”شينجياڭ جاقسى جەر“ اتىنداعى جۇڭگو مۇناي داشۋەسى (بەيجيڭ) ارناۋلى بەينە ەكران اۋىس - كۇيىس ءماجىلىسى وتكىزىلدى
”ەڭبەكشىل قوس قولىمىزبەن باقىتتى تۇرمىس جاراتامىز“
انار بۇلت / شينجياڭ گازەتىنىڭ ءتىلشىسى جاڭ يۇنمەي 12 - ايدىڭ 9 - كۇنى ۇرىمجىدەن حابارلايدى. 12 - ايدىڭ 9 - كۇنى ”شينجياڭ جاقسى جەر“ اتىنداعى جۇڭگو مۇناي داشۋەسى (بەيجيڭ) ارناۋلى بەينە ەكران اۋىس - كۇيىس ءماجىلىسى بەيجيڭدە جانە ۇرىمجىدە قاتار وتكىزىلدى، چاد، موزامبيك، سۋدان، ۆەنەسۋەلا، رەسەي فەدەراتسياسى، يەمەن، تۇركمەنستان سياقتى 20 ەلدەن كەلگەن شەتەلدىك وقىتۋشىلار مەن جۇڭگودا وقىپ جاتقان شەتەلدىك وقۋشىلار بەينە ەكران بايلانىسى ارقىلى شينجياڭدا ”بۇلتتىق ساياحاتتاپ“، بايتاق تا كورىكتى شينجياڭنىڭ سالت - ساناسىن، سۇيىسپەنشىلىگىن سەزىنىپ، وسىندا تۇرمىس كەشىرىپ جاتقان ادامداردىڭ تىنىش ءومىر، شات - شادىمان تىرشىلىك كەشىرگەن باقىتتى تۇرمىسىن ۇعىندى.
اۆتونوميالى رايوندىق ساياسي كەڭەستىڭ ورىنباسار ءتوراعاسى نۇرىم سىمايىلقان شينجياڭنىڭ ورنىقتىلىق، دامۋ جاعدايىن تانىستىرعاندا بىلاي دەدى: پارتيا ورتالىق كوميتەتىنىڭ پارمەندى باسشىلىعىندا، شينجياڭنىڭ قوعامدىق كەلەلى جاعدايى ءۇرتىس، ورنىقتى جاقسارىپ، ەكونوميكاسى جوعارى ساپالى دامۋدى جۇزەگە اسىردى، حالىق تۇرمىسى كورنەكتى جاقسارىپ، ۇلتتار ىنتىماعى اناعۇرلىم بەكەمدەلدى. الايدا ءبىر مەزگىل ۋاقىتتان بەرى كەيبىر ەلدەردەگى جۇڭگوعا قارسى كۇشتەر بۇيرەكتەن سيراق شىعارىپ، شينجياڭعا ساياتىن كەڭەستىك تاقىرىپتاردى بارىنشا دابىرالاپ، شينجياڭنىڭ گۇلدەنۋىن، ورنىقتىلىعىن بۇلدىرۋگە ۇرىندى. فاكت پەن شىندىق الدىندا، جۇڭگوعا قارسى كۇشتەردىڭ شىعارعان شينجياڭعا ساياتىن ءتۇرلى - ءتۇستى وسەك - اياڭدارى مەن جالعان ينفورماتسيالارى تويتارىسسىز - اق توزىپ جوعالاتىن بولادى. جۇڭگو مۇناي داشۋەسىندەگى (بەيجيڭ) شەتەلدىك وقىتۋشىلار مەن جۇڭگودا وقىپ جاتقان شەتەلدىك وقۋشىلاردىڭ كوپىرلىك رولدارىن بەلسەنە ساۋلەلەندىرىپ، جۇڭگودا، ونىڭ ىشىندە شينجياڭدا كورگەن - بىلگەندەرىن، سەزىنگەندەرىن وتباسىلارىنا، دوس - جاراندارىنا ايتىپ، اناعۇرلىم كوپ ادامنىڭ جۇڭگونى تۇسىنۋىنە، جۇڭگونىڭ شينجياڭىن تۇسىنۋىنە مۇمكىندىك جاساۋدى ءۇمىت ەتەمىن.
جۇڭگو مۇناي داشۋەسى (بەيجيڭ) پارتكومىنىڭ ورىنباسار شۋجيى لەي يۇيجياڭ مىنالاردى ءبىلدىردى: جاپپاي شىنايى، ستەرەولدى شينجياڭدى ءتۇسىنۋ ءاربىر حالىقارالىق وقىتۋشى - وقۋشى جونىنەن ماڭىزدى ءمان الادى. وسى رەتكى اۋىس - كۇيىس ءماجىلىسى ارقىلى كوپشىلىكتىڭ شىنايى جۇڭگونى اناعۇرلىم تەرەڭدەي ءتۇسىنىپ، شينجياڭنىڭ دامۋ تابىسىن ءتۇسىنىپ، ءار ەل حالقىنىڭ حالىق تىلەگىنىڭ تۇتاسۋىن جەبەۋ، ادامزاتتىڭ تاعدىرلاس ورتاق تۇلعاسىن قۇرۋ ءۇشىن بەلسەندى رول اتقاراتىندىعىنا سەنەمىن.
