جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىس اشتى
2022 - جىلعى ەكونوميكالىق قىزمەتكە تالداۋ جاسادى، زەرتتەۋ جۇرگىزدى
پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ قىزمەتىن اقىلداسىپ، ورنالاستىردى
«جۇڭگو كوممۋنيستىك پارتياسى ءتارتىپ تەكسەرۋ كوميتەتى قىزمەت ەرەجەسىن» قارادى
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى
شينحۋا اگەنتتىگىنىڭ 12 - ايدىڭ 6 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسى 12 - ايدىڭ 6 - كۇنى ءماجىلىس اشىپ، 2022 - جىلعى ەكونوميكالىق قىزمەتكە تالداۋ جاسادى، زەرتتەۋ جۇرگىزدى؛ ورتالىق ءتارتىپ تەكسەرۋ كوميتەتىنىڭ، مەملەكەتتىك باقىلاۋ - تەكسەرۋ كوميتەتىنىڭ قىزمەت مالىمەتىن تىڭداپ، 2022 - جىلعى پارتيا ستيلى، پاكتىك قۇرىلىسى جانە شىرىكتەسۋگە قارسى تۇرۋ قىزمەتىن اقىلداسىپ، ورنالاستىردى؛ «جۇڭگو كوممۋنيستىك پارتياسى ءتارتىپ تەكسەرۋ كوميتەتى قىزمەت ەرەجەسىن» قارادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.
ءماجىلىس بىلاي دەپ قارادى: بيىلعى جىل پارتيا مەن مەملەكەت تاريحىندا بەلەستىك ماڭىز الاتىن ءبىر جىل، ءبىز 100 جىلدىق وزگەرىس پەن عاسىرلىق ىندەتكە بايىپتىلىقپەن توتەپ بەرىپ، رەفورمانىڭ، دامۋدىڭ جاپالى مىندەتتەرىن قۇلشىنا ورىنداپ، ”14 - بەسجىلدىقتىڭ“ تاماشا باستاماسىن جۇزەگە اسىردىق. ەلىمىز ەكونوميكاسىنىڭ دامۋى الەمدە الدىڭعى ورىندى ساقتاپ، مەملەكەتتىڭ ستراتەگيالىق عىلىم - تەحنيكالىق قۋاتى جەدەل دامىدى، كاسىپ سالاسى تىزبەگىنىڭ سەرپىمدىلىگى مەن باسىمدىعى جوعارىلادى، رەفورما جاساۋ، ەسىك اشۋ تەرەڭدەي ىلگەرىلەدى، حالىق تۇرمىسى پارمەندى، ءونىمدى قامتاماسىز ەتىلدى، ەكولوگيالىق وركەنيەت قۇرىلىسى ۇزدىكسىز ىلگەرىلەدى.
ءماجىلىس مىنالاردى تالاپ ەتتى: كەلەر جىلعى ەكونوميكالىق قىزمەتتى ويداعىداي ىستەۋ ءۇشىن، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى، التىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، پارتيا قۇرۋ ۇلى رۋحىن اسقاقتاتىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، رەفورما جاساۋدى، ەسىك اشۋدى جاپپاي تەرەڭدەتىپ، جاڭالىق اشۋ ارقىلى دامۋعا دەم بەرۋگە تاباندى بولىپ، جوعارى ساپالى دامۋدى ىلگەرىلەتىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتۋگە تاباندى بولىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، ”التىنى ورنىقتىرۋ“، ”التىنى قامتاماسىز ەتۋ“ قىزمەتىن ۇزدىكسىز ويداعىداي ىستەپ، حالىق تۇرمىسىن ۇزدىكسىز جاقسارتىپ، ماكرولىق ەكونوميكانىڭ جالپى اۋقىمىن كۇش سالا ورنىقتىرىپ، ەكونوميكالىق اينالىمدى ۇيلەسىمدى ارالىقتا ساقتاپ، قوعامدىق كەلەلى جاعدايدىڭ ورنىقتىلىعىن ساقتاپ، پارتيا 20 - قۇرىلتايىنىڭ جەڭىسپەن اشىلۋىن قارسى الۋ كەرەك.
