تيانشان تورى   ›   جاڭالىقتار   ›   ماڭىزدى حابارلار

شي جينپيڭ ”2021 سۇڭدۋ حالىقارالىق تالقى مىنبەرىنىڭ“ اشىلۋ سالتىنا ارناپ بەينە ەكراندا ءسوز سويلەدى

 

  12 - ايدىڭ 5 - كۇنى مەملەكەت ءتوراعاسى شي جينپيڭ بەيجيڭدە ”2021 سۇڭدۋ حالىقارالىق تالقى مىنبەرىنىڭ“ اشىلۋ سالتىنا ارناپ بەينە ەكراندا ءسوز سويلەدى.

□ سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

  شينحۋا اگەنتتىگىنىڭ 12 - ايدىڭ 5 - كۇنى بەيجيڭنەن بەرگەن حابارى. 12 - ايدىڭ 5 - كۇنى مەملەكەت ءتوراعاسى شي جينپيڭ بەيجيڭدە ”2021 سۇڭدۋ حالىقارالىق تالقى مىنبەرىنىڭ“ اشىلۋ سالتىنا ارناپ بەينە ەكراندا ءسوز سويلەدى.

  شي جينپيڭ بىلاي دەپ باسا دارىپتەدى: قازىر دۇنيە جۇزىندە ادامزات سيرەك كەزدەسەتىن قات - قابات داعدارىستى باستان كەشىرۋدە. ىركەس - تىركەس جارىققا شىققان الەمدىك ماسەلەلەر مەن سىن - سايىستار الدىندا، ءبىز اشىق، سيىسىمدى بولۋعا، كەڭەسىپ سەلبەسۋگە تاباندى بولىپ، كوپ جاقتىلىققا تاباندى بولىپ جانە ونى قورعاپ، ادامزاتتىڭ تاعدىرلاس ورتاق تۇلعاسىن قۇرۋدى بەلسەنە ىلگەرىلەتۋىمىز كەرەك.

  − ءبىز قيىندىقتى بىلەك بىرىكتىرە جەڭىپ، شىن مانىندەگى كوپ جاقتىلىقتى امالياتتا ايگىلەۋىمىز كەرەك. كوپ جاقتىلىقتىڭ نەگىزگى مازمۇنى − حالىقارالىق ىستەردى كوپشىلىك بىرگە اقىلداسىپ ءبىتىرۋ، دۇنيە ءجۇزىنىڭ بولاشاعى مەن تاعدىرىن ءار ەل بىرگە يگەرۋ. بىرلەسكەن مەملەكەتتەر ۇيىمىن وزەك ەتكەن حالىقارالىق جۇيەنى، حالىقارالىق زاڭدى نەگىز ەتكەن حالىقارالىق ءتارتىپتى، بىرلەسكەن مەملەكەتتەر ۇيىمىنىڭ ۋستاۆىن، باس ماقساتىن جانە پرينسيبىن نەگىز ەتكەن حالىقارالىق قارىم - قاتىناستىڭ نەگىزگى ولشەمىن باتىل قورعاپ، بەيبىتشىلىك، دامۋ، ادىلدىك، تۋراشىلدىق، دەموكراتيا، ەركىندىك سىندى بۇكىل ادامزاتقا ورتاق قۇندىلىقتاردى اسقاقتاتۋىمىز كەرەك.

  − ءبىز داۋىرمەن بىرگە العا ىلگەرىلەپ، الەمدىك جونگە سالۋ جۇيەسىن ۇزدىكسىز كەمەلدەندىرۋىمىز كەرەك. دۇنيە ءجۇزى اۋقىمىنىڭ وزگەرىسىن تياناق ەتىپ، كەڭ كولەمدە كەڭەسۋ، ورتاق تانىم ۇيىستىرۋ نەگىزىندە الەمدىك جونگە سالۋ جۇيەسىنە رەفورما جاساۋ جانە ونى كەمەلدەندىرۋ كەرەك. حالىقارالىق قارىم - قاتىناستى دەموكراتيالاندىرۋدىڭ ۇلكەن بەتالىسىنا تاباندى بولىپ، وركەندەپ كەلە جاتقان ەلدەردىڭ حالىقارالىق ىستەردەگى ۋاكىلدىك سيپاتى مەن ءسوز سويلەۋ ۇقىعىن جوعارىلاتىپ، الەمدىك جونگە سالۋ جۇيەسىنىڭ اناعۇرلىم ءادىل، ۇيلەسىمدى بەتالىسقا قاراي دامۋىن قۇلشىنا ىلگەرىلەتۋ كەرەك.

  − ءبىز نازاردى ارەكەتكە شوعىرلاندىرىپ، الەمدىك سەلبەستىك كەڭەستىك ءتارتىبىن ويداعىداي تياناقتاندىرۋىمىز كەرەك. مەن الەمدىك دامۋ باستاماسىن، الەمدىك دامۋدىڭ تاعدىرلاس ورتاق تۇلعاسىن قۇرۋدى ورتاعا قويدىم، ءارقايسى جاقتىڭ بەلسەندى ات سالىسۋىن ءۇمىت ەتەمىن. دامۋدى الدىمەن ويلاسۋعا تاباندى بولىپ، كەدەيلىكتى ازايتۋ، ىندەتكە قارسى اتتانۋ جانە ۆاكسينا، دامۋ قارجىسىن دايىنداۋ، جاسىلدىققا ويىسۋ، ۇلاستىرۋ، تۇتاستىرۋ سياقتى سالالارداعى سەلبەستىكتى ىلگەرىلەتىپ، الەمدىك دامۋدىڭ تەپە - تەڭ، سايكەستى، سيىسىمدى جاڭا كەزەڭگە قادام تاستاۋىن جەبەۋ كەرەك.

  شي جينپيڭ بىلاي دەپ باسا دارىپتەدى: جۇڭگو كوممۋنيستىك پارتياسىنىڭ 100 جىلدىق كۇرەسىندەگى ءبىر ماڭىزدى تاريحي تاجىريبە − كۇللى دۇنيەگە كەڭ پەيىل بولۋعا تاباندى بولىپ، قاي - قاشان دا ادامزاتتىڭ بولاشاعى مەن تاعدىرىنا نازار اۋدارۋ. جۇڭگونىڭ كوپ جاقتىلىقتى قولداۋ بەكىمى وزگەرمەيدى، كوپ جاقتىلىقتىڭ وزەكتى قۇنى مەن نەگىزگى پرينسيبىن باتىل قورعاپ، ءوزارا پايدا جەتكىزىپ، تەڭ يگىلىككە كەنەلۋگە تاباندى بولىپ، پارىقتاردى ساقتاي وتىرىپ ورتاقتىققا ۇمتىلۋعا تاباندى بولىپ، ءادىل، تۋراشىلدىققا تاباندى بولىپ، سەلبەسە دامۋعا تاباندى بولىپ، ادامزات وركەنيەتىنىڭ العا باسۋىنا اقىل - پاراساتىن جانە كۇش - قۋاتىن ارنايدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.