تيانشان تورى
تيانشان تورى   ›   جاڭالىقتار   ›   شينجياڭ حابارلارى

اۋىل شارۋاشىلىعى، اۋىل - قىستاق، شارۋالار قىزمەتىنىڭ جوعارى ساپالى دامۋىن جەدەل ىلگەرىلەتەيىك

اۆتونوميالى رايوندىق پارتكوم اۋىل - قىستاق قىزمەتى باسشىلىق گرۋپپاسىنىڭ ءماجىلىسى وتكىزىلدى

اۋىل شارۋاشىلىعى، اۋىل - قىستاق، شارۋالار قىزمەتىنىڭ جوعارى ساپالى دامۋىن جەدەل ىلگەرىلەتەيىك

  انار بۇلت / شينجياڭ گازەتىنىڭ ءتىلشىسى لياڭ ليحۋا 12 - ايدىڭ 7 - كۇنى ۇرىمجىدەن حابارلايدى. 12 - ايدىڭ 7 - كۇنى تۇستەن كەيىن اۆتونوميالى رايوندىق پارتكوم اۋىل - قىستاق قىزمەتى باسشىلىق گرۋپپاسىنىڭ ءماجىلىسى جانە اۋىل - قىستاقتى گۇلدەندىرۋ باسشىلىق گرۋپپاسىنىڭ ارناۋلى تاقىرىپتىق ءماجىلىسى وتكىزىلدى. ءماجىلىس پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ىشكەرىلەي ۇيرەندى، دايەكتىلەندىردى، ورتالىقتىڭ اۋىل - قىستاق قىزمەتى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىردى، تياناقتاندىردى، اۆتونوميالى رايوندىق 10 - رەتكى پارتيا قۇرىلتايىنىڭ ورنالاستىرۋلارىن، تالاپتارىن دايەكتىلەندىردى، تياناقتاندىردى، اۋىل شارۋاشىلىعى، اۋىل - قىستاق، شارۋالار قىزمەتىنەن جانە اۋىل - قىستاقتى گۇلدەندىرۋ قىزمەتىنەن بەرىلگەن مالىمەتتى تىڭداپ، قاتىستى كەڭەستىك تاقىرىپتاردى اقىلداسىپ، كەلەسى ساتىداعى ءتۇيىندى قىزمەتتەردى ورنالاستىردى. اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ ءماجىلىستى باسقاردى ءارى ءسوز سويلەدى.

  ءماجىلىس مىنالاردى اتاپ كورسەتتى: ساياسي دەڭگەيدى جوعارىلاتىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، اۋىل - قىستاقتى گۇلدەندىرۋ ستراتەگياسىن اتقارۋدىڭ كەلەلى ماڭىزىن جەتە تانىپ، شىن مانىندە يدەيا مەن ارەكەتتى پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىمەن بىرلىككە كەلتىرىپ، باس شۋجي شي جينپيڭنىڭ اۋىل شارۋاشىلىعى، اۋىل - قىستاق، شارۋالار قىزمەتى جانە اۋىل - قىستاقتى گۇلدەندىرۋ جونىندەگى ماڭىزدى بايىمداۋلارىمەن بىرلىككە كەلتىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن تولىق، دالمە - ءدال دايەكتىلەندىرىپ، جاڭا باستامادا اۋىل شارۋاشىلىعى، اۋىل - قىستاق، شارۋالار قىزمەتىنىڭ جوعارى ساپالى دامۋىن اناعۇرلىم زور بەكىممەن، اناعۇرلىم ايقىن نىسانامەن، اناعۇرلىم پارمەندى شارامەن جەدەل ىلگەرىلەتۋ كەرەك.

