− 2021 - جىلعى ورتالىقتىڭ ەكونوميكالىق قىزمەت ماجىلىسىنەن ەستەلىك
شينحۋا اگەنتتىگىنىڭ تىلشىلەرى زوۋ ۋي، حان جيە
ءار جولى جىل اياعىندا ورتالىقتىڭ ەكونوميكالىق قىزمەت ماجىلىسىنە بۇكىل ەل كوز تىگىپ، دۇنيە ءجۇزى نازار اۋدارادى. جۇڭگوشا سوتسياليزم جاڭا داۋىرگە وتكەننەن بەرگى 10 - رەتكى ورتالىقتىڭ ەكونوميكالىق قىزمەت ءماجىلىسىنىڭ ءمانى ەرەكشە تەرەڭ.
2021 - جىلى 12 - ايدىڭ 8 - كۇنىنەن 10 - كۇنىنە دەيىن، بەيجيڭ، جيڭشي قوناق ءۇيى. وسىندا وتكىزىلگەن ورتالىقتىڭ ەكونوميكالىق قىزمەت ءماجىلىسى 2022 - جىلعى جۇڭگونىڭ ەكونوميكالىق دامۋ ۇلى جوسپارىن تۇراقتاندىردى.
جىل باسىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى جول باستاپ، باعدار بەلگىلەپ، بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ، باستاپ، زور شايقاستىڭ، زور سىناقتىڭ سىنىنان ءوتىپ، ەكونوميكانىڭ ورنىقتى، اقاۋسىز قايتا جاندانۋىن ىلگەرىلەتتى، ”14 - بەسجىلدىقتىڭ“ باستاماسى جاڭا بەينەگە قادام تاستادى، جاڭا ونىمدىلىككە قادام تاستادى.
حاۋىپ - قاتەر، سىن - سايىسقا توتەپ بەرۋدە پارتيامىز ەكونوميكالىق قىزمەتتى جاقسى ىستەۋدىڭ زاڭدىلىعى جونىندەگى تانىمدى ىشكەرىلەي جيناقتاپ، ەلەۋلى سىن - سايىسقا اناعۇرلىم سالماقتىلىقپەن توتەپ بەرىپ، اناعۇرلىم سانالى تۇردە بىركەلكى قاداممەن العا ىلگەرىلەۋدى ىسكە اسىردى.
جاڭا دامۋ كەزەڭىن تياناق ەتىپ، ەلىمىز دامۋى ءدوپ كەلگەن كوپتەگەن جاڭا كەلەلى نازاريالىق جانە امالياتتىق ماسەلەلەردى دۇرىس تانىپ جانە يگەرىپ، جۇڭگو ەكونوميكاسىنىڭ جوعارى ساپالى دامۋ بارىسىندا ىرىقتىلىققا قول جەتكىزۋىن، باسىمدىققا قول جەتكىزۋىن، بولاشاققا قول جەتكىزۋىن ىلگەرىلەتەدى.
داۋىرمەن بىرگە ىلگەرىلەگەن يدەيا ەكپىندەي ىلگەرىلەۋدىڭ ۇلى كۇشىن ۇيىستىردى.
2021 - جىلعى ەكونوميكالىق قىزمەتتى قورىتىندىلاپ، كەزەكتەگى ەكونوميكالىق جاعدايعا تالداۋ جاساپ، 2022 - جىلعى ەكونوميكالىق قىزمەتتى ورنالاستىردى، باس شۋجي شي جينپيڭ ماجىلىستە ماڭىزدى ءسوز سويلەپ، كەڭ كوزايامەن، تەرەڭ ويمەن كەزەكتەگى نازارداعى قولامتالى ماسەلەلەردى تياناق ەتۋمەن بىرگە، ۇزاق بولاشاقتى دا كوزدە ۇستاپ دامۋ اۋقىمىن باعامداپ، جۇڭگو ەكونوميكاسى كەمەسىنىڭ ورنىقتى تۇردە الىسقا جەتۋىنە جول نۇسقادى.
”جاڭا دامۋ ارناسىن قالىپتاستىرۋدا تىڭ قادام تاستاپ، جوعارى ساپالى دامۋدا تىڭ تابىستارعا قول جەتكىزدى“
”ءبىز 100 جىلدىق وزگەرىس پەن عاسىرلىق ىندەتكە بايسالدىلىقپەن توتەپ بەردىك، جاڭا دامۋ ارناسىن قالىپتاستىرۋدا تىڭ قادام تاستاپ، جوعارى ساپالى دامۋدا تىڭ تابىستارعا قول جەتكىزىپ، ’14 - بەسجىلدىقتىڭ‘ جاقسى باستاماسىن جۇزەگە اسىردىق“.
12 - ايدىڭ 8 - كۇنى تۇستەن بۇرىن 1 - رەتكى جالپى ماجىلىستە، اياقتاۋ الدىندا تۇرعان 2021 - جىلعا قايىرىلا قاراپ، باس شۋجي شي جينپيڭ وسىلاي دەدى.
2021 - جىل پارتيا مەن مەملەكەت تاريحىنداعى بەلەستىك مانگە يە ءبىر جىل، ءسوز جوق، تاريحقا قالاتىن ءبىر جىل بولدى، دامۋ بارىسىندا كەزدەسكەن ءتۇرلى قيىنشىلىقتار مەن سىن - سايىستار الدىندا، 2021 - جىلى جۇڭگو ەكونوميكاسى وڭاي - وسپاق قولعا كەلمەگەن، جارقىن تۇيىندەرى كورنەكتى ناتيجە قاعازىن تاپسىردى:
− ەكونوميكالىق دامۋ مەن ىندەتتەن ساقتانۋ - تىزگىندەۋدە الەمدە الدىڭعى ورىندى ساقتادى: ىشكى ءوندىرىس جالپى ءونىم قۇنى ورنىقتى قاداممەن تىڭ ساتىعا كوتەرىلىپ، الەمدىك ەكونوميكادان يەلەگەن ۇلەسى ۇزدىكسىز جوعارىلاپ، دۇنيە ءجۇزى ەكونوميكاسىنىڭ ارتۋىنا تىرەك بولعان ماڭىزدى قوزعالتقىشقا ۇزدىكسىز اينالدى؛ ”سىرتتان كىرۋدەن ساقتانۋعا، ىشتە قايتا بەلەڭ بەرۋدەن ساقتانۋعا“ تاباندى بولىپ، الەمدىك ىندەتتەن ساقتانۋ - تىزگىندەۋدە باسىم ورىندى ساقتادى.
