− باس شۋجي شي جينپيڭنىڭ بۇكىل مەملەكەتتىك ءدىن قىزمەتى ماجىلىسىندە سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە
□ حالىق گازەتىنىڭ شولۋشىسى
بۇكىل مەملەكەتتىك ءدىن قىزمەتى ماجىلىسىندە باس شۋجي شي جينپيڭ بىلاي دەپ باسا دارىپتەدى: پارتيانىڭ ءدىني سەنىم ەركىندىگى ساياساتىن تولىق، دالمە - ءدال، جاپپاي دايەكتىلەندىرىپ، بۇقارانىڭ ءدىني سەنىمىنە قۇرمەت ەتىپ، ءدىن ىستەرىن زاڭ بويىنشا باسقارىپ، دەربەس، ءوزىن - ءوزى باسقارۋ، ءوز ءىسىن ءوزى ىستەۋ پرينسيبىنە تاباندى بولىپ، ءدىندى سوتسياليستىك قوعامعا ۇيلەسۋگە بەلسەنە جەتەكتەۋ كەرەك.
پارتيانىڭ ءدىن قىزمەتىنىڭ ءمانى − بۇقارالىق قىزمەت. ءدىني سەنىم ەركىندىگى ساياساتىن اتقارۋدىڭ شىعار ءتۇيىنى مەن تابان تىرەر تياناعى قالىڭ دىنگە سەنەتىن بۇقارا مەن دىنگە سەنبەيتىن بۇقارانى ەڭ جوعارى شەكتە ىنتىماقتاستىرۋ. ءدىندى سوتسياليستىك قوعامعا ۇيلەسۋگە بەلسەنە جەتەكتەۋدە يدەيالىق - ساياسي جاقتا جەتەكتەۋ قىزمەتىن ويداعىداي ىستەۋ كەرەك. دىنگە سەنەتىن بۇقارانى وتاندى قىزۋ ءسۇيىپ، حالىقتى قىزۋ ءسۇيىپ، وتاننىڭ تۇتاستىعىن قورعاپ، جۇڭحۋا ۇلتىنىڭ ۇلى ىنتىماعىن قورعاپ، مەملەكەتتىڭ ەڭ جوعارى مۇددەسى مەن جۇڭحۋا ۇلتىنىڭ تۇتاس تۇلعالىق مۇددەسىنە بويسۇنۋعا، قىزمەت وتەۋگە؛ جۇڭگو كوممۋنيستىك پارتياسىنىڭ باسشىلىعىن قولداپ، سوتسياليستىك ءتۇزىمدى قولداپ، جۇڭگوشا سوتسياليزم جولىمەن بۇلجىماي جۇرۋگە؛ سوتسياليستىك وزەكتى قۇن كوزقاراسىن بەلسەنە امالياتتا ايگىلەپ، جۇڭحۋا مادەنيەتىن اسقاقتاتىپ، ءدىن جوسىندارىن جۇڭحۋا مادەنيەتىمەن توعىستىرۋعا قۇلشىنۋعا؛ مەملەكەتتىڭ زاڭدارىنا، زاڭ ەرەجەلەرىنە بويسۇنىپ، مەملەكەتتىڭ زاڭ بويىنشا باسقارۋىن سانالى تۇردە قابىلداۋعا؛ رەفورما جاساۋ، ەسىك اشۋ جانە سوتسياليستىك وسىزامانداندىرۋ قۇرىلىسىنا ات سالىسىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا كۇش قوسۋعا جەتەكتەۋ كەرەك.
