تيانشان تورى   ›   جاڭالىقتار   ›   شينجياڭ حابارلارى

100 جىلدىق تاريحتان اقىل - پاراسات قابىلداپ، قۋاتتى ەكپىندەي ىلگەرىلەۋ كۇشىن ۇيىستىردى

    − پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى اۆتونوميالى رايوننىڭ ۇگىت لەكسيا ۇيىرمەسىنىڭ ۇگىت لەكسيا قيمىلدارى تۋرالى جالپى شولۋ

  انار بۇلت / شينجياڭ گازەتىنىڭ ءتىلشىسى جاڭ يانفاڭ، پراكتيكانت لي جيڭ

  پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن جۇرت جۇرەگىنە تەرەڭ ۇيالاتۋدى اناعۇرلىم ويداعىداي ىلگەرىلەتۋ ءۇشىن، جۋىقتان بەرى پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى اۆتونوميالى رايوننىڭ ۇگىت لەكسيا ۇيىرمەسى تيانشاننىڭ وڭتۇستىگى مەن سولتۇستىگىنە بارىپ ۇگىت لەكسيا ورىستەتتى. 12 - ايدىڭ 2 - كۇنىنە دەيىن اۆتونوميالى رايوننىڭ ۇگىت لەكسيا ۇيىرمەسى ايماق، وبلىس، قالالاردا، جوعارى مەكتەپتەردە بەينە ەكران فورماسىمەن 29 رەت ۇگىت لەكسيا، بايانداما جينالىسىن وتكىزدى، 27 رەت ءتۇرلى فورماداعى ىقپالداستىق، اۋىس - كۇيىس جاساۋ قيمىلىن وتكىزدى، تىڭدارماندار 91 مىڭنان استام ادام - رەتكە جەتتى.

  ”ۇگىت لەكسيانى ەستىپ، جالپى ءماجىلىس رۋحى جونىندەگى تۇسىنىگىم اناعۇرلىم تەرەڭدەپ، سەنىمىم اناعۇرلىم بەكەمدەلىپ، كۇش - جىگەرىم اناعۇرلىم تاسقىنداي ءتۇستى“، ”بەتپە - بەت ۇگىت لەكسيا جاساۋ، ءتۇسىندىرۋدىڭ ماعان پايداسى كوپ بولدى“... جان - جاقتى، ەگجەي - تەگجەيلى ۇگىت لەكسيا جاساۋ، جاندى دا جالىندى ءتۇسىندىرۋ رايونىمىزداعى ءار ۇلت كادر - بۇقاراسىنا تەرەڭ تاربيە، مول شابىت بەردى. كوپشىلىك مىنالاردى ءبىلدىردى: يدەيا مەن ارەكەتتى جالپى ءماجىلىستىڭ رۋحىمەن شىن مانىندە بىرلىككە كەلتىرىپ، پارتيانىڭ 100 جىلدىق كۇرەس بارىسىنان اقىل - پاراسات جانە كۇش - قۋات قابىلداپ، جاڭا داۋىردەگى جاڭا جورىقتا جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن قۇلشىنا ويداعىداي جازۋ كەرەك.

  تەرەڭدەي، ەگجەي - تەگجەيلى بايىمداپ، قىزۋ ورلەۋ كوتەردى

  پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، ۇگىتتەۋ، دايەكتىلەندىرۋ − كەزەكتەگى جانە الداعى ءبىر مەزگىلدەگى كەلەلى ساياسي مىندەت.

