ءوزارا كىرىكپەلى قوعامدىق قۇرىلىم مەن الەۋمەتتىك اۋماق ورتاسىن قالىپتاستىردى
جالىنتاۋ باۋرايىندا ۇلتتار ىنتىماعى گۇلى قۇلپىردى
انار بۇلت / شينجياڭ گازەتىنىڭ ءتىلشىسى ۋاڭ يۇڭفي
كەشكى الاكەۋىم شاقتا تۇرپان قالاسى گاۋچاڭ رايونى جاڭا قالا اۋماعى جاڭا قالا شيمىن قىستاعىنداعى قىزىل انار مادەنيەت الاڭى ءار ۇلت بالالارىنىڭ سايران باعىنا اينالدى، بۇل جەردە ءبىر قاۋىم بالا ۇستەل دوپ ويناپ، تاعى ءبىر توپ بالا فۋتبول تەۋىپ ءجۇر؛ الاڭ شەتىندەگى شارۋالار كىتاپ ۇيىندە ءار ۇلت بۇقاراسى كىتاپ وقىپ، ءبىلىم ۇيرەنىپ جاتىر؛ مەيىز وڭدەۋ زاۆودىندا ءار ۇلت جۇمىسشىلارى بىرگە قاربالاس جۇمىس ىستەۋدە... جاڭا قالا شيمىن قىستاعى سياقتى ءوزارا كىرىكپەلى قوعامدىق قۇرىلىم مەن الەۋمەتتىك اۋماق ورتاسى تۇرپان قالاسىنىڭ ۇلتتار ىنتىماعى، العاباسارلىعى قىزمەتىن ىلگەرىلەتۋىنىڭ ءونىمدى تۇتقاسى سانالادى.
كەڭىستىكتە ءوزارا كىرىگىپ، توعىسۋدى جەبەدى
”پارتيا 19 - كەزەكتى ورتالىق كوميتەتىنىڭ التىنشى جالپى ماجىلىسىندە ىنتىماقتىڭ كۇش ەكەندىگى العا قويىلدى. بىرنەشە جىلدان بەرى قالامىز كەڭىستىك جاعىندا ءوزارا كىرىگۋ، ەكونوميكالىق جاقتا ءوزارا كىرىگۋ، قوعامدىق جاقتا ءوزارا كىرىگۋ، مادەنيەت جاعىندا ءوزارا كىرىگۋ جانە كوڭىل كۇي جاقتان ءوزارا كىرىگۋ سىندى 5 جاقتان ىسكە كىرىسىپ، ءوزارا كىرىكپەلى قوعامدىق قۇرىلىم مەن الەۋمەتتىك اۋماق ورتاسىن قۇرىپ، ءار ۇلتتىڭ ۇلى ىنتىماعىن ۇتىمدى جەبەدى“، - دەدى تۇرپان قالالىق پارتكوم بىرلىكساپ ءبولىمىنىڭ ورىنباسار باستىعى جي جىنپيڭ.
ءوزارا كىرىكپەلى اكىمشىلىك قىستاق، الەۋمەتتىك اۋماق جانە شاعىن اۋماق قۇرىلىسى − كەڭىستىك جاعىندا ءوزارا كىرىگۋدىڭ تۇتقاسى سانالادى. قازىرگە دەيىن تۇرپان قالاسىنداعى ءوزارا كىرىكپەلى اكىمشىلىك قىستاق 138 بولىپ، ％80.7تى ۇستادى؛ ءوزارا كىرىكپەلى الەۋمەتتىك اۋماق 81گە جەتىپ، ％94.2تى ۇستادى؛ ءوزارا كىرىكپەلى تۇرعىندار شاعىن اۋماعى 418 بولىپ، ％90.1تى ۇستادى.
بىرنەشە جىلدان بەرى تۇرپان قالاسىندا جاڭادان سالىنعان 40 نەشە شاعىن اۋماقتىڭ بارلىعى ءوزارا كىرىكپەلى شاعىن اۋماق بولدى. ”تاۋار ءۇي جونىندە ءبىز قۇرىلىس سالۋشىنىڭ ساتۋ بۋىنىنا جەتەكشىلىك جاساۋ ارقىلى جاڭادان سالىنعان شاعىن اۋماقتىڭ ءوزارا كىرىكپەلى تۇردە قونىستانۋ مولشەرىن ％10تەن اسىردىق؛ الەۋمەتتىك جالعا بەرىلەتىن ۇيلەر، لاشىقتى ۇيلەر اۋماعىن وزگەرتىپ كوشىرىپ قونىستاندىرۋ سياقتى جاعدايلاردا ءبىزدىڭ جەتەكتەۋ سەرپىنىمىز ءتىپتى زور بولدى“، - دەدى جي جىنپيڭ.