ءماجىلىس مىنالاردى باسا دارىپتەدى: كەلەر جىلعى ەكونوميكالىق قىزمەتتە ورنىقتىلىقتى ماڭداي الدى ورىنعا قويىپ، ورنىقتىلىق بارىسىندا ىلگەرىلەۋ كەرەك. ماكرولىق ساياساتتى ورنىقتى دا ءونىمدى ەتىپ، بەلسەندى قازىنا ساياساتى مەن ورنىقتى اقشا ساياساتىن ۇزدىكسىز اتقارۋ كەرەك. بەلسەندى قازىنا ساياساتىندا ونىمدىلىكتى ارتتىرىپ، دالدىككە، باياندىلىققا اناعۇرلىم دەن قويۋ كەرەك. ورنىقتى اقشا ساياساتىندا يكەمدى، ۇيلەسىمدى بولىپ، اينالىمنىڭ ۇيلەسىمدى، جەتكىلىكتى بولۋىن ساقتاۋ كەرەك. ىشكى سۇرانىستى كەڭەيتۋ ستراتەگياسىن ويداعىداي اتقارىپ، تۇتىنۋدىڭ ۇزدىكسىز قالپىنا كەلۋىن جەبەپ، ءونىمدى قارجى قوسۋدى بەلسەندى كەڭەيتىپ، دامۋدىڭ ىشكى قوزعاۋشى كۇشىن ارتتىرۋ كەرەك. ميكرولىق ساياساتتا بازار تۇلعالارىنىڭ ومىرشەڭدىگىن قاۋلاتۋ كەرەك. ءبىلىم مەنشىگى ۇقىعىن قورعاۋدى كۇشەيتۋ كەرەك. قۇرىلىمدىق ساياساتتا حالىق شارۋاشىلىعىنىڭ اينالىمىن كۇش سالا ىركىلىسسىزدەندىرىپ، جاساۋ كاسىبىنىڭ وزەكتى باسەكەلىك قۋاتىن جوعارىلاتىپ، قامداۋ تىزبەگىنىڭ سەرپىمدىلىگىن ارتتىرۋ كەرەك. قامتاماسىز ەتۋ سيپاتتى تۇرعىن ءۇي قۇرىلىسىن ىلگەرىلەتىپ، تاۋار ءۇي بازارىنىڭ ءۇي ساتىپ الۋشىلاردىڭ ۇيلەسىمدى تۇرعىن ءۇي قاجەتىن اناعۇرلىم ويداعىداي قاناعاتتاندىرۋىن قولداپ، قورا - جاي كاسىبىنىڭ اقاۋسىز دامۋى مەن تاماشا اينالىمىن جەبەۋ كەرەك. عىلىم - تەحنيكا ساياساتىن جەدەل تياناقتاندىرىپ، شەشۋشى، وزەكتى تەحنيكالاردان قامال الۋدى ۇزدىكسىز ويداعىداي يگەرىپ، مەملەكەتتىڭ ستراتەگيالىق عىلىم - تەحنيكالىق قۋاتىن نىعايتىپ، كاسىپورىنداردىڭ جاڭالىق اشۋداعى تۇلعالىق ورنىن كۇشەيتىپ، عىلىم - تەحنيكانىڭ، كاسىپ سالاسىنىڭ، فينانستىڭ تاماشا اينالىمىن جۇزەگە اسىرۋ كەرەك. رەفورما جاساۋ، ەسىك اشۋ ساياساتىندا دامۋدىڭ قوزعاۋشى كۇشىن ارتتىرىپ، وڭىرلىك كەلەلى ستراتەگيا مەن وڭىرلەردى سايكەستى دامىتۋ ستراتەگياسىن ءونىمدى ىلگەرىلەتىپ، فاكتورلاردى بازارلاندىرىپ جايعاستىرۋ كەشەندى رەفورماسىن تۇيىندەردە سىناق ەتۋدى ويداعىداي يگەرىپ، جوعارى دەڭگەيدە سىرتقا ەسىك اشۋدى كەڭەيتۋ كەرەك. قوعامدىق ساياساتتا حالىق تۇرمىسىن تومەنگى شەكتەن تۇسىرمەي ساقتاپ، جۇمىستاندىرۋدى الدىمەن ويلاستىرۋ ساياساتىن ويداعىداي تياناقتاندىرىپ، تۋىت جونىندەگى جاڭا ساياساتتىڭ تياناقتانىپ ونىمدىلىك كورسەتۋىن ىلگەرىلەتىپ، نەگىزگى زەينەتكەرلىك قامسىزداندىرۋىن بۇكىل ەلدە ءبىر تۇتاس جوسپارلاۋدى ىلگەرىلەتىپ، تۇراقتاپ تۇراتىن جەردىڭ نەگىزگى الەۋمەتتىك قىزمەت وتەۋمەن قامداۋ ءتۇزىمىن اقاۋسىزداندىرۋ كەرەك.
