”قارا بۇلت قالايدا كۇن كوزىن توسا المايدى، شينجياڭنىڭ ەرتەڭى، ءسوز جوق، ءتىپتى دە تاماشا بولادى“
− رايونىمىزداعى كوپتەگەن جەرلەر ”ەڭبەك تاماشا تۇرمىس جاراتادى“ اتىندا جەلىلەس اڭگىمە ءماجىلىس اشتى
انار بۇلت/شينجياڭ گازەتىنىڭ ءتىلشىسى جاۋ شييا
11 - ايدىڭ 30 - كۇنى، 12 - ايدىڭ 1 - كۇنى شينجياڭ اۋىل شارۋاشىلىق داشۋەسى، سانجى شۋەيۋانى، شينجياڭ جاراتىلىستىق عىلىمدار شۋەيۋانى، شينجياڭ قازىنا - ەكونوميكا داشۋەسى ىركەس - تىركەس ”ەڭبەك تاماشا تۇرمىس جاراتادى“ اتىندا جەلىلەس اڭگىمە ءماجىلىس اشتى. وقىتۋشى - وقۋشىلار ءبىر مەزگىل ۋاقىتتان بەرگى امەريكاداعى، باتىستاعى جۇڭگوعا قارسى كۇشتەردىڭ ويدان قۇراستىرعان شينجياڭدا ايتىلمىس ”زورلىقپەن ەڭبەككە سالۋ“ ءومىر ءسۇرىپ وتىر دەگەن وسەك - اياڭدارىن قاتاڭ جازعىراتىندىقتارىن جانە وعان باتىل قارسى تۇراتىندىقتارىن ءبىلدىردى.
اڭگىمە ماجىلىستە شينجياڭ اۋىل شارۋاشىلىق داشۋەسى الەۋمەتتىك باسقارۋ شۋەيۋانىنىڭ (زاڭ عىلىمى شۋەيۋانى) دوتسەنتى ياڭ شياۋپيڭ زاڭ، قاعيدا، سۇيىسپەنشىلىك سىندى 3 جاقتان فاكتتى العا قويىپ، قيسىنىن ءتۇسىندىرىپ، امەريكاداعى، باتىستاعى جۇڭگوعا قارسى كۇشتەردىڭ ويدان قۇراستىرعان وسەك - اياڭدارىنا، ساندىراقتارىنا تويتارىس بەردى. ول مىنالاردى ءبىلدىردى: حالىقارادا ”زورلىقپەن ەڭبەككە سالۋ“ دەگەن جونىندە قاتاڭ انىقتاما بار، ەلىمىزدىڭ قىلمىستىق ىستەر زاڭىنىڭ 244 - تارماعىندا زورلىقپەن ەڭبەككە سالۋ قىلمىسىنا ۇعىمدىق ءتۇسىندىرۋ جاسالعان. وتكەندى ەسكە الار بولساق، رەفوما جاساپ، ەسىك اشقاننان بەرى امەريكاداعى، باتىستاعى جۇڭگوعا قارسى كۇشتەر جۇڭگونىڭ ەڭبەكشىلەر ىستەرىنە ايرىقشا ”نازار اۋدارۋمەن“ كەلەدى، ەجەلدەن مۇنى توقتاتىپ كورگەنى جوق. جۋىقتان بەرى ”ادامدىق ۇقىق“، ”ەڭبەكشىلەر ولشەمى“ سياقتىلاردى جەلەۋ ەتە باستادى، بۇل امەريكاداعى، باتىستاعى جۇڭگوعا قارسى كۇشتەردىڭ جۇڭگولىقتارعا قاراتا ويدان قۇراستىرعان جاڭا ساۋدا قامالىن ورناتۋداعى تاعى ءبىر ايلاسى، اۋەل دەسەڭ، بۇل ونىڭ ەڭبەكشىلەر سالاسىندا ”حالىقارالىق ساقشى“ بولماق بولعان تاعى ءبىر رەتكى ويىنى.
