تيانشان تورى   ›   جاڭالىقتار   ›   شينجياڭ حابارلارى

تاماشا ەكولوگيالىق ورتانى حالىق تۇرمىسىنا ەڭ ءتيىمدى قۇت - ىرىسقا اينالدىردى

  تاماشا ەكولوگيالىق ورتانى حالىق تۇرمىسىنا ەڭ ءتيىمدى قۇت - ىرىسقا اينالدىردى

  − اۆتونوميالى رايوندىق ەكولوگيالىق ورتا مەڭگەرمەسى ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن تەرەڭدەي ىلگەرىلەتتى

  انار بۇلت / شينجياڭ گازەتىنىڭ ءتىلشىسى لي شيڭ

  تاماشا ەكولوگيالىق ورتا حالىق تۇرمىسىنا ەڭ ءتيىمدى قۇت - ىرىس. ەكولوگيالىق ورتا ساپاسىنىڭ ۇزدىكسىز جاقسارۋىن ىلگەرىلەتۋ حالىق بۇقاراسى جۋىق جىلداردان بەرى ەڭ كوڭىل ءبولىپ وتىرعان قولامتالى تاقىرىپتاردىڭ ءبىرى.

  اۆتونوميالى رايوندىق ەكولوگيالىق ورتا مەڭگەرمەسى پارتيا تاريحىن ۇيرەنۋ تاربيەسىن تەرەڭدەي ىلگەرىلەتۋدى لاستانۋدان ساقتانۋ جانە ودان قامال الۋ شايقاسىنىڭ جەڭىسىنە قول جەتكىزۋدىڭ ءتۇرلى قىزمەتتەرىمەن ۇشتاستىرىپ، ەكولوگيا ارقىلى حالىققا تيىمدىلىك جاساۋعا، ەكولوگيا ارقىلى حالىققا پايدا جەتكىزۋگە، ەكولوگيا حالىق ءۇشىن بولۋعا تاباندى بولىپ، بۇقارا كوڭىل ءبولىپ وتىرعان اتموسفەرا ورتاسى ساپاسىن ۇزدىكسىز جاقسارتۋ، قورشاعان ورتانى باعالاۋدى تەكسەرىپ بەكىتۋ جانە قورشاعان ورتانى باقىلاۋ، زاڭ اتقارۋ بويىنشا ”تومەنگە بەرۋ، باسقارۋ، قىزمەت وتەۋ“ سياقتى تۇيىندەردى توڭىرەكتەي وتىرىپ، ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن ۇزدىكسىز ىشكەرىلەي ورىستەتتى.

  اسپانىمىز بارعان سايىن اشىق بولدى، سۋىمىز بارعان سايىن تۇنىق بولدى

  11 - ايدىڭ 28 - كۇنى ءۇرىمجى قالاسى قاردان كەيىن اسپانى ءتىپتى دە ارايلانىپ، ادامدى ءتانتى ەتتى. تاڭەرتەڭ العاشقى كۇن ساۋلەسى بايتاق دالانى ايشىقتاپ، الىستاعى اسقار تاۋلار مەن مۇندالاپ كورىندى.

  بيىل جىل باسىنان بەرى ءۇرىمجى قالاسى ەكولوگيالىق ورتا ساپاسىن جاقسارتۋدى وزەك ەتىپ، ”اشىق اسپان“ نىسانىن ۇزدىكسىز ىلگەرىلەتىپ، اۋا ساپاسىن جاقسارتۋ ارەكەتىن ىشكەرىلەي اتقارىپ، ەنەرگيا قۇرىلىمىن رەتتەۋدى جەدەلدەتىپ، قالاداعى شاڭ - توزاڭنىڭ لاستاۋىن تىزگىندەپ، ونەركاسىپتەگى لاس زاتتاردىڭ شىعارىلۋ كۇشەمەلىلىگىن تومەندەتىپ، موتورلى كولىكتەردىڭ جاراقسىز گازىنىڭ الدىن الۋدى جانە ونى جونگە سالۋدى كۇشەيتىپ، وڭىرلىك اۋا ساپاسىنىڭ ۇزدىكسىز جاقسارۋىن جەبەدى. قىسقى كۇننىڭ وزىندە دە اسپانى بارعان سايىن اشىق، سۋى بارعان سايىن تۇنىق كۇندەر ۇنەمىلىك جاعدايعا اينالدى.

