اۆتونوميالى رايون ”زورلىقپەن ەڭبەككە سالدى“ دەگەنگە تويتارىس بەرۋ ارناۋلى اقپار جاريالاۋ ءماجىلىسىن اشتى
وسەك - اياڭ ارقىلى ىرىزدىعىمىزدان ايىرىپ، باقىتتى تۇرمىسىمىزدى ويرانداۋ قۇر قيالىنا سالىنباڭدار
انار بۇلت / شينجياڭ گازەتىنىڭ ءتىلشىسى فان چيۇڭيان 12 - ايدىڭ 3 - كۇنى ۇرىمجىدەن حابارلايدى. 12 - ايدىڭ 3 - كۇنى شينجياڭ ۇيعۇر اۆتونوميالى رايونى ”زورلىقپەن ەڭبەككە سالدى“ دەگەنگە تويتارىس بەرۋ ارناۋلى اقپار جاريالاۋ ءماجىلىسىن اشىپ، مامان - وقىمىستى، كاسىپورىن جاۋاپتىسى، جۇمىسكەر، ماقتاشى سياقتىلاردى ۇسىنىس ەتىپ، شينجياڭنىڭ ەڭبەكپەن جۇمىستاندىرۋمەن قامتاماسىز ەتۋ جاعدايىن بايانداپ، امەريكانىڭ شينجياڭنىڭ ەڭبەكپەن جۇمىستاندىرۋ ماسەلەسىندەگى ساياسي سايقالدىعىن اشكەرەلەپ، امەريكاداعى، باتىستاعى جۇڭگوعا قارسى كۇشتەر تاراتقان شينجياڭعا ساياتىن ”زورلىقپەن ەڭبەككە سالدى“ دەگەن ساندىراعىنا تويتارىس بەردى.
”شينجياڭنىڭ اپپاق ماقتاسىنا كۇيە جاعۋعا بولمايدى!“. اۆتونوميالى رايوندىق توقىماشىلىق كاسىبى قوعامىنىڭ ورىنباسار باستىعى ليۋ چيڭجياڭ: سوڭعى جىلداردان بەرى شينجياڭدا توقىماشىلىق، كيىم - كەشەك تەحنيكا شەبەرلەرىنەن جيىنى 409 ادام جانە جاس شەبەرلەردەن 3300 ادام ماداقتالىپ - سيلاندى، كاسىپورىندارداعى از ۇلت قىزمەتكەرلەرىنىڭ ءوز باسىنىڭ دامۋ ۇقىق - مۇددەسى تولىق قامتاماسىز ەتىلدى، - دەدى. ليۋ چيڭجياڭ بىلاي دەپ قارادى: ايتىلمىس ”زورلىقپەن ەڭبەككە سالۋ“ دەگەندى سىلتاۋ ەتىپ، ءتۇرلى شارالار قولدانىپ، شينجياڭنىڭ توقىماشىلىق كاسىپورىندارىن شەكتەسە، قىسپاققا السا، ەڭ سوڭىندا وزگەگە سىلتەگەن شوقپارى ءوز باسىنا تيەدى دەگەننىڭ ءتۇبىن قۇشاتىن بولادى.
شينجياڭ اۋىل شارۋاشىلىق داشۋەسى حايۋاناتتار مەديتسينا شۋەيۋانىنىڭ وقىتۋشىسى، دوكتور اكبار مامەت: ”مەنىڭ ءومىرىمنىڭ ءاربىر قادامى پارتيا مەن ۇكىمەتتىڭ كوڭىل بولۋىنەن، باۋلۋىنان ايرىلا المايدى“، - دەدى. دوكتورلىق وقۋىن تاۋىسقاننان كەيىن ول بەيجيڭدەگى جوعارى ەڭبەكاقى الاتىن قىزمەتىن ەش ويلانباستان تاستاپ، اۋىلىنا قايتىپ قىزمەت ىستەگەن.