− مەملەكەتتىڭ ستراتەگيالىق عىلىم - تەحنيكا كۇشى شاپشاڭ زورايدى: ”القىمداپ وتىرعان“ شەشۋشى وزەكتى تەحنيكالاردان قامال الۋ ماڭىزدى ىلگەرىلەۋشىلىككە قول جەتكىزدى؛ ”تيانۋىن ءبىرىنشى ءنومىرلى“ مارسقا قونىپ، ادام الىپ ۇشاتىن عارىش ىستەرىنىڭ ناتيجەلەرى دۇنيە ءجۇزىن جالت قاراتتى، جوعارى تەمپەراتۋرالى گازبەن سۋىتىلاتىن قازاندى يادرو ەلەكتر ستانسياسىنان ۇلگى كورسەتۋ ينجەنەرياسى جەلىگە قوسىلىپ ەلەكتر تاراتۋ الدىندا تۇر.
− كاسىپ سالاسىنىڭ سەرپىمدىلىگى جوعارىلادى: ەكسپورت كولەمى مەن حالىقارالىق بازارداعى ۇلەس تاريحتاعى جاڭا ورەنى جاراتتى؛ فوتوۆولت، جەل ەلەكترى سياقتى كاسىپ تىزبەكتەرىنىڭ حالىقارالىق باسەكەدەگى باسىمدىق ورنى كورنەكتىلەندى، شوعىرلى تىزبەك سياقتى ولقىلىعى بار كاسىپ سالالارىنىڭ ورنىن ەلىمىز وندىرگەن ونىمدەرمەن باستىرۋ جانە تەحنيكادا تۇلەي ءتۇسۋ جەدەلدەدى.
− رەفورما جاساۋ، ەسىك اشۋ تەرەڭدەي ىلگەرىلەدى: وڭىرلىك دامۋ ستراتەگياسى ءونىمدى ىلگەرىلەدى؛ مەملەكەت مەنشىگىندەگى كاسىپورىندار رەفورماسىنىڭ 3 جىلدىق ارەكەتى اتقارىلدى؛ مونوپوليالاۋعا قارسى تۇرۋ جانە كاپيتالدىڭ ءتارتىپسىز كەڭەيۋىنىڭ الدىن الۋ ماڭىزدى ونىمدىلىككە قول جەتكىزدى؛ ”ءبىر بەلدەۋ، ءبىر جولدى“ جوعارى ساپالى بىرگە قۇرۋ ورنىقتى قاداممەن ىلگەرىلەدى؛ وڭىرلىك جالپى بەتتىك ەكونوميكالىق سەرىكتەستىك قارىم - قاتىناس كەلىسىمى (RCEP) كۇشكە يە بولۋ الدىندا تۇر.
− حالىق تۇرمىسىن قامتاماسىز ەتۋ پارمەندى، ءونىمدى بولدى: قالا - قالاشىقتارداعى جاڭادان جۇمىستانعانداردىڭ 12 ميلليون ادامنان اساتىنى مەجەلەنۋدە، تۇرعىنداردىڭ كىرىسىنىڭ ارتۋى مەن ەكونوميكالىق ارتۋ نەگىزىنەن بىركەلكى بولدى؛ كەدەيلىكتەن ارىلتۋدان قامال الۋدىڭ جەتىستىكتەرى بەكەمدەلدى جانە كەڭەيدى؛ استىقتان تاعى دا مول ءونىم الىندى.
− ەكولوگيالىق وركەنيەت قۇرىلىسى ۇزدىكسىز ىلگەرىلەدى: ەكولوگيالىق ورتانىڭ ساپاسى كورنەكتى جاقساردى؛ كومىر قىشقىل گازىن شىعارۋدى ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ قىزمەتىنە جالپى بەتتىك ورنالاستىرۋ جاساپ، ەكونوميكالىق، قوعامدىق دامۋدىڭ جالپى بەتتىك جاسىل تيپكە قاراي وزگەرۋىن بەلسەندىلىكپەن ىلگەرىلەتتى.
”بۇل ناتيجەلەر شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنان كەلگەن، شي جينپيڭنىڭ ەكونوميكا يدەياسىنىڭ عىلمي جەتەكشىلىگىنەن كەلگەن، جۇڭگوشا سوتسياليزم ءتۇزىمىنىڭ ابزالدىلىعىنان كەلگەن، بۇكىل پارتيانىڭ، بۇكىل ەلدەگى ءار ۇلت حالقىنىڭ ىنتىماقتاسا ەرلىكپەن كۇرەس جاساپ، قامال الىپ، قيىنشىلىقتاردى جەڭۋىنەن كەلگەن“... گرۋپپالار تالقىسىندا ماجىلىسكە قاتىناسقان جولداستار وسى ءبىر جىلداعى ەكونوميكانىڭ جاۋاپ قاعازىنان تەرەڭ دە شىنايى اسەر الدى.
قيىنشىلىق ىشىندە ىلگەرىلەۋگە تالپىندى، اسا قيىندىقپەن قول جەتكەن بۇل ناتيجەلەرگە قۇندى دامۋ اقىل - پاراساتى قامتىلعان.
حاۋىپ - قاتەرلەر مەن سىن - سايىستارعا توتەپ بەرۋ امالياتى بارىسىندا، پارتيامىز ەكونوميكالىق قىزمەتتىڭ زاڭدىلىعى جونىندەگى تانىمدى ىشكەرىلەي جيناقتادى، باس شۋجي شي جينپيڭ ونى ”4 ءسوز جوقپەن“ جيناقتادى −
”ءسوز جوق، پارتيانىڭ ورتالىقتانعان ءبىر تۇتاس باسشىلىعىنا تاباندى بولۋ“ ەڭ ءبىرىنشى ورىندا تۇرادى.
بيىلعى ەكونوميكالىق قىزمەتكە قايىرىلا قاراساق، كوپتەگەن جاڭا ەلەۋلى سىن - سايىستارعا كەزدەستىك، وندا سۇراپىل داۋىل، زور تولقىن دا بار، داۋرىقپا كومەسكى اعىن دا بار.