  ۇيرەنۋ، ۇگىتتەۋ، دايەكتىلەندىرۋ ورلەۋىن كوتەرۋ ءۇشىن، پارتيا ورتالىق كوميتەتىنىڭ ورنالاستىرۋىنا ساي، رايونىمىزدىڭ ءىس جۇزىندىك جاعدايىمەن ۇشتاستىرىپ، اۆتونوميالى رايوندىق پارتكوم پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى اۆتونوميالى رايوننىڭ ۇگىت لەكسيا ۇيىرمەسىن قۇرۋدى ۇيعاردى. ولكە، مينيسترلىك دارەجەلى باسشى كادرلار باستاماشىلدىقپەن ۇيرەنىپ، باستاماشىلدىقپەن ۇگىت لەكسيا بايانداماسىن جاسادى. سونىمەن بىرگە، ساياسي ساپاسى جاقسى، نازاريالىق ورەسى جوعارى، امالياتتىق تاجىريبەسى مول، ىسكەر 21 ادامدى دەن قويا سۇرىپتاپ، اۆتونوميالى رايوننىڭ ۇگىت لەكسيا ۇيىرمەسىنىڭ ايماق، وبلىس، قالالارداعى بولىمشە ۇگىت لەكسيا ۇيىرمەسىن جانە جوعارى مەكتەپتەردەگى بولىمشە ۇگىت لەكسيا ۇيىرمەسىن ۇيىمداستىرىپ، بۇكىل رايونداعى ايماق، وبلىس، قالالاردى، جوعارى مەكتەپتەردى ۇگىت لەكسيا جاساۋمەن جاپپاي قامتۋدى ورىندادى.

  11 - ايدىڭ 23 - كۇنى پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، ۇگىتتەۋ، دايەكتىلەندىرۋ جانە اۆتونوميالى رايوننىڭ ۇگىت لەكسيا جاساۋ، اتتانىسقا كەلتىرۋ تەلەۆيزور - تەلەفون ءماجىلىسى اشىلدى. ءماجىلىس جالپى ءماجىلىستىڭ رۋحىن ۇيرەنۋ، دايەكتىلەندىرۋ جونىندە ورنالاستىرۋ جاساپ، ۇگىت لەكسيا ۇيىرمەسى مۇشەلەرىنىڭ جالپى ءماجىلىستىڭ رۋحىن جەتە ءتۇسىنىپ، كەڭ كولەمدە ۇگىت لەكسيا جاساپ، جالپى ءماجىلىستىڭ رۋحىن دۇرىس، قۇزىرلى تۇردە ءتۇسىندىرىپ، قالىڭ كادرلار مەن بۇقارانىڭ يدەيا مەن ارەكەتتى پارتيا ورتالىق كوميتەتىنىڭ كەلەلى شەشىمدەرىمەن، ورنالاستىرۋلارىمەن بىرلىككە كەلتىرىپ، پارتيا 20 - قۇرىلتايىنىڭ اشىلۋىن ۇزدىك ناتيجەلەرمەن قارسى الۋىن اناعۇرلىم ويداعىداي ىلگەرىلەتۋىن باسا دارىپتەدى.

  11 - ايدىڭ 24 - كۇنىنەن 11 - ايدىڭ 28 - كۇنىنە دەيىن اۆتونوميالى رايوننىڭ ۇگىت لەكسيا ۇيىرمەسىنىڭ مۇشەلەرى توپتىق ساباق دايىنداپ، ۇگىت لەكسيا ماقالاسىن دەن قويا جازىپ، ابدەن وڭدەپ، ۇگىت لەكسيا ماتەريالدارىن كەمەلدەندىرىپ، ۇگىت لەكسيا قيمىلىن ويداعىداي ورىستەتۋگە تولىق دايىندىق جاسادى.

  11 - ايدىڭ 29 - كۇنى اۆتونوميالى رايوننىڭ ۇگىت لەكسيا ۇيىرمەسىنىڭ مۇشەلەرى كۇشتى ساياسي جاۋاپكەرشىلىك سەزىممەن، تاريحي بورىشتىلىق سەزىممەن، تاسقىنداعان ىنتامەن جەر - جەرگە بارىپ ۇگىت لەكسيا قيمىلىن ورىستەتتى.

  قالادان اۋىل - قىستاققا دەيىن، ورگانداردان، ورىنداردان كاسىپورىندارعا، زاۆودتارعا دەيىن، ءمالى، الەۋمەتتىك اۋماقتاردان جوعارى مەكتەپتەردىڭ ساباقحانالارىنا دەيىن، جاڭا ءداۋىر وركەنيەت امالياتى ورتالىعىنان قىزىل ەسكەرتكىش سارايىنا دەيىن ۇگىت لەكسيا قيمىلى دابىرالى ورىستەتىلدى.

