گۇما اۋدانى چودا اۋىلى سەنترلى باستاۋىش مەكتەبىنىڭ وقىتۋشى - وقۋشىلارى ”تيانگۇڭ ساباقحاناسىنان“ ساباق تىڭدادى
”ءبىزدىڭ بۇگىنگى مۇعالىمىمىز عارىشكەرلەر“
انار بۇلت / شينجياڭ گازەتىنىڭ تىلشىلەرى ۋي يۇڭگۇي، ءجازيرا نەسىپبەك 12 - ايدىڭ 9 - كۇنى گۇمادان حابارلايدى. ”ءبىزدىڭ بۇگىنگى مۇعالىمىمىز جۇڭگو كەڭىستىك بەكەتىنىڭ عارىشكەرلەرى“. 12 - ايدىڭ 9 - كۇنى تۇستەن كەيىن گۇما اۋدانى چودا اۋىلى سەنترلى باستاۋىش مەكتەبىنىڭ باستىعى ءپاريدام ماتسەيت كلاسقا كىرىپ بالالارعا وسىلاي دەدى.
سول كۇنى ساعات 15تەن 40 مينۋتتا ”تيانگۇڭ ساباقحاناسىنىڭ“ 1 - ساباعى رەسمي باستالدى. ”الەم كەڭىستىگى وقىتۋشىسى“ جاي جىگاڭ، ۋاڭ ياپيڭ، يە گۋاڭفۋ جۇڭگو كەڭىستىك بەكەتىنەن قالىڭ جاستار مەن ورەندەرگە تاماشا الەم كەڭىستىگى عىلىم جالپىلاستىرۋ ساباعىن ءوتتى، بۇل جۇڭگو كەڭىستىك بەكەتىنىڭ تۇڭعىش رەت الەم كەڭىستىگىنەن ساباق ءوتۋ قيمىلى. ورتالىق راديو - تەلەۆيزيا باس ستانسياسى تۇتاس بارىستى تىكە تاراتتى.
ساعات 14تە، گۇما اۋدانى چودا اۋىلى سەنترلى باستاۋىش مەكتەبىنىڭ 4 - جىلدىعىنداعى 30 وقۋشى نارت قىزىل گالستۋك تاعىپ، ەرتەمەن كلاستا ”الەم كەڭىستىگى ساباقحاناسىنىڭ“ ساباق باستاۋىن كۇتىپ وتىردى. ساعات 14تەن 25 مينۋتتا، ”الەم كەڭىستىگى ساباقحاناسى“ ساباق باستاۋدان بۇرىن، ورتالىق راديو - تەلەۆيزيا باس ستانسياسىنىڭ اقپارات جۇرگىزۋشىسى وسى مەكتەپتەگى وقىتۋشى - وقۋشىلارمەن جەلىدە بايلانىسقا شىقتى. 4 - جىلدىق 3 - كلاس وقۋشىسى ءىلىمنۇر ومەرابلا جۇرگىزۋشىمەن جەلىدە بايلانىسقا شىعۋ بارىسىندا، 3 عارىشكەرگە باقىت تىلەپ، سالەم جولدادى.
بيىل 8 - ايدا، ءىلىمنۇر ورتا، باتىس بولىكتەگى مەكتەپتەرگە باعىتتالعان سىزبا سۋرەت جانە حات قابىلداۋ قيمىلىنا قاتىناسىپ، سۋرەت ارقىلى عارىشكەرلەرگە باقىت تىلەپ، الەم كەڭىستىگىندەگى قىزمەت پەن تۇرمىسقا دەگەن قىزىعۋشىلىعىن بىلدىرگەن بولاتىن. ءىلىمنۇر ويلاماعان جەردەن تۋىندىسى تاڭدالىپ، 9 - ايدا حايناننىڭ ۋىنچاڭىنا بارىپ ”جاستىق كوكتەم مەن جۇلدىزدى اسپاننىڭ ديالوگى“ اتىنداعى ورتا، باتىس بولىك جاستارى مەن ورەندەرىنىڭ عارىشقا ادام الىپ ۇشۋمەن بەتپە - بەت نەگىزگى تاقىرىپتىق قيمىلىنا قاتىناسىپ، سول جەردە تيانجوۋ 3 - ءنومىرلى جۇك تاسىمال الەم كەمەسىنىڭ ۇشۋىنا تىكە كۋا بولدى. 10 - ايدىڭ 14 - كۇنى جيۋچۋان جاساندى سەرىك ۇشىرۋ ورتالىعىنا ۇسىنىسپەن بارىپ، اقپارات قۇرالدارى مەن شىنجوۋ 13 - ءنومىرلى الەم كەمەسى گرۋپپاسىنداعى عارىشكەرلەرمەن كەزدەسۋ جينالىسىندا ۋاڭ ياپيڭمەن تىلدەستى.
”وتانىمنىڭ قۇدىرەتتەنگەنىن ماقتانىش ەتەمىن“. ءىلىمنۇر بىلاي دەدى: ”كەلگەننەن كەيىن، ساباقتاستارىما كورگەن - بىلگەندەرىمنەن كوپتەگەن قىزىقتى ىستەردى اڭگىمەلەپ بەردىم، ساباقتاستارىم اۆياتسيا - عارىش بىلىمدەرىنە قاتتى قىزىقتى“.
مولشەرمەن 60 مينۋتتىق ساباق بارىسىندا، شىنجوۋ 13 - ءنومىرلى الەم كەمەسى ۇشۋ گرۋپپاسىنىڭ عارىشكەرلەرى جاي جىگاڭ، ۋاڭ ياپيڭ، يە گۋاڭفۋ كەڭىستىك بەكەتىندەگى قىزمەت پەن تۇرمىستى جاندى تانىستىرىپ، كورسەتىپ، سالماقسىز ورتاداعى كلەتكا عىلىمى تاجىريبەسى، ادام دەنەسىنىڭ قيمىلى، سۇيىقتىق بەتىنىڭ كەرىلۋى سياقتى عاجايىپ قۇبىلىستاردى سىناق جاساپ ءتۇسىندىردى ءارى تاجىريبەنىڭ استارىنداعى عىلمي زاڭدىلىققا تۇسىنىك جاسادى. الەم كەڭىستىگى دۇنيەسىندەگى عاجايىپ قۇبىلىستار بالالاردىڭ كوز اياسىن كەڭەيتتى.
ساباق اياقتاعاننان كەيىن، بالالار عارىش جارناماسىنىڭ الدىنا جينالىپ، كوپكە دەيىن تارامادى. ءىلىمنۇردىڭ ساباقتاسى الىمجان ءمامتىمىن: ”ەسەيگەندە مەنىڭ دە عارىشكەر بولعىم كەلەدى. جاقسى ۇيرەنىپ، كۇن سايىن العا باسامىن“، - دەدى.
”كەلەسى قادامدا، ءبىز مەكتەپ اۋلاسى مادەنيەت قۇرىلىسىندا عارىش بىلىمدەرى مازمۇنىن كورنەكتىلەندىرىپ، عارىش ارمانى مەن عىلىمعا دەگەن تالپىنىستى بالالاردىڭ جۇرەگىنە تەرەڭ ۇيالاتامىز“، - دەدى گۇما اۋدانى چودا اۋىلى سەنترلى باستاۋىش مەكتەبى پارتيا ياچەيكاسىنىڭ شۋجيى شياۋ سۇڭجۇن.
