رايونىمىزدا بازار تۇلعالارى 2 ميلليون 140 مىڭعا جەتتى
سايكەس مەزگىلدەگىدەن ％6.9 ارتتى
انار بۇلت / شينجياڭ گازەتىنىڭ ءتىلشىسى رىن حۋا 12 - ايدىڭ 10 - كۇنى ۇرىمجىدەن حابارلايدى. اۆتونوميالى رايوندىق بازار باقىلاۋ - باسقارۋ مەكەمەسىنەن ۇعىسۋىمىزشا، 11 - ايدىڭ سوڭىنا دەيىن بۇكىل رايوندا (بيڭتۋاندى قامتيدى) تىزىمگە تىركەلگەن ءتۇرلى بازار تۇلعالارى 2 ميلليون 140 مىڭعا جەتىپ، بىلتىرعى سايكەس مەزگىلدەگىمەن سالىستىرعاندا، ％6.9 ارتقان؛ بيىل الدىڭعى 11 ايدا جاڭادان تىزىمگە تىركەلگەندەر 396 مىڭعا جەتىپ، بىلتىرعى سايكەس مەزگىلدەگىمەن سالىستىرعاندا، ％9.85 ارتقان.
”بيىل جىل باسىنان بەرى اۆتونوميالى رايوندىق بازار باقىلاۋ - باسقارۋ مەكەمەسى ساۋدا ىستەرى ءتۇزىمى رەفورماسىندا ءتۇرلى شارالاردى بۇكىل ەلمەن تەڭ قادامدا تياناقتاندىرىپ، شارۋاشىلىق - ساۋدا ورتاسىن ۇزدىكسىز ساپالىلاندىردى، بازار تۇلعالارى ۇزدىكسىز ورنىقتى ارتۋ بەتالىسىن ساقتادى“، - دەدى اۆتونوميالى رايوندىق بازار باقىلاۋ - باسقارۋ مەكەمەسىنىڭ تىزىمگە الۋ، تىركەۋ باسقارماسىنىڭ باستىعى زو شينمين.
وسى بىرنەشە كۇندە شينجياڭ ايمانجيا وتباسىلىق قىزمەت وتەۋ شەكتى سەرىكتەستىگىنىڭ جاۋاپتىسى ايشامگۇل تۇنياز ەرەكشە قاربالاس بولدى. سەرىكتەستىك جۇمىس باستاعالى تۇر، ول ەرەجە - ءتۇزىم بەلگىلەۋمەن، كەڭسەلىك بۇيىمداردى، وتباسىلىق جابدىقتاردى ساتىپ الۋمەن، وتباسىلىق قىزمەت وتەيتىن قىزمەتكەرلەردى جەدەل باۋلۋمەن قاربالاس ءجۇردى.
”11 - ايدىڭ 8 - كۇنى ينتەرنەت جەلىسىندە تىزىمگە الدىرىپ ءوتىنىش بەردىم، 11 - ايدىڭ 10 - كۇنى تيجارات جۇرگىزۋ كۋالىگى قولىما ءتيدى“. ايشامگۇل بىلاي دەدى: ”قازىر شارۋاشىلىق - ساۋدا ورتاسى بارعان سايىن جاقساردى، مەن كاسىپورىننىڭ بولاشاقتاعى دامۋىنا كامىل سەنەمىن“.
بيىل اۆتونوميالى رايونداعى بازار باقىلاۋ - باسقارۋ تاراۋلارى قاتىستى تاراۋلارمەن بىرلەسىپ، كاسىپورىن قۇرۋ جانە تەكسەرىپ - بەكىتۋ ۋاقىتىن ءتىپتى دە قىسقارتىپ، كاسىپورىنداردىڭ تىزىمگە الدىرۋ، تىركەلۋ ۋاقىتىن ورتا ەسەپپەن ءبىر قىزمەت كۇنىنە دەيىن قىسقارتتى؛ تەكسەرۋ - ولشەۋ قۇرىلىمدارىنىڭ سالاۋاتتى تۇراقتاندىرۋدى تەكسەرىپ - بەكىتۋى بۇرىنعى 20 قىزمەت كۇنىنەن 10 قىزمەت كۇنىنە قىسقاردى؛ ەرەكشە جابدىقتار ءوندىرىسى جانە جابدىقتاۋ ورىندارىنىڭ رۇقسات ەتۋى زاڭدا بەلگىلەنگەن 30 قىزمەت كۇنىنەن 20 قىزمەت كۇنىنە قىسقاردى؛ ازىق - تۇلىك وندىرۋگە رۇقسات ەتۋ كۋالىگى بۇرىنعى 20 قىزمەت كۇنىنەن 10 قىزمەت كۇنىنە قىسقاردى؛ ونەركاسىپ ونىمدەرىن وندىرۋگە رۇقسات ەتۋ كۋالىگى زاڭدا بەلگىلەنگەن 30 قىزمەت كۇنىنەن 10 قىزمەت كۇنىنە قىسقاردى.
