شينحۋا اگەنتتىگى كولەمدى ادەبي حابار تاراتتى
«حالىق ءۇشىن اسقاقتاتا ءان شىرقاپ، ءداۋىر رۋحىن سومدادى — جاڭا داۋىردەگى ەلىمىزدىڭ سوتسياليستىك ادەبيەت - كوركەمونەر ىستەرىنىڭ جەتىستىكتەرى مول، بەينەسى شىت جاڭا بولدى»
شينحۋا اگەنتتىگىنىڭ 12 - ايدىڭ 12 - كۇنى بەيجيڭنەن بەرگەن حابارى. شينحۋا اگەنتتىگى 12 - ايدىڭ 12 - كۇنى «حالىق ءۇشىن اسقاقتاتا ءان شىرقاپ، ءداۋىر رۋحىن سومدادى −− جاڭا داۋىردەگى ەلىمىزدىڭ سوتسياليستىك ادەبيەت - كوركەمونەر ىستەرىنىڭ جەتىستىكتەرى مول، بەينەسى شىت جاڭا بولدى» اتتى كولەمدى ادەبي حابار تاراتتى.
ماقالادا بىلاي دەلىندى: مادەنيەت تاعدىرى مەملەكەت تاعدىرىمەن بايلانىستى، مادەنيەت تىنىسى ەل تىنىسىمەن جالعاسىپ جاتادى.
پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى ادەبيەت - كوركەمونەر ىستەرىنە وسكەلەڭ ءمان بەرىپ، جاڭا داۋىردە ادەبيەت - كوركەمونەر قىزمەتىن جاقسى ىستەۋدى ارقاۋ ەتىپ ءبىر قىدىرۋ ماڭىزدى بايىمداۋلار جاساپ، جاڭا تاريحي شارت - جاعدايداعى ادەبيەت - كوركەمونەر قىزمەتىنىڭ بەتالىستىق، جالپى جاعدايلىق، ستراتەگيالىق كەلەلى ماسەلەلەرىنە تەرەڭ جاۋاپ بەرىپ، ماركسيزمدىك ادەبيەت - كوركەمونەر نازارياسىن بايىتىپ جانە دامىتىپ، سوتسياليستىك ادەبيەت - كوركەمونەردىڭ جاڭا داۋىردە گۇلدەنۋىنە، دامۋىنا ايقىن العا باسۋ بەتالىسىن كورسەتتى.
2016 - جىلى 11 - ايدا باس شۋجي شي جينپيڭ جۇڭگو ادەبيەت - كوركەمونەرشىلەر بىرلەستىگىنىڭ 10 - قۇرىلتايىنىڭ، جۇڭگو جازۋشىلار قوعامىنىڭ 9 - قۇرىلتايىنىڭ اشىلۋ سالتىنا قاتىناستى ءارى ماڭىزدى ءسوز سويلەپ، قالىڭ ادەبيەت - كوركەمونەر قىزمەتكەرلەرىن جۇڭحۋا ۇلتىنىڭ ۇلى گۇلدەنۋ ءداۋىرىنىڭ ادەبيەت - كوركەمونەر شىڭىن قۇلشىنا سومداۋعا ۇندەپ، ادەبيەت - كوركەمونەر سالاسىنا جاڭا جورىق دابىلىن قاقتى.
ماقالادا مىنالار اتاپ كورسەتىلدى: قالىڭ ادەبيەت - كوركەمونەر قىزمەتكەرلەرى شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، حالىقتى وزەك ەتكەن شىعارماشىلىق باعدارىنا تاباندى بولىپ، كوركەمونەر مۇراتىن پارتيا مەن حالىق ىستەرىمەن توعىستىرىپ، ءداۋىر ءۇنىن بەينەلەيتىن، حالىقتىڭ كۇرەسىن ايگىلەيتىن، ۇلت رۋحىن جەلپىندىرەتىن، قاستەرلى مىنەز - قۇلىقتى سومدايتىن تاڭداۋلى تۋىندىلار ارقىلى سوتسياليستىك مادەنيەتتىڭ گۇلدەنۋىن، دامۋىن پارمەندى ىلگەرىلەتىپ، جۇڭحۋا ۇلتىنىڭ ۇلى گۇلدەنۋىنە زەيىن - زەردە، كۇش - قۋات ۇيىستىرىپ، تامىردى بەكەمدەپ، رۋح سومدادى.
ماقالا جيىنى 4 بولىككە بولىنگەن: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، سوتسياليستىك وزىق مادەنيەتتىڭ العا باسۋ بەتالىسىن مىقتاپ يگەرۋ؛ ءداۋىردىڭ العا باسۋىنان كۇش - قۋات قابىلداپ، سارا ادەبيەت - كوركەمونەر تۋىندىلارى ارقىلى ءداۋىر دابىلىن قاعۋ؛ حالىقتى وزەك ەتۋگە تاباندى بولىپ، حالىققا اناعۇرلىم جاقسى، اناعۇرلىم كوپ رۋحاني ازىق ازىرلەۋ؛ جاسامپاز سيپاتتى كادەگە جاراتۋعا، جاسامپاز سيپاتتى دامىتۋعا تاباندى بولىپ، مادەنيەت سەنىمىن بەكەمدەپ، جۇڭحۋا مادەنيەتىنىڭ جاڭا شۇعىلاسىن جازۋ.
ماقالادا مىنالار اتاپ كورسەتىلدى: ادامزاتتىڭ ەڭ وزىق جاعىنا نازار اۋدارىپ، ادامزاتتىڭ رۋحاني دۇنيەسىنىڭ ەڭ تەرەڭ قاتپارىنا ىزدەنىس جاساپ، جاڭا داۋىردەگى جۇڭگو ادەبيەت - كوركەمونەرىنىڭ كەرى قايتارۋعا كەلمەيتىن گۇلدەنۋ جولىندا رۋحاني الاۋدى بيىك ۇستاپ، ەكپىندەي ىلگەرىلەۋ دابىلىن قاعىىپ، جۇڭحۋا ۇلتىنىڭ جاڭا داستانىن جازايىق.
