تيانشان تورى
تيانشان تورى   ›   ۇيرەنۋ   ›   شولۋ

ەلىمىزدىڭ ءدىندى جۇڭگوشالاندىرۋ بەتالىسىنا تاباندى بولايىق

  ەلىمىزدىڭ ءدىندى جۇڭگوشالاندىرۋ بەتالىسىنا تاباندى بولايىق

  − باس شۋجي شي جينپيڭنىڭ بۇكىل مەملەكەتتىك ءدىن قىزمەتى ماجىلىسىندە سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە

  حالىق گازەتىنىڭ شولۋشىسى

  ەلىمىزدىڭ ءدىندى جۇڭگوشالاندىرۋ بەتالىسىنا تاباندى بولۋ ەلىمىزدە ءدىن دامۋىنىڭ، ءسوز جوق، باسىپ وتەتىن جولى. بۇكىل مەملەكەتتىك ءدىن قىزمەتى ماجىلىسىندە، باس شۋجي شي جينپيڭ ”ءسوز جوق، ەلىمىزدىڭ ءدىندى جۇڭگوشالاندىرۋ بەتالىسىنا تاباندى بولۋ كەرەك“ دەپ باسا دارىپتەپ، ”ەلىمىزدە ءدىندى جۇڭگوشالاندىرۋدى ىشكەرىلەي ىلگەرىلەتۋ كەرەك“ دەگەن ايقىن تالاپتى ورتاعا قويدى، بۇل جاڭا داۋىردەگى پارتيانىڭ ءدىن قىزمەتىن ويداعىداي ىستەپ، دىنگە سەنەتىن بۇقارانى قالىڭ حالىق بۇقاراسىمەن بىرگە جاپپاي سوتسياليستىك وسىزاماندانعان قۇدىرەتتى مەملەكەتتى قۇرىپ شىعۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن ىنتىماقتاسا كۇرەس جاساۋعا اناعۇرلىم ويداعىداي ۇيىمداستىرۋ جانە جەتەكتەۋ جونىنەن توتەنشە ماڭىزدى مانگە يە.

  ەلىمىزدەگى ءارقايسى دىندەر دامۋ بارىسىندا ەجەلدەن جۇڭگونىڭ تاڭداۋلى ءداستۇرلى مادەنيەتىمەن توعىسقان، قوعامدىق دامۋدىڭ رەال قاجەتىمەن ۇيلەسكەن ەرەكشەلىككە يە. ءارقايسى دىندەر ۇزاق ۋاقىتتان بەرى جۇڭگوشالانۋ، جەرگىلىكتەنۋدەي داستۇرگە مۇراگەرلىك ەتىپ جانە ونى ساۋلەلەندىرىپ، قوعامعا ىرىقتىلىقپەن ۇيلەسىپ، وتاندى ءسۇيۋ، ءدىندى قادىرلەۋ، ىنتىماقتاسا العا باسۋ، قوعامعا قىزمەت وتەۋ، جاراسىمدى دا سيىسىمدى بولۋداي تاڭداۋلى ءداستۇردى ساۋلەلەندىرىپ، مەملەكەتتىڭ مۇددەسىن، قوعامدىق الەۋمەتتىك مۇددەنى جانە الەۋمەتتىك ءتارتىپتى، تاماشا سالتتى سانالى تۇردە قورعاپ، قوعامدىق جاۋاپكەرشىلىكتەرىن اتقاردى. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانىڭ ءدىن قىزمەتى نەگىزگى باعىتىنا تاباندى بولىپ، ەلىمىزدىڭ ءدىندى جۇڭگوشالاندىرۋ بەتالىسىنا تاباندى بولىپ، ءدىندى سوتسياليستىك قوعامعا ۇيلەسۋگە بەلسەنە جەتەكتەپ، ءدىننىڭ جۇڭگوشالانۋى بىرتىندەپ تەرەڭدەدى. اماليات تەك جۇڭگوشالاندىرۋ بەتالىسىنا تاباندى بولعان ءدىن عانا، تەك جۇڭگوشالاندىرۋدى جۇزەگە اسىرعان ءدىن عانا ەلىمىزدىڭ سوتسياليستىك قوعامىنا اناعۇرلىم ويداعىداي ۇيلەسىپ، ەلىمىزدىڭ قوعامدىق دامۋىندا، العا باسۋىندا بەلسەندى رول اتقارا الاتىندىعىن دالەلدەدى.