ءدىندى سوتسياليستىك قوعامعا ۇيلەسۋگە بەلسەنە جەتەكتەۋدە دىنگە ”جەتەكتەۋ“ پوزيتسياسىمەن قاراۋعا تاباندى بولۋ كەرەك. ءدىننىڭ سوتسياليستىك قوعامعا ۇيلەسۋ بارىسى بەلسەندى فاكتورلار جۇمىلدىرىلعان، كەرەناۋ فاكتورلار تەجەلگەن بارىس بولۋعا ءتيىس. ءدىننىڭ قوعامدىق رولىنا ديالەكتيكالىق تۇرعىدان قاراپ، دۇرىس جاققا باستاپ، تيىمدىلەرىنەن تولىق پايدالانىپ، زالالدىلارىن جويىپ، ءدىندى قوعام جاراسىمدىلىعىن، ۇلتتار ىنتىماعىن، وتان تۇتاستىعىن جەبەۋگە قۇلشىنا قىزمەت وتەۋگە جەتەكتەۋ كەرەك. ”جەتەكتەۋ“ جاعىندا تەرەڭ ويلانىپ، انىق كوز جەتكىزىپ، ءدال يگەرىپ، ”جەتەكتەۋدىڭ“ ۇتىمدى بولۋىن، ”جەتەكتەۋدىڭ“ پارمەندى بولۋىن، ”جەتەكتەۋدىڭ“ ءونىمدى بولۋىن ورىنداپ، ءدىن قىزمەتىنىڭ ىرىقتىلىق ۇقىعىن مىقتاپ يگەرۋ كەرەك. پارمەندى باسشىلىق مەحانيزمىن ورناتىپ، اقاۋسىزداندىرىپ، ءدىن قىزمەتى ءتۇزىلىس - مەحانيزمىن ونان ارى كەمەلدەندىرىپ، پارتكوم باسشىلىق ەتەتىن، ۇكىمەت باسقاراتىن، قوعام سايكەسەتىن، ءدىن ءوزىن - ءوزى تارتىپكە سالاتىن ءدىن ىستەرىن باسقارۋ ارناسىن قۇرۋدى ىلگەرىلەتۋ كەرەك. ءدىن قىزمەتىنە ساياتىن كەلەلى بايلانىستاردى باستان - اياق ويداعىداي يگەرىپ، نەگىز قالايتىن، ۇزاق بولاشاققا پايدالى قىزمەتتەردى كوبىرەك ىستەپ، ۇدايىلاندىرا بوساڭسىتپاي يگەرۋ، ۇزاق ۋاقىت قاجىماي - تالماي ەڭبەكتەنۋ كەرەك.
ءدىندى سوتسياليستىك قوعامعا ۇيلەسۋگە بەلسەنە جەتەكتەۋدە ءدىن ىستەرىن جونگە سالۋدى زاڭمەن باسقارۋ ورەسىن جوعارىلاتۋ كەرەك. ءدىن ىستەرىن زاڭ بويىنشا باسقارۋ دۇنيە جۇزىندەگى باسىم كوپ ساندى ەلدەردىڭ جالپىلىق ءادىسى ءارى ءدىندى سوتسياليستىك قوعامعا ۇيلەسۋگە جەتەكتەۋدىڭ، ءسوزسىز، باسىپ وتەتىن جولى. ءدىن قىزمەتىن زاڭمەن باسقارۋ قۇرىلىسىن جاپپاي ىلگەرىلەتىپ، زاڭمەن باسقارۋ ۇگىت تاربيەسىن ىشكەرىلەي ورىستەتۋ كەرەك. ءدىني قيمىلدار زاڭ، زاڭ ەرەجەلەر بەلگىلەگەن كولەمدە ورىستەتىلۋى ءتيىس، ازاماتتاردىڭ دەنساۋلىعىنا زيان جەتكىزۋىنە بولمايدى، الەۋمەتتىك تارتىپكە، تاماشا سالتقا قايشى كەلۋىنە بولمايدى، وقۋ - اعارتۋعا، ءادىلياعا، اكىمشىلىك فۋنكتسياعا جانە قوعامدىق تۇرمىسقا ارالاسۋىنا بولمايدى.
