شينجياڭ ۇيعۇر اۆتونوميالى رايونى مەكتەپكە دەيىنگى تاربيە جونىندە ارناۋلى اقپار جاريالاۋ ءماجىلىسىن اشتى
شينجياڭنىڭ وقۋ - اعارتۋ جالپىلىق دەڭگەيى تاريحتاعى ەڭ تاماشا كەزەڭگە ءوتتى
انار بۇلت / شينجياڭ گازەتىنىڭ ءتىلشىسى ۋاڭ نا 12 - ايدىڭ 8 - كۇنى ۇرىمجىدەن حابارلايدى. 12 - ايدىڭ 8 - كۇنى شينجياڭ ۇيعۇر اۆتونوميالى رايونى مەكتەپكە دەيىنگى تاربيە جونىندە ارناۋلى اقپار جاريالاۋ ءماجىلىسىن اشىپ، شينجياڭنىڭ وقۋ - اعارتۋ ىستەرى دامۋىنىڭ ناقتى جاعدايىن تانىستىرىپ، امەريكاداعى، باتىستاعى جۇڭگوعا قارسى كۇشتەردىڭ قاساقانا شىعارعان قاتىستى وسەك - اياڭدارىنا، ساندىراقتارىنا تويتارىس بەردى.
اقپار جاريالاۋ ءماجىلىسىن باسقارۋشى قايرات بىلاي دەپ تانىستىردى: ۇزاق ۋاقىتتان بەرى شينجياڭ مەكتەپكە دەيىنگى تاربيەنىڭ دامۋىن ۇزدىكسىز ىلگەرىلەتىپ، ”بىردە - ءبىر بالاباقشا ناشار بولماۋ، بىردە - ءبىر بالانى قاتاردان قالدىرماۋ“ تالابى بويىنشا، اۋىل - قىستاق بالاباقشالارىنىڭ ”سالۋعا تيىستىلەرىن تۇگەل سالۋدى“، جاسى لايىق بالالاردىڭ ”كىرۋگە تيىستىلەرىن تۇگەل كىرگىزۋدى“ جۇزەگە اسىرىپ، قالىڭ ەگىنشى - مالشى پەرزەنتتەرىنىڭ وسى زامانعى مەكتەپكە دەيىنگى تاربيەدەن يگىلىكتەنۋىنە مۇمكىندىك جاساپ، بالالاردىڭ مەكتەپكە دەيىنگى تاربيەدەن يگىلىكتەنۋىن جۇزەگە اسىردى.
”شينجياڭنىڭ وقۋ - اعارتۋ جالپىلىق دەڭگەيى تاريحتاعى ەڭ تاماشا، ەڭ تەز دامىعان كەزەڭگە ءوتتى“. قايرات بىلاي دەدى: سوڭعى جىلدارى شينجياڭ وقۋ - اعارتۋعا ۇسىنىلىم سەرپىنىن ۇزدىكسىز ارتتىرىپ، وقۋ - اعارتۋ ارقىلى حالىققا تيىمدىلىك حەتكىزۋ ينجەنەرياسىن ۇزدىكسىز اتقاردى، بۇكىل شينجياڭنىڭ بارلىق قىستاعىندا بالاباقشا بار بولدى ءارى تاڭەرتەڭگى اسپەن جانە تۇسكى اسپەن تەگىن قامدادى.
2021 - جىلى اۆتونوميالى رايون مەكتەپكە دەيىنگى تاربيەنى دامىتۋعا 428 ميلليون يۋان قارجى قوسىپ، جەر - جەردىڭ قالالاردا ۇكىمەت باسقارۋىنداعى بالاباقشادان 28ىن جاڭادان سالۋىنا، وزگەرتىپ، كەڭەيتىپ سالۋىنا، ۇكىمەت باسقارۋىنداعى، حالىق باسقارۋىنداعى 199 بالا باقشانىڭ باقشا باسقارۋ شارت - جاعدايىن جاقسارتۋىنا قولداۋ كورسەتتى، مەجەمەن جاڭادان 8400 وقۋشى كوبەيتىپ قابىلداۋعا بولادى.
اقپار جاريالاۋ ءماجىلىسى ۇستىندە اقسۋ ايماعى، ءۇرىمجى قالاسى، تارباعاتاي ايماعى سياقتى جەرلەردە تۇسىرىلگەن 9 شاعىن بەينەجازبا ارقىلى جۇرتقا شينجياڭداعى مەكتەپكە دەيىنگى تاربيە وقىتۋشىلارىنىڭ قىزمەت جانە تۇرمىس جاعدايى، سونداي - اق ءار ۇلت بالالارىنىڭ بالاباقشادا شات - شادىمان ەسەيىپ جاتقان جاعدايى كورسەتىلدى.
