اۆتونوميالى رايون باسشىلارىنان ەركىن تۇنياز، شاۋكەت يمىن، نۇرلان ءابىلماجىن، حى جۇڭيوۋ، جاڭ جۋ، تيان شياڭلي، چىن ۋيجۇن، ۋاڭ ميڭشان، ءزۇمىرات وبۇل، ياڭ فاسىن، ەلزات احمەتجان، قادەن كابەن قاتارلىلار ماجىلىسكە قاتىناستى.

  ءماجىلىس «اۆتونوميالى رايونداعى مەملەكەت مەنشىگىندەگى كاسىپورىندار رەفورماسىن اناعۇرلىم تەرەڭدەتۋ جونىندەگى ءبىرقانشا پىكىردى»، «الەۋمەتتىك كۋالاندىرۋ ءتۇزىلىس - مەحانيزمى رەفورماسىن تەرەڭدەتىپ، الەۋمەتتىك كۋالاندىرۋ ىستەرىنىڭ اقاۋسىز دامۋىن جەبەۋ جونىندەگى اتقارۋ پىكىرىن»، «دەنە تاربيە مەن دەنساۋلىق ساقتاۋ ىستەرىنىڭ توعىسپالى دامۋىن جەبەۋ جونىندەگى اتقارۋ پىكىرىن (سىناق رەتىندە اتقارىلادى)»، «اۆتونوميالى رايوننىڭ ۇكىمەت شيپاحانالارىنىڭ جوعارى ساپالى دامۋىن ىلگەرىلەتۋ جونىندەگى اتقارۋ پىكىرىن»، «شينجياڭداعى ماڭىزدى ەكولوگيالىق جۇيەلەردى قورعاۋ جانە قالپىنا كەلتىرۋ كەلەلى ينجەنەريالىق جوباسىن (2021 − 2035 - جىل)» «اۆتونوميالى رايوننىڭ ەكولوگيالىق ونىمدەردىڭ قۇنىن جۇزەگە اسىرۋ مەحانيزمىن ورناتۋ، اقاۋسىزداندىرۋ جونىندەگى اتقارۋ جوباسىن» قاراپ ماقۇلدادى.

  چىن چۋانگو بىلاي دەپ اتاپ كورسەتتى: ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، باس شۋجي شي جينپيڭنىڭ ورتالىق رەفورمانى جاپپاي تەرەڭدەتۋ كوميتەتىنىڭ 22 - رەتكى ماجىلىسىندە سويلەگەن ماڭىزدى ءسوزىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، رەفورمانى جاپپاي تەرەڭدەتۋدى ىلگەرىلەتۋدىڭ يدەيالىق سانالىلىعىن، ساياسي سانالىلىعىن، ارەكەت سانالىلىعىن ونان ارى كۇشەيتىپ، جالپى جاعداي كوزقاراسى جانە جۇيەلى ويلاۋ، جوسپارلاۋ ارقىلى رەفورمانى ىلگەرىلەتىپ، ماڭىزدى تۇيىندە سەرپىلىس جاساۋ ارقىلى رەفورمانىڭ ىشكەرىلەي ىلگەرىلەۋىنە جەتەكشىلىك ەتىپ، رەفورما ارقىلى شينجياڭنىڭ ورنىقتىلىعىنا، دامۋىنا ومىرشەڭدىك كۇش، قوزعاۋشى كۇش ۇستەۋ كەرەك.

  چىن چۋانگو بىلاي دەپ باسا دارىپتەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ رەفورمانى جاپپاي تەرەڭدەتۋ جونىندەگى شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، شينجياڭنىڭ ءىس جۇزىندىگىمەن تىعىز ۇشتاستىرىپ، ءتۇيىندى رەفورما شارالارىنىڭ تياناقتانىپ، ناتيجە بەرۋىن ۇزدىكسىز ىلگەرىلەتىپ، جاڭا دامۋ كەزەڭىندەگى رەفورمادا اناعۇرلىم زور سەرپىلىسكە قول جەتكىزۋدى ىلگەرىلەتۋ كەرەك. رايونىمىزداعى مەملەكەت مەنشىگىندەگى كاسىپورىندار رەفورماسىن ونان ارى تەرەڭدەتىپ، مەملەكەت مەنشىگىندەگى شارۋاشىلىقتىڭ ورنالاسىمىن ساپالىلاندىرۋدى جانە قۇرىلىمىن رەتتەۋدى ىلگەرىلەتۋ؛ الەۋمەتتىك كۋالاندىرۋ ءتۇزىلىس - مەحانيزمى رەفورماسىن بەلسەنە، ورنىقتى ىلگەرىلەتىپ، قىزمەت وتەۋ سالاسىن كەڭەيتىپ، قىزمەت وتەۋ ساپاسىن، ونىمدىلىگىن جوعارىلاتۋ؛ قاتىستى سايكەستى ساياساتتاردى جەدەل كەمەلدەندىرىپ، جالپى حالىقتىق دەنە شىنىقتىرۋ مەن جالپى حالىقتىڭ سالاماتتىعىنىڭ ىشكەرىلەي توعىسا دامۋىن جەبەۋ؛ حالىقتىڭ سالاماتتىعىن قامتاماسىز ەتۋدى الدىمەن دامىتىلاتىن ستراتەگيالىق ورىنعا قويىپ، الەۋمەتتىك دەنساۋلىق ساقتاۋ قورعانىس تورىن بەرىك توقىپ، ۇكىمەتتىك شيپاحانالاردىڭ جوعارى ساپالى دامۋىن بار كۇشپەن ىلگەرىلەتۋ؛ تاۋ، سۋ، ورمان، اتىز، كول، جايلىم، قۇمدى ءشولدى ءبىر تۇلعالاندىرىپ قورعاۋعا جانە جۇيەلى جونگە سالۋعا تاباندى بولىپ، ەكولوگيالىق ونىمدەردىڭ قۇنىن جۇزەگە اسىرۋدىڭ جۇيەلى، كەمەلدى مەحانيزمىن جەدەل ورناتىپ، كورىكتى شينجياڭنىڭ اسپانىنىڭ اناعۇرلىم اشىق، تاۋىنىڭ اناعۇرلىم جاسىل، سۋىنىڭ اناعۇرلىم تۇنىق بولۋىنا مۇمكىندىك جاساۋ كەرەك.

