”14 - بەسجىلدىقتى“ جاقسى باستادىق
− ورتالىقتىڭ ەكونوميكالىق قىزمەت ءماجىلىسىنىڭ رۋحىن ۇيرەنۋ، دايەكتىلەندىرۋ جونىندە
□ حالىق گازەتىنىڭ شولۋشىسى
”’14 - بەسجىلدىقتى‘ جاقسى باستادىق“، 12 - ايدىڭ 8 - كۇنىنەن 10 - كۇنىنە دەيىن وتكىزىلگەن ورتالىقتىڭ ەكونوميكالىق قىزمەت ءماجىلىسى ءبىر جىلدان بەرگى ەلىمىزدىڭ ەكونوميكالىق، قوعامدىق دامۋدا قول جەتكىزگەن ناتيجەلەرىنە جوعارى باعا بەردى. باس شۋجي شي جينپيڭ ماجىلىستە ماڭىزدى ءسوز سويلەپ، 2021 - جىلعى ەكونوميكالىق قىزمەتتى تەرەڭ قورىتىندىلاپ، كەزەكتەگى ەكونوميكالىق جاعدايعا ىشكەرىلەي تالداۋ جاساپ، 2022 - جىلعى ەكونوميكالىق قىزمەت جونىندە كەلەلى ورنالاستىرۋ جاساپ، كەلەر جىلعى ەكونوميكالىق قىزمەتتى جاقسى ىستەپ، پارتيا 20 - قۇرىلتايىنىڭ جەڭىسپەن اشىلۋىن قارسى الۋىمىزعا ايقىن العا باسۋ بەتالىسىن كورسەتىپ، ءتۇبىرلى بويسۇنۋ ولشەمىن ازىرلەدى.
بيىلعى جىل پارتيا مەن مەملەكەت تاريحىنداعى بەلەستىك ماڭىز الاتىن ءبىر جىل بولدى، سونداي - اق، ءسوز جوق، تاريح پاراعىنا جازىلاتىن ءبىر جىل بولدى. ءبىز جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن سالتاناتپەن قۇتتىقتادىق، جاپپاي دوڭگەلەك داۋلەتتى قوعام ورناتقاندىعىمىزدى، ءبىرىنشى 100 جىلدىق كۇرەس نىساناسىن جۇزەگە اسىرعانىمىزدى رەسمي جاريالاپ، جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىنا شەرۋ تارتۋدىڭ جاڭا جورىعىن باستادىق. ءبىز پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسىن اشىپ، پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن قورىتىندىلاپ، 100 جىلدىق پارتيا تاريحىنداعى 3 - تاريحي قارار «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارىن» ماقۇلدادىق، بۇل جاڭا داۋىردەگى جۇڭگو كوممۋنيستەرىنىڭ اۋەلگى ماقساتتى، بورىشتى ەستە بەرىك ساقتاپ، جۇڭگوشا سوتسياليزمگە تاباندى بولۋىنىڭ جانە ونى دامىتۋىنىڭ ساياسي جارناماسى، تاريحتى اينا ەتىپ، بولاشاققا جول اشۋدىڭ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ارەكەت باعدارناماسى. ءبىر جىلدان بەرى دۇنيە جۇزىندە 100 جىلدا بولماعان زور وزگەرىس پەن جاڭا تيپتى ايدارشا ۆيرۋس وكپە قابىنۋ ىندەتىنىڭ بۇكىل جەر شارى كولەمىندە كەڭىنەن تارالۋىنىڭ قاباتتاسۋ اسەرىندە، سىرتقى ورتا ءتىپتى دە كۇردەلى جانە الماعايىپ بولىپ، ەل ىشىندە جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋدىڭ جانە ەكونوميكالىق، قوعامدىق دامۋدىڭ ءتۇرلى مىندەتى توتەنشە اۋىر جانە جاپالى بولدى. شي جينپيڭ جولداستى ۇيتقى ەتكەن پارتيا ورتالىق كوميتەتى ەل ءىشى، حالىقارا ەكى كەلەلى جاعدايدى ءبىر تۇتاس جوسپارلاۋعا تاباندى بولىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، 100 جىلدىق وزگەرىس پەن عاسىرلىق ىندەتكە بايسالدىلىقپەن توتەپ بەرىپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ، جاڭا دامۋ ارناسىن جەدەل قالىپتاستىرىپ، ماكرولىق ساياساتتى پەريوت اتتاپ رەتتەۋدى كۇشەيتىپ، ەكونوميكانىڭ ۇزدىكسىز اقاۋسىز دامۋىن كۇش سالا جەبەپ، رەفورمانى تەرەڭدەتۋگە، ەسىك اشۋعا جاڭالىق ەنگىزۋگە كۇش سالىپ، رەفورما، دامۋ جاپالى مىندەتتەرىن قۇلشىنا ورىنداپ، پارتيا مەن مەملەكەتتىڭ ىستەرىندە جاڭا، كەلەلى تابىستارعا قول جەتكىزدى.