  ءۇرىمجى قالاسىنىڭ اسپانىنىڭ اشىق، سۋىنىڭ تۇنىق بولۋى رايونىمىزدىڭ قورشاعان ورتا − حالىق تۇرمىسى، جاسىل تاۋ − كوركەمدىك، اشىق اسپان − باقىت دەگەنگە تاباندى بولعاندىعىنىڭ ىقشام كورىنىسى. پارتيا تاريحىن ۇيرەنۋ تاربيەسى ورىستەتىلگەننەن بەرى رايونىمىزدىڭ ەكولوگيالىق ورتا جۇيەسىندەگى قالىڭ كادرلار مەن جۇمىسشى - قىزمەتكەرلەر قورشاعان ورتا ساپاسىن جاقسارتۋدى ۇزدىكسىز ىلگەرىلەتۋدى وزەك ەتىپ، لاستانۋدان ساقتانۋ جانە ونى جونگە سالۋدان قامال الۋ شايقاسىن تاباندىلىقپەن، باتىلدىقپەن ويداعىداي جۇرگىزىپ، ءار ۇلت بۇقاراسىنىڭ ەكولوگيالىق ورتا جونىندەگى تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز جوعارىلاتتى.

  اسىرەسە، بۇقارا كوڭىل ءبولىپ وتىرعان اتموسفەرالىق ورتا ساپاسى ماسەلەسىنە مەڭزەس، رايونىمىز اتموسفەرانىڭ لاستانۋىنان ساقتانۋ جانە ونى جونگە سالۋ تەبىنىن ۇزدىكسىز كۇشەيتتى. 2021 - جىلى رايونىمىز 295 مىڭ 400 تۇرعىننىڭ كومىردى ەلەكترگە وزگەرتۋ مىندەتىن ورىنداپ، كومىردى ەلەكترگە وزگەرتۋ ينجەنەرياسىن وڭتۇستىك شينجياڭداعى 5 ايماق - وبلىسقا جانە سولتۇستىك شينجياڭداعى، شىعىس شينجياڭداعى شارت - جاعدايى بار اۋدان - قالالارعا دەيىن كەڭەيتتى.

  رايونىمىز ونەركاسىپ، كومىر، موتورلى كولىك سىندى ”ءۇش ۇلكەن لاستاۋ قاينارىن“ جان - جاقتى جونگە سالۋدى ۇزدىكسىز كۇشەيتىپ، كومىردى ەلەكترگە وزگەرتۋ، كومىردىڭ ورنىنا تابيعي گاز جاعاتىن تازا ەنەرگيا ارقىلى جىلۋدى ورنىقتى ىلگەرىلەتتى، سونداي - اق بولات - تەمىر، وت ەلەكتر كاسىپ سالالارىندا لاس زاتتاردى وتە از ىعىستىرۋعا وزگەرتۋدى ءتۇيىندى تۇردە ورىستەتىپ، ءتۇيىندى وڭىرلەردەگى ءتۇيىندى كاسىپ سالالارىنىڭ لاستانۋدى جونگە سالۋ قۇرىلعىلارىنىڭ دارەجەسىن جوعارىلاتۋدى، جاڭالاۋدى بەلسەنە ىلگەرىلەتتى. 2021 - جىلى ورتالىق، اۆتونوميالى رايون اتموسفەرانىڭ لاستانۋىنان ساقتانۋعا جانە ونى جونگە سالۋعا ءبىر ميلليارد 500 ميلليون يۋان ارناۋلى قارجى ورنالاستىرىپ، تازا جىلۋمەن قامداۋعا جانە كاسىپورىنداردىڭ كومىر جاعۋدان تۋىلاتىن لاستانۋدى تىزگىندەۋ، ونەركاسىپتىڭ لاستاۋىن جونگە سالۋ، پار قازان جانە ونەركاسىپ قۇمداندارىن جان - جاقتى جونگە سالۋ، ۇشقىش ورگانيكالىق زاتتاردى جونگە سالۋ سياقتى نىسانداردى اتقارۋىنا قولداۋ كورسەتتى.