شونجى اۋدانى ۋماچاڭ اۋىلىنىڭ ورىنباسار باستىعى ءمابيرا، نەگىزىنەن، اۋىلدىڭ حالىق تۇرمىسى قىزمەتىن باسقارادى. ول بىلاي دەدى: شينجياڭداعى كوپتەگەن شارۋا وتباسىلارى ماقتا ەگۋگە سۇيەنىپ بايىدى. نەگىزگى ساتى كادرى رەتىندە، كەۋدە كەرە العا شىعىپ، امەريكاداعى، باتىستاعى جۇڭگوعا قارسى كۇشتەردىڭ سۇرقيا كەيىپ - كەسپىرىن اشكەرەلەۋىم قاجەت. ءار ۇلت ەڭبەكشىلەرى جۇمىستانۋدى تاڭداۋ جاعىندا ەركىندىكتەن تولىق يگىلىكتەنەدى، قايدان كەلگەن ”زورلىقپەن ەڭبەككە سالۋ“ بولسىن؟
”سەرىكتەستىككە كەلگەنىمە جارتى جىل بولماي، تەحنيكا تىرەكتىسىنە اينالدىم!“. الميرا تۇرسۇن بۇراتالا قالاسىنداعى ءبىر توقىماشىلىق كاسىپورنىنىڭ جۇمىسشىسى، جۇمىسقا شىققان كەزدە سەرىكتەستىك الميراعا تەحنيكا ۇيرەتەتىن ۇستاز ورنالاستىردى، الميرا ۇستازىنىڭ كومەگىندە تەز جەتىلدى. ”ولاردىڭ وسەك - اياڭدى ويدان قيىستىرۋى ءبىزدى ىرىزدىعىمىزدان ايىرىپ، باقىتتى تۇرمىسىمىزدى ويرانداۋدى ماقسات ەتكەن“، - دەدى الميرا.
”بيىل ءبىر ميلليون يۋاننان استام تازا كىرىس كىرگىزدىك“. لوپنۇر اۋدانىنداعى ماقتاشى راحمان ءيۇنۇس 530 مۋ جەرگە ماقتا ەگىپ، مول ءونىم شاتتىعىنا بولەندى. ول: ”بالا كەزىمنەن - اق نەنى قاجەت ەتسەڭ دە ەڭبەكپەن ايىرباستالاتىنىن ءبىلۋشى ەدىم“، - دەدى.
شيحۋ قالاسى شينحى توقىماشىلىق شەكتى جاۋاپكەرشىلىك سەرىكتەستىگىنىڭ جاۋاپتىسى جاڭ شيجاۋ: قىزمەتكەرلەر وزدەرىنىڭ قۇلشىنىسى ارقىلى ەڭبەكشىل قوس قولدارىمەن ورنىقتى كىرىس كىرگىزدى. ”ولاردىڭ جايدارى جۇزدەرىن كورگەندە شەكسىز ماقتانىش سەزىنەمىن!“ دەي كەلە: ”ەڭبەك كوڭىلدىلىك سيلايدى، زورلاۋدىڭ ەش قاجەتى جوق“، - دەدى.
اقپار جاريالاۋ ماجىلىسىندە بيىلعى ماقتا جيناۋ ماشينالارىنىڭ ماقتا جيناعان مول ءونىم كورىنىسى، سونداي - اق توقىماشىلىق كاسىبىمەن شۇعىلدانۋشىلاردىڭ باقىتتى تۇرمىسى جونىندەگى بەينە ەكران قويىلدى.
اقپار جاريالاۋ ءماجىلىسىنىڭ جۇرگىزۋشىسى گۇلي ابىلەم مىنالاردى ءبىلدىردى: ماقتا كىرشىكسىز، الايدا كەيبىرەۋلەردىڭ نيەتى سۇرقيا. امەريكاداعى، باتىستاعى جۇڭگوعا قارسى كۇشتەر شينجياڭنىڭ ماقتا كاسىبى سالاسىندا ايتىلمىس ”زورلىقپەن ەڭبەككە سالۋ“ ءومىر سۇرۋدە دەپ وتىرىك ايتۋى بارىپ تۇرعان وسەك - اياڭ تاراتىپ، جالا جابۋ بولىپ تابىلادى. شينجياڭنىڭ ماقتا ءوندىرىسى جوعارى دارەجەدە ماشينالاندىرۋدى جۇزەگە اسىردى، قاربالاس جيىپ الۋ مەزگىلىندە دە كوپ مولشەردە ماقتا تەرۋشى جۇمىسشىلاردىڭ قاجەتى جوق. مۇنداي جاعدايدا ادامداردى ماشينالارمەن تالاسا - تارماسا جۇمىس ىستەۋگە ”زورلاۋعا“ بولا ما؟ 11 - ايدىڭ 5 - كۇنى ەل ىشىندەگى 200دەن استام اقپارات قۇرالدارى شايار اۋدانىنداعى ءىرى تۇرپاتتى ماقتا تەرۋ ماشينالارىنىڭ ماقتا جيناعان سالتاناتتى كورىنىسىن ءبىر ۋاقىتتا تىكە تاراتتى، ماقتا القاپتارى مەن شوق - شوق ماقتالار وتىرىك ايتا المايدى عوي.
