اۆتونوميالى رايوندىق حالىق قۇرىلتايى تۇراقتى كوميتەتى ”4 . 12“ مەملەكەت نەگىزگى زاڭى كۇنى سەرت بەرۋ نەگىزگى تاقىرىپتىق قيمىلىن وتكىزدى
نەگىزگى زاڭ رۋحىنىڭ تيانشان الابىنا تەگىس تارالۋىن ىلگەرىلەتۋ كەرەك
انار بۇلت / شينجياڭ گازەتىنىڭ ءتىلشىسى لياڭ ليحۋا 12 - ايدىڭ 4 - كۇنى ۇرىمجىدەن حابارلايدى. 12 - ايدىڭ 4 - كۇنى 8 - رەتكى مەملەكەت نەگىزگى زاڭى كۇنى، اۆتونوميالى رايوندىق حالىق قۇرىلتايى تۇراقتى كوميتەتى ”4 . 12“ مەملەكەت نەگىزگى زاڭى كۇنى سەرت بەرۋ نەگىزگى تاقىرىپتىق قيمىلىن وتكىزدى، نەگىزگى تاقىرىبى”شي جينپيڭنىڭ زاڭمەن جونگە سالۋ يدەياسىن جەتەكشى ەتىپ، جۇڭگوشا سوتسياليستىك زاڭمەن جونگە سالۋ جولىمەن اۋىتقىماي جۇرەيىك“. اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن قيمىلعا قاتىناستى ءارى ءسوز سويلەدى.
قيمىل بەينە ەكران فورماسىندا ورىستەتىلدى، تۇتاس شينجياڭداعى ءار دارەجەلى حالىق قۇرىلتايى ورگاندارىنان جانە حالىق ۇكىمەتىنەن، باقىلاۋ - تەكسەرۋ كوميتەتىنەن، حالىق سوتى مەكەمەسىنەن، حالىق پروكۋراتۋراسىنان 2000نان استام مەملەكەت قىزمەتكەرى وڭ جۇدىرىقتارىن بيىك ۇستاپ، ايبىندى سەرت بەردى.
شاۋكەت يمىن بىلاي دەپ اتاپ كورسەتتى: نەگىزگى زاڭ مەملەكەتتىڭ ءتۇبىرلى زاڭى، مەملەكەتتىڭ ءتۇرلى تۇزىمدەرى مەن زاڭ، زاڭ ەرەجەلەرىنىڭ جالپى نەگىزى. شي جينپيڭنىڭ زاڭمەن جونگە سالۋ يدەياسىن ىشكەرىلەي ۇيرەنىپ، نەگىزگى زاڭدى ۇيرەنۋ، ۇگىتتەۋ تاربيەسىن كۇشەيتىپ، نەگىزگى زاڭ رۋحىن اسقاقتاتىپ، نەگىزگى زاڭ بىلىمدەرىن جالپىلاستىرىپ، جالپى حالىقتىڭ نەگىزگى زاڭنىڭ ادال ارداقتاۋشىسىنا، سانالى بويسۇنۋشىسىنا، مىزعىماس قورعاۋشىسىنا اينالۋىنا مۇمكىندىك جاساۋ كەرەك. مەملەكەت قىزمەتكەرلەرىنىڭ نەگىزگى زاڭدى، زاڭداردى ۇيرەنۋ ءتۇزىمىن كەمەلدەندىرىپ، باسشى كادرلاردىڭ نەگىزگى زاڭدى ۇيرەنۋىن كۇشەيتۋدى، نەگىزگى زاڭعا بويسۇنۋدا، نەگىزگى زاڭدى قورعاۋدا، نەگىزگى زاڭدى قولدانۋدا باستاماشى بولۋىن، زاڭدى قۇرمەتتەۋدىڭ، زاڭ ۇيرەنۋدىڭ، زاڭعا بويسۇنۋدىڭ، زاڭدى قولدانۋدىڭ ۇلگىسى بولۋىن ىلگەرىلەتۋ كەرەك. قالىڭ پارتيالى كادرلاردى نەگىزگى زاڭ مەن زاڭدارعا قۇرمەت ەتۋ سەزىمىن ساقتاپ، نەگىزگى زاڭ مەن زاڭداردىڭ بەدەلىن باستاماشىلدىقپەن قورعاپ، ماسەلەنى زاڭمەن جونگە سالۋ ويى مەن زاڭمەن جونگە سالۋ تاسىلىنەن پايدالانىپ شەشۋ قابىلەتتەرى مەن ورەلەرىن ۇزدىكسىز جوعارىلاتۋعا تاربيەلەۋ، جەتەكتەۋ كەرەك.