  ساندى مالىمەتتەردەن كوپ پايدالاندى، بۇقارا سارساڭ بولمايتىن بولدى

  اۆتونوميالى رايوننىڭ اكىمشىلىك قىزمەت وتەۋ زالىندا ”قۇرىلىس نىساندارىنىڭ قورشاعان ورتاعا ىقپالىن باعالاۋدى تەكسەرىپ بەكىتۋدى باسقارۋ جۇيەسى“ اۆتونوميالى رايوندىق حالىق ۇكىمەتىنىڭ اكىمشىلىك قىزمەت وتەۋدى ءبىر تۇلعالاندىرۋ تۇعىرىمەن ۇشتاستىرىلدى، ءار ۇلت بۇقاراسىنىڭ ينتەرنەت جەلىسىندە ەكولوگيالىق ورتا سالاسىنداعى 17 ءتۇرلى اكىمشىلىك رۇقسات بەرۋ ىستەرىن ءبىتىرۋدى ءوتىنىش ەتۋىنە بولادى. اۆتونوميالى رايوندىق ەكولوگيالىق ورتا مەڭگەرمەسى تاعى قىزمەت گرۋپپاسىن جىبەرىپ، بۇقارانىڭ ەكولوگيالىق ورتا سالاسىنداعى اكىمشىلىك رۇقسات بەرۋ ىستەرىن ارنايى ءبىتىردى. بيىل قىزمەت گرۋپپاسى ”پوچتا ارقىلى جىبەرۋ − مەن بۇقارا ءۇشىن ناقتى ءىس ىستەيمىن“ امالياتتىق قيمىلىن ورىستەتتى، ياعني ءوتىنىش ەتۋشى اكىمشىلىك رۇقسات بەرۋ ىستەرى ماتەريالدارىن پوچتا ارقىلى قىزمەت گرۋپپاسىنا جولداپ، قىزمەت گرۋپپاسى اكىمشىلىك رۇقسات بەرۋ ىستەرىن ءبىر جاقتى ەتكەننەن كەيىن ءوتىنىش ەتۋشىگە جولداپ، جەرگىلىكتى ەمەس ءىس ءبىتىرۋشى كاسىپورىندارعا بۇرىن بولىپ كورىلمەگەن قولايلىقتار جاراتتى.

  سانجى حۇيزۋ اۆتونوميالى وبلىسى قورشاعان ورتانى قورعاۋدى تەكسەرىپ بەكىتۋدىڭ ۇنامدى تىزىمدىگىنە ەنگىزىلگەن قۇرىلىس نىساندارىنا قاراتا ماماندار باعالاۋ ءماجىلىسىن جانە ورىندار بىرلەسىپ تەكسەرۋ ءماجىلىسىنىڭ اقىلداسۋ بۋىنىن كۇشىنەن قالدىردى. مالىمەت، مالىمەت كەستەسى نىساندارىنداعى قورشاعان ورتانى باعالاۋدى تەكسەرىپ بەكىتۋ ۋاقىت شەگى جەكە - جەكە مەملەكەتتىڭ زاڭدا بەلگىلەنگەن 60 قىزمەت كۇنىنەن، 30 قىزمەت كۇنىنەن 15 قىزمەت كۇنىنە جانە 8 قىزمەت كۇنىنە قىسقارتىلدى.

  اقسۋ ايماعى ”العاشقى سۇراۋ جاۋاپكەرشىلىك ءتۇزىمى“، ”ءبىر بەكەتتىك قىزمەت وتەۋ“، ”شەكتى مەرزىمدە ءبىتىرۋ ءتۇزىمى“، ”حابارلاندىرىپ ۋادە بەرۋ ءتۇزىمى“ سياقتى ءتۇرلى رەفورما شارالارىن اتقارۋ ارقىلى كاسىپورىنداردىڭ ءوتىنىش بەرۋ ماتەريالدارىن ىشكەرىلەي ىقشامداپ، ءىس ءبىتىرۋ باعدارناماسىن اشالاپ، تەكسەرىپ بەكىتۋ ۋاقىت شەگى مەن ءتارتىبىن ساپالىلاندىرىپ، ايماقتىڭ ءتۇيىندى نىساندارى، حالىق تۇرمىسى نىساندارى سياقتىلارعا الدىن الا ارالاسىپ، ”جاسىل ارنا“ اشىپ، كەلە سالىسىمەن دەرەۋ ءبىتىردى.

  ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىندا رايونىمىزدىڭ ەكولوگيالىق ورتا جۇيەسى قورشاعان ورتاعا جاسايتىن ىقپالىن باعالاۋدى تەكسەرىپ بەكىتۋدىڭ ۇنامدى تىزىمدىگىن اتقارىپ، قورشاعان ورتانى باعالاۋدى تەكسەرىپ بەكىتۋدىڭ ”تومەنگە بەرۋ، باسقارۋ، قىزمەت وتەۋ“ رەفورماسىن ىشكەرىلەي ىلگەرىلەتتى. تەكسەرىپ بەكىتۋ بارىسىن ساپالىلاندىرىپ، تەكسەرىپ بەكىتۋ ۇقىق شەگىن تومەنگە ءتۇسىرىپ، كەزدەسپەي تەكسەرىپ بەكىتۋدى تياناقتاندىرىپ، بۇقارانىڭ جۇمىس بىتىرۋىنە، از جۇگىرۋىنە قولايلى قىزمەت وتەۋدى جۇزەگە اسىردى. سونىمەن بىرگە، اۆتونوميالى رايوننىڭ كەلەلى نىساندارى جايلى ”ءۇش ەسەپ داپتەرىن“ ۇستاپ، نىساندارعا قاداعالاپ قىزمەت وتەۋدى ويداعىداي ورىندادى.

