مەملەكەتتىك اۋىل شارۋاشىلىعى تۇتاس كاسىپ سالاسى تىزبەگىنىڭ ءتۇيىندى تىزبەگى جانە تيپتىك اۋدان قۇرۋ تىزىمدىگى جاريالاندى
رايونىمىزدان ءبىر كاسىپ تىزبەگى، 3 اۋدان، قالا تاڭدالدى
انار بۇلت / شينجياڭ گازەتىنىڭ ءتىلشىسى ليۋ ي 12 - ايدىڭ 8 - كۇنى ۇرىمجىدەن حابارلايدى. تاياۋدا اۋىل شارۋاشىلىعى، اۋىل - قىستاق مينيسترلىگى مەملەكەتتىك اۋىل شارۋاشىلىعى تۇتاس كاسىپ سالاسى تىزبەگىنىڭ ءتۇيىندى تىزبەگى جانە تيپتىك اۋدان قۇرۋ تىزىمدىگىن جاريالادى، رايونىمىزدىڭ سويىس سيىر، سويىس قوي تۇتاس كاسىپ سالاسى تىزبەگىنىڭ ءتۇيىندى تىزبەگى، جىڭ اۋدانى ماقتا تۇتاس كاسىپ سالاسى تىزبەگىندەگى تيپتىك اۋدان، شونجى اۋدانى ءبيداي تۇتاس كاسىپ سالاسى تىزبەگىندەگى تيپتىك اۋدان، سانجى قالاسى جۇگەرى تۇتاس كاسىپ سالاسى تىزبەگىندەگى تيپتىك اۋدان تىزىمدىگى قاتارىنان ورىن الدى.
تانىستىرۋعا قاراعاندا، وسى رەت بەكىتىلىپ قۇرىلعان اۋىل شارۋاشىلىعى تۇتاس كاسىپ سالاسى تىزبەگىنىڭ ءتۇيىندى تىزبەگى جانە تيپتىك اۋدان نازاردى جەتەكشى كاسىپ سالاسىنىڭ تۇتاس كاسىپ سالاسى تىزبەگى باسىمدىعىن كۇشەيتۋگە شوعىرلاندىرىپ، شارۋالارمەن بىرلەسۋ، شارۋالاردى باستاۋ بويىنشا مۇددەنى بايلانىستىرۋ مەحانيزمىن كەمەلدەندىرىپ، كاسىپ سالاسىنىڭ جوعارى، ورتا، تومەن بۋىندارىنىڭ سايكەستى دامۋ مەحانيزمىن ساپالىلاندىرىپ، تۇتاس كاسىپ سالاسىنىڭ تيبىن جاڭالاپ، دارەجەسىن ءوسىرۋدى ىلگەرىلەتىپ، اۋىل شارۋاشىلىعى تۇتاس كاسىپ سالاسى تىزبەگى قۇرىلىسىنىڭ تيپتىك ولشەمىنە اينالدىرىپ، كاسىپ سالاسى تىزبەگىنىڭ نەگىزگى تۇلعاسىن اۋدان وڭىرىندە قالدىرىپ، شارۋالاردى تۇتاس كاسىپ سالاسى تىزبەگىنىڭ ارتقان قۇن پايداسىنان اناعۇرلىم كوپتەپ يگىلىكتەندىرەدى ەكەن.