ءدىندى سوتسياليستىك قوعامعا ۇيلەسۋگە بەلسەنە جەتەكتەۋدە ”ءۇش قوسىندى“ ويداعىداي باۋلۋ كەرەك. ماركسيزمدىك ءدىن كوزقاراسىنا جەتىك، ءدىن قىزمەتىنە قانىق، دىنگە سەنەتىن بۇقاراعا قىزمەت ىستەۋگە شەبەر پارتيا، ۇكىمەت كادرلارى قوسىنىن باۋلىپ، ولاردىڭ ماركسيزمدىك ءدىن كوزقاراسىن، پارتيانىڭ ءدىن قىزمەتى نازارياسى مەن باعىت - ساياساتتارىن، ءدىني بىلىمدەردى ىشكەرىلەي ۇيرەنىپ، جەتەكشىلىك قابىلەتىن ۇزدىكسىز جوعارىلاتۋىنا مۇمكىندىك جاساۋ كەرەك. ساياسي جاقتا سەنىمدى، ءدىني بىلىكتىلىگى بار، ءمورالدىق جاقتا جۇرتتى يلاندىرا الاتىن، شەشۋشى ساتتە رول اتقاراتىن ءدىن سالاسى ۋاكىلدىك قايراتكەرلەر قوسىنىن باۋلىپ، ولاردىڭ دىنگە سەنەتىن بۇقارانى جەتەكتەۋ، ءدىننىڭ سوتسياليستىك قوعامعا ۇيلەسۋىن ىلگەرىلەتۋ بارىسىنداعى بەلسەندى رولدارىن ويداعىداي ساۋلەلەندىرۋ كەرەك. يدەيالىق - ساياسي جاقتا تاباندى، ماركسيزمدىك ءدىن كوزقاراسىنا تاباندى، ۇيرەنۋ ستيلى تاماشا، ءدىن ىلىمىندە جاڭالىق اشۋعا شەبەر زەرتتەۋ قوسىنىن باۋلىپ، ماركسيزمدىك ءدىن ءىلىمى ءپان قۇرىلىسىن كۇشەيتۋ كەرەك.
ءدىندى سوتسياليستىك قوعامعا ۇيلەسۋگە بەلسەنە جەتەكتەۋدە ءدىن سالاسىنىڭ ءوزىن - ءوزى باسقارۋ ورەسىن جوعارىلاتۋ كەرەك. ءدىن سالاسىنىڭ ءوزىن - ءوزى تاربيەلەۋدى، ءوزىن - ءوزى باسقارۋدى، ءوزىن - ءوزى تەجەۋدى كۇشەيتۋىن قولداپ جانە وعان جەتەكشىلىك ەتىپ، ءدىندى جاپپاي قاتاڭ باسقارىپ، باستاماشىلدىقپەن زاڭ ەرەجەلەرگە بويسۇنۋ، ءدىني ماعلۇماتتى ءوسىرۋ كەرەك. ءدىني ۇيىمداردىڭ ءوز قۇرىلىسىن كۇشەيتىپ، باسشىلىق القا مۇشەلەرىن دەموكراتيالىق باقىلاۋ ءتۇزىمىن كەمەلدەندىرۋ كەرەك.
وتانشىلدىق، سوتسياليزم تۋى استىندا ءدىن سالاسىنداعىلارمەن بىرلىكساپ قۇرۋ − پارتيامىزدىڭ ءدىن ماسەلەسىن ءبىر جاقتى ەتۋدەگى ايقىن ەرەكشەلىگى جانە ساياسي ابزالدىلىعى. يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، جاڭا داۋىردەگى پارتيانىڭ ءدىن قىزمەتى نازارياسىن جاپپاي دايەكتىلەندىرىپ، پارتيانىڭ ءدىن قىزمەتى جونىندەگى نەگىزگى باعىتىن جاپپاي دايەكتىلەندىرىپ، پارتيانىڭ ءدىني سەنىم ەركىندىگى ساياساتىن جاپپاي دايەكتىلەندىرىپ، ەلىمىزدىڭ ءدىندى جۇڭگوشالاندىرۋ بەتالىسىنا تاباندى بولىپ، ءدىندى سوتسياليستىك قوعامعا ۇيلەسۋگە بەلسەنە جەتەكتەپ، پارتيانىڭ ءدىن قىزمەتىنىڭ جاڭا جاعدايىن ۇزدىكسىز اشىپ، دىنگە سەنەتىن بۇقارانى قالىڭ حالىق بۇقاراسىمەن بىرگە جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا ىنتىماقتاسا كۇرەس جۇرگىزۋگە اناعۇرلىم ويداعىداي ۇيىمداستىراتىن جانە جەتەكتەيتىن بولساق، ءبىز، ءسوز جوق، جاڭا جورىقتا جاڭا ءداۋىر شۇعىلاسىن جاراتىپ، جاڭا تاريحي ۇلى ءىستى ورىنداي الامىز.
(شينحۋا اگەنتتىگىنىڭ 12 - ايدىڭ 6 - كۇنى بەيجيڭنەن بەرگەن حابارى)