  وتكەن ءبىر جىلدان بەرى پارتيا مەن مەملەكەت ىستەرىنىڭ دامۋىندا قول جەتكەن كەلەلى تابىستاردى، پارتيانىڭ 100 جىلدىق كۇرەسىنىڭ شۇعىلالى بارىسىن، شۇعىلالى تابىستارىن، تاريحي ماڭىزىن، پارتيانىڭ اۋەلگى ماقساتتان، بورىشتان اينىماي تاباندىلىقپەن كۇرەس جۇرگىزۋىن، پارتيانىڭ جاپپاي باسشىلىعىنا تاباندى بولۋ، پارتيانى جاپپاي قاتاڭ جونگە سالۋ تالابىن، جاڭا داۋىردەگى تاريحي تابىستار مەن تاريحي وزگەرىستەردى، پارتيانىڭ 100 جىلدىق كۇرەسىنىڭ تاريحي تاجىريبەلەرىن، تاريحتى اينا ەتىپ، بولاشاققا جول اشۋدىڭ ماڭىزدى تالاپتارىن انىق، ەگجەي - تەگجەيلى ءتۇسىندىردى.

   اۆتونوميالى رايوننىڭ ۇگىت لەكسيا ۇيىرمەسىنىڭ مۇشەلەرى نىسانامەن، تالاپپەن تىعىز بايلانىستىرا وتىرىپ تارتىمدى ءتۇسىندىردى، ماڭىزدى ءتۇيىنى كورنەكتى، تەرەڭ ويدى تۇسىنىكتى تىلمەن جەتكىزگەن ۇگىت لەكسيا قالىڭ پارتيالى كادرلار مەن بۇقارانىڭ قىزۋ قارسى الۋىنا يە بولدى، ۇگىتتەۋ، دايەكتىلەندىرۋ ورلەۋى تيانشان الابىندا كوتەرىلدى.

  ىشكەرىلەي اۋىس - كۇيىس جاساپ، ورتاق تانىمدى، كۇش - قۋاتتى ۇيىستىردى

  بارعان جەرلەرىندە ۇگىت لەكسيا ۇيىرمەسىنىڭ مۇشەلەرى جەرگىلىكتى ورىننىڭ ءىس جۇزىندىك جاعدايىمەن تىعىز بايلانىستىرىپ، قالىڭ كادرلار مەن بۇقاراعا جان - جاقتى، تەرەڭ ۇگىت لەكسيا بايانداماسىن الا كەلدى ءارى نەگىزگى ساتىداعى كادرلارمەن، بۇقارامەن بەتپە - بەت ىقپالداسىپ، اۋىس - كۇيىس جاساپ، جالپى ءماجىلىس رۋحىمەن شىن مانىندە يدەيانى بىرلىككە كەلتىرىپ، ورتاق تانىم ۇيىستىرىپ، سەنىمدى بەكەمدەپ، كۇرەس جىگەرىن تاسقىنداتتى.

  سانجى حۇيزۋ اۆتونوميالى وبلىسىندا، اۆتونوميالى رايوننىڭ ۇگىت لەكسيا ۇيىرمەسىنىڭ مۇشەسى، اۆتونوميالى رايوندىق پارتكوم پارتيا تاريحىن جانە حۇجات زەرتتەۋ ورنىنىڭ باستىعى جيا پىڭ پارتيا 19 - كەزەكتى ورتالىق كوميتەتى التىنشى جالپى ءماجىلىسىن اشۋدىڭ، پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن قورىتىندىلاۋدىڭ كەلەلى ماڭىزىن تەرەڭ تانۋ سياقتى جاقتاردان جالپى ءماجىلىستىڭ رۋحىنا دالمە - ءدال تۇسىنىك جاسادى. جيا پىڭ تاعى شينجياڭ شينحۇي قىزىل ەستەمە مۇراجايى، سانجى نان كاسىپ سالاسى مادەنيەت - ساياحات شاعىن قالاشىعى سياقتى جەرلەرگە بارىپ، نەگىزگى ساتىداعى پارتيالى كادرلارمەن، بۇقارامەن اڭگىمەلەسىپ، اۋىس - كۇيىس جاساپ، كوپشىلىك كوڭىل ءبولىپ وتىرعان ماسەلەلەرگە سول جەردىڭ وزىندە جاۋاپ بەردى.

