تيانشان تورى   ›   جاڭالىقتار   ›   ماڭىزدى حابارلار

«جوعارى ساپالى دامۋ بارىسىندا تاريحي ىرىقتىلىققا قول جەتكىزدى − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جاڭا داۋىردەگى جۇڭگو ەكونوميكاسىن قايتا تۇلعالاۋعا جەتەكشىلىك ەتكەندىگى جونىندە شولۋ»

  شينحۋا اگەنتتىگى كولەمدى شولۋ تاراتتى

  «جوعارى ساپالى دامۋ بارىسىندا تاريحي ىرىقتىلىققا قول جەتكىزدى − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جاڭا داۋىردەگى جۇڭگو ەكونوميكاسىن قايتا تۇلعالاۋعا جەتەكشىلىك ەتكەندىگى جونىندە شولۋ»

  شينحۋا اگەنتتىگىنىڭ 12 - ايدىڭ 8 - كۇنى بەيجيڭنەن بەرگەن حابارى. شينحۋا اگەنتتىگى 12 - ايدىڭ 8 - كۇنى «جوعارى ساپالى دامۋ بارىسىندا تاريحي ىرىقتىلىققا قول جەتكىزدى − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جاڭا داۋىردەگى جۇڭگو ەكونوميكاسىن قايتا تۇلعالاۋعا جەتەكشىلىك ەتكەندىگى جونىندە شولۋ» اتتى كولەمدى شولۋ تاراتتى.

  ماقالادا بىلاي دەلىندى: 2012 - جىلدان 2021 - جىلعا دەيىن جۇڭگوشا سوتسياليزمنىڭ جاڭا ءداۋىرى 9 جىلدىق ساپاردى باسىپ وتكەن شاقتا جۇڭگونىڭ ەكونوميكاسى قانداي تاريحي جاڭا باستامادا تۇردى؟

  ءۇرتىس بىرنەشە جىل بويى ورنىقتى تۇردە دۇنيە جۇزىندەگى 2 - ۇلكەن ەكونوميكالىق تۇلعا، 2 - ۇلكەن تۇتىنۋ بازارى، جاساۋ كاسىبىندەگى ءبىرىنشى ۇلكەن ەل، زات ساۋداسىنداعى ءبىرىنشى ۇلكەن ەل، سىرتقى پەرەۋات زاپاسىنداعى ءبىرىنشى ۇلكەن ەل بولىپ، 2020 - جىلى سىرتقى قارجى كىرەتىن ءبىرىنشى ۇلكەن ەلگە اينالدى؛ جاپپاي دوڭگەلەك داۋلەتتى قوعام ورناتىپ، مۇلدەم كەدەيلىك ماسەلەسىن تاريحي سيپاتتى شەشىپ، جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعۋدىڭ ەكىنشى 100 جىلدىق كۇرەس نىساناسىنا قاراي تاسقىنداعان ارىنمەن ارشىندى قادام تاستادى...

  قۇس جولىنان بەيدوۋعا كوز سالىپ، ەرلىكپەن الدىڭعى لەكتە ءجۇرىپ، بيىك بەلەستەرگە قۇلاش سەرمەدى.

  ماقالادا مىنالار اتاپ كورسەتىلدى: پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى جاڭا دامۋ كەزەڭىن دالمە - ءدال يگەرىپ، جاڭا دامۋ ۇستانىمىن جاپپاي دايەكتىلەندىرىپ، جاڭا دامۋ ارناسىن جەدەل قالىپتاستىردى، جۇڭگونىڭ ەكونوميكاسى جوعارى ساپالى دامۋدىڭ جاڭا ارناسىمەن ارشىنداي العا ىلگەرىلەپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا اناعۇرلىم مىعىم زاتتىق نەگىز قالادى.

  ماقالا جالپى 4 بولىمگە ءبولىندى: جول باستاپ، باعدار بەلگىلەۋ، جۇڭگو ەكونوميكاسى اناعۇرلىم جوعارى ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى، اناعۇرلىم حاۋىپسىز دامۋ جولىنا قادام تاستادى؛ سەنىمدى كىلت ەتىپ، جالپى جاعدايعا ساياتىن تەرەڭ وزگەرىستى جاپپاي باستادى، جوعارى ساپالى دامۋ جولى جۇرگەن سايىن داڭعىلدانىپ، كەڭەيە ءتۇستى؛ جاعداي وزگەرىسى، جاڭا دامۋ ارناسىن قالىپتاستىرۋ ارقىلى سەلبەسۋدىڭ، باسەكەلەسۋدىڭ جاڭا ابزالدىلىعىن تۇلعالاپ، ءوزارا پايدا جەتكىزىپ، تەڭ يگىلىككە كەنەلۋدىڭ جاڭا سيمفونياسىن بىرگە ورىندادى؛ حالىقتى بارىنەن جوعارى قويىپ، بىرگە بايۋ نىساناسىنا قاراي تاباندىلىقپەن ەكپىندەي ىلگەرىلەپ، بۇقارانىڭ بارلىعىنىڭ اناعۇرلىم تاماشا تۇرمىس كەشىرۋىنە مۇمكىندىك جاسادى.

  ماقالادا مىنالار اتاپ كورسەتىلدى: جاڭا ءداۋىردىڭ 9 جىلدان بەرگى جولىنا قايىرىلا قاراساق، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ رول ۇستاپ، جول باستاۋىنىڭ ارقاسىندا جۇڭگو ەكونوميكاسى قايراتتانا ەكپىندەي ىلگەرىلەۋ بارىسىندا حالىق ريزا بولعان، دۇنيە ءجۇزىن جالت قاراتقان، تاريح بەتىنە قالاتىن ايشىقتى جاۋاپناما جازدى.

  اسا وزگەشە الداعى ساپارعا كوز جىبەرگەندە، ”14 - بەسجىلدىقتىڭ“ باستاماسى ورنىقتى، اقاۋسىز بولعان، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا ءتۇرلى قيىنشىلىقتار، سىن - سايىستار اۋەلگىدەي ازايعانى جوق، ءاربىر قيىن وتكەل، ۇلكەن سىناقتار قامال الۋدى كۇتۋدە، الايدا وراي جانە اۋقىم قاي - قاشان دا ءبىز جاقتا.

  ”تاريحتى اينا ەتىپ، بولاشاققا جول اشىپ، اۋەلگى ماقساتتى ۇمىتپاي، بورىشتى ەستە بەرىك ساقتاۋ كەرەك“. 100 جىلدى باسىپ وتكەن جۇڭگو كوممۋنيستىك پارتياسى ەڭبەكشىل، پاراساتتى جۇڭگو حالقىن باستاپ، ەرەن ەرلىك جانە بەرىك بەكىممەن بۇلجىماي العا ىلگەرىلەپ، ءتىپتى دە دارقان پەيىلمەن دۇنيە جۇزىمەن قاۋىشىپ، دامۋدىڭ جاڭا بەلەسىنە ۇزدىكسىز كوتەرىلۋدىڭ ايبىندى ساپارىندا ىرىقتىلىققا قول جەتكىزە الاتىندىعى، بولاشاققا قول جەتكىزەتىندىگى داۋسىز.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.