ءماجىلىس مىنالاردى اتاپ كورسەتتى: كونە جىلدىڭ سوڭى مەن جاڭا جىلدىڭ باسىنداعى ءارقايسى جاقتارداعى قىزمەتتەردى ويداعىداي ىستەپ، حالىق بۇقاراسىنىڭ ”ەكى مەرەكەنى“ ويداعىداي وتكىزۋىنە شىنايى كەپىلدىك ەتۋ كەرەك. ”سىرتتان كىرۋدەن ساقتانۋعا، ىشتە قايتا بەلەڭ بەرۋدەن ساقتانۋعا“ تاباندى بولىپ، ىندەتتەن ساقتانۋ - تىزگىندەۋ قىزمەتىن عىلمي، ءدال، تىڭعىلىقتى تۇردە ويداعىداي ىستەۋ كەرەك. كومىرمەن، ەلەكترمەن، جانار مايمەن، گازبەن، تاسىمالمەن قامتاماسىز ەتۋدى، قامداۋدى ءبىر تۇتاس جوسپارلاپ ورنالاستىرىپ، بۇقارانىڭ قىس قىرىنان قىسىلماي وتۋىنە شىنايى كەپىلدىك ەتۋ كەرەك. شارۋا جۇمىسكەرلەردىڭ ەڭبەكاقىسىنىڭ تاراتىلۋىن قامتاماسىز ەتۋ كەرەك. بەيجيڭ قىسقى وليمپيادا سپورت جارىسىنىڭ، قىسقى مۇگەدەكتەر وليمپيادا سپورت جارىسىنىڭ دايىندىق قىزمەتتەرىن ويداعىداي ىستەپ، ءبىر كەزەكتى ىقشام، حاۋىپسىز، تارتىمدى قىسقى وليمپيادا سپورت جارىسى سالتاناتىن وتكىزۋگە شىنايى كەپىلدىك ەتۋ كەرەك.
ءماجىلىس مىنالاردى اتاپ كورسەتتى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى مەن ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى پارتيا ۋستاۆى مەن نەگىزگى زاڭدا جۇكتەلگەن قىزمەت جاۋاپكەرشىلىكتەرىن ادالدىقپەن اتقارىپ، ”ءتورت تانىمدى“ كۇشەيتۋدى، ”ءتورت سەنىمدى“ بەكەمدەۋدى، ”ەكىنى قورعاۋدى“ ورىنداۋدى تىعىز ارقاۋ ەتىپ ساياسي باقىلاۋدى كۇشەيتىپ، ساياسي شارلاۋدى تىڭعىلىقتى ىلگەرىلەتىپ، ورتالىقتىڭ 8 ءتۇرلى بەلگىلەمەسىنىڭ رۋحىن تياناقتاندىرۋدى بۇلجىماستان ىلگەرىلەتىپ، ”ءتورت بۇرىس ستيل“ ءسىڭىستى كىناراتتارى مەن قاساڭ دەرتتەرىن كۇش سالا تۇزەتىپ، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن توقتاۋسىز ىلگەرىلەتىپ، بۇقارانىڭ ماڭايىنداعى شىرىكتەسۋ جانە ستيل ماسەلەلەرىن باتىل تۇزەتىپ، جونگە سالىپ، باقىلاۋ، ءتارتىپ اتقارۋ، زاڭ اتقارۋ قىزمەتتەرىن ەرەجە، ءتارتىپ، زاڭ بويىنشا قاتاڭ ورىستەتىپ، كەزەك اۋىستىرۋ ءتارتىبىن، ستيلىن قاتايتىپ، ”ءتورت ءتۇرلى فورماتسيانى“ قولدانۋدى تەرەڭدەتىپ، ءتارتىپ تەكسەرۋ، باقىلاۋ - تەكسەرۋ ءتۇزىلىسى رەفورماسىن تەرەڭدەتىپ، ءوزىن - ءوزى تەجەۋ، ءوزىن - ءوزى كىرشىكسىزدەندىرۋ سەرپىنىن ارتتىرىپ، شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الماۋدى ءبىر تۇلعالاندىرىپ ىلگەرىلەتۋدىڭ جالپىلىق ونىمدىلىگىن ۇزدىكسىز جوعارىلاتىپ، ”14 - بەسجىلدىقتىڭ“ جاقسى باستاما اشۋى، جاقسى قادام تاستاۋى ءۇشىن پارمەندى قامتاماسىزدىق ازىرلەدى.