  ءماجىلىس مىنالاردى باسا دارىپتەدى: ”ءتورتتى توقتاتپاۋدى“ قاتاڭ تياناقتاندىرىپ، ”سەگىزدى وزگەرتپەۋدى“ ورىنداپ، ”سەگىزدى ۇشتاستىرۋدى“ ىلگەرىلەتىپ، ”سەگىزگە شىنايى كەپىلدىك ەتۋدى“ جۇزەگە اسىرىپ، قايتا كەدەيلەسۋدەن ساقتانۋدى يكەمدى قاداعالاۋ جانە كومەكتەسۋ - سۇيەمەلدەۋ مەحانيزمىن ونان ارى كەمەلدەندىرىپ، كولەمدى قايتا كەدەيلەسۋدىڭ تۋىلماۋىنىڭ تومەنگى شەگىن ساقتاۋ كەرەك. اۆتونوميالى رايون دەڭگەيىندە نان، ماقتا (ماقتا توقىماشىلىعى)، ءجۇزىم جانە ءجۇزىم شارابى، وسى زامانعى تۇقىم شارۋاشىلىعى سياقتى كاسىپ سالاسى ءتۇيىندى تىزبەكتەرىن كۇشتى شوعىرلاندىرا وتىرىپ قالىپتاستىرۋ، ايماق، اۋداندار جەرگىلىكتى جاعدايعا قاراي ىستەپ، ءبىرقانشا اۋىل شارۋاشىلىعى جەتەكشى كاسىپ سالاسى ءتۇيىندى تىزبەكتەرىن جەتىلدىرۋ، دامىتۋ كەرەك. اۋىل - قىستاق قۇرىلىسى ارەكەتىن كۇشتى شوعىرلاندىرىپ اتقارىپ، قونىس ورتاسىن بىرتىندەپ جاقسارتىپ، اۋىل - قىستاق دارەتحانا توڭكەرىسىن تىڭعىلىقتى مىقتى يگەرىپ، اۋىل - قىستاقتى جونگە سالۋدى كۇشەيتۋ جانە جاقسارتۋ كەرەك. اۋىل - قىستاقتىڭ ءوندىرىس، تۇرمىس شارت - جاعدايىن جاپپاي جاقسارتىپ، اۋىل - قىستاق كاسىپ سالاسىن دامىتىپ، زورايتىپ، جۇمىستانىپ كىرىستى ارتتىرۋ كەڭىستىگىن كەڭەيتىپ، حالىق تۇرمىسىن شىن مانىندە قامتاماسىز ەتۋ جانە جاقسارتۋ كەرەك. اۋىل - قىستاق كوللەكتيۆ مال - مۇلىك ۇقىعى ءتۇزىمى رەفورماسىن ۇزدىكسىز تەرەڭدەتىپ، اۋىل - قىستاق جەر ءتۇزىمى رەفورماسىن تەرەڭدەتىپ، قالا مەن اۋىلدىڭ توعىسا دامۋ ءتۇزىلىس - مەحانيزمى مەن ساياساتتىق جۇيەسىنىڭ تياناقتانىپ ءونىم كورسەتۋىن ىلگەرىلەتۋ كەرەك.

  ءماجىلىس مىنالاردى تالاپ ەتتى: پارتيانىڭ اۋىل شارۋاشىلىعى، اۋىل - قىستاق، شارۋالار قىزمەتىنە جالپى بەتتىك باسشىلىعىن كۇشەيتۋ كەرەك، ءار دارەجەلى پارتكومداردىڭ اۋىل - قىستاق قىزمەتى باسشىلىق گرۋپپالارى باستاماشىلدىقپەن جالپى جاقتان يگەرۋ، ءبىر تۇتاس جوسپارلاپ سايكەستىرۋ رولىن تولىق ساۋلەلەندىرۋ، مۇشە ورىندار ءوز مىندەتتەرىن وتەپ، تىعىز سايكەسىپ، تياناقتاندىرۋدى يگەرۋدىڭ قىزمەت بىرىككەن كۇشىن شىنايى قالىپتاستىرۋ كەرەك. ۇسىنىلىممەن قامتاماسىز ەتۋدى ونان ارى ارتتىرىپ، اۋىل شارۋاشىلىعى، اۋىل - قىستاق، شارۋالار قارجى قويماسىن زورايتىپ، اۋىل - قىستاق فينانستىق قىزمەت وتەۋ جۇيەسىن كەمەلدەندىرىپ، قامسىزداندىرۋدىڭ اۋىل شارۋاشىلىعىن قولداۋ قامتاماسىزدىعىن كۇشەيتۋ كەرەك. ناقتى ىستەۋ باعدارىن ونان ارى ورناتىپ، قاتاڭ باسقارۋ مەن قامقورلىق جاساۋدى ۇشتاستىرۋعا تاباندى بولىپ، ءار دارەجەلى كادرلاردىڭ اۋىل - قىستاقتى گۇلدەندىرۋگە ات سالىسۋ بەلسەندىلىگىن تولىق جۇمىلدىرۋ كەرەك.

  اۆتونوميالى رايوننىڭ باسشىلارىنان شۋە بين قاتارلىلار ماجىلىسكە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.