”14 - بەسجىلدىقتى“ جاقسى باستاعانىمىزدىڭ ءبىر ماڭىزدى جاعى جاڭا دامۋ ارناسىن قالىپتاستىرۋدا تىڭ قادام تاستاپ، جوعارى ساپالى دامۋدا تىڭ تابىستارعا قول جەتكىزۋدە ايگىلەندى. ەلىمىز ەكونوميكالىق دامۋدا جانە ىندەتتەن ساقتانۋ - تىزگىندەۋدە الەمدە الدىڭعى ورىندى ساقتادى، دامۋ سەرپىمدىلىگى كۇشتى، كومەسكى كۇشى زور، قوزعاۋشى كۇشى جەتكىلىكتى بولۋداي ەرەكشەلىكتەر ۇزدىكسىز ايگىلەندى؛ مەملەكەتتىڭ ستراتەگيالىق عىلىم - تەحنيكا قۋاتى جەدەل زورايدى، كەلەلى جاڭالىق اشۋ جەتىستىكتەرى جارىسا جارىققا شىعىپ، عىلىم - تەحنيكادا جاڭالىق اشۋ قابىلەتى ۇزدىكسىز جوعارىلاپ، شەشۋشى، وزەكتى تەحنيكالاردان قامال الۋدا تىڭ ناتيجە جارىققا شىقتى؛ كاسىپ سالاسى تىزبەگىنىڭ سەرپىمدىلىگى جوعارىلادى، سىرتقى ساۋدانىڭ مولشەرى ارتىپ، ساپاسى جوعارىلاپ، قۇرىلىمى ۇزدىكسىز ساپالىلانىپ، جاڭا كاسىپ سالاسىن، جاڭا كاسىپ كۇيىن، جاڭا ۇلگىنى ۋاكىل ەتكەن جاڭا قوزعاۋشى قۋات تولىسىپ، نىعايدى؛ رەفورما جاساۋ، ەسىك اشۋ ىشكەرىلەي ىلگەرىلەپ، قامداۋ مەن قاجەتسىنۋدى ۇيلەسىمدى سايكەستىرۋگە جانە فاكتورلار اينالىمىنا تۇساۋ بولىپ كەلگەن بوگەتتەردى كۇش سالا اشىپ، جوعارى ساپالى سىرتقا ەسىك اشۋ ارقىلى سەلبەسۋدىڭ، باسەكەلەسۋدىڭ جاڭا ابزالدىلىعىن تۇلعالادى؛ حالىق تۇرمىسىن قامتاماسىز ەتۋ پارمەندى، ءونىمدى بولىپ، جۇمىستانۋ كولەمى ۇزدىكسىز كەڭەيىپ، تۇرعىنداردىڭ كىرىسىنىڭ ارتۋى ەكونوميكالىق ارتۋمەن نەگىزىنەن قادامداس بولدى، تۇتاس جىلدا استىق ءۇرتىس 7 جىل بويى ءبىر تريلليون 300 ميلليارد جىڭنان جوعارى بولۋدى ساقتاپ، ”18 جىل بويى ءۇرتىس مول ءونىم“ الىندى؛ ەكولوگيالىق وركەنيەت قۇرىلىسى ۇزدىكسىز ىلگەرىلەپ، كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ قىزمەتى ءبىر تۇتاس جوسپارلانىپ ىلگەرىلەپ، جاسىل، تومەن كومىر قىشقىل گازدى بولۋعا تيپ وزگەرتۋ قادامى ورنىقتى بولىپ، ەكولوگيالىق ورتانى قورعاۋدا تىڭ ونىمدىلىكتەرگە قول جەتتى.