  ”كونە، ۇلكەن، قيىن“ قورشاعان ورتا ماسەلەلەرىن شەشتى

  اۆتونوميالى رايوندىق ەكولوگيالىق ورتا مەڭگەرمەسى بۇقارانىڭ ارىز - شاعىم، مالىمدەگەن ماسەلەلەرىن كوزدە ۇستاي رەتتەۋ - تۇزەتۋدى ”مەن بۇقارا ءۇشىن ناقتى ءىس ىستەيمىن“ قيمىلىنىڭ ناقتى امالياتى ەتىپ، ەكولوگيالىق ورتاعا ساياتىن ارىز - شاعىم قىزمەتى مەحانيزمىنە رەفورما جاساپ جانە ونى كەمەلدەندىرىپ، ارىز - شاعىم، مالىمدەۋ ينفورماتسيالارىنا تالداۋ جاساۋ، تۇجىرىم جاساۋ قابىلەتى مەن مالىمدەلگەن ىستەردى ءبىتىرۋ ساپاسىن جوعارىلاتىپ، بۇقارانىڭ قاسىنداعى كورنەكتى ەكولوگيالىق ورتا ماسەلەلەرىن شەشۋدى ىلگەرىلەتتى. 9 - ايدان باستاپ، اۆتونوميالى رايوندىق ەكولوگيالىق ورتا مەڭگەرمەسىنەن اي سايىن مەڭگەرمە باسشىلارىنىڭ ءبىرى ”12369“ قورشاعان ورتانى قورعاۋ بويىنشا مالىمدەلگەن ىستەردى قابىلداۋ، ءبىر جاقتى ەتۋ ورتالىعىنا بارىپ ارىز - شاعىم قابىلداۋ قيمىلىنا قاتىناسىپ، ارىز - شاعىمداعى كورنەكتى ماسەلەلەردى شوعىرلى شەشتى.

  ”مەڭگەرمە باستىعىنىڭ كەڭ كولەمدە ارىز - شاعىم قابىلداپ ۇلگى كورسەتۋى ارقىلى بۇكىل رايونداعى ءار دارەجەلى ەكولوگيالىق ورتا تاراۋلارىنىڭ باسشى كادرلارىن ارىز - شاعىم قابىلداۋدى نەگىزگى ساتىدا جۇرگىزۋ قىزمەتىن ۇدايىلاندىرۋعا باستاپ، قورشاعان ورتا ارىز - شاعىم ماسەلەلەرىنىڭ شەشىلۋىن ءونىمدى ىلگەرىلەتىپ، بۇقارانىڭ زاڭدى ۇقىق - مۇددەسىن پارمەندى قورعادى“، - دەدى اۆتونوميالى رايوندىق ەكولوگيالىق ورتا مەڭگەرمەسىنىڭ ورىنباسار باستىعى سۇن ۋاڭشىڭ.

  قازىرگە دەيىن ”12369“ قورشاعان ورتا بويىنشا مالىمدەلگەن ىستەردى قابىلداۋ، ءبىر جاقتى ەتۋ ورتالىعى بۇقارا تەلەفون ارقىلى، حات ارقىلى مالىمدەگەن 400گە جۋىق ءىستى ءبىر جاقتى ەتىپ، بۇقارا كوڭىل ءبولىپ وتىرعان ءبىر توپ ”كونە، ۇلكەن، قيىن“ قورشاعان ورتا ماسەلەلەرىن شەشۋدى ىلگەرىلەتتى.

  سونىمەن بىرگە، اۆتونوميالى رايوندىق ەكولوگيالىق ورتا جۇيەسى ”قوس توسىن، ءبىر جاريا“ باقىلاۋ - باسقارۋ تالابىن تياناقتاندىرىپ، ەكولوگيالىق ورتا جونىندەگى زاڭ اتقارۋدى باقىلاۋ - باسقارۋدى قاتايتىپ، كاسىپورىندارعا كومەكتەسۋ - سۇيەمەلدەۋ، قىزمەت وتەۋگە تاباندى بولۋمەن بىرگە، قورشاعان ورتا جونىنەن زاڭ اتقارۋ قىزمەتى بەتالىسىن وزگەرتپەدى، تەبىنىن السىرەتپەدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.