  ”جالپى ءماجىلىستىڭ ەڭ ماڭىزدى جەتىستىگى «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارىن» قاراپ ماقۇلدادى“. قاشقار قالاسىندا اۆتونوميالى رايوننىڭ ۇگىت لەكسيا ۇيىرمەسىنىڭ مۇشەسى، شينجياڭ قازىنا - ەكونوميكا داشۋەسى پارتكومىنىڭ ورىنباسار شۋجيى حى پيڭ قاشقار ايماعىنداعى پارتيالى كادرلارعا تارتىمدى لەكسيا جاساعاننان كەيىن دامىل تاپپاستان قاشقار قالاسى پاقتاكلىك اۋىلىنداعى 100 جىلدىق قاشقار سارايىنا كەلىپ، قارت پارتيا مۇشەلەرىنە، نەگىزگى ساتى كادرلارى مەن بۇقاراسىنا جالپى ءماجىلىس رۋحى جونىندە ۇگىت لەكسيا جاسادى.

  ۇگىت لەكسيا بايانداماسىن جاساۋدان ءبىر كۇن بۇرىن اۆتونوميالى رايوننىڭ ۇگىت لەكسيا ۇيىرمەسىنىڭ مۇشەسى، شينجياڭ قوعامدىق عىلىمدار اكادەمياسى پارتكومىنىڭ شۋجيى، اكادەميا باستىعى ديڭ شوۋچيڭ مەملەكەتتىك ۇلتتار ىنتىماعى، العاباسارلىعىنداعى ۇلگىلى جەكە، شاۋەشەك قالاسى شينچىڭ ءمالىسى قارا ءدوڭ الەۋمەتتىك اۋماعىنىڭ تۇرعىنى سالىقجان يمىننىڭ ۇيىنە كەلىپ، الەۋمەتتىك اۋماقتاعى پارتيالى كادر، بۇقارامەن بىرگە قورالاي وتىرىپ، وزگەرىستى اڭگىمەلەدى، بولاشاقتى تىلگە تيەك ەتتى، ۇيرەنۋ اسەرلەرىن شەشىلە باياندادى. ”پارتيانىڭ ءبىزدىڭ تاماشا تۇرمىس كەشىرۋىمىزگە مۇمكىندىك جاساعاندىعىنا العىس ايتامىن“. سالىقجان يمىن تەبىرەنە بىلاي دەدى: بىرنەشە جىلدان بەرى شينجياڭدا زور وزگەرىستەر بولدى، ءار ۇلت بۇقاراسىنىڭ تۇرمىسى باقىتقا كەنەلدى، مەن كوپشىلىكپەن بىرگە ۇلتتار ىنتىماعى قىزمەتىن ءتىپتى دە تىڭعىلىقتى ىستەيمىن.

  ”سۇن پروفەسسور، جاس وقۋشىلار پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن قايتكەندە ءتىپتى دە ويداعىداي ۇيرەنۋىنە، تۇسنۋىنە بولادى؟“، جۇڭگو مۇناي داشۋەسىنىڭ (بەيجيڭ) قارامايلى مەكتەپ اۋماعىندا اۆتونوميالى رايوننىڭ ۇگىت لەكسيا ۇيىرمەسىنىڭ مۇشەسى، شينجياڭ شىفان داشۋەسى پارتكومىنىڭ تۇراقتى مۇشەسى، ورىنباسار مەكتەپ باستىعى سۇن شيۋليڭ بىلىمگە ىنتىققان وقىتۋشى - وقۋشىلاردىڭ ورتاسىندا قىزۋ اۋىس - كۇيىس جاساپ، ءوزارا ىقپالداستىقتان كەيىن وقۋشىلار مۇرات - سەنىمىن اناعۇرلىم بەكەمدەدى.

  وسى مەكتەپ اۋماعىنىڭ وقۋشىسى پىڭ جىن بەرىك سەنىممەن مىنالاردى ءبىلدىردى: ءىس جۇزىندىك ارەكەتىمىز ارقىلى باس شۋجي شي جينپيڭنىڭ جۇڭگو مۇناي داشۋەسىنىڭ (بەيجيڭ) قارامايلى مەكتەپ اۋماعىنداعى مەكتەپ تاۋىسقان وقۋشىلارعا قايتارعان ماڭىزدى جاۋاپ حاتىنىڭ رۋحىن امالياتتا ايگىلەپ، جاستىق كوكتەمدەگى كۇرەستى پارتيا مەن حالىقتىڭ ىستەرىمەن توعىستىرىپ، ءداۋىردىڭ ءۇمىتىن اقتايمىز، ەسىل شاقتاردىڭ ءۇمىتىن اقتايمىز.