قيىندىق بولسا، قايسارلىق ايگىلەنەدى، شىڭدالۋ بولسا، بارلىعى ورىندالادى. بۇل تابىستارعا قول جەتكىزۋ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ناتيجەسى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ناتيجەسى، بۇكىل پارتيانىڭ، بۇكىل ەلدەگى ءار ۇلت حالقىنىڭ ءبىر نيەتپەن كۇش سالىپ، قاجىرلىلىقپەن كۇرەس جۇرگىزۋىنىڭ ناتيجەسى. اماليات مىنانى تاعى ءبىر رەت دالەلدەدى: پارتيانىڭ شي جينپيڭ جولداستىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن تۇراقتاندىرۋى، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىك ورنىن تۇراقتاندىرۋى جاڭا داۋىردەگى پارتيا مەن مەملەكەت ىستەرىنىڭ دامۋىن، جۇڭحۋا ۇلتىنىڭ ۇلى گۇلدەنۋى سىندى تاريحي بارىستى ىلگەرىلەتۋ جونىنەن شەشۋشى ماڭىز الادى. باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى رەتىندە، باعدار كورسەتىپ، رول ۇستاۋىندا، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە، بۇكىل پارتيانىڭ، بۇكىل ەلدەگى ءار ۇلت حالقىنىڭ ءبىر نيەت، ءبىر تىلەكپەن ىنتىماقتاسىپ، قايسارلىقپەن كۇرەسۋىندە ءبىز، ءسوز جوق، ءتۇرلى ماشاقاتتار مەن قيىندىقتاردى، قاتەرلەر مەن بوگەتتەردى جەڭىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا داۋىرگە ءتان تىڭ شۇعىلالى ناتيجە جاراتىپ، جاڭا تاريحي ۇلى ىستەردى تىندىرا الامىز.
كەلەر جىلى پارتيانىڭ 20 - قۇرىلتايى اشىلادى، بۇل − پارتيا مەن مەملەكەتتىڭ ساياسي ومىرىندەگى ءىرى ءىس. پارتيا قۇرۋ ۇلى رۋحىن اسقاقتاتىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، رەفورما جاساۋدى، ەسىك اشۋدى جاپپاي تەرەڭدەتىپ، جاڭالىق اشۋ ارقىلى دامۋعا دەم بەرۋگە تاباندى بولىپ، جوعارى ساپالى دامۋدى ىلگەرىلەتىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتۋگە تاباندى بولىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، ”التىنى ورنىقتىرۋ“، ”التىنى قامتاماسىز ەتۋ“ قىزمەتىن ۇزدىكسىز ويداعىداي ىستەپ، حالىق تۇرمىسىن ۇزدىكسىز جاقسارتىپ، ماكرولىق ەكونوميكانىڭ جالپى اۋقىمىن كۇش سالا ورنىقتىرىپ، ەكونوميكالىق اينالىمدى ۇيلەسىمدى ارالىقتا ساقتاپ، قوعامدىق كەلەلى جاعدايدىڭ ورنىقتىلىعىن ساقتاساق، ءبىز، ءسوز جوق، ورنىقتى، اقاۋسىز ەكونوميكالىق ورتانى، ەل امان، جۇرت تىنىش قوعامدىق ورتانى، ستيلى پاك، سالتى دۇرىس ساياسي ورتانى ساقتاپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەمەن قارسى الا الامىز. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، ءىس جۇزىندىك ارەكەتىمىزبەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن تىڭعىلىقتى تياناقتاندىرىپ، جاڭا داۋىردەگى جۇڭگوشا سوتسياليزم ىستەرىن ۇزدىكسىز العا ىلگەرىلەتەيىك.
(شينحۋا اگەنتتىگىنىڭ 12 - ايدىڭ 11 - كۇنى بەيجيڭنەن بەرگەن حابارى)