شاۋكەت يمىن بىلاي دەپ باسا دارىپتەدى: ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، نەگىزگى زاڭدى ۇگىتتەۋ تاربيەسىن ۇزدىكسىز ىشكەرىلەي ورىستەتۋ كەرەك. مەملەكەت نەگىزگى زاڭ كۇنى، اۆتونوميالى رايوننىڭ نەگىزگى زاڭ مەن زاڭداردى ۇگىتتەۋ ايى قيمىلى سياقتى دانەكەرلەردەن تولىق پايدالانىپ، نەگىزگى زاڭنىڭ ورگاندارعا كىرۋىن، كاسىپورىندارعا كىرۋىن، قىستاقتارعا كىرۋىن، مەكتەپتەرگە كىرۋىن، الەۋمەتتىك اۋماقتارعا كىرۋىن ىلگەرىلەتىپ، نەگىزگى زاڭ رۋحىن تيانشان الابىندا ەتەك الدىرۋ كەرەك.
شاۋكەت يمىن بىلاي دەپ اتاپ كورسەتتى: حالىق قۇرىلتايى تۇزىمىنە تاباندى بولىپ جانە ونى كەمەلدەندىرىپ، پارتيانىڭ باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن جونگە سالۋدىڭ جاندى بىرلىگىنە تاباندى بولىپ، عىلمي جولمەن زاڭ شىعارۋدى، دەموكراتيالىق جولمەن زاڭ شىعارۋدى، زاڭ بويىنشا زاڭ شىعارۋدى تەرەڭدەي ىلگەرىلەتىپ، شىعارعان ءاربىر زاڭنىڭ تۇگەلدەي نەگىزگى زاڭ رۋحىنا ساي كەلۋىنە مۇمكىندىك جاساۋ كەرەك. نەگىزگى زاڭدى اتقارۋدى جانە باقىلاۋدى كۇشەيتىپ، نەگىزگى زاڭنىڭ جان - جاقتى ءونىمدى اتقارىلۋىنا شىنايى كەپىلدىك ەتۋ كەرەك. حالىق قۇرىلتايىنىڭ ءوز قۇرىلىسىن نىعايتىپ، جۇڭگو كوممۋنيستىك پارتياسىنىڭ باسشىلىعىنا سانالى تۇردە تاباندى بولاتىن ساياسي ورگانعا، حالىقتىڭ قوجايىن بولۋىنا كەپىلدىك ەتەتىن مەملەكەتتىڭ بيلىك ورگانىنا، نەگىزگى زاڭ مەن زاڭداردا جۇكتەلگەن ءتۇرلى جاۋاپكەرشىلىكتى جان - جاقتى ارقالايتىن قىزمەت ورگانىنا، قاشاندا حالىق بۇقاراسىمەن تىعىز بايلانىستا بولاتىن ۋاكىلدىك ورگانعا اينالدىرۋ كەرەك.
اۆتونوميالى رايوندىق حالىق قۇرىلتايى تۇراقتى كوميتەتى زاڭ - ءتۇزىم قىزمەت كوميتەتىنىڭ مەڭگەرۋشىسى لي جۋان «مەملەكەت جاعدايىنا ۇيلەسەتىن، زامانعا ساي كەلەتىن تاماشا نەگىزگى زاڭ» تاقىرىبىندا لەكسيا جاسادى.