ءماجىلىس مىنالاردى باسا دارىپتەدى: وزىنە - ءوزى توڭكەرىس جاساۋعا باتىل بولۋ − پارتيامىزدى باسقا ساياسي پارتيالاردان پارىقتاندىرىپ تۇراتىن ايقىن بەلگى. پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسى پارتيانىڭ 100 جىلدىق كۇرەسىنىڭ كەلەلى تابىستارى مەن تاريحى تاجىريبەلەرىن جاپپاي قورىتىندىلاپ، جاڭا داۋىردەگى پارتيانىڭ وزىنە - ءوزى توڭكەرىس جاساۋىن، پارتيانى جاپپاي قاتاڭ باسقارۋدى ىشكەرىلەي ىلگەرىلەتۋ ءۇشىن ايقىن العا باسۋ بەتالىسىن كورسەتتى. ءتارتىپ تەكسەرۋ، باقىلاۋ - تەكسەرۋ قىزمەتىندە شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى، التىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، شىندىقتى ءىس جۇزىنەن ىزدەۋگە، تۋراشىلدىقتان جازباي جاڭالىق اشۋعا تاباندى بولىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىن قالىپتاستىرىپ، جوعارى ساپالى دامۋدى ىلگەرىلەتىپ، پارتيانىڭ 100 جىلدىق كۇرەسىنىڭ تاريحي تاجىريبەلەرىن سانالىلىقپەن قولدانىپ، وزىنە - ءوزى توڭكەرىس جاساۋ رۋحىن ماڭگى ساقتاپ، پارتيانى جاپپاي قاتاڭ باسقارۋ ستراتەگيالىق باعىتىنا تاباندى بولىپ، تاباندىلىقپەن پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن سوڭىنا دەيىن جۇرگىزىپ، شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الماۋدى ءبىر تۇلعالاندىرىپ ىلگەرىلەتۋدى ۇزدىكسىز تەرەڭدەتىپ، جازالاۋ - تىكسىندىرۋدى، تۇزىمدىك تەجەۋدى، سانانى جوعارىلاتۋدى ءبىر تۇلعالاندىرۋعا كۇش سالىپ، اناعۇرلىم كوپ تۇزىمدىك جەتىستىكتەر مەن اناعۇرلىم زور باسقارۋ ونىمدىلىگىنە قۇلشىنا قول جەتكىزىپ، ءتارتىپ تەكسەرۋ، باقىلاۋ - تەكسەرۋ ورگاندارىن ارناعا ءتۇسىرۋ، زاڭمەن باسقارۋ، جۇيەلىلەندىرۋ قۇرىلىسىن كۇشەيتىپ، باقىلاۋ، قامتاماسىزداندىرۋ، اتقارۋ، جەبەۋ، كەمەلدەندىرۋ، دامىتۋ رولىن اناعۇرلىم ويداعىداي ساۋلەلەندىرۋ كەرەك.
وسىنىڭ الدىندا، باس شۋجي شي جينپيڭ ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسىن باسقارىپ اشىپ، ورتالىق ءتارتىپ تەكسەرۋ كوميتەتىنىڭ، مەملەكەتتىك باقىلاۋ - تەكسەرۋ كوميتەتىنىڭ 2021 - جىلعى قىزمەت احۋالى مەن 19 - كەزەكتى ورتالىق ءتارتىپ تەكسەرۋ كوميتەتى التىنشى جالپى ءماجىلىسىنىڭ دايىندىق احۋالىنان جاسالعان مالىمەتتى تىڭدادى.
ءماجىلىس 19 - كەزەكتى ورتالىق ءتارتىپ تەكسەرۋ كوميتەتىنىڭ التىنشى جالپى ءماجىلىسىن كەلەر جىلى 1 - ايدىڭ 18 - كۇنىنەن 20 - كۇنىنە دەيىن اشۋعا قوسىلدى.
