□ انار بۇلت / شينجياڭ گازەتىنىڭ تىلشىلەرى ءرايدا، ءپاريزات ابدۇل
ساۋداگەر شاقىرىپ، قارجى ەنگىزۋ بويىنشا 35 ميلليارد 830 ميلليون يۋان قارجى تياناقتانىپ، تياناقتانعان نىساندار جاڭادان 42 مىڭ 500 ادامدى جۇمىستانۋعا جەتەكتەدى؛ ”ءبىر اۋداندا ءبىر ەرەكشەلىك بولۋ، ءبىر اۋىلدا ءبىر كاسىپ بولۋ، ءبىر قىستاقتا ءبىر ءونىم بولۋ“ دامۋ ارناسىن قالىپتاستىردى؛ الدىڭعى 3 ماۋسىمدا ەگىنشىلەردىڭ جان باسىندىق كىرىسى ％28 ارتتى... بۇل بيىل قاشقار ايماعىنىڭ كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى ىلگەرىلەتۋدە قول جەتكىزگەن تاماشا ناتيجەسى.
قايتا كەدەيلەسۋدەن ساقتانۋدى قاداعالاۋ، ساقتاندىرۋ جالپى بەتتىك قامتىلدى
”بيىل 6 - ايدا كۇيەۋىم تۇتقيىل جۇرەك ناۋقاسىنان قايتىس بولدى، ەكى بالاممەن مۇنان بىلاي قالاي كۇن كورەمىن“؟ - دەدى 12 - ايدىڭ 4 - كۇنى ياركەن اۋدانى شارباع اۋىلى قۇتشى قىستاعىنىڭ تۇرعىنى نۇريمان جامال وتباسىندا تۋىلعان جاعدايدى ەسكە العاندا كوزى جاساۋراپ.
نۇريمان قيىنشىلىعىنىڭ تەز ارادا شەشىلەتىندىگىن ويلاماعان ەدى. ”ءبىز يكەمدى قاداعالاۋ ارقىلى ونىڭ وتباسىنىڭ كەزدەيسوق اۋىر قيىنشىلىققا ۇشىراعان وتباسى ەكەنىن پارىقتادىق. كۇيەۋى قايتىس بولىپ، وسى وتباسى كىرىس كوزىنەن ايرىلعان، ءبىز قىستاقتاعى قارتتار كۇتىمحاناسىنان وعان ءبىر جۇمىس تاۋىپ بەردىك ءارى 3000 يۋان ۋاقىتشا قۇتقارۋ - كومەك قارجىسىن ءوتىنىش ەتتىك. قازىر ونىڭ وتباسىنىڭ جان باسىندىق ورتاشا جىلدىق كىرىسى 8000 يۋانعا جەتتى“، - دەدى وسى قىستاقتىڭ اۋىل - قىستاقتى گۇلدەندىرۋگە ارناۋلى جاۋاپتى كادرى لياڭ ليڭلي.
وسى ءبىر جىلدا قاشقار ايماعى قايتا كەدەيلەسۋدەن ساقتانۋدى يكەمدى قاداعالاۋدى، كومەكتەسۋ - سۇيەمەلدەۋدى كەدەيلىكتەن ارىلتۋدان قامال الۋ جەتىستىكتەرىن بەكەمدەۋدىڭ، كەڭەيتۋدىڭ نەگىزدىك قىزمەتى ەتۋگە تاباندى بولىپ، وڭاي قايتا كەدەيلەسەتىندەردى، كەدەيلەسەتىندەردى پارىقتاپ تۇراقتاندىرۋدى جانە دالمە - ءدال كومەكتەسۋ - سۇيەمەلدەۋدى مىقتى، جاقسى يگەردى.
قاشقار ايماقتىق اۋىل - قىستاقتى گۇلدەندىرۋ مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى ياسىن تۇرسۇن تىلشىگە بىلاي دەدى: كەدەيلىكتەن ارىلۋى تۇراقسىز وتباسىلار، كەدەيلەسۋ جيەگىندە تۇرعان وتباسىلار جانە كەزدەيسوق اۋىر قيىنشىلىققا ۇشىراعان وتباسىلار جونىنەن قاشقار ايماعى ەگىنشى وتباسى ءوزى ءوتىنىش ەتۋ، نەگىزگى ساتى كادرلارى ءبىر - بىرلەپ اداقتاۋ، كاسىپ تاراۋلارى سارالاپ تەكسەرۋ، ساقتاندىرۋ، قوعامدىق ينفورماتسيا تولىقتاۋ سىندى ”ءتورتتى ءبىر تۇلعالاندىرۋ“ ءتاسىلىن قولدانىپ، يكەمدى قاداعالاۋ جۇرگىزدى. شارتقا ۇيلەسەتىن قاداعالانعان وبيەكتىلەردى ەرتە بايقاپ، ەرتە الدىن الىپ، ەرتە كومەكتەسىپ - سۇيەمەلدەپ، قايتا كەدەيلەسۋدەن ساقتانۋدىڭ كولەمدىك تومەنگى شەگىن باتىل ساقتادى.