  قۇمىل قالاسىندا ۇگىت لەكسيا ۇيىرمەسىنىڭ مۇشەسى جۇڭگو جۇمىسشى - شارۋا قىزىل ارمياسى باتىس باعىت ارمياسىنىڭ شينجياڭعا كىرۋ ەسكەرتكىش باقشاسىنا بارىپ، ەسكەرتكىش سارايىنىڭ تاريحي ارتقى كورىنىسىمەن بىرلەستىرە وتىرىپ، پارتيا تاريحى حيكايالارىن باياندادى؛ كوكيار ەسكەرتكىش سارايىندا ۇگىت لەكسيا ۇيىرمەسىنىڭ مۇشەسى كوكيار جاسىلداندىرۋ ينجەنەرياسىنىڭ قۇرىلىسشىلارىمەن ىقپالداسىپ، اۋىس - كۇيىس جاساپ، كوپشىلىكتى كوكيار رۋحىن ۇزدىكسىز ساۋلەلەندىرىپ، تۇنىق سۋ، جاسىل تاۋدى قورعاۋعا شابىتتاندىردى...

  قىسقى كۇنگى شينجياڭنىڭ بايتاق دالاسىندا ۇگىت لەكسيا قىزۋ ءجۇرىلىپ، ورتاق تانىمنىڭ كۇش - قۋاتى ۇزدىكسىز توپتالدى.

  ساناعا، جۇرەككە ۇيالاتىپ، كۇرەسكەرلىك اسقاق سەزىمدى قاۋلاتتى

  تەرەڭ ماعىنالى، حالىق تۇرمىسىمەن جاناسقان ۇگىت لەكسيالار ساناعا، جۇرەككە ۇيالاپ، قايراتتى تاسقىنداتىپ، ءار ۇلت كادرلارى مەن بۇقاراسىنىڭ كۇرەسكەرلىك اسقاق سەزىمىن قاۋلاتتى.

  ”بۇل ءبىر رەتكى جاندى نازاريالىق پىسىقتاۋ، سونداي - اق ءبىر رەتكى تەرەڭ يدەيالىق اتتانىسقا كەلتىرۋ بولدى، اسا كۇشتى جەتەكشىلىك سيپاتقا يە“. ۇگىت لەكسيانى تىڭداعاننان كەيىن ىلە قازاق اۆتونوميالى وبلىستىق پارتكومنىڭ شۋجيى چيۋ شۋحۋا مىنالاردى ءبىلدىردى: تۇتاس وبلىس جوعارىدان تومەنگە دەيىن وسى رەتكى ۇگىت لەكسيا بايانداماسى جينالىسىن وراي، قوزعاۋشى كۇش ەتىپ، ۇزدىكسىز ىشكەرىلەي ۇيرەنىپ، پارتيا تاريحىن ۇيرەنۋ تاربيەسىن تەرەڭدەتىپ، كەڭەيتىپ، ورنىقتىلىق، دامۋ قىزمەتتەرىن تىڭعىلىقتى، ويداعىداي ىستەپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىنىڭ ىلەدە تياناقتانىپ تامىر تارتۋىنا شىنايى كەپىلدىك ەتۋ كەرەك.

  اقسۋ ايماقتىق پارتكومنىڭ شۋجيى دوۋ ۋانگۇي مىنالاردى ءبىلدىردى: ايماقتاعى قالىڭ كادرلار مەن بۇقارا جەتە ۇيرەنۋ، جەتە ءتۇسىنۋ، ۇلگىگە، ولشەمگە تۋرالانۋ، شىنايى تياناقتاندىرۋ جاعىندا كۇش سالىپ، ۇيرەنۋ جەتىستىگىن ءتۇرلى قىزمەتتى ىلگەرىلەتۋدىڭ قۋاتتى قوزعاۋشى كۇشىنە شىن مانىندە اينالدىرىپ، قوعام ورنىقتىلىعى مەن باياندى تىنىشتىقتى ىلگەرىلەتۋدىڭ ناقتى امالياتىنا اينالدىرىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا زەيىن - زەردەنى، كۇش - قۋاتتى ۇيىستىرۋ كەرەك.