باس شۋجي شي جينپيڭ بىلاي دەپ تەرەڭ اتاپ كورسەتتى: ”ءبىزدىڭ بايسالدىلىقپەن توتەپ بەرىپ، قاتەرلى تۇستاردان ءوتىپ، قيىن اسۋدان اسا الۋىمىزدىڭ تەتىگى پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا، وڭىرلەردىڭ، تاراۋلاردىڭ بىركەلكى قاداممەن العا ىلگەرىلەپ، كوپتەگەن شەگەلەردى سۋىرىپ، ماكرولىق كەلەلى جاعدايدى ورنىقتىرۋىندا“.
”ەلەۋلى كەزەڭگە كەلگەن سايىن، پارتيانىڭ ەكونوميكالىق قىزمەتكە جاپپاي باسشىلىعىنا، شي جينپيڭنىڭ ەكونوميكا يدەياسىن جەتەكشى ەتۋگە سولعۇرلىم تاباندى بولۋ كەرەك، بۇل جۇڭگو ەكونوميكاسىنىڭ قاتەردى ورايعا اينالدىرىپ، تولقىن جارا الىسقا ساپار شەگۋىندەگى ءتۇبىرلى تىرەك“. ماجىلىسكە قاتىناسقان ءبىر جولداستىڭ اسەرى جاپپاي ۇندەستىك تۋدىردى.
ەرەكشە امالياتتى تياناق ەتە وتىرىپ، باس شۋجي شي جينپيڭ تەرەڭ شابىتىن بايىمدادى:
”ءسوز جوق، جوعارى ساپالى دامۋعا تاباندى بولۋ كەرەك“ − ”جاڭا جاعدايداعى دامۋ جاڭا اياق كيىم كيىپ كونە جولدا ءجۇرۋ بولماۋى ءتيىس، دۇرمەكشىل، ۇتىمسىز دامۋ جولىمەن ەندىگارى جۇرۋگە بولمايدى، ءسوز جوق، جاڭا دامۋ ۇستانىمىن تولىق، دالمە - ءدال، جالپى بەتتىك دايەكتىلەندىرۋ، جاڭا دامۋ ارناسىن ورناتۋ، جوعارى ساپالى دامۋدى ىلگەرىلەتۋ كەرەك“.
”ءسوز جوق، ورنىقتىلىق بارىسىندا ىلگەرىلەۋگە تاباندى بولۋ كەرەك“ − ”مۇنداعى تەتىك ماكرولىق كەلەلى جاعدايدىڭ ورنىقتىلىعىن ساقتاپ، ارتۋدى ورنىقتىرۋدى، قۇرىلىمدى رەتتەۋدى، رەفورمانى ىلگەرىلەتۋدى ورگانيكالى ۇشتاستىرىپ، ستراتەگيالىق تاباندىلىق پەن بايسالدىلىقتى ساقتاۋ كەرەك، ۇزاق مەزگىلدىك نىسانانى قىسقا مەزگىلدىككە اينالدىرۋعا، جۇيەلى نىسانانى پارشالاۋعا بولمايدى، ۇزاققا سوزىلاتىن سوعىستى توسىن شابۋىلعا اينالدىرۋعا بولمايدى، قامال الۋ شايقاسىن شىعىنداتۋ سوعىسىنا اينالدىرۋعا دا بولمايدى“.
”ءسوز جوق، ءبىر تۇتاس جوسپارلاپ سايكەستىرۋدى كۇشەيتۋ كەرەك“ − ”ساياسات، شارالاردى جاساۋدا جانە اتقارۋدا جۇيە كوزقاراسىنا تاباندى بولىپ، ەكونوميكالىق زاڭدىلىققا بويسۇنىپ، اماليات ولشەمىمەن سىننان وتكىزۋ كەرەك“.
ءداۋىر يدەيانىڭ اناسى، اماليات نازاريانىڭ قاينارى.
باس شۋجي شي جينپيڭنىڭ تەرەڭ بايىمداۋى جۇڭگونىڭ مەملەكەت جاعدايى مەن دامۋ امالياتىن تياناق ەتىپ، ەكونوميكالىق دامۋدىڭ زاڭدىلىعىن يگەرىپ، ەكونوميكالىق دامۋداعى قيىن ماسەلەلەردى ۇزدىكسىز شەشتى، ول شي جينپيڭنىڭ ەكونوميكا يدەياسىنىڭ ىشكەرىلەي بايۋى جانە دامۋى، ماركسيزمدىك ساياسي ەكونوميا ىلىمىنە تىڭ ءداۋىر مازمۇنىن ۇستەپ، جۇڭگو ەكونوميكاسىنىڭ ۇزدىكسىز، اقاۋسىز دامۋىنداعى قۇدىرەتتى يدەيالىق جەتەكشىلىككە اينالدى.
”مەيلى حالىقارالىق جاعداي قالاي وزگەرسىن، ءبىز ءوز ءىسىمىزدى مىزعىماس تاباندىلىقپەن ويداعىداي ىستەۋىمىز كەرەك“
”ورنىقتىلىق بارىسىندا ىلگەرىلەۋ“ − پارتيامىزدىڭ ەل باسقارۋداعى ماڭىزدى پرينسيبى ءارى پارتيا 18 - قۇرىلتايىنان بەرگى نەشە رەتكى ورتالىقتىڭ ەكونوميكالىق قىزمەت ءماجىلىسى ۇزبەي دايەكتىلەندىرگەن قىزمەت جالپى ارناسى.
بيىلعى ماجىلىستە 2022 - جىلعى ەكونوميكالىق قىزمەتتىڭ جالپى تالاپتارى مەن ساياساتتىق بەتالىسىن تۇراقتاندىرعاندا، باس شۋجي شي جينپيڭ ”ورنىقتىلىقتى ماڭداي الدى ورىنعا قويىپ، ورنىقتىلىق بارىسىندا ىلگەرىلەۋ كەرەك“ دەپ باسا دارىپتەدى.
”وسى ’ورنىقتىلىق‘ دەگەن ءسوزدى تۇسىنۋدە جۇڭگو ەكونوميكاسى تۇرعان تاريحي ورىن مەن ەل ءىشى - سىرتى ورتاسىن جەتە ءتۇسىنۋىمىز كەرەك“. ماجىلىسكە قاتىناسقان جولداستار تەرەڭ اسەر الدى.
