تيانشان تورى
تيانشان تورى   ›   ۇيرەنۋ   ›   شولۋ

جاڭا داۋىردەگى پارتيانىڭ ءدىن قىزمەتى نازارياسىن جاپپاي دايەكتىلەندىرەيىك

  جاڭا داۋىردەگى پارتيانىڭ ءدىن قىزمەتى نازارياسىن جاپپاي دايەكتىلەندىرەيىك

  − باس شۋجي شي جينپيڭنىڭ بۇكىل مەملەكەتتىك ءدىن قىزمەتى ماجىلىسىندە سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە

  حالىق گازەتىنىڭ شولۋشىسى

  ءدىن ماسەلەسى باستان - اياق پارتيامىز ەل باسقارۋدا، ءسوز جوق، ويداعىداي ءبىر جاقتى ەتۋگە ءتيىستى كەلەلى ماسەلە بولىپ كەلەدى، ءدىن قىزمەتى پارتيا مەن مەملەكەت قىزمەتىنىڭ جالپى جاعدايىندا ەرەكشە ماڭىز الادى. بۇكىل مەملەكەتتىك ءدىن قىزمەتى ماجىلىسىندە باس شۋجي شي جينپيڭ جۇڭحۋا ۇلتىنىڭ ۇلى گۇلدەنۋىنىڭ ستراتەگيالىق جالپى جاعدايى مەن دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاپ يگەرۋ بيىگىندە تۇرىپ، ءدىن قىزمەتىندەگى تابىستار مەن تاجىريبەلەردى جاپپاي قورىتىندىلاپ، ءدىن قىزمەتى ءدوپ كەلگەن جاعدايعا، مىندەتكە ىشكەرىلەي تالداۋ جاساپ، جاڭا داۋىردەگى پارتيانىڭ ءدىن قىزمەتىنىڭ جاڭا يدەيالارىن، جاڭا ۇستانىمدارىن، جاڭا ستراتەگيالارىن جۇيەلى تۇردە بايىمداپ، ەلىمىزدىڭ ءدىندى جۇڭگوشالاندىرۋ بەتالىسىنا تاباندى بولۋداعى، جاڭا داۋىردەگى پارتيانىڭ ءدىن قىزمەتىن ويداعىداي ىستەۋدەگى جەتەكشى يدەيانى، ستراتەگيالىق نىسانانى، ءتۇيىندى مىندەتتى جانە ساياسات - شارالاردى ايقىندادى. باس شۋجي شي جينپيڭنىڭ ماڭىزدى ءسوزى وتە كۇشتى ساياسي سيپاتقا، يدەيالىق سيپاتقا، نازاريالىق سيپاتقا يە، ماركسيزمدىك ءدىن كوزقاراسىنىڭ جۇڭگونىڭ ناقتى امالياتىمەن ۇشتاستىرىلۋىنىڭ ەڭ جاڭا جەتىستىگى، جۇڭگوشا سوتسياليستىك ءدىن نازارياسىنىڭ ەڭ جاڭا دامۋى، جاڭا داۋىردەگى پارتيانىڭ ءدىن قىزمەتىنە جەتەكشىلىك ەتەتىن تۇعىرنامالىق حۇجات.

  پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى ءدىن قىزمەتىنە وسكەلەڭ ءمان بەرىپ كەلدى. 2016 - جىلى اشىلعان بۇكىل مەملەكەتتىك ءدىن قىزمەتى ماجىلىسىندە باس شۋجي شي جينپيڭ ءدىن قىزمەتىنىڭ ءبىر قىدىرۋ كەلەلى نازاريالىق جانە امالياتتىق ماسەلەسىن تەرەڭ ءتۇسىندىردى ءارى جاڭا جاعدايدا ءدىن قىزمەتىن كۇشەيتۋ جانە جاقسارتۋ جونىندە جاپپاي ورنالاستىرۋ جاسادى. وسى بىرنەشە جىلدان بەرى باس شۋجي شي جينپيڭ مەملەكەتتىك ۇلتتار ىنتىماعى، العاباسارلىعى جونىندەگى ماداقتاۋ - سيلاۋ جينالىسى، ورتالىقتىڭ 7 - رەتكى شيزاڭ قىزمەتى جونىندەگى اڭگىمە ءماجىلىسى، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسى سياقتى ماڭىزدى ماجىلىستەردە جانە كوپ رەت جەرگىلىكتى ورىنداردا قىزمەت تەكسەرگەندە، تەكسەرۋ - زەرتتەۋ جۇرگىزگەندە ءدىن قىزمەتى جونىندە ءبىر قىدىرۋ ماڭىزدى نۇسقاۋ بەردى. باس شۋجي شي جينپيڭنىڭ ماڭىزدى ءسوزىنىڭ، ماڭىزدى نۇسقاۋىنىڭ رۋحى جانە پارتيا ورتالىق كوميتەتىنىڭ شەشىمدەرى، ورنالاستىرۋلارى جاڭا داۋىردەگى پارتيانىڭ ءدىن قىزمەتى نازارياسىندا جانە امالياتىندا جاڭالىق اشۋدى پارمەندى ىلگەرىلەتىپ، ءدىندى سوتسياليستىك قوعامعا ۇيلەستىرۋدە تىڭ قادام تاستالدى.