ءوزارا كىرىكپەلى قونىستانۋ − ۇلكەن العى شارت، دەسە دە بۇل ءتۇيىندى عانا ورىنداۋ جەتكىلىكسىزدىك ەتەدى. ”ءبىز ءارقايسى شاعىن اۋماقتاردا ءبىرسىپىرا مەحانيزمدەر ورناتتىق، ايتالىق، عيمارات باستىعى، ونباسى، ەرىكتىلەر سياقتىلاردىڭ رولىن ساۋلەلەندىرىپ، ءار ءتۇرلى بىرلەسكەن دوستىق قيمىلدار ۇيىمداستىرىپ، ورىستەتىپ، كورشى - قولاڭ اراسىنداعى ارالاسۋدى، ىشتەسۋدى، توعىسۋدى جەبەپ، بىرگە قونىستانۋدى، بىرگە قىزمەت ىستەۋدى، بىرگە ۇيرەنۋدى، بىرگە كوڭىل اشۋدى، ءبىر - بىرىنە قارايلاسىپ، ءوزارا جاردەمدەسۋدى شىن مانىندە جۇزەگە اسىردىق“، - دەدى جي جىنپيڭ.
گاۋچاڭ رايونى ءجۇزىم قالاشىعى جالىنتاۋ الەۋمەتتىك اۋماعى ءوزارا كىرىكپەلى الەۋمەتتىك اۋماقتاردىڭ تيپتىك ۇلگىسى سانالادى. ”مەرەكە - مەيرام كەزدەرىندە ءبىز تۇرعىنداردى كورشى - قولاڭداردىڭ مەرەكەلىك قيمىلدارىن وتكىزۋگە ۇيىمداستىرىپ وتىرامىز، ءبىز تاعى مەيىربان انالار ۇجىمى، توراڭعى ەرىكتىلەر قىزمەت وتەۋ اترەتى سياقتىلاردى ۇيىمداستىرىپ قۇرىپ، تۇرعىنداردى ءوزارا كومەكتەسىپ، ءبىر - بىرىنە جاردەمدەسۋگە جەتەكتەدىك“، - دەدى اتالعان الەۋمەتتىك اۋماق پارتيا ياچەيكاسىنىڭ شۋجيى ايتىللا رۇسۇل.
اتالعان الەۋمەتتىك اۋماقتىڭ جۇمىس عيماراتىنىڭ 2 - قاباتىندا ساعات التى جارىم دەيتىن مەكتەپ بار، ءار ۇلت بالالار مەكتەپتەن قايتقان سوڭ، وسىندا كەلىپ ساباق پىسىقتاي الادى. ءدال وسى جەردە ۇيعۇر بالدىرعان ەرپان پارحات وسى الەۋمەتتىك اۋماقتا تۇراتىن حۇيزۋ بالاقاي لين شيڭشيڭمەن تانىستى، ەكەۋى بۇگىندە ارالارىنان قىل وتپەس جاقسى دوستارعا اينالدى.
” بالالار ارقىلى اتا - انا بولعان بىزدەر دە جاقسى دوستارعا اينالىپ، ۇنەمى ءبىر - ءبىرىمىزدىڭ ۇيىمىزگە قوناققا بارىپ، بىرگە تاماقتانىپ، جاقىن تۋىستارداي بولىپ كەتتىك“، - دەدى ەرپان پارحاتتىڭ اناسى زاينۇر راحمەتوللا جۇزىنەن كۇلكى ەسىپ.
ەكونوميكالىق جاقتا ءوزارا كىرىگىپ، بىرگە دامىدى
12 - ايدىڭ 6 - كۇنى تۇرپان جىبەك جولى ميڭجۋ اۋىل شارۋاشىلىعى بيولوگيالىق عىلىم - تەحنيكا شەكتى سەرىكتەستىگىنىڭ مەيىز وڭدەۋ سەحىندا، اسيا ءومار قىزمەتتەستەرمەن بىرگە سەبەت - سەبەت مەيىزدى قاتارلاپ رەتتى تىزۋمەن ابىگەرلەنىپ جاتتى.
