اۆتونوميالى رايون ”زورلىقپەن ەڭبەككە سالدى“ دەگەن ساندىراققا تويتارىس بەرۋ جونىندە ارناۋلى اقپار جاريالاۋ ءماجىلىسىن اشتى
”تىنباي قۇلشىنا ەڭبەكتەنىپ، تۇرمىسىمىزدى ونان ارى شالقىتامىز“
انار بۇلت / شينجياڭ گازەتىنىڭ ءتىلشىسى ۋاڭ نا 12 - ايدىڭ 9 - كۇنى ۇرىمجىدەن حابارلايدى. شينجياڭ ۇيعۇر اۆتونوميالى رايونى 12 - ايدىڭ 9 - كۇنى ارناۋلى اقپار جاريالاۋ ءماجىلىسىن اشتى، نەگىزگى ساتىدان كەلگەن بىرنەشە ەڭبەكشى ماجىلىسكە قاتىناسىپ، وزدەرىنىڭ ءوز قالاۋىمەن جۇمىستانعان، باقىتتى تۇرمىس جاراتقان حيكايالارىن بايانداپ، امەريكاداعى، باتىستاعى جۇڭگوعا قارسى كۇشتەردىڭ جات نيەتپەن تاراتقان ”شينجياڭدا زورلىقپەن ەڭبەككە سالۋ اتقارىلدى“ دەگەن سياقتى ساندىراقتارىنا تويتارىس بەردى.
”شينجياڭدا ءار ۇلت ەڭبەكشىلەرى بۇكىلدەي ءوز قالاۋىمەن كاسىپ تاڭدايدى“. اقپار جاريالاۋ ءماجىلىسىن باسقارۋشى قايرات بىلاي دەدى: شينجياڭ مەملەكەتتىڭ قاتىستى زاڭ، زاڭ ەرەجەلەرىنە قاتاڭ بويسۇنىپ، بارلىق زورلىقپەن ەڭبەككە سالۋ ارەكەتىنەن باتىل ساقتانادى جانە وعان سوققى بەرەدى، جۋىق جىلداردان بەرى اتقارىلعان ءبىر قىدىرۋ بەلسەندى ەڭبەكپەن جۇمىستاندىرۋ ساياساتىنىڭ ارقاسىندا ءار ۇلت بۇقاراسىنىڭ، وتە - موتە، وڭتۇستىك شينجياڭنىڭ كەدەي وڭىرلەرىندەگى بۇقارانىڭ كىرىس دەڭگەيى كورنەكتى جوعارىلادى، تەك قارىن تويعىزۋدان ءدامدى عۇزىرلى تاماقتانۋعا، جىلى كيىنۋدەن ءساندى كيىنۋگە وزگەرۋدەي تۇرمىس ساپاسىندا زور جاقسارۋ بولدى.
شينجياڭ مەديتسينا داشۋەسىندەگى ءاليما ماحمۇت بىلاي دەدى: پارتيا مەن ۇكىمەت ەڭبەكشىلەردىڭ ارمان - تىلەگىنە تولىق قۇرمەت ەتىپ، ادامداردىڭ بارلىعىنىڭ قاجىرلى ەڭبەگىنىڭ ارقاسىندا باقىتتى تۇرمىس جاراتىپ، وزىندىك دامۋدى قۇلشىنا جۇزەگە اسىرۋىنا مۇمكىندىك جاسادى. ەمدەۋ، عىلمي زەرتتەۋ، وقۋ - اعارتۋ شەبىندەگى ءبىر قىزمەتكەر رەتىندە، مەن پارتيا مەن مەملەكەتتىڭ كوڭىل بولۋىنە، قامقورلىعىنا سۇيەنە وتىرىپ، شينجياڭنان شىعىپ، ايگىلى داشۋەدەن جوعارى دارەجەلى مەديتسينالىق تاربيە قابىلدادىم، قىزمەت ناتيجەسىنە جانە عىلمي داڭق اتاعىنا قول جەتكىزدىم.
”كاسىپورىندارداعى قازىرگى جۇمىسشى - قىزمەتكەرلەردىڭ بارلىعى ءوز قالاۋىمەن قىزمەتكە قابىلدانىپ جۇمىستانعاندار“. حوتان ايماعى شاش بۇيىمدارى كاسىپ سالاسى قوعامىنىڭ ورىنباسار باس حاتشىسى نۇرالي ءتوحتىتومۇر لوپ اۋدانى شاش بۇيىمدارى كاسىپ سالاسى باقشا رايونىن مىسالعا الا وتىرىپ بىلاي دەدى: لوپ اۋدانىندا شاش بۇيىمدارى كاسىپ سالاسى جۇمىستانۋ قىزمەت ورنىمەن قامداۋى ءبىرشاما كوپ، از ۇلت بۇقاراسىنا جەتكىزەتىن تيىمدىلىگى ءبىرشاما مول حالىقتى بايىتۋ كاسىپ سالاسىنا اينالىپ، جۇمىسشى - قىزمەتكەرلەر ەڭبەك ىستەۋ ارقىلى ەڭبەكاقى الىپ، تۇرمىس شارت - جاعدايلارى كورنەكتى جاقسارىپ، تۇرمىس دەڭگەيى كورنەكتى جوعارىلادى.