2022 - جىلى پارتيانىڭ 20 - قۇرىلتايى اشىلادى، بۇل پارتيا مەن مەملەكەتتىڭ ساياسي ومىرىندەگى ءىرى ءىس، ورنىقتى، اقاۋسىز ەكونوميكالىق ورتانى، ەل امان، جۇرت تىنىش قوعامدىق ورتانى، سالتى پاك، ستيلى دۇرىس ساياسي ورتانى ساقتاۋدى قاجەت ەتەدى.
”مەيلى حالىقارالىق جاعداي قالاي وزگەرسىن، ءبىز ءوز ءىسىمىزدى مىزعىماس تاباندىلىقپەن ويداعىداي ىستەپ، ەكونوميكالىق نەگىزدى ۇزدىكسىز كۇشەيتىپ، عىلىم - تەحنيكادا جاڭالىق اشۋ قابىلەتىن كۇشەيتىپ، جالپىلىق مەملەكەت قۋاتىن جوعارىلاتۋىمىز كەرەك“.
باس شۋجي شي جينپيڭنىڭ ءسوزى ورنىقتىلىق بارىسىندا ىلگەرىلەۋدىڭ بەرىك تاباندىلىعىن ايگىلەدى.
نەعۇرلىم شەشۋشى جىل بولعان سايىن، سولعۇرلىم ”ورنىقتىلىقتى ماڭداي الدى ورىنعا قويىپ، ورنىقتىلىق بارىسىندا ىلگەرىلەۋ كەرەك“ تالابىن ساياسي ساتىدان تياناقتاندىرىپ، ”ورنىقتىلىق“ ارقىلى ”ىلگەرىلەۋگە“ اناعۇرلىم ويداعىداي تالپىنۋ، ”ىلگەرىلەۋ“ ارقىلى ”ورنىقتىلىقتى“ اناعۇرلىم ويداعىداي جەبەۋ كەرەك.
ماكرولىق ساياسات ورنىقتى، اقاۋسىز، ءونىمدى بولۋ كەرەك، ميكرولىق ساياساتتا بازار تۇلعالارىنىڭ ومىرشەڭدىك كۇشىن ۇزدىكسىز تاسقىنداتۋ كەرەك، قۇرىلىمدىق ساياساتتا حالىق شارۋاشىلىعىنىڭ اينالىمىن كۇش سالا ىركىلىسسىزدەندىرۋ كەرەك، عىلىم - تەحنيكا ساياساتىن تىڭعىلىقتى تياناقتاندىرۋ كەرەك، رەفورما جاساۋ، ەسىك اشۋ ساياساتىندا دامۋدىڭ قوزعاۋشى كۇشىن قاۋلاتۋ كەرەك، وڭىرلىك ساياساتتا دامۋدىڭ بىركەلكىلىگىن، سايكەسىمدىلىگىن كۇشەيتۋ كەرەك، قوعامدىق ساياساتتا حالىق تۇرمىسىنىڭ تومەنگى شەگىن مىقتى ۇستاۋ، بەكەمدەۋ كەرەك، باس شۋجي شي جينپيڭ ىشكەرىلەي تۇسىندىرگەن وسى 7 ءىرى ساياسات بەتالىسى كەلەر جىلعى ەكونوميكالىق قىزمەتتى جاقسى ىستەۋدىڭ جول كارتاسىن تۇلعالاپ شىقتى.
ماكرولىق ەكونوميكانىڭ نەگىزگى جاي - كۇيىن ورنىقتىرۋ − جوعارى ساپالى دامۋدىڭ ماڭىزدى نەگىزى. ”ءار جاقتان ەكونوميكانىڭ ورنىقتىلىعىنا ءتيىمدى ساياساتتاردى بەلسەنە العا قويۋ، ساياسات جاعىندا كۇش سالۋدى لايىقتى الدىعا جىلجىتۋ كەرەك“، - دەپ باس شۋجي شي جينپيڭ ىشكەرىلەي باسا دارىپتەدى.
نەعۇرلىم شەشۋشى جىل بولعان سايىن، سولعۇرلىم ماسەلەنى باعدار ەتۋگە تاباندى بولىپ، ”ورنىقتىلىق“ سىندى شەشۋشى ءتۇيىندى مىقتاپ يگەرىپ، ”ىلگەرىلەۋدىڭ“ كىرىسۋ ءتۇيىنىن ءداپ باسىپ تابۋ كەرەك.
”جەرگىلىكتى ۇكىمەتتەردىڭ كومەسكى قارىزدارىنىڭ جاڭادان ارتۋىن باتىل تەجەۋ كەرەك“، ”بوتەن ويمەن بەرەشەگىن كەشەۋىلدەتۋ جانە قارىزدان قاشقالاقتاۋ، قارىزدى اياقسىز قالدىرۋ ارەكەتتەرىن ءونىمدى جونگە سالۋ كەرەك“، ”تاۋار ءۇي بازارىنىڭ ءۇي ساتىپ الۋشىلاردىڭ ۇيلەسىمدى تۇرعىن ءۇي قاجەتىن اناعۇرلىم ويداعىداي قاناعاتتاندىرۋىنا قولداۋ كورسەتۋ“، ”عىلىم - تەحنيكا ءتۇزىلىسى رەفورماسىنىڭ 3 جىلدىق ارەكەت جوباسىن اتقارىپ، نەگىزدىك زەرتتەۋدىڭ 10 جىلدىق جوباسىن جاساۋ، اتقارۋ كەرەك“، ”جارنا بەلەتىن تاراتۋدى تىركەۋ ءتۇزىمىن جاپپاي اتقارۋ“، ”شەتەل قارجىسىمەن قۇرىلعان كاسىپورىنداردىڭ ازاماتتىق مامىلەسىن ويداعىداي تياناقتاندىرۋ“، ”تۇرعىلىقتى جەرلەردە نەگىزگى الەۋمەتتىك قىزمەت وتەۋ ءتۇزىمىن اقاۋسىزداندىرۋ“... قوعامنىڭ ءجىتى كوڭىل ءبولىپ وتىرعان ىستەرىنە جاۋاپ قاتىپ، ءماجىلىس ءبىر قىدىرۋ ايقىن ورنالاستىرۋلار جاسادى.
