رايونىمىزداعى كوپتەگەن جەرلەر ”ەڭبەك تاماشا تۇرمىس جاراتادى“ اتىندا جەلىلەس اڭگىمە ءماجىلىس اشتى
وسەك - اياڭ تۇبىندە تاريحتىڭ مازاعىنا قالادى
انار بۇلت / شينجياڭ گازەتىنىڭ ءتىلشىسى جاۋ شييا 12 - ايدىڭ 9 - كۇنى ۇرىمجىدەن حابارلايدى. 12 - ايدىڭ 6 - ، 7 - كۇنى سانجى كاسىپتىك تەحنيكا شۋەيۋانى، شينجياڭ ساقشى شۋەيۋانى، شينجياڭ عىلىم - تەحنيكا شۋەيۋانى، شينجياڭ جەڭىل ونەركاسىپ كاسىپتىك تەحنيكا شۋەيۋانى ىلگەرىندى - كەيىندى ”ەڭبەك تاماشا تۇرمىس جاراتادى“ اتىندا جەلىلەس اڭگىمە ءماجىلىس اشىپ، امەريكاداعى، باتىستاعى جۇڭگوعا قارسى كۇشتەر ويدان قۇراستىرعان شينجياڭدا ايتىلمىس ”زورلىقپەن ەڭبەككە سالۋ“ ءومىر ءسۇرىپ وتىر دەگەن شىلعي وتىرىككە تويتارىس بەردى.
”وسەك - اياڭ تۇبىندە تاريحتىڭ مازاعىنا اينالادى“. شينجياڭ عىلىم - تەحنيكا شۋەيۋانى ونەركاسىپ - ساۋدا باسقارۋ شۋەيۋانى پارتيا باس ياچەيكاسىنىڭ شۋجيى ءبارنا مۇسا بىلاي دەدى: سوڭعى جىلداردان بەرى اۆتونوميالى رايونداعى ءار دارەجەلى پارتكومدار مەن ۇكىمەتتەر ىرىقتىلىقپەن ىسكەرلىك كورسەتىپ، ەگىنشى - مالشىلاردى شەبەرلىك، مەملەكەتتە ءبىر تۇتاس قولدانىلاتىن ءتىل سياقتى جاقتاردان باۋلىپ، اۋىل - قىستاققا ”عىلىم - تەحنيكا، مادەنيەت، ەمدەۋ ىستەرىن“ جەتكىزىپ، جاس شارۋالاردى شەبەرلىگىن وسىرۋگە شابىتتاندىردى؛ ءاربىر وتباسىنىڭ ناقتى جاعدايىن دالمە - ءدال پارىقتاپ، ءار ءتۇرلى اۋلا ەكونوميكاسى نىساندارىن اتقاردى. قازىر تيانشان الابىندا باقىتتى اۋىل - قىستاق تۇرمىسىنىڭ كورىنىسى جارىققا شىقتى، ول شارۋالار يدەياسىنىڭ ازات بولۋى ءوزى تۇيسىنگەن ەڭ ۇلكەن وزگەرىس ەكەندىگىن ايتتى.
”3 جىلدىڭ الدىندا مەن وقۋشىلاردى باستاپ اۋىل - قىستاققا كەلىپ قوعامدىق اماليات قيمىلىنا ارالاسقان كەزىمىزدە جاسى 60تان اسقان قارتتاردىڭ ساڭىراۋقۇلاق ەگۋ تەحنيكاسىن بەلسەنە ۇيرەنىپ جاتقانىن كورىپ تاڭ قالعان ەدىم، ولار تەحنيكا يگەرۋدى اقشا تابۋ ونەرىنىڭ ءبىر ءتۇرى دەپ قارايدى ەكەن، تاماشا تۇرمىستى ەڭبەك جاراتقان دەگەن وسى ەمەس پە؟“، - دەدى ءبارنا.
”وقۋشىلارىمنىڭ اراسىندا مەملەكەتتىڭ وقۋ - اعارتۋ كومەك قاراجاتىنان يگىلىكتەنەتىندەر از ەمەس، قايسى ءبىر وقۋشىنىڭ جانە وقۋشىلاردىڭ وتباسىنداعىلاردىڭ ايتىلمىس ’زورلىقپەن ەڭبەككە سالدى‘ دەگەندى باستان كەشىردى دەگەنىن ەستىپ كورمەدىم. امەريكاداعى، باتىستاعى جۇڭگوعا قارسى كۇشتەر اۋزىنا كەلگەنىن كوكىمەسىن“، - دەدى سانجى كاسىپتىك تەحنيكا شۋەيۋانى ينفورماتسيا عىلىمى جانە ينجەنەريا بولىمشە شۋەيۋانىنىڭ جەتەكشىسى زۇلپيا بارات ىزالانىپ.
شينجياڭ ساقشى شۋەيۋانى قىزمەتتەگىلەردى تاربيەلەۋ - باۋلۋ باسقارماسىنىڭ 3 - دارەجەلى تەكسەرىپ - زەرتتەۋشىسى جىڭ جىشياڭ امەريكاداعى، باتىستاعى جۇڭگوعا قارسى كۇشتەردىڭ قيسىنسىز جالا جاپقاندىعىن قاتاڭ جازعىراتىندىعىن جانە باتىل قارسى تۇراتىندىعىن ءبىلدىردى. ول بىلاي دەدى: مەكىت اۋدانىندا وتكىزىلگەن جۇمىستاندىرۋ ورىندارىن تانىستىرۋ جينالىسىندا كوپتەگەن بۇقارانىڭ جۇمىس ورنى ينفورماتسياسىن تالاسا - تارماسا ۇعىسىپ، بەلسەندى، ىرىقتى تۇردە تىزىمدەلىپ جاتقانىن كوردىم، قاربالاستىقتى ايتىپ سۇراماڭىز. سىرت جەرلەرگە بارىپ جۇمىس ىستەپ، اقشا تاۋىپ، جاڭاشا بەينەگە وزگەرگەن اۋىلداستارىن كورگەن كەيبىر بۇقارا ءبىز دە سىرتقا شىعىپ كوز ايامىزدى كەڭەيتسەك، جۇمىس ىستەپ، ءوزىمىزدى وزگەرتىپ، وتباسىمىزداعىلاردى تاماشا تۇرمىسقا كەنەلتسەك، - دەپ جاتتى.
جىڭ جىشياڭ مىنالاردى ءبىلدىردى: تەمىردەي ءاربىر فاكت الدىندا، ايتىلمىس ”زورلىقپەن ەڭبەككە سالدى“ دەۋ ايپاراداي ساياسي قاسكۇنەمدىك. شينجياڭنىڭ گۇلدەنىپ - كوركەيۋىنە، دامۋىنا جالا جابۋعا جول قويمايمىز! ءارقانداي سىرتقى كۇش شينجياڭنىڭ جاراسىمدىلىعىنا، ورنىقتىلىعىنا بوگەت بولا المايدى، شينجياڭداعى ءار ۇلت حالقىنىڭ ىنتىماقتاسا ەكپىندەي ىلگەرىلەگەن اياق الىسىنا توسقىندىق جاساي المايدى، شينجياڭنىڭ ادامدىق ۇقىق ىستەرى دامىعان، العا باسقان وبيەكتيۆ شىندىقتى جويا المايدى.