  اۆتونوميالى رايوننىڭ ۇگىت لەكسيا ۇيىرمەسىنىڭ مۇشەلەرىمەن اڭگىمەلەسىپ، اۋىس - كۇيىس جاساعاننان كەيىن، اتۇش قالاسى حۇڭيۇنفا قاعاز كاسىبى شەكتى سەرىكتەستىگىنىڭ سەح مەڭگەرۋشىسى چۇي شۋانۋي بىلاي دەدى: ”تەحنيك رەتىندە مەن، ءسوز جوق، تەحنيكانى ويداعىداي ۇڭىلە زەرتتەپ، تەحنيكا جاڭالاۋ ارقىلى كاسىپورىننىڭ جوعارى ساپالى دامۋىن ىلگەرىلەتەمىن“.

  ”ۇگىت لەكسيا جۇرەككە جەتتى“. اراسان اۋدانىنداعى نەگىزگى ساتى ۇگىت لەكسياشىسى، شاعانتۇڭگە اۋىلىنىڭ ورىنباسار اۋىل باستىعى باقىتگۇل وجەتقان ۇگىت لەكسيانى تىڭداعاننان كەيىن تەرەڭ شابىت الدى. ول بىلاي دەدى: الداعى ۋاقىتتا اراساننىڭ ءىس جۇزىندىك جاعدايىمەن، بۇقارانىڭ جانىندا تۋىلعان وزگەرىستەرمەن تىعىز بايلانىستىرىپ، قاراپايىم، ۇعىنىقتى تىلمەن ۇگىت لەكسيا جاساپ، جالپى ءماجىلىس رۋحىنىڭ جالپاق جۇرتقا تەگىس جەتۋىن ىلگەرىلەتەمىز.

  ىلە شىفان داشۋەسىنىڭ وقىتۋشىسى سۇن يۇيسۇي بىلاي دەدى: ءبىز جالپى ءماجىلىس رۋحى مەن قاتىستى مازمۇنداردى يدەيا - ساياسي ساباعى وقىتۋىمەن ساباقتاستىرۋ جونىندە ىزدەنىس جاساۋدامىز، وسى ارقىلى وقۋشىلاردىڭ پارتيانى ءسۇيۋ، وتاندى ءسۇيۋ ىنتا - ىقىلاسىن ارتتىرۋىنا كومەكتەسىپ، ولاردى جاپپاي سوتسياليستىك وسىزاماندانعان قۇدىرەتتى ەل قۇرۋ جولىندا جاستىق كۇش - قۋاتىن ارناۋعا ىنتالاندىرامىز“.

  كورلا قالاسى سىلۋ ءمالىسى شاڭشۇيچىڭ الەۋمەتتىك اۋماعىنىڭ قىزمەتكەرى ءمارىپ يمىن مىنالاردى ءبىلدىردى: الەۋمەتتىك اۋماق تۇرعىندارىنىڭ ”شۇعىل، قيىن، ۋايىمداعان، ءزارۋ“ ماسەلەلەرىن ويداعىداي شەشىپ، تۇرعىنداردىڭ باقىت كورسەتكىشىن اناعۇرلىم جوعارىلاتامىز.

  كەشەگى ازاپتى كۇندەر مەن شۇعىلالى شاقتاردى ۇمىتپاي، بۇگىنگى بورىش پەن جاۋاپكەرشىلىكتى ادا ەتىپ، ەرتەڭگى ۇلى ارماندى ورىندايمىز. ىشكەرىلەي ۇگىت لەكسيا جاساۋ اۋىس - كۇيىسى بارىسىندا ءار ۇلت كادرلارى مەن بۇقاراسى تەك شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، تاريحتى اينا ەتىپ، بولاشاققا جول اشىپ، دەن قويا قاجىرلىلىقپەن ىستەپ، ەرلىكپەن العا تارتقاندا عانا، ءسوز جوق، جاڭا داۋىردەگى جاڭا جورىقتا ءتىپتى دە ۇلى جەڭىستەر مەن داڭقتارعا قول جەتكىزۋگە بولاتىندىعىنا كامىل سەندى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.