نەعۇرلىم شەشۋشى جىل بولعان سايىن، سولعۇرلىم سالماقتى بولىپ، ”داۋىلدى تولقىنداردا مىزعىماستان قاسقايىپ تۇراتىن“ بايسالدىلىق پەن سابىرلىلىقتى ساقتاۋ كەرەك.
قازىر ىندەت ءالى دە دۇنيە ءجۇزى ەكونوميكاسىنا ىقپال ەتىپ تۇرعان تۇراقسىز فاكتور.
الەمدە ىندەت كەڭەيىپ، قايتالانۋدا، كەيبىر مەملەكەتتەر ىندەتتەن ساقتانۋ - تىزگىندەۋ ساياساتىندا تۇرلاۋسىزدىق ىستەپ وتىر، ال جۇڭگو باستان - اياق ىندەتتەن ساقتانۋ - تىزگىندەۋ ارقاۋىن مىقتاپ شيراتىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى دالمە - ءدال، ءبىر تۇتاس جوسپارلايتىن ديالەكتيكالىق جولمەن ءجۇردى.
”’سىرتتان كىرۋدەن ساقتانۋعا، ىشتە قايتا بەلەڭ بەرۋدەن ساقتانۋعا‘ مىزعىماستان تاباندى بولۋ كەرەك“ − باس شۋجي شي جينپيڭ ماجىلىستە بىلاي دەپ اتاپ كورسەتتى: ساقتانۋ - تىزگىندەۋ شاراسىنىڭ عىلميلىعىن، دالدىگىن، ونىمدىلىگىن ونان ارى جوعارىلاتىپ، ەكونوميكانىڭ دامۋى مەن بۇقارانىڭ قالىپتى تۇرمىسىنا ىقپالىن مۇمكىندىگىنشە جەڭىلدەتۋ كەرەك. ”ءبىزدىڭ وسى باعىتقا سوڭىنا دەيىن تاباندى بولۋ جەڭىسكە جەتكەندىك بولىپ تابىلادى“.
زەيىندى شوعىرلاندىرىپ ءوز ءىسىمىزدى ويداعىداي ىستەۋ دەگەنىمىز تۇراقسىزدىقتارعا توتەپ بەرۋدەگى ەڭ ۇلكەن تۇراقتىلىق.
گرۋپپالار تالقىسىندا ماجىلىسكە قاتىناسقان جولداستار مىنانى ءبىلدىردى: سەنىمدى كۇشەيتىپ، تاباندىلىقتى ساقتاپ، نەگىزدى بەكەمدەپ، ءوز ءىسىمىزدى بۇلجىماستان ويداعىداي ىستەۋ − ءبىزدىڭ جاڭا جورىقتا حاۋىپ - قاتەر، سىن - سايىستاردى جەڭىپ، داعدارىس بارىسىندا جاڭا وراي جەتىلدىرۋىمىزدىڭ، وزگەرىس بارىسىندا جاڭا جاعداي اشۋىمىزدىڭ تەتىگى.
”كەلەلى نازاريالىق جانە امالياتتىق ماسەلەلەردى دۇرىس تانۋ جانە يگەرۋ كەرەك“
”مەملەكەتتىڭ باي بولۋى حالىقتى بايىتۋعا بايلانىستى. بايلىقتىڭ جاسالۋى مەن ۇلەستىرىلۋى بارلىق ەل ءدوپ كەلەتىن كەلەلى ماسەلە“، - دەدى باس شۋجي شي جينپيڭ.
جاڭا دامۋ كەزەڭىنە قادام تاستاعاندا، ەلىمىز دامۋىنىڭ ىشكى - سىرتقى ورتاسىندا تەرەڭ وزگەرىستەر تۋىلىپ، كوپتەگەن جاڭا ەلەۋلى نازاريالىق جانە امالياتتىق ماسەلەلەرگە ءدوپ كەلدى. ماجىلىستە باس شۋجي شي جينپيڭ ءبىرىنشى ەلەۋلى ماسەلەنى، ياعني بىرگە بايۋدى جۇزەگە اسىرۋدىڭ ستراتەگيالىق نىساناسى مەن اماليات جولىن دۇرىس تانۋ مەن يگەرۋدى ايرىقشا ءتۇسىندىردى.
بىرگە بايۋ − جۇڭگوشا سوتسياليزمنىڭ ماندىك تالابى. بىرگە بايۋ جولىمەن قالاي ءجۇرۋ كەرەك؟ باس شۋجي شي جينپيڭ مىناداي بەتالىس كورسەتتى: ەڭ اۋەلى، بۇكىل ەل حالقىنىڭ ورتاق كۇرەسى ارقىلى ”بالكۇلشەنى“ ۇلكەيتۋ، جاقسارتۋ، ونان سوڭ، ۇيلەسىمدى تۇزىمدىك ورنالاستىرۋ ارقىلى ”بالكۇلشەنى“ ويداعىداي ءبولۋ كەرەك.
”بۇل ۇزاق ۋاقىتتىق تاريحي بارىس، ءبىز شارت - جاعداي ازىرلەۋىمىز، ءتۇزىمدى كەمەلدەندىرۋىمىز، ورنىقتى قاداممەن وسى نىساناعا قاراي ارشىنداي ىلگەرىلەۋىمىز كەرەك“. باس شۋجي شي جينپيڭ ۇزاق بولاشاقتى كوزدەدى ءارى ۋاقىتتى ۇتا جەدەل قيمىلدادى.
”بىرگە بايۋدى جەبەۋدە ’يگىلىكشىلدىكپەن‘ اينالىسۋعا بولمايدى“، - دەپ باس شۋجي ەرەكشە ەسكەرتتى.
عيبىراتقا كوڭىل قويۋ كەرەك: سوناۋ جىلدارى كەيبىر لاتىن امەريكاسى ەلدەرى حالىقشىلدىقپەن اينالىسىپ، جوعارى يگىلىكپەن ءبىر توپ ”جالقاۋدى“ جانە جاتىپ ىشەردى باعىپ، ناتيجەدە قازىناسى اۋىر جۇكتى كوتەرە الماي، ”ورتاشا كىرىس شىرعاسىنا“ ءتۇسىپ، ۇزاق ۋاقىت بويى قۇتىلا المادى. تاعى دا كەيبىر جوعارى يگىلىكتى ەلدەر ”ورتاشا كىرىس شىرعاسىنا“ تۇسپەگەنىمەن، كوپتەگەن ادامدار جاپاعا شىدامايتىن، جۇمىس ىستەۋدى قالامايتىن بولىپ وزگەرىپ، ازاماتتاردىڭ ۇمتىلعىشتىعى توقىراي باستادى.