بەينەجازبادان مەيلى وڭتۇستىك، سولتۇستىك شينجياڭنىڭ اۋىل - قىستاقتارىندا، اۋدان قالاشىقتارىندا بولسىن، الدە ورتالىق قالا ۇرىمجىدە بولسىن، بارلىق بالاباقشادا كەڭ مەكتەپ ۇيلەرى، اشىق تەگىس سپورت الاڭى جانە دالالىق ويىن جابدىقتارىنىڭ بار ەكەندىگىن، كلاس ءىشىنىڭ ايناداي تازا، ءتۇسى كوركەم بولىپ، وقىتۋشى - وقۋشىلاردىڭ شات كۇلكىسىنە تولعاندىعىن كورۋگە بولادى.
كۇشار قالاسى ۇشوستەڭ اۋىلىنداعى ءبىر بالاباقشادا وقىتۋشى گۇليا مامەت ويىن ارقىلى تاربيەلەپ، ”كوز بايلاۋ ونەرى“ تاسىلىمەن قىزىقتى شاعىن تاجىريبە جاساپ، بالالاردى رەڭ تانۋعا باستادى، دالا سپورتىن ورىستەتۋ ارقىلى بالالاردىڭ وزگەرىسكە توتەپ بەرۋ قابىلەتى مەن سەلبەستىك تانىمىن جوعارىلاتۋىنا كومەكتەستى.
ءۇرىمجى قالاسىنداعى ءبىر بوبەكتەردى قاراۋ - كۇتىمدەۋ قىزمەت وتەۋ قۇرىلىمىنىڭ قيمىل وڭىرىندە كلاس، كىتاپ بولمەسى، قيمىل بولمەسى سياقتىلاردان سىرت، تاعى اعاششىلىق ءۇيى، وسىمدىكتەر اۋماعى سياقتى ويىن ويناۋ وڭىرلەرى دايىندالعان، بالالار وقىتۋشىنىڭ سەرىك بولۋىندا ويىن ويناپ، ارالاسىپ، دۇنيەگە ۇڭىلەدى، تۇرمىستا، ۇيرەنۋدە تۇرمىستارى، ۇيرەنۋلەرى قۇنتتى دا شات - شادىمان وتۋدە.
ساۋان قالاسىنىڭ چىڭدۇڭ بالاباقشاسىندا 5 جىلدىق وقىتۋ ستاجى بار وقىتۋشى سايراگۇل باقىتقازى كلاستى ”كەڭىستىك جاساۋ بەكەتى“ ەتىپ جاساعان، كلاستىڭ بۇرىش - بۇرىشىنان عارىش عىلىم - تەحنيكاسى ەلەمەنتىن كورۋگە بولادى، ونىڭ سەرىك بولۋىندا بالالاردىڭ جۇزىنەن شات كۇلكى ەسىپ، وزىنە دەگەن سەنىم اڭعارىلادى.
شاعىن بەينەجازبادا كورسەتىلگەن بالاباقشالاردا تۇگەلدەي اقاۋسىز، جايلى قاتتى بولشەك قۇرىلعىلارى بار، جاۋاپكەرشىلىگى اسا كۇشتى وقىتۋشىلار جانە ەرەكشە وقىتۋ شينجياڭنىڭ مەكتەپكە دەيىنگى تاربيەسىنىڭ قارىشتاپ دامىعاندىعىنىڭ جاندى كورىنىسى ەدى.
قايرات بىلاي دەپ تانىستىردى: ”14 - بەسجىلدىق“ مەزگىلىندە شينجياڭ بالاباقشالاردى ورنالاستىرۋ ءتۇيىنىن قالاعا قويىپ، اۋداندى (قالا، رايون) بىرلىك ەتىپ ۇكىمەت باسقارۋىنداعى جانە جالپىعا ءتيىمدى حالىق باسقارۋىنداعى بالاباقشا قۇرىلىسىن قالا، اۋىل الەۋمەتتىك باسقارۋى مەن الەۋمەتتىك قىزمەت وتەۋ قۇرىلعىلارىن ءبىر تۇتاس جوبالاۋعا ەنگىزىپ، قالاداعى بالاباقشالاردىڭ وقۋشى قابىلداۋ كولەمىن ۇزدىكسىز كەڭەيتەدى.