  ءدىننىڭ ءوزى تۇرعان قوعامعا ۇيلەسۋى دۇنيە جۇزىندەگى ءارقايسى دىندەردىڭ ءومىر ءسۇرۋىنىڭ، دامۋىنىڭ وبيەكتيۆ زاڭدىلىعى ءارى ەلىمىزدەگى دىندەردىڭ اقاۋسىز جالعاسۋىنىڭ قاجەتتى تالابى. مەيلى جەرگىلىكتى ءدىن بولسىن، الدە سىرتتان كەلگەن ءدىن بولسىن، بارلىعى ەلىمىزدىڭ قوعامدىق دامۋىنا ۇزدىكسىز ۇيلەسىپ، داۋىرلىك ءمانىن تولىقتىرىپ وتىرۋ كەرەك. ءسوز جوق، مىنانى تەرەڭ تانۋ كەرەك: وزەكتى قۇن كوزقاراسى ءبىر ۇلتتىڭ سۇيەنىپ تىرشىلىك ەتەتىن رۋحاني دانەكەرى، ءبىر مەملەكەتتىڭ ورتاق يدەيا - ءمورال نەگىزى، مادەنيەتتى شىنايى مويىنداۋ ەڭ تەرەڭ ساتىداعى شىنايى مويىنداۋ، ەلىمىزدىڭ ءدىندى جۇڭگوشالاندىرۋ بەتالىسىنا تاباندى بولۋدا ەلىمىزدەگى دىندەرگە سوتسياليستىك وزەكتى قۇن كوزقاراسىمەن جەتەكشىلىك ەتىپ، جۇڭحۋا مادەنيەتىمەن قۇنارلاندىرىپ، دىندەردىڭ ءدىني جوسىن، ءدىني قاعيدالارىنداعى قوعامنىڭ جاراسىمدىلىعىنا، ءداۋىردىڭ العا باسۋىنا، اقاۋسىز وركەنيەتكە پايدالى مازمۇنداردى ىشكەرىلەي اشۋىن قولداپ، زامانىمىزداعى جۇڭگونىڭ دامۋ، العا باسۋ تالاپتارىنا ۇيلەسەتىن، جۇڭحۋانىڭ تاڭداۋلى ءداستۇرلى مادەنيەتىنە ۇيلەسەتىن ءتۇسىندىرۋ جاساپ، ەلىمىزدەگى دىندەردى جۇڭگوشا ەرەكشەلىككە، جۇڭگوشا ۇلگىگە، جۇڭگوشا بەينەگە اناعۇرلىم يە ەتۋ كەرەك. ءدىن قىزمەتى پارتيا مەن مەملەكەت قىزمەتىنىڭ جالپى جاعدايىندا ەرەكشە ماڭىزدىلىققا يە، جۇڭگوشا سوتسياليزم ىستەرىنىڭ دامۋىنا سايادى، پارتيانىڭ حالىق بۇقاراسىمەن ەتەنە بايلانىسىنا سايادى، قوعام جاراسىمدىلىعىنا، ۇلتتار ىنتىماعىنا سايادى، مەملەكەتتىڭ حاۋىپسىزدىگىنە جانە وتاننىڭ تۇتاستىعىنا سايادى، ەلىمىزدىڭ ءدىندى جۇڭگوشالاندىرۋ بەتالىسىنا تاباندى بولۋدا دەربەس، ءوزىن - ءوزى باسقارۋ، ءوز ءىسىن ءوزى ىستەۋ پرينسيبىنە تاباندى بولىپ، ءدىن ىستەرىن زاڭ بويىنشا باسقارىپ، ءدىننىڭ ۇيلەسىمدى، قوعامنىڭ جاراسىمدى، ۇلتتاردىڭ تاتۋ بولۋىن جەبەۋ كەرەك.

  جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا ەكپىندەي ىلگەرىلەپ، ءدىن قىزمەتىنىڭ جاڭا جاعدايىن قۇلشىنا اشۋدا سانالى تۇردە يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن بىرلىككە كەلتىرىپ، ءىس جۇزىندىكپەن ۇشتاستىرىپ تياناقتاندىرۋدى ويداعىداي يگەرۋ كەرەك. ەلىمىزدە ءدىندى جۇڭگوشالاندىرۋدى ىشكەرىلەي ىلگەرىلەتىپ، ەلىمىزدە ءدىندى سوتسياليستىك وزەكتى قۇن كوزقاراسىن جەتەكشى ەتۋگە باستاپ جانە ونى قولداپ، ءدىن سالاسىنداعى قايراتكەرلەر مەن دىنگە سەنەتىن بۇقارانىڭ ۇلى وتاندى، جۇڭحۋا ۇلتىن، جۇڭحۋا مادەنيەتىن، جۇڭگو كوممۋنيستىك پارتياسىن، جۇڭگوشا سوتسياليزمدى شىنايى مويىنداۋىن كۇشەيتۋ كەرەك. ءدىن سالاسىندا وتانشىلدىق، كوللەكتيۆيزم، سوتسياليزم تاربيەسىن ورىستەتىپ، پارتيا تاريحى، جاڭا جۇڭگو تاريحى، رەفورما جاساۋ، ەسىك اشۋ تاريحى، سوتسياليزمنىڭ دامۋ تاريحى تاربيەسىن باعىتتامالى تۇردە كۇشەيتىپ، ءدىن سالاسىنداعى قايراتكەرلەر مەن دىنگە سەنەتىن بۇقارانى سوتسياليستىك وزەكتى قۇن كوزقاراسىن جەتىلدىرۋگە جانە ونى امالياتتا ايگىلەۋگە جەتەكتەپ، جۇڭحۋا مادەنيەتىن اسقاقتاتۋ كەرەك. جالپى تۇلعالىق مەملەكەت حاۋىپسىزدىگى كوزقاراسىنا تاباندى بولىپ، دەربەس، ءوزىن - ءوزى باسقارۋ، ءوز ءىسىن ءوزى ىستەۋ پرينسيبىنە تاباندى بولىپ، قاتىستى قىزمەتتەردى ءبىر تۇتاس جوسپارلاپ ىلگەرىلەتۋ كەرەك. ينتەرنەتتەگى ءدىن ىستەرىن باسقارۋدى كۇشەيتۋ كەرەك. ەلىمىزدە ءدىننىڭ اقاۋسىز جالعاسۋىنا ىقپال جاسايتىن كورنەكتى ماسەلەلەردى شىن مانىندە شەشۋ كەرەك.

  ىنتىماق − كۇش. ءدىني سەنىم ەركىندىگى ساياساتىن اتقارۋدىڭ شىعار ءتۇيىنى مەن تابان تىرەر تياناعى قالىڭ دىنگە سەنەتىن بۇقارا مەن دىنگە سەنبەيتىن بۇقارانى ەڭ جوعارى شەكتە ىنتىماقتاستىرۋ. دىنگە سەنەتىن بۇقارا مەن دىنگە سەنبەيتىن بۇقارانىڭ ساياسيداعى، ەكونوميكاداعى ءتۇبىرلى مۇددەسى بىردەي، تۇگەلدەي پارتيانىڭ بيلىك جۇرگىزۋىنىڭ بۇقارالىق نەگىزى. جاڭا ساپاردا پارتيانىڭ ءدىن قىزمەتى نەگىزگى باعىتىنا تاباندى بولىپ، ەلىمىزدىڭ ءدىندى جۇڭگوشالاندىرۋ بەتالىسىنا تاباندى بولىپ، ءدىندى سوتسياليستىك قوعامعا ۇيلەسۋگە بەلسەنە جەتەكتەپ، پارتيانىڭ ءدىني سەنىم ەركىندىگى ساياساتىن تولىق، دالمە - ءدال، جاپپاي دايەكتىلەندىرىپ، ءدىننىڭ قوعامعا اناعۇرلىم ويداعىداي ۇيلەسۋىن، قوعامعا قىزمەت وتەۋىن، قوعامدىق جاۋاپكەرشىلىگىن اتقارۋىن جەبەسەك، ءبىز، ءسوز جوق، تىزە قوسا كۇرەس جۇرگىزەتىن كۇشتەردى ەڭ جوعارى شەكتە ۇيىستىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدى بەتكە الىپ، ەرلىكپەن العا ىلگەرىلەي الاتىن بولامىز.

  (شينحۋا اگەنتتىگىنىڭ 12 - ايدىڭ 5 - كۇنى بەيجيڭنەن بەرگەن حابارى)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.