”جاعدايىنا قاراي ىستەۋگە، شاماسىنا قاراي شارىقتاۋعا تاباندى بولۋ“. باس شۋجي شي جينپيڭ قازىرگى ۋاقىتتا ويداعىداي ىستەيتىن قىزمەتتى ايقىندادى − ”ماڭىزدىسى، الەۋمەتتىك قىزمەت وتەۋ ورەسىن كوتەرىپ، وقۋ - اعارتۋ، ەمدەۋ، قارتتاردى كۇتىمدەۋ، تۇرعىن ءۇي سياقتى حالىق بۇقاراسى ەڭ كوڭىل ءبولىپ وتىرعان سالالاردا نەگىزگى الەۋمەتتىك قىزمەت وتەۋىن ءدال ازىرلەپ، قيىنشىلىعى بار بۇقارانىڭ نەگىزگى تۇرمىسىن تومەنگى شەكتەن تۇسىرمەۋ كەرەك“.
كاپيتالدىڭ ەرەكشەلىگى مەن ارەكەت زاڭدىلىعىن دۇرىس تانۋ جانە يگەرۋدىڭ ءوزى دە ءبىر كەلەلى ماسەلە.
سوڭعى جىلدارى تانىم جەتەرسىز، باقىلاۋ - باسقارۋ كەمشىل بولعاندىقتان، ەلىمىزدىڭ كەيبىر سالالارىندا كاپيتالدىڭ ءتارتىپسىز ۇلعايۋى تۋىلىپ، ەكونوميكانىڭ اقاۋسىز دامۋىنا زالال تيگىزىپ، بۇقارانىڭ زاڭدى ۇقىق - مۇددەسىن زياندادى.
سوتسياليستىك بازار شارۋاشىلىعىندا ءتۇرلى فورماداعى كاپيتالداردىڭ بولۋى ءسوزسىز. قايتكەندە كاپيتالدىڭ ءوندىرىس فاكتورى رەتىندەگى بەلسەندى رولىن ساۋلەلەندىرۋگە، سونىمەن بىرگە ونىڭ كەرەناۋ رولىن ءونىمدى تىزگىندەۋگە بولادى؟ ماركسيزمنىڭ كلاسسيكالىق شىعارمالارىنان دايىن جاۋاپ تابىلمايدى، بۇعان نازاريالىق جانە امالياتتىق جاسامپازدىق بارىسىندا ىزدەنىس جاساپ، جاۋاپ تابۋ قاجەت.
ماجىلستە ”كاپيتالعا ’باعدار شام‘ ورناتۋ كەرەك دەپ اتاپ كورسەتىلدى“.
تاماشا تۇسىندىرۋدەن ءتاۋىر ءتاسىل شىعادى.
كاپيتالدىڭ ءتارتىپسىز ۇلعايۋىن تەجەۋ كاپيتالدىڭ قاجەتى جوق دەگەندىك ەمەس، قايتا كاپيتالدى ءتارتىپتى دامىتۋ بولىپ تابىلادى. ءماجىلىس مىنالاردى تالاپ ەتتى: كاپيتالدى ءونىمدى باقىلاۋ - باسقارۋدى زاڭ بويىنشا كۇشەيتىپ، كاپيتالدىڭ تۇرپايىلىقپەن وسۋىنەن ساقتانۋ؛ كاپيتالدىڭ جۇيەلى، اقاۋسىز دامۋىن قولداپ جانە وعان جەتەكشىلىك ەتىپ، سوتسياليستىك نەگىزگى ەكونوميكالىق تۇزىمگە تاباندى بولىپ جانە ونى كەمەلدەندىرىپ، جالپىلىق مەنشىكتەگى شارۋاشىلىقتى تيتتەي دە مىزعىماستان بەكەمدەپ جانە دامىتىپ، جالپىلىق مەنشىككە جاتپايتىن شارۋاشىلىقتىڭ دامۋىنا تيتتەي دە مىزعىماستان دەم بەرۋ، قولداۋ كورسەتۋ، جەتەكشىلىك ەتۋ، جالپىلىق مەنشىككە جاتپايتىن شارۋاشىلىقتىڭ اقاۋسىز دامۋى مەن جالپىلىق مەنشىككە جاتپايتىن شارۋاشىلىق قايراتكەرلەرىنىڭ اقاۋسىز ءوسىپ - جەتىلۋىن جەبەۋ كەرەك.
باستاپقى ونىمدەرمەن قامداۋدى قامتاماسىز ەتۋدى دۇرىس تانۋ جانە يگەرۋ، جۇڭگو سياقتى ءىرى ەل جونىنەن ايتقاندا، جالپى جاعدايعا سايادى، توتەنشە ماڭىزدى.
”ەل ءىشى بايلىق ءوندىرىسى قامتاماسىزدىق قۋاتىن كۇشەيتۋ كەرەك“، وسى تۇيىنگە كەلگەندە، باس شۋجي مۇناي، گاز سياقتى بايلىقتاردىڭ وزىق اشۋ تەحنيكاسىن دامىتۋدى، قولدانۋدى جەدەلدەتىپ، جاراقسىز زاتتاردى اينالدىرىپ پايدالانۋ جۇيەسىن جەدەل ورناتۋ كەرەكتىگىن ايقىندادى.
باس شۋجي شي جينپيڭ استىق حاۋىپسىزدىگىن ايرىقشا باسا دارىپتەدى: ”اۋىل شارۋاشىلىعىنىڭ كەشەندى ءوندىرىس قۋاتىن جوعارىلاتۋدى اناعۇرلىم كورنەكتى ورىنعا قويۋ“، ”جۇڭگولىقتار ءوز كەسەسىن قاي - قاشان دا ءوز قولىندا مىقتاپ ۇستاۋى، كەسەسىنە نەگىزىنەن جۇڭگونىڭ استىعىن سالۋى كەرەك“.
