ءۇرىمجى قالاسى، قۇمىل قالاسى
”ەڭبەك تاماشا تۇرمىس جاراتادى“ اتىندا جەلىلەس اڭگىمە ءماجىلىس وتكىزدى
”زورلىقپەن ەڭبەككە سالۋ“ ءپاتۋاسى تۇككە تۇرعىسىز ساندىراق
انار بۇلت / شينجياڭ گازەتىنىڭ ءتىلشىسى جاۋ شييا 12 - ايدىڭ 5 - كۇنى ۇرىمجىدەن حابارلايدى. 12 - ايدىڭ 4 - كۇنى ءۇرىمجى قالاسى، قۇمىل قالاسى ”ەڭبەك تاماشا تۇرمىس جاراتادى“ اتىندا جەلىلەس اڭگىمە ءماجىلىس وتكىزدى، قالاعا قاراستى ورگانداردىڭ، ورىنداردىڭ، كاسىپورىنداردىڭ ۋاكىلدەرى تۇس - تۇستان لەبىز ءبىلدىرىپ، ءبىر مەزەتتەن بەرى امەريكاداعى، باتىستاعى جۇڭگوعا قارسى كۇشتەردىڭ ويدان قيىستىرعان شينجياڭدا ايتىلمىس ”زورلىقپەن ەڭبەككە سالۋ“ ءومىر سۇرۋدە دەگەن وسەك - اياڭىنا تەمىردەي فاكتتەرمەن قايتارما سوققى بەردى جانە تويتارىس جاسادى.
”’زورلىقپەن ەڭبەككە سالۋ‘ ءپاتۋاسى تۇككە تۇرعىسىز ساندىراق! ۇرىمجىدەگى مال - مۇلىك كولەمى ەڭ ۇلكەن مەملەكەت مەنشىگىندەگى كاسىپورىن رەتىندە، ءبىز سەرىكتەستىگىمىزدەگى ءاربىر كادر، جۇمىسشى - قىزمەتكەر زاڭدا بەلگىلەنگەن ۇقىق پەن بورىشتان تولىق يگىلىكتەنىپ وتىر دەپ توتەنشە جاۋاپكەرشىلىكپەن ايتا الامىز“. ءۇرىمجى قالاسى قۇرىلىس قارجى قوسۋ (توبى) شەكتى سەرىكتەستىگىنىڭ ادام كۇشى بايلىعى باس باقىلاۋشىسى، ۇيىمداستىرۋ ءبولىمىنىڭ (ادام كۇشى بايلىعى ءبولىمى) باستىعى اليا ابليمىت بىلاي دەدى: سەرىكتەستىك ەڭبەك زاڭى، ەڭبەك توقتامى زاڭى سياقتى قاتىستى زاڭداردىڭ بەلگىلەمەلەرىن قاتاڭ اتقاردى، ءار كۇنى 8 ساعاتتىق قىزمەت ءتۇزىمىن تياناقتاندىردى، قىزمەتكەرلەر زاڭدا بەلگىلەنگەن تەرەزەسى تەڭ تۇرعىدا جۇمىستانۋ، ەڭبەكاقى الۋ، دەمالۋ سياقتى ۇقىقتاردان تولىق يگىلىكتەنەدى، ت.ب، سەرىكتەستىك قىزمەتكەرلەردىڭ دەنساۋلىعىن جىلىنا بەلگىلەنگەن ۋاقىتتا تەكسەرتىپ تۇرادى، قىزمەتكەرلەردىڭ نەگىزدىك زەينەتكەرلىك قامسىزداندىرۋ قاراجاتى مەن ەمدەلۋدى قامسىزداندىرۋ قاراجاتى سياقتىلارىن تاپسىرادى. وسىنداي اشىق - جاريا، تەڭ، ءادىل ورتادا قىزمەتكەرلەر ءوز قىزمەت ورىندارىندا مىندەتتەرىن ادالدىقپەن اتقارىپ، كاسىپورىنمەن بىرگە قوعامعا قۇن جاراتىپ، جەكە ارماندارىن جۇزەگە اسىرۋدا.
”قازىر قىستاقتا توتەنشە زور وزگەرىس تۋىلدى، بۇرىنعى شاعىل جولدار كۇن نۇرى ەنەرگيالى شامدار ورناتىلعان اسفالت جولعا، بۇرىنعى جاتاعان توپىراق ۇيلەر كەڭ دە جارىق بەيقۇت ۇيلەرگە اينالدى، قىستاقتا 1000 نەشە شارشى مەترلىك بۇقارالىق مادەنيەت قيمىل ءۇيى سالىندى... وسىنىڭ ءبارى ەڭبەكپەن كەلگەن“، - دەدى قۇمىل قالالىق مادەنيەت، دەنە تاربيە، راديو - تەلەۆيزيا جانە ساياحات مەكەمەسىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا يجوۋ رايونى قارا ءدوۋا قالاشىعى بوستان قىستاعىندا تۇراتىن قىزمەت اترەتىنىڭ باستىعى لين حايبو. ول قىستاق تۇرعىندارىمەن بىرگە تۇرىپ، بىرگە تاماقتانىپ، بىرگە جۇمىس ىستەپ، قىستاق تۇرعىندارىنىڭ ”ەڭبەك ەڭ داڭقتى“ ۇستانىمىن ورناتۋىنا جەتەكشىلىك ەتكەندىگىن، قاجىرلىلىقپەن ەڭبەكتەنۋدىڭ ارقاسىندا قىستاق تۇرعىندارىنىڭ قالتاسى قامپايۋمەن بىرگە، وي ورىستەرى دە اناعۇرلىم كەڭەيگەندىگىن، امەريكاداعى، باتىستاعى جۇڭگوعا قارسى كۇشتەر ويدان قيىستىرعان شينجياڭدا ايتىلمىس ”زورلىقپەن ەڭبەككە سالۋ“ ءومىر ءسۇرىپ وتىر دەگەندەرى بۇكىلدەي ساندىراق ەكەندىگىن ايتتى. ول شينجياڭنىڭ جاراسىمدىلىعىن، دامۋىن بۇلدىرۋگە ۇرىنعان ءارقانداي قاسكۇنەمدىكتىڭ استە ىسكە اسپايتىندىعىنا كامىل سەنەتىندىگىن ايتتى.
اڭگىمە ماجىلىستە كوپشىلىك تەبىرەنە سويلەپ، امەريكاداعى، باتىستاعى جۇڭگوعا قارسى كۇشتەرگە مىنا ءبىر ەڭ نەگىزگى ساۋاتتى فاكت ارقىلى ءتۇسىندىردى: ەڭبەك ىستەۋ ادامنىڭ تۋمىسىنان بىتكەن ۇقىعى، قاجىرلىلىقپەن ەڭبەك ىستەۋ ارقىلى تاماشا تۇرمىس جاراتۋ دا ايتپاسا دا تۇسىنىكتى اقيقات. شينجياڭداعى ءار ۇلت حالقى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، قاجىرلى ەڭبەكتەرى ارقىلى تاماشا تۇرمىس جاراتىپ، بۇكىل ەل حالقىمەن بىرگە جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا ەكپىندەي العا باسادى.
