تيانشان تورى   ›   جاڭالىقتار   ›   ماڭىزدى حابارلار

شي جينپيڭ 2021 · تۇستىك ەلدەر ادامدىق ۇقىق تالقى مىنبەرىنە قۇتتىقتاۋ حات جولدادى

  شينحۋا اگەنتتىگىنىڭ 12 - ايدىڭ 8 - كۇنى بەيجيڭنەن بەرگەن حابارى. 12 - ايدىڭ 8 - كۇنى مەملەكەت ءتوراعاسى شي جينپيڭ 2021 · تۇستىك ەلدەر ادامدىق ۇقىق تالقى مىنبەرىنە قۇتتىقتاۋ حات جولدادى.

  شي جينپيڭ بىلاي دەپ اتاپ كورسەتتى: ادامدىق ۇقىق − ادامزات وركەنيەتىنىڭ العا باسۋىنىڭ بەلگىسى. ادامنىڭ ءومىرىن، قۇنىن جانە ار - نامىسىن قورعاپ، بارلىق ادامنىڭ ادامدىق ۇقىقتان يگىلىكتەنۋىن جۇزەگە اسىرۋ − ادامزات قوعامىنىڭ ورتاق تالپىنىسى. حالىقتى بارىنەن جوعارى قويۋعا تاباندى بولىپ، حالىقتىڭ تاماشا تۇرمىسقا تالپىنىسىن كۇرەس نىساناسى ەتۋ − ءداۋىر دۇنيە جۇزىندەگى ءار ەلگە جۇكتەگەن جاۋاپكەرشىلىك.

  شي جينپيڭ بىلاي دەپ باسا دارىپتەدى: جۇڭگو كوممۋنيستىك پارتياسى قاي - قاشان دا ادامدىق ۇقىققا قۇرمەت ەتەتىن جانە ونى قامتاماسىز ەتەتىن ساياسي پارتيا. جۇڭگو حالىقتى وزەك ەتۋگە تاباندى بولىپ، حالىقتىڭ مۇددەسىن ماڭداي الدى ورىنعا قويىپ، دامۋ ارقىلى ادامدىق ۇقىقتى جەبەپ، جالپى بارىستىق حالىق دەموكراتياسىن ىلگەرىلەتىپ، ادامنىڭ ەركىن، جان - جاقتى دامۋىن جەبەپ، ءداۋىر اعىمىنا ۇيلەسەتىن ادامدىق ۇقىقتى دامىتۋ جولىمەن ءساتتى ءجۇرىپ، جۇڭگونىڭ ادامدىق ۇقىق ىستەرىن ىلگەرىلەتۋدە كورنەكتى تابىسقا قول جەتكىزىپ، ءبىر ميلليارد 400 ميلليوننان استام جۇڭگو حالقىنىڭ ادامدىق ۇقىقتى قامتاماسىز ەتۋ جاعىنداعى تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتتى. ادامدىق ۇقىقتى امالياتتا ايگىلەۋ الۋان ءتۇرلى. دۇنيە جۇزىندەگى ءارقايسى ەل حالقى ءوز مەملەكەتىنىڭ جاعدايىنا ۇيلەسەتىن ادامدىق ۇقىقتى دامىتۋ جولىن دەربەس تاڭداۋى ءتيىس. جۇڭگو قالىڭ وركەندەپ كەلە جاتقان ەلدەرمەن بىرگە، كۇللى ادامزاتتىڭ ورتاق قۇندىلىعىن اسقاقتاتىپ، شىن مانىندەگى كوپ جاقتىلىقتى امالياتتا ايگىلەپ، حالىقارالىق ادامدىق ۇقىق ىستەرىنىڭ اقاۋسىز دامۋىن جەبەۋگە اقىل - پاراساتى مەن كۇش - قۋاتىن ارناۋدى قالايدى.

  2021 · تۇستىك ەلدەر ادامدىق ۇقىق تالقى مىنبەرى سول كۇنى بەيجيڭدە اشىلدى، نەگىزگى تاقىرىبى ”حالىقتى بارىنەن جوعارى قويۋ جانە الەمدىك ادامدىق ۇقىقتى باسقارۋ“، مەملەكەتتىك كەڭەس اقپارات كەڭسەسى مەن سىرتقى ىستەر مينيسترلىگى بىرگە وتكىزدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.