قايناردى مولايتۋ جانە ۇنەمدەۋ كەرەك. باس شۋجي شي جينپيڭ ”ۇنەمشىلدىكتى الدىڭعى ورىنعا قويۋعا تاباندى بولىپ، جاپپاي ۇنەمدەۋ ستراتەگياسىن اتقارۋدى“ تالاپ ەتتى ءارى بىلاي دەپ ايقىن ورنالاستىرۋ جاسادى: ءوندىرىس سالاسىندا بايلىقتى جاپپاي ۇنەمدەۋدى، شوعىرلاندىرۋدى، اينالمالى پايدالانۋدى ىلگەرىلەتۋ؛ تۇتىنۋ سالاسىندا جالپى حالىقتىڭ ۇنەمشىلدىك تانىمىن كۇشەيتىپ، قاراپايىم دا ۇيلەسىمدى، جاسىل، تومەن كومىر قىشقىل گازدى تۇرمىس ءتاسىلىن دارىپتەۋ كەرەك.
”توگىپ - شاشىپ ىسىراپ قىلۋ مەن اسىرا تۇتىنۋعا قارسى تۇرىپ، ”اس اسىرماۋ“ سياقتى استىقتى ۇنەمدەۋ ارەكەتىن ىشكەرىلەي ورىستەتىپ، جاسىل ورگان، جاسىل وتباسى، جاسىل الەۋمەتتىك اۋماق قۇرۋ، جاسىل ءجۇرىس - تۇرىس سياقتى ارەكەتتەردى كەڭ كولەمدە ورىستەتۋ كەرەك“، - دەپ كەسىپ ايتتى باس شۋجي شي جينپيڭ.
باسقا كەلەلى ماسەلەلەر جونىندە باس شۋجي شي جينپيڭ ءبىر - بىردەن ىشكەرىلەي تالداۋ جاساپ، ورنالاستىرۋ جاسادى.
”ەلەۋلى حاۋىپ - قاتەرلەردەن ساقتانۋدى جانە ونى جويۋدى دۇرىس تانۋ جانە يگەرۋ كەرەك“ −
قازىرگى كەزەڭدە ەلىمىزدىڭ ەكونوميكا فينانس سالاسىندا حاۋىپ - قاتەر، كومەسكى اپاتتار ءبىرشاما كوپ، ايتسەدە جالپى جاقتان مەڭگەرە الامىز.
”ءبىز پارتيانىڭ باسشىلىعى مەن ەلىمىز سوتسياليستىك ءتۇزىمىنىڭ ابزالدىلىعىن ويداعىداي ساۋلەلەندىرىپ، تيتتەي قىلاڭىنان توركىنىن تانىپ، ەرتە يگەرىپ، كىشكەنەدەن يگەرىپ، ەلەۋلى حاۋىپ - قاتەر مەن داعدارىستىڭ تۋىلۋىنان كۇش سالا ساقتانۋىمىز كەرەك“. باس شۋجي شي جينپيڭ بىلاي دەپ اتاپ كورسەتتى: ۇزدىكسىز تۇردە كەلەلى جاعدايدى ورنىقتىرۋ، ءبىر تۇتاس جوسپارلاپ سايكەستىرۋ، تۇرگە ءبولىپ شارا قولدانۋ، دالمە - ءدال الاستاۋ باعىتى بويىنشا حاۋىپ - قاتەردى ءبىر جاقتى ەتۋ قىزمەتىن ويداعىداي يگەرۋ كەرەك.
”كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋدى، كومىر قىشقىل گازىن بەيتاراپتاندىرۋدى دۇرىس تانۋ جانە يگەرۋ كەرەك“ −
سوڭعى كەزدەرى ءىس جۇزىندىك قىزمەتتە ءىشىنارا ماسەلەلەر بايقالدى، كەيبىر جەرلەر ”كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋعا جانتالاستى“، كەيبىر جەرلەر ”ءبىر شىبىقپەن ايداۋعا“، ناۋقانداتىپ ”كومىر قىشقىل گازىنىڭ شىعارىلۋىن ازايتۋعا“ بوي ۇردى، اينالىستى، ءتىپتى، ”تيەكتى ءتۇسىرىپ، توكتى شەكتەۋ“ جايتتەرى بايقالدى.
”مۇنىڭ بارلىعى پارتيا ورتالىق كوميتەتىنىڭ تالابىنا ۇيلەسپەيدى“. باس شۋجي شي جينپيڭ ەنەرگيامەن قامداۋعا شىنايى كەپىلدىك ەتۋدى باسا دارىپتەدى.
كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋدى، كومىر قىشقىل گازىن بەيتاراپتاندىرۋدى جۇزەگە اسىرۋ − ءبىر ۇلكەن سىناق، دۇرىس ساياسي ناتيجە كوزقاراسىن قاجەت ەتەدى، ”ماعان ەڭبەك جازىلماسا دا بولادى، ەڭبەك كورسەتۋدە مەن بولماسام بولمايدى“ دەۋدى قاجەت ەتەدى.
باس شۋجي شي جينپيڭ بىلاي دەپ باسا دارىپتەدى: ”كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ نىساناسىن جۇزەگە اسىرۋدان بۇلجىماۋ كەرەك، الايدا ءبارىن ءبىر جولدا ءبىتىرۋ مۇمكىن ەمەس، ورنىقتىلىق بارىسىندا ىلگەرىلەۋگە تاباندى بولىپ، بىرتىندەپ جۇزەگە اسىرۋ كەرەك“.
”پارتيانىڭ قامىن جەۋدىڭ، وتان ءۇشىن جاۋاپكەرشىلىكتى ادا ەتۋدىڭ، حالىققا ءوزىن ارناۋدىڭ ءىس جۇزىندىك ارەكەتىندە ايگىلەۋ كەرەك“
ماجىلىستە باس شۋجي شي جينپيڭ ءبىراز ۋاقىتتان بەرى كەيبىر جەرلەردىڭ قىزمەت ورىستەتۋىندە بايقالعان كەيبىر ماسەلەلەردى ايتتى. ماسەلەن، كەيبىر جەرلەر اۋىل - قىستاق دارەتحاناسىن وزگەرتۋدە فورماشىلدىققا، تورەشىلدىككە بارىنشا بوي ۇرىپ، قىرۋار دارەتحانادا ماسەلەلەردىڭ ءومىر سۇرۋىنە اپارىپ سوقتىردى.