  ارقاۋىن تارتسا اۋ جايىلادى، نەگىزىن يگەرسە، قالعانى وڭىنا باسادى. پارتيا 18 - قۇرىلتايىنان بەرى پارتيا ورتالىق كوميتەتىنىڭ پارمەندى باسشىلىعىندا، پارتيانىڭ ءدىن قىزمەتى جاسامپازدىقپەن ىلگەرىلەپ، بەلسەندى ناتيجەلەرگە قول جەتكىزدى. پارتيانىڭ ءدىن قىزمەتى نەگىزگى باعىتىن دايەكتىلەندىرۋ اناعۇرلىم جان - جاقتىلى بولدى، ءدىن قىزمەتى ءتۇزىلىس - مەحانيزمى ونان ارى كەمەلدەندى، ءدىن قىزمەتى زاڭ جۇيەسى مەن ساياسات جۇلگەسى كۇن سايىن اقاۋسىزداندى، ءدىن سالاسىنداعى قايراتكەرلەر مەن دىنگە سەنەتىن بۇقارانىڭ زاڭدى قادىرلەۋ، زاڭدى ۇيرەنۋ، زاڭعا بويسۇنۋ، زاڭدى قولدانۋ تانىمى ۇزدىكسىز كۇشەيدى، ەلىمىزدە ءدىندى جۇڭگوشالاندىرۋدى ىلگەرىلەتۋ بىرتىندەپ تەرەڭدەدى. ءدىن سالاسى وتانشىلدىق رۋحىن اسقاقتاتىپ، كەلەلى جاعدايدى دارىپتەپ، زاڭمەن جونگە سالۋدى دارىپتەپ، عىلىمدى دارىپتەپ، سۇيىسپەنشىلىكتى دارىپتەپ، ۇلى وتاندى، جۇڭحۋا ۇلتىن، جۇڭحۋا مادەنيەتىن، جۇڭگو كوممۋنيستىك پارتياسىن، جۇڭگوشا سوتسياليزمدى شىنايى مويىنداۋدى ۇزدىكسىز كۇشەيتتى.

