تيانشان تورى
تيانشان تورى   ›   جاڭالىقتار   ›   ساياحات

الدىڭعى 11 ايدا شينجياڭ ساياحاتىندا قوس ارتۋ جارىققا شىقتى

  الدىڭعى 11 ايدا شينجياڭ ساياحاتىندا قوس ارتۋ جارىققا شىقتى

  جيىنى 180 ميلليون ادام - رەت ساياحاتشى قابىلدادى، ساياحات كىرىسى 135 ميلليارد 26 ميلليون يۋانعا جەتتى

  انار بۇلت / شينجياڭ گازەتىنىڭ تىلشىلەرى جاڭ شياۋمي، يىن لۋ 12 - ايدىڭ 10 - كۇنى ۇرىمجىدەن حابارلايدى. اۆتونوميالى رايوندىق مادەنيەت جانە ساياحات مەڭگەرمەسىنەن ۇعىسۋىمىزشا، ىندەتتەن ساقتانۋ - تىزگىندەۋدى ۇدايىلاندىرۋ شارتىندا، بيىل 1 - ايدان 11 - ايعا دەيىن، بۇكىل رايونىمىز جيىنى 180 ميلليون ادام - رەت ساياحاتشى قابىلداعان، سايكەس مەزگىلدەگىدەن %29.66 ارتقان؛ ساياحات كىرىسى 135ميلليارد 26 ميلليون يۋانعا جەتىپ، سايكەس مەزگىلدەگىدەن %51.67 ارتقان.

  بيىل جىل باسىنان بەرى اۆتونوميالى رايوننىڭ مادەنيەت - ساياحات جۇيەسى نازاردى ”شينجياڭدى مادەنيەت ارقىلى نارلەندىرۋگە“، ”شينجياڭدى ساياحات ارقىلى گۇلدەندىرۋگە“ شوعىرلاندىرىپ، مادەنيەت - ساياحات، مادەني ەسكەرتكىش، مادەنيەت - مۇراجاي قىزمەتتەرىن ىلگەرىلەتۋدە ساپانى جوعارىلاتىپ، دەڭگەيدى ءوسىرىپ، رايونىمىزدىڭ مادەنيەت - ساياحات ونىمدەرىمەن قامداۋدى اناعۇرلىم بايىتتى، ونىڭ ۇستىنە قىس، كوكتەم ماۋسىمىنداعى ساياحاتقا دەم بەرەتىن مادەنيەت - ساياحاتتى ۇگىتتەۋ، جالپىلاستىرۋ جەلىلەس قيمىلدارى ارقىلى شينجياڭ مادەنيەتى مەن ساياحاتىن دامىتۋدىڭ تىڭ جەتىستىكتەرىن، سونى وبرازىن تولىق ايگىلەپ، ”شينجياڭ جاقسى جەر“ تاڭداۋلى ماركاسىنىڭ ىقپال كۇشىن جوعارىلاتتى.

  بيىل قىستان كەلەر جىلعى كوكتەمگە دەيىن بۇكىل رايوننىڭ جەر - جەرى 200دەن استام الۋان ءتۇرلى ساياحات قيمىلدارىن ۇيىمداستىرادى، 12 - ايداعى قار - مۇزدى نەگىزگى تاقىرىپ ەتۋدەن كەلەر جىلى 4 - ايداعى گۇل تاماشالاۋ نەگىزگى تاقىرىبىنا دەيىن ۇلاسىپ، قىس جانە كوكتەم ماۋسىمىنداعى ساياحاتقا ۇزدىكسىز ومىرشەڭدىك كۇش ۇستەيدى. وسى مەزگىلدە بۇراتالا قالاسى 2021 - جىلعى ”نادام“ قار - مۇز ساياحات مەرەكەسى، اقسۋ قالاسى قىس ماۋسىمىنداعى قار - مۇز سپورتى سالتاناتى، باركول قازاق اۆتونوميالى اۋدانى قىسقى بالىق اۋلاۋ قيمىلى، قارامايلى قالاسى ”يەن دالا ساياحاتى، قار - مۇزدىڭ قۇپيا سىرىن اشۋ سالتاناتى“ سىندى قار - مۇز، سالت - سانا، ساياحات مەرەكەسى قيمىلدارىن وتكىزەدى، بۇدان سىرت، تاعى ءوز اۆتوكولىگىمەن ساياحاتتاۋ، اراسان قار - مۇز ساياحاتى، ءتىل ۇيىرەتىن ءدامدى تاعامدار جارىسى، ورىك گۇلىن تاماشالاۋ، المۇرت گۇلىن تاماشالاۋ سياقتى نەگىزگى تاقىرىپتىق قيمىلدار دا بار. بەيجيڭ قىسقى وليمپيادا سپورت جارىسىن قارسى الۋ ءۇشىن رايونىمىز قار شاڭعى جارىسى، مۇز دوپ جارىسى، قاردا كۇرەسۋ جارىسى، قىراۋلى ەكولوگياداعى سالاماتتىق - شاتتىق جۇگىرىسى، قار - مۇزداعى ەگىنشى - مالشىلار دەنە تاربيە جينالىسى، دالادا جۇگىرۋدى قامتىعان 140 ءتۇرلى دەنە تاربيە قيمىلىن وتكىزەدى.

  اۆتونوميالى رايوندىق مادەنيەت جانە ساياحات مەڭگەرمەسى پارتيا باسشىلىق گرۋپپاسىنىڭ شۋجيى حوۋ حانمين بىلاي دەدى: جەر - جەر قىس پەن كوكتەمدەگى ساياحات التىن مەزگىلىن مىقتى يگەرىپ، قار - مۇز ەكونوميكاسىنا ۇزدىكسىز كۇش قوسىپ، ”شينجياڭدىقتاردىڭ شينجياڭدى ساياحاتتاۋى“، ”سول جەردەگىلەردىڭ ءوز جەرىندە ساياحاتتاۋى“ قيمىلىن بەلسەنە ورىستەتەدى ءارى ”مادەنيەت + ساياحات“، ”دەنە تاربيە + ساياحات“، ”اۋىل - قىستاق + ساياحات“ سياقتى فورماسى الۋان ءتۇرلى قيمىلداردى وتكىزەدى.

  سونىمەن بىرگە، بۇكىل رايون تاعى كەشكى ەكونوميكانىڭ ۇزدىكسىز اقاۋسىز دامۋىن ىلگەرىلەتىپ، كەشكى مادەنيەت جانە ساياحاتتىق تۇتىنۋ شوعىرلى رايونىن قۇرۋدى، دارەجەسىن ءوسىرۋدى اناعۇرلىم ىلگەرىلەتىپ، تۇتاس ۋاقىت كەزەڭىندىك مادەنيەت - ساياحات قىزمەت وتەۋ فۋنكتسياسىن كۇش سالا كەمەلدەندىرىپ، ”100 اۋداندا سان مىڭ ءدامدى تاعام بولۋ“ تاقىرىبىندا ءدامدى تاعام تاڭداۋ، تانىستىرۋ، ادەبيەت - كوركەمونەر ساۋىق كەشى سياقتى جەلىلەس قيمىلداردان پايدالانىپ، كەشكى ەكونوميكانىڭ كوركەيۋىن، جاندانۋىن كۇشەيتىپ، ءار ۇلت بۇقاراسىن كەشكى ەكونوميكانىڭ دامۋى الا كەلگەن تيىمدىلىكتەن كەنەلۋىنە مۇمكىندىك جاسايدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.