”وسى ماسەلەلەردىڭ ءبارى ءبىر قاعيدانى ءتۇسىندىردى، ياعني ەكونوميكالىق قىزمەتكە باسشىلىق ەتۋدە، ءسوز جوق، وبيەكتيۆ ءىس جۇزىندىك پەن بۇقارانىڭ قاجەتىنە قۇرمەت ەتۋ، ءسوز جوق، جۇيەلى ويلاۋ، عىلمي جوسپارلاۋ كەرەك“. باس شۋجي شي جينپيڭ ماسەلەنىڭ تەتىگىن كورسەتتى: ”ەكونوميكالىق قىزمەتكە باسشىلىق ەتۋدە ماماندىق قابىلەت توتەنشە ماڭىزدى“.
قايتكەندە اناعۇرلىم ”ماماندانۋدى“ ورىنداۋعا بولادى؟ باس شۋجي شي جينپيڭ باعدارناما ۇسىندى:
”باسشى كادرلاردىڭ ەكونوميكالىق قىزمەتكە باسشىلىق ەتۋ قابىلەتىن جوعارىلاتۋى تەك ءبىراز ەكونوميا ءىلىمى، عىلىم بىلىمدەرىن ءبىلۋ عانا ەمەس، قايتا، ءسوز جوق، تاريحي بىلىمدەردى ۇيرەنۋ، مادەنيەت ءبىلىمىن مولايتۋ، ەكولوگيا كوزقاراسىن كۇشەيتۋ، اسىرەسە، حالىقتى وزەك ەتكەن دامۋ يدەياسىن جەتە ءتۇسىنىپ، دۇرىس ساياسي ناتيجە كوزقاراسىنا تاباندى بولىپ، تاريحتى قادىرلەپ، مادەنيەتتى قادىرلەپ، ەكولوگيانى قادىرلەپ، شەشىمدى سالماقتىلىقپەن جاساپ، ۇقىقتى سالماقتىلىقپەن ىستەتىپ، ەكونوميكالىق قىزمەتكە باسشىلىقتى ۇزدىكسىز جاقسارتۋ كەرەك“.
”اۋقىمدى بولۋمەن بىرگە، بولىمسىز ىستەردى دە مۇمكىندىگىنشە زەر سالىپ ىستەۋ“ − ءىس ءبىتىرۋدىڭ جولى. باس شۋجي شي جينپيڭ: بولماشى ماسەلە سەبەبىنەن كەلەلى جاعدايعا زيان جەتكىزۋدەن ساقتانۋ كەرەك، - دەپ قاداعالاي ەسكەرتتى.
ول بىلاي دەپ ىشكەرىلەي اتاپ كورسەتتى: ”ءىس تىندىرۋ، قىزمەت ىستەۋدە ۇلكەن بەتالىس دۇرىس بولۋى، ءتۇيىن ايقىن بولۋى، ستراتەگيا ۇيلەسىمدى بولۋى، سونىمەن بىرگە جاي - جاپسارىن ويداعىداي مەڭگەرىپ، ساياسي مەن ەكونوميكانى، ماكرولىق كوزقاراس پەن ميكرولىق كوزقاراستى، ستراتەگيا مەن تاكتيكانى ورگانيكالى تۇردە ۇشتاستىرىپ، جوسپارلاعاندا كەلەلى جاعدايدى باسشىلىققا الۋ، جۇمىستى تىڭعىلىقتى ءارى ءدال ىستەۋ كەرەك“.
باعالىلىعى جاي - جاپسارىندا، ماڭىزدىلعى تياناقتاندىرۋدا.
”ەكونوميكالىق قۇرىلىستى وزەك ەتۋگە تاباندى بولۋ − پارتيانىڭ نەگىزگى لۋشيانىنىڭ تالابى، بۇكىل پارتيا زەيىن - زەردەنى شوعىرلاندىرا وتىرىپ دايەكتىلەندىرۋ، اتقارۋ كەرەك“، - دەپ اتاپ كورسەتتى باس شۋجي شي جينپيڭ.
كەلەلى ستراتەگيالىق نىسانا تۇراقتاندىرىلعاننان كەيىن، شەگە قاعۋ رۋحىمەن قاجىماستان ىلگەرىلەتىپ، تىنباي قۇلشىنىپ، تۇبەگەيلى جەڭىسكە جەتپەي استە بەل شەشپەۋ كەرەك.
ءماجىلىس مىنالاردى تالاپ ەتتى: ءار دارەجەلى پارتكومدار مەن ۇكىمەتتەر، ءار دارەجەلى باسشى كادرلار سانالى تۇردە پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن جوعارىلاتىپ، ءسوز جۇزىندە عانا توقتالىپ قالماي، ارەكەتتە تياناقتاندىرىپ، پارتيانىڭ لۋشيان، باعىت، ساياساتتارىن دايەكتىلەندىرۋدىڭ، تياناقتاندىرۋدىڭ ءىس جۇزىندىك ارەكەتىندە ايگىلەۋ، جوعارى ساپالى دامۋدى ىلگەرىلەتۋدىڭ ءىس جۇزىندىك ارەكەتىندە ايگىلەۋ، پارتيانىڭ قامىن جەۋدىڭ، وتان ءۇشىن جاۋاپكەرشىلىكتى ادا ەتۋدىڭ، حالىق ءۇشىن ءوزىن ارناۋدىڭ ءىس جۇزىندىك ارەكەتىندە ايگىلەۋ كەرەك.
جوبا - جوسپار جاساپ نەگىزگى ارنانى تۇراقتاندىرىپ، بىركەلكى قاداممەن العا ىلگەرىلەۋ كەرەك.
ماجىلىسكە قاتىناسقان جولداستار ءبىر اۋىزدان مىنالاردى ءبىلدىردى: باس شۋجي شي جينپيڭنىڭ ماڭىزدى يدەياسىن تەرەڭ ۇيرەنىپ، جەتە ءتۇسىنىپ، ءىس جۇزىندىك ارەكەتپەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن تىڭعىلىقتى تياناقتاندىرىپ، ۇزدىك ناتيجەلەرمەن پارتيا 20 - قۇرىلتايىنىڭ جەڭىسپەن اشىلۋىن قارسى الىپ، جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىنا شەرۋ تارتۋدىڭ جاڭا جورىعىندا ءورىس اشا العا ىلگەرىلەۋ كەرەك.
(شينحۋا اگەنتتىگىنىڭ 12 - ايدىڭ 11 - كۇنى بەيجيڭنەن بەرگەن حابارى)