جۇمىستاندىرۋ ارناسى اناعۇرلىم كوپ نەگىزدەندى
يىڭىسار اۋدانى چىڭگۋان اۋىلى كەڭشول قىستاعىندا قىستاق تۇرعىنى گۇزالنۇر مامەت ءۇيىنىڭ كوكونىس جىلىجايىندا كۇزدىك ءبايساي جيناپ قاربالاستادى؛ مارالباسى اۋدانى گوحى كەپتەر شارۋاشىلىعى شەكتى سەرىكتەستىگى سويىس كەپتەر باعىمشىلىق بازاسىندا دولاتباق اۋىلى قۇمشاعىل قىستاعىنىڭ تۇرعىنى ءماردان تۇرسۇن سويىس كەپتەرگە جەم بەرىپ، كەپتەردىڭ ءوسۋ جاعدايىن بايقادى؛ جاڭاءشار اۋدانى نان كاسىپ سالاسى باقشاسىندا بارىن اۋىلى ناچۇق قىستاعىنىڭ تۇرعىنى مامەت جۇماي بار زەيىنىمەن تونارعا نان جاۋىپ جاتتى...
بيىل قاشقار ايماعى ءارقايسى اۋدان - قالادا جەكە - جەكە ءبىر دە ەكى اۋىل شارۋاشىلىعى جانە ەڭبەك شوعىرلانعان جەتەكشى كاسىپ سالاسىن جەتىلدىرىپ، ”ءبىر اۋداندا ءبىر ەرەكشەلىك بولۋ، ءبىر اۋىلدا ءبىر كاسىپ بولۋ، ءبىر قىستاقتا ءبىر ءونىم بولۋ“ سىندى دامۋ ارناسىن قالىپتاستىرىپ، 4 ۇلكەن اۋىل شارۋاشىلىعى كاسىپ سالاسىن جەتىلدىرۋ ينجەنەرياسىن ءتۇيىندى تۇردە اتقارىپ، ءبىر ميلليون 500 مىڭ مۋ كوكونىس بازاسى، ءبىر ميلليون 500 مىڭ مۋ جاڭا جەمىس بازاسى، ءبىر ميلليون 500 مىڭ سويىس قوي بازاسى جانە 150 ميلليون ءۇي قۇسى بازاسى قۇرىلىسىن دەمەپ دامىتتى.
”بيىل ەككەن قياردان قازىرگە دەيىن 2 دۇركىن ساتتىق، 20 مىڭ يۋان وزىندىك قۇندى شىعارىپ تاستاعاندا، تازا كىرىس 20 مىڭ يۋانعا جەتەدى“، - دەدى قاعىلىق اۋدانى اقتاش قالاشىعى ۋالۇل قىستاعىنىڭ تۇرعىنى اينۇر قۇربان.
2019 - جىلى اينۇر اقتاش قالاشىعىنا كوشىپ بارعاننان كەيىن، اقتاش قالاشىعىندا قۇرىلعىلى اۋىل شارۋاشىلىعى بازاسىنداعى كوكونىس جىلىجايىندا كوكونىس ەگۋ تەحنيكاسىن ۇيرەنۋمەن بولدى. بيىل جىل باسىندا قىستاق كادرلارىنىڭ كومەگىندە، ول قۇرىلعىلى اۋىل شارۋاشىلىعى بازاسىنان اربىرەۋىنە جىلىنا 5500 يۋان بەرۋگە كەلىسىپ، ەكى جوعارى ولشەمدى كۇن نۇرى جىلىجايىن كوتەرمەگە الدى.
قازىرگە دەيىن بۇل بازا جوعارى ولشەمدەگى كۇن نۇرى جىلىجايىنان 1262سىن، دوعاشا لاپاستان 1800ىن سالىپ، كوشىرىپ ورنالاستىرىلعان 1600 بۇقارانىڭ جاقىن ماڭدا، سول جەردىڭ وزىندە جۇمىسقا ورنالاسۋ ماسەلەسىن شەشتى. ”كەلەسى قادامدا ءبىز 700 كۇن نۇرى جىلىجايى نىسانىن ءوتىنىش ەتىپ جولداپ، مەجەمەن تاعى دا 500 ادامدى جۇمىستاندىرۋ ءىسىن شەشپەكشىمىز“، - دەدى قاعىلىق اۋدانى اقتاش قالاشىعى پارتكومىنىڭ ورىنباسار شۋجيى چي فۋباۋ.