  نازاريا امالياتتىڭ جەتەكشىسى. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى ءدىن قىزمەتى جونىندە ءبىر قىدىرۋ جاڭا ۇستانىم، جاڭا شارا العا قويدى، وسى رەتكى بۇكىل مەملەكەتتىك ءدىن قىزمەتى ماجىلىسىندە بىلاي دەپ ايقىن العا قويىلدى: ءسوز جوق ءدىن قىزمەتىن ويداعىداي ىستەۋدىڭ پارتيا مەن مەملەكەت قىزمەتىنىڭ جالپى جاعدايىنداعى ماڭىزدىلىعىن تەرەڭ تانۋ، ءسوز جوق پارمەندى باسشىلىق مەحانيزمىن قۇرۋ، اقاۋسىزداندىرۋ، ءسوز جوق جۇڭگوشا سوتسياليستىك ءدىن نازارياسىنا تاباندى بولۋ جانە ونى دامىتۋ، ءسوز جوق پارتيانىڭ ءدىن قىزمەتى نەگىزگى باعىتىنا تاباندى بولۋ، ءسوز جوق ەلىمىزدىڭ ءدىندى جۇڭگوشالاندىرۋ بەتالىسىنا تاباندى بولۋ، ءسوز جوق قالىڭ دىنگە سەنەتىن بۇقارانى پارتيا مەن ۇكىمەتتىڭ توڭىرەگىنە ىنتىماقتاستىرۋعا تاباندى بولۋ، ءسوز جوق بەلسەندى دە اقاۋسىز ءدىن قارىم - قاتىناسىن ورناتۋ، ءسوز جوق ءدىني ۇيىمداردىڭ ءوز قۇرىلىسىن كۇشەيتۋىن قولداۋ، ءسوز جوق ءدىن قىزمەتىن زاڭمەن باسقارۋ ورەسىن جوعارىلاتۋ كەرەك. وسى ”توعىز ءسوز جوق“ جاڭا داۋىردە ءدىندى قالاي تانۋ، ءدىن ماسەلەسىن قالاي ءبىر جايلى ەتۋ، پارتيانىڭ ءدىن قىزمەتىن قالاي ويداعىداي ىستەۋ سياقتى كەلەلى نازاريالىق جانە امالياتتىق ماسەلەلەرگە جاۋاپ بەردى، ول پارتيامىزدىڭ ءدىن قىزمەتىن ويداعىداي ىستەۋدىڭ زاڭدىلىق سيپاتتى تانىمىنىڭ تەرەڭدەۋى بولىپ، جاڭا داۋىردەگى پارتيانىڭ ءدىن قىزمەتىن ويداعىداي ىستەۋگە العا باسۋ بەتالىسىن ايقىنداپ، ءتۇبىرلى بويسۇنۋ ولشەمىن ازىرلەدى. ءبىز جاڭا داۋىردەگى پارتيانىڭ ءدىن قىزمەتى نازارياسى مەن باعىت - ساياساتتارىن تولىق، دالمە - ءدال، جاپپاي ءتۇسىنىپ جانە دايەكتىلەندىرىپ، وزەكتى ماڭىزىن، رۋحاني ءمانىن، باي مازمۇنىن جانە امالياتتىق تالابىن ىشكەرىلەي ءتۇسىنىپ، ۇيرەنۋدى، وي جۇگىرتۋدى، قولدانۋدى ساباقتاستىرۋىمىز، تانىمدى، سەنىمدى، ارەكەتتى بىرلىككە كەلتىرۋىمىز كەرەك.

  جاڭا ساپاردا ەكپىندەي ىلگەرىلەگەندە ءبىز جاڭا داۋىردەگى پارتيانىڭ ءدىن قىزمەتى نازارياسىن جاپپاي دايەكتىلەندىرىپ، پارتيانىڭ ءدىن قىزمەتى جونىندەگى نەگىزگى باعىتىن جاپپاي دايەكتىلەندىرىپ، پارتيانىڭ ءدىني سەنىم ەركىندىگى ساياساتىن جاپپاي دايەكتىلەندىرىپ، ەلىمىزدىڭ ءدىندى جۇڭگوشالاندىرۋ بەتالىسىنا تاباندى بولىپ، ءدىندى سوتسياليستىك قوعامعا ۇيلەسۋگە بەلسەنە جەتەكتەپ، ءدىن سالاسىنىڭ ءوزىن - ءوزى باسقارۋ ورەسىن جوعارىلاتىپ، ءدىن ىستەرىن جونگە سالۋدى زاڭمەن باسقارۋ ورەسىن جوعارىلاتىپ، ءدىن قىزمەتىنىڭ جاڭا جاعدايىن قۇلشىنا اشىپ، دىنگە سەنەتىن بۇقارانىڭ قالىڭ حالىق بۇقاراسىمەن بىرگە جاپپاي سوتسياليستىك وسىزاماندانعان قۇدىرەتتى مەملەكەت قۇرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن ىنتىماقتاسا كۇرەس جاساۋعا اناعۇرلىم ويداعىداي ۇيىمداستىرۋىمىز جانە جەتەكتەۋىمىز كەرەك. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ۇزدىكسىز ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن سانالى تۇردە بىرلىككە كەلتىرىپ، پارتيانىڭ ءدىن قىزمەتىنىڭ جاڭا جاعدايىن ۇزدىكسىز اشساق، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ تەلەگەي كۇشىن، ءسوز جوق، ۇيىستىرا الامىز.

  (شينحۋا اگەنتتىگىنىڭ 12 - ايدىڭ 4 - كۇنى بەيجيڭنەن بەرگەن حابارى)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.