ءماجىلىس مىنالاردى اتاپ كورسەتتى: پارتيانىڭ ءار دارەجەلى ءتارتىپ تەكسەرۋ كوميتەتتەرى − پارتيا ىشىندەگى باقىلاۋعا ارناۋلى جاۋاپتى ورگان، «جۇڭگو كوممۋنيستىك پارتياسى ءتارتىپ تەكسەرۋ كوميتەتى قىزمەت ەرەجەسى» پارتيانىڭ 18 - قۇرىلتايىنان بەرگى پارتيانى جاپپاي قاتاڭ باسقارۋدىڭ، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ىلگەرىلەتۋدىڭ، ءتارتىپ تەكسەرۋ، باقىلاۋ - تەكسەرۋ ءتۇزىلىسى رەفورماسىن تەرەڭدەتۋدىڭ نازاريالىق جەتىستىكتەرىن، امالياتتىق جەتىستىكتەرىن، تۇزىمدىك جەتىستىكتەرىن ىشكەرىلەي قورىتىندىلاپ، پارتيانىڭ ءار دارەجەلى ءتارتىپ تەكسەرۋ كوميتەتتەرىنىڭ باسشىلىق ءتۇزىلىسى، جارىققا شىعۋى، جۇمىس جۇرگىزۋى، مىندەتى مەن قىزمەت جاۋاپكەرشىلىگى سياقتىلاردى جاپپاي ارناعا ءتۇسىردى. پارتيا قۇرىلعاندىعىنىڭ 100 جىلدىعى قارساڭىندا «ەرەجەنى» شىعارۋ پارتيامىزدىڭ وزىنە - ءوزى توڭكەرىس جۇرگىزۋگە باتىل بولۋ سىندى بەرىك بەكىمىن ايگىلەدى.
ءماجىلىس مىنالاردى باسا دارىپتەدى: ءتارتىپ تەكسەرۋ، باقىلاۋ - تەكسەرۋ قىزمەتىنىڭ پارتيا مەن مەملەكەت قىزمەتىنىڭ كەلەلى جاعدايىنا اناعۇرلىم جاقسى قىزمەت ەتۋىن ىلگەرىلەتىپ، ۇيىمدىق جۇيە جاعىندا جاڭا ونىمدىلىگىن ساۋلەلەندىرىپ، ءتارتىپ اتقارۋ، زاڭ اتقارۋدى ساباقتاستىرۋ جاعىندا جاڭا مەحانيزم قالىپتاستىرىپ، جۇيەلى باسقارۋعا، ۇستىنەن دە، تۇبىرىنەن دە وڭاۋعا تاباندى بولۋ كەرەك. ۇقىق شەكاراسىن ايقىنداپ، ىشكى مەڭگەرۋ مەحانيزمىن قاتايتىپ، زاڭمەن باسقارۋ وي جەلىسى مەن زاڭمەن باسقارۋ ءتاسىلى ارقىلى باقىلاۋدى كۇشەيتىپ، شىرىكتەسۋدەن ساقتانىپ جانە ونى تىزگىندەپ، ءتارتىپ تەكسەرۋ، باقىلاۋ - تەكسەرۋ قىزمەتىنىڭ زاڭدىلىعىنا ۇيلەسەتىن ۇيىمدىق ءتۇزىمدى، جۇمىس جۇرگىزۋ ءتاسىلىن جانە تەكسەرىپ بەكىتۋ ءتارتىبىن ۇزدىكسىز اقاۋسىزداندىرۋ كەرەك. جوعارى ساپالى ماماندانعان ءتارتىپ تەكسەرۋ، باقىلاۋ - تەكسەرۋ كادرلار قوسىنىن قۇرىپ، ”ەكىنى قورعاۋدى“ ورىنداۋ ساياسي سانالىلىعىن كۇشەيتىپ، يدەيالىق سىننان ءوتۋدى، ساياسي شىڭدالۋدى، امالياتتىق شىنىعۋدى، كاسىپتىك توسەلۋدى كۇشەيتىپ، وزىندىك يممۋنيتەت قۋاتىن ۇزدىكسىز كۇشەيتىپ، جاۋاپكەرشىلىكتى كوكەيدە ساقتاپ، جاۋاپكەرشىلىكتى ارقالاپ، جاۋاپكەرشىلىكتى ارەكەتتە اتقارىپ، تارتىپكە، زاڭعا سانالى بويسۇنۋدىڭ ونەگەسى بولۋ كەرەك.