”مەن تاربيەلەۋ - باۋلۋ ورتالىعىنان ۇيرەنگەن شەبەرلىگىمنەن پايدالانىپ، ءبىر وتباسى ەلەكتر جابدىقتارى سەرىكتەستىگىنە قىزمەتكە قابىلداندىم“. حوتان اۋدانىندا بۇرىن تاربيەلەۋ - باۋلۋ ورتالىعىنان وقۋ تاۋىسقان كۋرسانت ابليكىم داۋۇت ەسكە الىپ بىلاي دەدى: كۋرسانتتاردىڭ جۇمىستانۋ قابىلەتىن يگەرۋگە، ءساتتى جۇمىستانۋعا مۇمكىندىك جاساۋ ءۇشىن تاربيەلەۋ - باۋلۋ ورتالىعى مال باعىمشىلىعى، اجارلاندىرۋ، شاش جاساۋ، ساۋدا - ساتتىق، قوناقجاي باسقارۋ سىندى شەبەرلىك ساباقتارىن اشتى، كۋرسانتتار وزدەرىنىڭ اۋەسىنە قاراي ۇناتقان كاسىبىن تاڭدادى.
بۇدان تىس، كەريا اۋدانى اچچان اۋىلىنىڭ باستىعى ياسىن مامەت جەرگىلىكتى ورىنداعى ”بارلىق وتباسىلاردىڭ كىرىس جولى، بارلىق ادامنىڭ ىستەيتىن جۇمىسى بولۋ، وتباسى سايىن كىرىسى بولۋداي“ قۋانارلىق جايتتى ايتتى؛ اقتاۋ اۋدانىنداعى اشەكەيلەۋ جۇمىسىمەن شۇعىلداناتىن ءيۇسۇپجان ياسىنجان قىسقا بەينەجازبا جولداپ، ءوزىنىڭ جياڭشيدىڭ نانچاڭىندا جۇمىس ىستەگەندەگى يگىلىكتەنگەن قامقورلىق مامىلەسىن تانىستىردى؛ قۇمىل قالاسى يجوۋ رايونى شيحى ءمالىسى داشىزى مەشىتىنىڭ يمامى احات دولقۇن ءار ۇلت ەگىنىشى - مالشىلارىنىڭ استىق ەگىپ، ماقتا ەگىپ، سىرتقا شىعىپ جۇمىستانىپ كىرىستەرىن ارتتىرىپ، بايىعان حيكايالارىن باياندادى؛ شينجياڭ شيندى قوعامدىق جىكتەر قايراتكەرلەر بىرلەستىك دوستىق قوعامىنىڭ ورىنباسار باستىعى، شينجياڭ انار رۋحى مادەنيەت مەدياسى شەكتى جاۋاپكەرشىلىك سەرىكتەستىگىنىڭ باس ديرەكتورى عينيزات توحتى سەرىكتەستىك ۇجىمىنىڭ ارمان جولىندا بىرگە كۇرەس جاساعان تاجىريبەلەرىمەن وي ورتاقتاستىردى.
اقپار جاريالاۋ ماجىلىسىندە تاعى ءبىر تىزبەك قىسقا بەينەجازبالار قويىلىپ، شينجياڭداعى ءار ۇلت بۇقاراسىنىڭ بۇكىل مەملەكەتتىڭ جەر - جەرىندە شاتتانا ەڭبەك ىستەگەن، باقىتتى تۇرمىس كەشىرگەن ناقتى بەينەسى كورسەتىلدى. كوپشىلىك تۇس - تۇستان: ۇزدىكسىز قۇلشىنا ەڭبەكتەنىپ، تۇرمىستارىنىڭ اناعۇرلىم تاماشا بولۋىنا مۇمكىندىك جاسايتىندىقتارىن ءبىلدىردى.
قايرات بىلاي دەدى: ايتىلمىس ”زورلىقپەن ەڭبەككە سالۋ“ بۇكىلدەي ويدان قۇراستىرىلعان وسەك - اياڭ، امەريكاداعى، باتىستاعى جۇڭگوعا قارسى كۇشتەردىڭ ىستەۋگە ءتيىستىسى ادامدىق ۇقىق ماسەلەسىندەگى ءتۇرلى سۇرقيالىقتارى جونىندە ءوز ءمىنىن شىنايى تانىپ، ءوز باسىنداعى ماسەلەلەرگە اناعۇرلىم باسا نازار اۋدارۋ، ءوز ەلى حالقىنىڭ قۇت - ىرىسى ءۇشىن ويداعىداي ناقتى ءىس ىستەۋى كەرەك.