رايونىمىز تاعى ”رۇقسات كۋالىگى مەن تيجارات كۋالىگىن ءبولۋدىڭ“، ”تيجارات كۋالىگىن العاننان كەيىن رۇقسات كۋالىگىن ازايتۋدىڭ“ قامتۋ كولەمىن ۇزدىكسىز كەڭەيتىپ، تەكسەرىپ - بەكىتۋدى تىكەلەي كۇشىنەن قالدىرۋ، تەكسەرىپ - بەكىتۋدى ەستەلىككە الۋعا وزگەرتۋ، حابارلاندىرۋعا ۋادە ەتۋدى جولعا قويۋ، تەكسەرىپ - بەكىتۋگە قىزمەت وتەۋدى ساپالىلاندىرۋ سىندى 4 ءتۇرلى ءتاسىل نەگىزىندە، كاسىپورىنداردىڭ تيجارات جۇرگىزۋىنە رۇقسات ەتۋگە ساياتىن ىستەردى تۇرگە ءبولىپ رەفورما جۇرگىزۋدى ىلگەرىلەتتى، سونىمەن كاسىپورىننىڭ تيجارات جۇرگىزۋىنە رۇقسات ەتۋگە ساياتىن 496 ءىستىڭ جالپى قامتىمى تىزىمدىگىن باسقارۋدى جاپپاي تياناقتاندىردى.
”مەن بۇقارا ءۇشىن ناقتى ءىس ىستەيمىن“ امالياتتىق قيمىلىنا ۇشتاستىرا وتىرىپ، اۆتونوميالى رايوندىق بازار باقىلاۋ - باسقارۋ مەكەمەسى ينتەرنەت جەلىسىندە تىزىمدەۋ جۇيەسىن ۇزدىكسىز ساپالىلاندىرىپ، قىزمەت وتەۋ قابىلەتىن ونان ارى جوعارىلاتىپ، ءوز تاراۋى اتقارعان 10 ءتۇرلى اكىمشىلىك رۇقسات ەتۋ ىستەرىن بۇكىلدەي ”ءبىر جەلىدە ءبىتىرۋ“ كولەمىنە ەنگىزدى ءارى ”ۇكىمەت پەن بانكەنىڭ سەلبەسۋىن“ جانە ”ۇكىمەت پەن پوچتانىڭ سەلبەسۋىن“ ىلگەرىلەتىپ، تيجارات كۋالىگىن جولداۋ - جەتكىزۋ جونىنەن قىزمەت وتەۋدى جولعا قويىپ، ”بىردە - ءبىر رەت جۇگىرمەي - اق“ كۋالىك ءبىتىرۋ ءتارتىبىن جۇزەگە اسىردى.
”كاسىپورىندى گۇلدەندىرۋگە قارجى قوسۋدا ”تابان، ءجۇرىس نارقى“ مەن ۋاقىت نارقىن تىنباي ازايتىپ، بازار تۇلعالارىنىڭ ومىرشەڭدىگىن تولىق قاۋلاتۋ كەرەك“. زو شينمين بىلاي دەدى: تاياۋ جىلداردان بەرى رايونىمىزدا بازار تۇلعالارىنىڭ سانى جىل سايىن زور مولشەردە ارتىپ، رايونىمىزعا جاڭا ءونىمدى قامداۋ جانە قارجى قوسۋ تۇتىنۋ سۇرانىسىن الا كەلدى، شاعىن، ۇساق كاسىپورىندار، جەكە ونەركاسىپ - ساۋداگەرلەرى قارىشتاپ دامىپ، تۇتاس رايونىمىز ەكونوميكاسىنىڭ دامۋىن پارمەندى ىلگەرىلەتتى.