  چىن چۋانگو بىلاي دەپ باسا دارىپتەدى: جەر - جەر، تاراۋلار تۇتاس جىلداعى رەفورما نىسانالارىنان، مىندەتتەرىنەن كوز جازباي، تياناقتاندىرۋدى مىقتاپ ۇستاپ، ءبىر تۇتاس جوسپارلاۋدى، سايكەستىرۋدى كۇشەيتىپ، تياناقتاندىرۋدىڭ ساپاسىن، ونىمدىلىگىن جوعارىلاتىپ، بيىلعى ءتۇرلى رەفورما ورنالاستىرۋلارىن دەر كەزىندە جوعارى ساپامەن ورىنداۋعا شىنايى كەپىلدىك ەتۋ كەرەك. قامال الۋ تانىمىن كۇشەيتىپ، ورىندالعاندارىن ەسەپكە سالىستىرىپ تىزىمنەن ءوشىرۋ، نەگىزىنەن ورىندالعاندارىن تەز ارادا دايەكتىلەندىرۋ، تياناقتاندىرۋ، ورىندالماعاندارىنىڭ جاۋاپكەرشىلىگىن ايقىنداپ، قۇرىلىس مەرزىمىن قاۋىرت ورنالاستىرىپ، بيىلعى جىلداعى رەفورمانى جاپپاي تەرەڭدەتۋدى اياقتاتۋ قىزمەتىن كۇش سالا ورىنداۋ كەرەك. پارتيا ورتالىق كوميتەتىنىڭ رەفورمانى جاپپاي تەرەڭدەتۋ جونىندەگى شەشىمدەرى مەن ورنالاستىرۋلارىنا ساي، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، حالىق تۇرمىسىمەن تىعىز بايلانىستىرا وتىرىپ جوعارى ساپالى دامۋدى ىلگەرىلەتۋدى ارقاۋ ەتىپ، كەلەر جىلعى جانە بۇدان بىلايعى ءبىر مەزگىلدەگى رەفورمانىڭ ءتۇيىندى مىندەتتەرىن بەلسەندى، ىرىقتى تۇردە جوسپارلاپ، رەفورما مەن جوعارى ساپالى دامۋدىڭ ىشكەرىلەي توعىسۋىن، جوعارى ونىمدىلىكپەن بىرلەسە قيمىلداۋىن ىلگەرىلەتۋ كەرەك. ورتالىق ورنالاستىرعان رەفورما مىندەتتەرىن ۇلاستىرۋدى، تياناقتاندىرۋدى ماڭىزدى ساياسي مىندەت ەتىپ، پارتيا 18 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن بەرى ورتالىق ورنالاستىرعان رەفورما مىندەتتەرىنە جاپپاي ”قايىرىلا قاراپ“، ناقتى تياناقتاندىرۋعا، تىڭعىلىقتى تياناقتاندىرۋعا، ۋاعىندا ورىنداۋعا شىنايى كەپىلدىك ەتۋ كەرەك.

  اۆتونوميالى رايوندىق پارتكوم رەفورمانى جاپپاي تەرەڭدەتۋ كوميتەتىنىڭ مۇشەلەرى ماجىلىسكە قاتىناستى. اۆتونوميالى رايوندىق پارتكوم رەفورمانى جاپپاي تەرەڭدەتۋ كوميتەتىنە مۇشە ورىندارداعى قاتىستى جاۋاپتى جولداستار ماجىلىسكە قاتىناستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.