جاڭا قالا شيمىن قىستاعىنىڭ تۇرعىنى اسيا ءوماردىڭ بۇل قىزمەتپەن اينالىسقانىنا 3 اي بولىپ قويدى، 60 نەشە ءار ۇلت قىزمەتتەسىمەن قويۋ سۇيىسپەنشىلىك ورناتتى.
”ءوزارا بىردەي مامىلە جاساپ، ءوزارا كومەكتەسىپ، جاردەمدەسىپ تۇرامىز؛ قوجايىنىمىز حانزۋ ۇلتىنان، بىزگە دوسىنداي قارايدى. كوبىرەك ىستەپ، كوبىرەك اقشا تابۋدان باسقانى ويلامايمىز“، - دەدى ول.
”پارتيا 19 - كەزەكتى ورتالىق كوميتەتىنىڭ التىنشى جالپى ماجىلىسىندە، بۇقارانى جاقسى تۇرمىسقا كەنەلتۋ − ءبىزدىڭ بارلىق قىزمەتىمىزدىڭ شىعار ءتۇيىنى جانە تابان تىرەر تياناعى دەپ ورتاعا قويىلدى. سوندىقتان، كەڭىستىكتە ءوزارا كىرىگۋ نەگىزىندە، ءبىز ەكونوميكالىق جاقتا ءوزارا كىرىگۋدى ىلگەرىلەتىپ، ءار ۇلت بۇقاراسىنىڭ رەفورمانىڭ، دامۋدىڭ جەتىستىكتەرىنەن يگىلىكتەنىپ، بىرگە بايۋىنا مۇمكىندىك جاسادىق“، - دەدى جي جىنپيڭ، - ”ساۋداگەر شاقىرىپ قارجى ەنگىزۋ نىساندارىنا قول قويعان كەزدە، قارجى قوسۋشى كاسىپورىندارمەن قىزمەتكەر قابىلداعاندا از ۇلت قىزمەتكەرىن قابىلداۋ سالىستىرماسىن ％20 تە ％30كە دەيىن جەتكىزۋگە كەلىستىك“.
اسيا ءومار وسى شارادان يگىلىكتەنۋشى. كۇيەۋى ەكەۋى ءبىر سەرىكتەستىكتە ىستەيدى، ەكەۋىنىڭ ءبىر ايلىق ەڭبەكاقىسىن قوسقاندا 7500 يۋان. ”ۇيگە جاڭا جيھاز الدىق، بۇرىن اۆتوكولىگىمىز بار بولاتىن، ودان دا جاقسىراعىنا اۋىستىرۋدى جوسپارلاپ وتىرمىز“، - دەدى ول جۇزىنەن كۇلكى ءۇيىرىلىپ.
”كادرلاردىڭ جۇپ قۇراپ، تۋىستاسۋى تولىق قامتىلماعان جاعدايدا، ءبىز ساۋدا - ونەركاسىپشىلەر بىرلەستىگى ارقىلى كاسىپورىن قىزمەتكەرلەرىن جۇپ قۇراپ، تۋىستاسۋ قيمىلىنا قاتىناسۋعا اتتانىسقا كەلتىردىك. كەيبىر ەگىمشىلىك ءىرى وتباسىلارى قىستاقتا جەر كوتەرىپ العان، ءبىز وسى قىستاقتىڭ تۇرعىندارىنان جۇمىسشى ىستەتۋ سالىستىرماسىن جوعارىلاتۋ باستاماسىن كوتەرىپ، ەگىمشىلىك ءىرى وتباسىلارىن قىستاقتا جۇرگىزىلەتىن ءتۇرلى قيمىلدارعا قاتىناسۋعا شابىتتاندىردىق“، - دەدى جي جىنپيڭ.
مادەنيەت جاعىندا ءوزارا كىرىگۋ مۇراتتاستىقتى جەبەدى
2018 - جىلدان باستاپ، تۇرپان قالاسى ”تاريحقا كوز جىبەرۋ، مەكەندى ساياحاتتاۋ، وتاندى ءسۇيۋ“ بۇقارالىق تاربيە قيمىلىن تاباندىلىقپەن ورىستەتىپ، ءار وتباسىنان ۋاكىل بولىپ كەلگەن ادامداردى مۇراجاي، مىڭ ءۇي، سۇلايمان مۇناراسى سياقتى وتانشىلدىق تاربيە بازاسىن تەگىن ارالاپ ساياحاتتاۋعا ۇيىمداستىرىپ، كوپشىلىكتىڭ كورگەن - بىلگەن ماڭىزدى تاريحي شىندىقتاردان شينجياڭنىڭ ەجەلدەن ءار ۇلت بىرگە اشقان، قۇرعان جەر ەكەندىگىن انىق تانۋىنا مۇمكىندىك جاسادى؛ 16 جاستان 70 جاسقا دەيىنگى قىستاق تۇرعىندارىنا مەڭزەس، ”بەينەجازبادا ۇگىت لەكسيا جاساۋ“ بۇقارالىق قىزمەتىن ۇيىمداستىرىپ، پارتيانىڭ حالىققا ءتيىمدى ساياساتتارى جانە شينجياڭ تاريحى، ۇلت، مادەنيەت، ءدىن سياقتى جاقتارداعى نەگىزگى كوزقاراستاردى انىق بايانداپ، ءدىني ۇشقارى يدەيانىڭ زيانىن ايقىن ءتۇسىندىردى.