اۋىل شارۋاشىلىعىنىڭ تۇتاس كاسىپ سالاسى تىزبەگى قۇرىلىسى − ءوندىرۋدى، مانەرلەۋدى، ساتۋدى ۇلاستىرىپ، اۋىل شارۋاشىلىعىن، مادەنيەتتى، ساياحاتتى توعىستىرىپ، عىلىم - تەحنيكامەن، ونەركاسىپپەن، ساۋدامەن ۇشتاستىرىپ، اۋىل شارۋاشىلىعىنىڭ كوپ ءتۇرلى فۋنكتسياسىن كەڭەيتىپ، اۋىل - قىستاق كاسىپ سالاسىنىڭ جوعارى ساپالى دامۋىن جەبەۋدىڭ ماڭىزدى جولى. جۋىقتاعى جىلداردان بەرى بۇكىل رايون اۋىل شارۋاشىلىعى ونىمدەرىن مانەرلەۋ كاسىبىنىڭ دەڭگەيىن جوعارىلاتۋ ارەكەتىن ۇزدىكسىز اتقارىپ، «اۆتونوميالى رايوننىڭ اۋىل شارۋاشىلىعى تۇتاس كاسىپ سالاسىن جەتىلدىرۋدى، دامىتۋدى جەدەلدەتۋ جونىندەگى اتقارۋ پىكىرىن» شىعارىپ، اۆتونوميالى رايوننىڭ اۋىل شارۋاشىلىعى تۇتاس كاسىپ سالاسى تىزبەگى قۇرىلىسىن جۇمىس باسىندا ىلگەرىلەتۋ ءماجىلىسىن اشىپ، كاسىپ سالاسى تىزبەگىن ۇزدىكسىز ۇزارتىپ، قۇن تىزبەگىن جوعارىلاتىپ، قامداۋ تىزبەگىن تۇلعالاپ، قارجى تىزبەگىن ىركىلىسسىزدەندىرىپ، ءوندىرىستى يگەرۋدەن تىزبەكتى يگەرۋگە، ءونىمدى يگەرۋدەن كاسىپ سالاسىن يگەرۋگە، ۇلگى كورسەتۋدى يگەرۋدەن جۇيەنى يگەرۋگە بۇرىلىس جاساۋدى جۇزەگە اسىرۋدى ىلگەرىلەتتى.
كەلەسى قادامدا رايونىمىزدىڭ اۋىل شارۋاشىلىعى، اۋىل - قىستاق تاراۋلارى ءتۇيىندى تىزبەك پەن تيپتىك اۋداننىڭ اۋىل شارۋاشىلىعى تۇتاس كاسىپ سالاسى تىزبەگىنىڭ دامۋىن جالپى تۇلعالىق جاقتان جەدەلدەتۋدى جەبەۋدى ماڭىزدى مىندەت ەتىپ، ۇيىمدىق باسشىلىقتى كۇشەيتىپ، ساياساتتىق سۇيەمەلدەۋدى كۇشەيتىپ، نەگىزگى تۇلعانى جەتىلدىرىپ، زورايتىپ، تىرەك جۇيەسىن كەمەلدەندىرىپ، جەتەكشى كاسىپ سالاسىندا تىزبەك قۇرۋ، مانەرلەۋ، اينالىمعا سالۋدا تىزبەكتى ۇزارتۋ، عىلىم - تەحنيكاداعى جاڭالىق اشۋدا تىزبەكتى تولىقتاۋ، باقشا رايونىنداعى شوعىرلانۋدا تىزبەكتى زورايتۋ، توعىسپالى دامۋدا تىزبەكتى ساپالىلاندىرۋ قىزمەتىن ويداعىداي ىستەپ، جاڭالىق اشۋ قابىلەتى كۇشتى، كاسىپ سالاسى تىزبەگى تولىق، جاسىل بولۋ نەگىزى بەرىك، حاۋىپسىز، مەڭگەرۋگە بولاتىن، شارۋالارمەن بىرلەسۋى، شارۋالاردى باستاۋى يكەمدى اۋىل شارۋاشىلىعى تۇتاس كاسىپ سالاسى تىزبەگىن قالىپتاستىرىپ، اۋىل - قىستاقتى جاپپاي گۇلدەندىرۋگە جانە اۋىل شارۋاشىلىعىن، اۋىل - قىستاقتى وسىزامانداندىرۋعا پارمەندى تىرەك ازىرلەيدى.