ياسىن بىلاي دەدى: بيىل قاشقار ايماعى كاسىپ سالاسىن دامىتۋ ارقىلى 361 مىڭ 700 ادامدى جۇمىستانۋعا جەتەكتەپ، كەدەيلىكتەن ارىلعان جانە كەدەيلەسۋ جيەگىندە تۇرعان ەڭبەككۇشتەردىڭ تۇگەلدەي ”ءبىر ادامدا ءبىر جۇمىس ورنى بولۋىن“ جۇزەگە اسىرىپ، جۇمىستانۋ ارناسى ءتىپتى دە كوپ نەگىزدەنىپ، جۇمىستانۋ قۇرىلىمى ۇزدىكسىز جاقسارىپ، جۇمىستانۋ ساپاسى ورنىقتى قاداممەن جوعارىلادى.
اۋىل - قىستاق كوركى كوز تارتۋمەن بىرگە، ساپالىق دەڭگەيى دە جوعارىلادى
ءپايزاۋات اۋدانى عولتوعىراق قالاشىعى توكۇل قىستاعىنا بارساڭىز، قاتار - قاتار ەگىنشىلەر اۋلاسىنىڭ رەتىمەن ورنالاسقاندىعىن، ءاربىر ءۇيدىڭ ەسىك الدىندا باقشاسى بار، اۋلاسىندا ءجۇزىم باراڭى، ارتقى اۋلاسىندا كوكونىس باعى بار ەكەندىگىن كورەسىز...
”قازىر ءبىز كەڭ دە جارىق بەيقۇت ۇيلەردە وتىرمىز، ەسىكتەن شىعا قالساق اسفالت توسەلگەن جول، قىستاقتا تاعى بالاباقشا، مادەنيەت شاعىن الاڭى، دۇكەندەر بار“، - دەدى قىستاق تۇرعىنى 64 جاستاعى قۇربان ءيۇنۇس ريزاشىلىقپەن.
توكۇل قىستاعىنداعى جەردىڭ سورتاڭدىعى باسىم، بيىل قىستاق سورتاڭ جەرگە 3000 ءتۇپ شەتەن اعاشىن، 7000 ءتۇپ اق تەرەك ەگىپ، سورتاڭ جەردەن پايدالانۋ مولشەرىن جوعارىلاتۋمەن بىرگە، اۋىل - قىستاقتىڭ قونىس ورتاسىنىڭ ساپاسىن ءونىمدى جوعارىلاتتى. سونىمەن بىرگە تۇرمىستىق قوقىر - قوقسىقتى جانە جاراقسىز سۋدى ءبىر جاقتى ەتۋ قىزمەتىن عىلمي ىلگەرىلەتىپ، قىستاق تۇرعىندارىن جاسىل دامۋ ۇستانىمىن ورناتۋعا باستاپ، اۋىل - قىستاقتىڭ قونىس، تۇرمىس ورتاسىن ساپالىلاندىرىپ، جاڭا جوبا بويىنشا قوقىر - قوقسىق كۇبىسىن جانە قوقىر - قوقسىق ساندىعىن ورناتتى.
بۇگىنگى كۇندە قاشقار ايماعىنىڭ اۋىل - قىستاقتارىندا جۇرسەڭىز، تارام - تارام جولدار تازا، رەتتى، قاتار - قاتار سالىنعان ەگىنشىلەر اۋلاسى شىت جاڭا تۇسكە ەنگەن... اۋىل - قىستاقتى گۇلدەندىرۋدىڭ اسەم كارتيناسى كوز الدىڭدا كولبەپ جاتادى.
”بيىل ءبىز قىستاقتاردىڭ، قالاشىقتاردىڭ قوقىر - قوقسىعىن جيىپ الۋ، لاس سۋىن ءبىر جاقتى ەتۋ، اۋلاسىن رەتتەۋ، اۋىل - قىستاق دارەتحانالارىن وزگەرتىپ سالۋ، پوچتا جەدەل جولداماسى، اۋىل - قىستاق ينفورماتسيالاندىرۋ قۇرىلىسى سياقتىلارمەن تۇگەل قامتۋعا قۇلشىنىپ، اۋىل - قىستاقتى گۇلدەندىرۋدى جوعارى ساپالى دامىتۋدان ۇلگى كورسەتتىك جانە وعان جەتەكشىلىك ەتتىك“. ياسىن: كەلەر جىلى ءبىز تاعى ءبىر توپ اۋىل - قالاشىقتى، قىستاقتاردى تاڭداپ، اۋىل - قىستاقتى گۇلدەندىرۋدەن ۇلگى كورسەتۋدە وزات ورىن قۇرىپ، اۋىل - قىستاقتىڭ قونىس ورتاسىن وڭاۋ دەڭگەيىن جاپپاي جوعارىلاتىپ، نەگىزدىك قۇرىلعىلارداعى ولقىلىقتاردى جەدەل تولىقتاپ، اۋىل - قىستاقتىڭ كوركىن كوز تارتتىرۋمەن بىرگە، ساپالىق دەڭگەيىن دە جوعارىلاتۋدى جوسپارلاپ وتىرمىز، - دەدى.