قازىر بۇل ەكى ءتۇرلى قيمىل 200 مىڭنان استام تۇرعىندى قامتىدى. ”مىڭ ايتقاننان ءبىر كورگەن ارتىق. قيمىلدا بۇقارا تىڭداپ تۇسىنە الاتىن، ەسىنە ساقتاي الاتىن ادىستەر ارقىلى ماركسيزمنىڭ تەرەڭ فيلوسوفيالىق قاعيدالارىن ناقتى، وبرازدى حالىقتىق تىلگە اينالدىرىپ، ءار ۇلت بۇقاراسىنىڭ جۇڭحۋا ۇلتى ورتاق تۇلعا تانىمىن اناعۇرلىم بەكەمدەي تۇستىك“، - دەدى جي جىنپيڭ.
مادەنيەت جاعىنداعى ءوزارا كىرىگۋدى تۇرپان قالاسىنىڭ بارلىق جەرىنەن كورۋگە بولادى. ”قازىر كوپشىلىك كوكتەم مەرەكەسىن بىرگە وتكىزەدى، جۇڭچيۋ مەرەكەسىن بىرگە وتكىزەدى، ءار ۇلت جاراسىمدىلىقپەن تاتۋ - ءتاتتى، شات - شادىمان وتۋدە“، - دەدى جاڭا قالا شيمىن قىستاعىنىڭ كادرى اينۇر ءپاتار.
قوعامدىق جاقتا ءوزارا كىرىگۋ ەمدەۋ، دەنساۋلىق، وقۋ - اعارتۋ، قوعامدىق قامتاماسىزداندىرۋ سياقتى جاقتاردا ءار ۇلت بۇقاراسىنىڭ تەڭ ۇقىق - مۇددەدەن يگىلىكتەنۋىنە مۇمكىندىك جاسادى. جي جىنپيڭ: ەڭ سوڭعى ماقسات ءالى دە كوڭىل كۇي جاقتان ءوزارا كىرىگۋ، - دەدى.
جي جىنپيڭ بىلاي دەپ تانىستىردى: قازىر از ۇلت اتا - انالاردىڭ بالالارىنا مەكتەپ تاڭداۋىندا تىڭ وزگەرىستەر بولىپ جاتىر، مەملەكەتتە ءبىر تۇتاس قولدانىلاتىن ءتىل - جازۋدى وقىتۋ ساپاسىنىڭ جوعارى - تومەندىگىن مەكتەپ تاڭداۋدىڭ ولشەمى ەتەتىن بولدى.
تۇرپانداعى قىستاقتاردىڭ بارىندە بالاباقشا بار. ”اۋىل - قىستاققا بارا قالساڭىز، قاسىڭىزعا كەلىپ، كىشكەنتاي ساۋساقتارىن سوزىپ، پۋتۇڭحۋامەن ’سالەمەتسىز بە‘ دەيتىن بالالار ۇنەمى كەزدەسەدى“. ”ءتىلىن جەتكىزە الماعان كەزدە، ۇيدەگى بالالار ۇنەمى تاماشا اۋدارماشى بولادى“، - دەدى جي جىنپيڭ سۇيىنە.
”قازىر مەملەكەت مەرەكەسى كەزىندە وتباسى سايىن مەملەكەت تۋىن ىلەدى. بۇل كوپشىلىكتىڭ ۇلى وتانعا، جۇڭحۋا ۇلتىنا، جۇڭحۋا مادەنيەتىنە، جۇڭگو كوممۋنيستىك پارتياسىنا، جۇڭگوشا سوتسياليزمگە شىنايى مۇراتتاستىعىنىڭ كۇشەيگەندىگىن كورسەتەدى!“، - دەدى جي جىنپيڭ.
