شينحۋا اگەنتتىگىنىڭ 12 - ايدىڭ 4 - كۇنى بەيجيڭنەن بەرگەن حابارى. مەملەكەتتىك كەڭەس اقپارات كەڭسەسى 12 - ايدىڭ 4 - كۇنى «جۇڭگونىڭ دەموكراتياسى» اق تىستى كىتابىن جاريالادى.
اق تىستى كىتاپتا بىلاي دەلىندى: دەموكراتيا − تۇتاس ادامزاتتىڭ ورتاق قۇندىلىعى، جۇڭگو كوممۋنيستىك پارتياسى مەن جۇڭگو حالقى باستان - اياق مىزعىماي تاباندى بولعان ماڭىزدى ۇستانىم. 100 جىلدان بەرى پارتيا حالىق دەموكراتياسى تۋىن بيىك ۇستاپ، حالىقتى باستاپ نەشە مىڭ جىلدىق فەودالدىق قوعام تاريحىنا يە، تاياۋ زامانعى جارتىلاي وتار، جارتىلاي فەودالدىق قوعامعا اينالعان مەملەكەتتە حالىقتىڭ قوجايىن بولۋىن جۇزەگە اسىردى، جۇڭگو حالقى اتى - زاتىنا ساي مەملەكەتتىڭ، قوعامنىڭ جانە ءوز تاعدىرىنىڭ قوجايىنىنا اينالدى.
اق تىستى كىتاپتا بىلاي دەپ تانىستىرىلدى: جۇڭگونىڭ دەموكراتياسى − حالىق دەموكراتياسى، حالىقتىڭ قوجايىن بولۋى − جۇڭگو دەموكراتياسىنىڭ ءمانى جانە وزەگى. جالپى بارىستىق حالىق دەموكراتياسى بارىستىق دەموكراتيا مەن جەتىستىك دەموكراتيانىڭ، تارتىپتىك دەموكراتيا مەن ماندىك دەموكراتيانىڭ، تىكە دەموكراتيا مەن جاناما دەموكراتيانىڭ، حالىق دەموكراتياسى مەن مەملەكەت ەركىنىڭ بىرلىگىن جۇزەگە اسىردى، ول جالپى تىزبەكتى، جان - جاقتى، تولىق قامتىمدى دەموكراتيا، ەڭ كەڭ كولەمدى، ەڭ شىنايى، ەڭ جارامدى سوتسياليستىك دەموكراتيا بولىپ تابىلادى.
اق تىستى كىتاپتا بىلاي دەپ باسا دارىپتەلدى: دەموكراتيا تاريحي، ناقتى بولادى، دامىپ وتىرادى، ءار ەلدىڭ دەموكراتياسى ءوز ەلىنىڭ تاريحىمەن، مادەنيەتىمەن، داستۇرىمەن ساباقتاسىپ، ءوز ەل حالقىنىڭ امالياتتىق ىزدەنىسى مەن اقىل - پاراسات جاسامپازدىعى بارىسىندا تولىسادى، دەموكراتيانىڭ جولى ۇقسامايدى، دەموكراتيانىڭ فورماتسياسى ءار ءتۇرلى بولادى. دەموكراتيا اشەكەي بۇيىم ەمەس، ونى ءتىزىپ قويۋعا ەمەس، قايتا ونى حالىق شەشۋدى قاجەت ەتىپ وتىرعان ماسەلەلەردى شەشۋگە پايدالانۋ كەرەك. دەموكراتيا از ساندى ەلدىڭ پاتەنتى ەمەس، ءار ەل حالقىنىڭ ۇقىق - مۇددەسى.
اق تىستى كىتاپتا بىلاي دەپ اتاپ كورسەتىلدى: ءبىر ەلدىڭ دەموكراتيالى بولعان - بولماعاندىعىنا سىرتتاعى از ساندى ادام عانا بىلگىرسىپ باعا بەرمەي، قايتا وسى ەلدىڭ حالقى تورەلىك ايتۋى كەرەك. حالىقارالىق قوعامداعى قايسى ءبىر ەلدىڭ دەموكراتيالى بولعان - بولماعاندىعىنا وزىنىكىن ءجون سانايتىن از ساندى ەلدەر باعا بەرمەي، حالىقارالىق قوعام بىرگە تورەلىك ايتۋى كەرەك. دەموكراتيانى جۇزەگە اسىرۋدىڭ كوپتەگەن ءادىسى بار، بارلىعى بىردەي بولۋى مۇمكىن ەمەس. دۇنيە جۇزىندەگى الۋان ءتۇرلى ساياسي تۇزىمدەردى ءبىرىڭعاي ولشەممەن ولشەپ، ادامزاتتىڭ الۋان رەڭدى ساياسي وركەنيەتىنە جاداعاي نازارمەن قاراۋدىڭ ءوزى دەموكراتياعا جاتپايدى.