بەينە ەكران بايلانىسى ارقىلى جۇڭگو مۇناي داشۋەسىندەگى (بەيجيڭ) شەتەلدىك وقىتۋشىلار مەن جۇڭگودا وقيتىن شەتەلدىك وقۋشىلار جۇڭگو مۇناي داشۋەسى (بەيجيڭ) قارامايلى مەكتەپ رايونىن ”ەكسكۋرسيالاپ“، مەكتەپ رايونى قۇرىلىسىنىڭ دامۋ جاعدايىن جانە مۇنايعا قاتىستى حيكايالاردى ۇعىستى؛ قاشقار بايىرعى قالاسى كورىنىس وڭىرىندە كوپشىلىك ءتۇسىندىرۋشىنىڭ قادامىنا ىلەسىپ، قاشقار بايىرعى قالاسىنىڭ ايرىقشا تاريحي مادەنيەتى مەن قويۋ، الۋان ءتۇرلى ۇلتتىق سالت - ساناسىن ۇعىستى؛ اقسۋ ايماعىنداعى قىزىل قارعا ورتەڭىندە كوپشىلىك ەجەلگى ەسكەرتكىشتەرمەن تانىسۋ ارقىلى شينجياڭنىڭ تاريحي مادەنيەتىن تەرەڭ سەزىندى.
بەينە ەكران اۋىس - كۇيىس ماجىلىسىندە شينجياڭداعى ءدىني قايراتكەرلەردىڭ، نەگىزگى ساتى بۇقاراسىنىڭ ۋاكىلدەرى ناقتى مىسالدارمەن شينجياڭنىڭ ءدىني سەنىم ەركىندىگىن قورعاۋ، اۋىل - قىستاقتى گۇلدەندىرۋدى اتقارۋ، ەڭبەكپەن جۇمىستاندىرۋدى جەبەۋ سياقتى جاقتارداعى جاعدايلارىن تانىستىرىپ، كەيبىر ەلدەردەگى جۇڭگوعا قارسى كۇشتەردىڭ شينجياڭ جونىندەگى وسەك - اياڭىنا تويتارىس بەردى.
”ەڭبەكشىل قوس قولىمىزبەن باقىتتى تۇرمىس جاراتامىز“. كوپشىلىك مىنالاردى ءبىلدىردى: بەينە ەكران بايلانىسى ارقىلى جايدارى جۇزدەردى كورىپ، شينجياڭنىڭ كەدەيلىكتەن ارىلىپ بايۋ، حالىق تۇرمىسىن جاقسارتۋ، ەنەرگيا اشۋ سياقتى جاقتارداعى دامۋ جەتىستىكتەرىن تۇسىندىك. ”بەينە ەكران بايلانىسى ارقىلى مەن شينجياڭعا بارىپ، مۇناي قازۋ جۇمىس باسىن ىشكەرىلەي ارالاپ، ول ارانىڭ قۇبا ءتۇزىن، شول دالاسىن ءوز باسىمنان سەزىنۋ ويىنا كەلدىم“، - دەدى يەمەننەن كەلگەن جۇڭگودا وقىپ جاتقان شەتەلدىك وقۋشى جابور.
اۋىس - كۇيىس ماجىلىسىندە شەتەلدىك وقىتۋشىلار مەن جۇڭگودا وقىپ جاتقان شەتەلدىك وقۋشىلار تاعى شينجياڭنىڭ ”ءبىر بەلدەۋ، ءبىر جول“ قۇرىلىسىنا ات سالىسىپ، جوعارى ساپالى دامۋدى ىلگەرىلەتۋ، ماقتا كاسىپ سالاسىن دامىتۋ، از ۇلت مادەنيەتىن قورعاۋ، ت. ب جونىندە سۇراۋ قويىپ، پىكىر اۋىستىردى.
اۋىس - كۇيىس ءماجىلىسىنىڭ ۇستىندە تاعى «شينجياڭ جاقسى جەر» ۇگىت فيلمى، شينجياڭنىڭ اۋىل شارۋاشىلىعى ونىمدەرىنەن شاتتانا مول ءونىم العانى اڭىس ەتىلگەن قىسقا بەينەكەسكىن، سونداي - اق شينجياڭنىڭ قار - مۇز ساياحاتىن ايگىلەيتىن قىسقا فيلم قويىلدى.