شينجياڭ ىستەرىنىڭ جاقسى بولعان - بولماعاندىعى جونىندە شينجياڭداعى ءار ۇلت حالقىنىڭ ايتقانى ەسەپ، شينجياڭنىڭ ورنىقتى دا تىنىش رەالدىعىنىڭ ايتقانى ەسەپ. ”شىندىققا تالاس جۇرمەيدى، شينجياڭنىڭ دامىعاندىعىن جۇرتتىڭ ءبارى كورىپ - ءبىلىپ وتىر. 2020 - جىلدىڭ سوڭىنا دەيىن بۇكىل رايوندا قازىرگى اتقارىلىپ وتىرعان ولشەم نەگىزىندە اۋىل - قىستاقتاعى 3 ميلليون 64 مىڭ 900 كەدەي ادام تۇگەلدەي كەدەيلىكتەن ارىلدى. مۇنداي سۇبەلى جەتىستىككە بۇقارا تام تۇبىندە كۇنگە قاقتالىپ وتىرىپ قول جەتكىزگەنى جوق، اسپاننان شەلپەك تە جاۋعان ەمەس، قايتا ءار ۇلت بۇقاراسى ەڭبەكشىل قوس قولىنا سۇيەنىپ جاراتقان“. شينجياڭ جاراتىلىستىق عىلىمدار شۋەيۋانىنىڭ وقىتۋشىسى گۇلميرا ەركىن امەريكاداعى، باتىستاعى جۇڭگوعا قارسى كۇشتەردىڭ شىندىقپەن ساناسپاي، اق پەن قارانى شاتاستىرعان وسەك - اياڭىن، ساندىراعىن قاتاڭ جازعىراتىندىعىن جانە وعان باتىل قارسى تۇراتىندىعىن ءبىلدىردى. ول پارتيانىڭ پارمەندى باسشىلىعىندا، شينجياڭنىڭ ەرتەڭىنىڭ، ءسوز جوق، ءتىپتى دە تاماشا بولاتىندىعىنا كامىل سەندى!
سانجى شۋەيۋانىنىڭ وقۋشىسى ءالقادىر تۇرسۇن كلاستىڭ تۇرمىس القاسى. اڭگىمە ماجىلىسىندە ول كوپشىلىكپەن بىرگە ماڭىنداعى ساباقتاستارىنىڭ اكە - شەشەسىنىڭ قوس قولدارىنا سۇيەنىپ كەدەيلىكتەن ارىلىپ، اۋقاتتانعان اڭگىمەسىن تىلگە تيەك ەتتى. ول بىلاي دەدى: كلاستاعى ساباقتاسىم ابدۇسامەت ءابدۇمومىن قاراقاش اۋدانى سايباق اۋىلىنان كەلگەن، بۇرىن ءبىر ءۇيلى جان ەگىن ەگۋگە سۇيەنىپ كۇن كورەتىن. وسى 2 جىلدا ونىڭ شەشەسى جەرگىلىكتى ورىننىڭ قولونەر بۇيىمدارىن جاساۋ سياقتى شەبەرلىككە باۋلۋىنا قاتىناسىپ، ءبىر ونەردىڭ تەتىگىن يگەرىپ، ايىنا وتباسىنا 1000 يۋاننان استام كىرىس كىرگىزدى، تۇتاس وتباسىنىڭ تۇرمىسى شالقي ءتۇستى.
”قارا بۇلت قالايدا كۇن كوزىن توسا المايدى، وسەك - اياڭ تۇبىندە تويتارىسسىز - اق توزىپ جوعالادى. جاس وقۋشى رەتىندە، ماڭىمداعى ساباقتاستارىمدى ءتىپتى دە ويداعىداي ىنتىماقتاستىرىپ، يممۋنيتەتتىك قۋاتىمىزدى كۇشەيتىپ، پارىقتاۋ قابىلەتىمىزدى جوعارىلاتىپ، ىرىقتى تۇردە باتىل ءۇن قاتىپ، ءىس جۇزىندىك ارەكەتىمىز ارقىلى شينجياڭنىڭ تىنىش، ىنتىماقتى اسا تاماشا جاعدايىن قورعايمىز!“، - دەدى ءالقادىر بەكەم تۇردە.
