— ورتالىقتىڭ ەكونوميكالىق قىزمەت ءماجىلىسىنىڭ رۋحىن ۇيرەنۋ، دايەكتىلەندىرۋ جونىندە
حالىق گازەتىنىڭ شولۋشىسى
سەنىمدى بەكەمدەپ، قيىندىقتان تايسالماي العا ۇمتىلىپ، ەرلىكپەن العا ىلگەرىلەپ، كۇشتى شوعىرلاندىرىپ، ءوز ءىسىمىزدى جاقسى ىستەۋ − ءبىزدىڭ ءار ءتۇرلى حاۋىپ - قاتەر، سىن - سايىستاردى جەڭۋىمىزدىڭ تەتىگى.
”ءبىز قيىنشىلىققا تۋرا قاراۋمەن بىرگە، سەنىمدى دە بەكەمدەۋىمىز كەرەك. ەلىمىز ەكونوميكاسىنىڭ سەرپىمدىلىگى كۇشتى، ۇزاق ۋاقىت جاقسارۋ نەگىزگى جاعدايى وزگەرمەيدى“، ورتالىقتىڭ ەكونوميكالىق قىزمەت ءماجىلىسى ”ناتيجەنى تولىق تۇراقتاندىرۋمەن بىرگە، ءسوز جوق، ەلىمىزدىڭ ەكونوميكالىق دامۋى سۇرانىستىڭ تارايۋى، قامداۋدىڭ سوققىسى، مەجەنىڭ السىرەۋى سىندى ءۇش قابات قىسىمعا ءدوپ كەلگەنىن كورە ءبىلۋ كەرەك. عاسىرلىق ىندەتتىڭ سوققىسىندا 100 جىلدىق وزگەرىس جەدەل قۇبىلىپ، سىرتقى ورتا اناعۇرلىم كۇردەلى، قاتاڭ جانە تۇراقسىز بولۋدا“ دەپ اتاپ كورسەتىپ، ”مەيلى حالىقارالىق جاعداي قالاي وزگەرسىن، ءبىز ءوز ءىسىمىزدى مىزعىماس تاباندىلىقپەن ويداعىداي ىستەپ، ەكونوميكالىق نەگىزدى ۇزدىكسىز كۇشەيتىپ، عىلىم - تەحنيكادا جاڭالىق اشۋ قابىلەتىن كۇشەيتىپ، كوپ جاقتىلىققا تاباندى بولىپ، جوعارى ولشەمدى حالىقارالىق ەكونوميكا - ساۋدا ەرەجەسىنە ىرىقتىلىقپەن تۋرالانىپ، جوعارى دەڭگەيدە ەسىك اشۋ ارقىلى تەرەڭ قاتپارلى رەفورمانى جەبەپ، جوعارى ساپالى دامۋدى ىلگەرىلەتۋىمىز كەرەك“ دەپ باسا دارىپتەدى.
اماليات بىزگە العا باسۋ جولىنداعى حاۋىپ - قاتەرلەر مەن سىن - سايىستارعا ءدوپ كەلگەن سايىن ەلىمىزدىڭ دامۋىنا اناعۇرلىم جان - جاقتى، ديالەكتيكالىق، ۇزاق بولاشاقتىق كوز ايامەن قاراۋىمىز، سەنىمدى نىعايتۋىمىز، سەنىمدى بەكەمدەۋىمىز كەرەكتىگىن ءبىلدىردى. ءبىز مىنانى كورە ءبىلۋىمىز ءتيىس: ەلىمىز ءۇرتىس بىرنەشە جىل بويى ورنىقتى تۇردە دۇنيە جۇزىندەگى ەكىنشى ۇلكەن ەكونوميكالىق تۇلعا، ەكىنشى ۇلكەن تۇتىنۋ بازارى، جاساۋ كاسىبىندەگى ءبىرىنشى ۇلكەن ەل، زات ساۋداسىنداعى ءبىرىنشى ۇلكەن ەل، سىرتقى پەرەۆات زاپاسىنداعى ءبىرىنشى ۇلكەن ەل بولىپ، 2020 - جىلى سىرتقى قارجى كىرەتىن ءبىرىنشى ۇلكەن ەلگە اينالدى؛ ەلىمىزدە دۇنيە جۇزىندەگى ەڭ كەمەلدى، كولەمى ەڭ ۇلكەن ونەركاسىپ جۇيەسى، كۇشتى ءوندىرىس قۋاتى، كەمەلدى سايكەستى قۋات بار، 100 ميلليوننان استام بازار تۇلعاسى مەن 170 ميلليوننان استام جوعارى ءبىلىم العان نەمەسە ءار ءتۇرلى كاسىپتىك شەبەرلىككە يە دارىندىلار بار، سونداي - اق 400 ميلليوننان استام ورتا كىرىستى قاۋىمدى قامتىعان ءبىر ميلليارد 400 ميلليوننان استام ادامنان قالىپتاسقان ايرىقشا كەڭ كولەمدى ىشكى سۇرانىس بازارى بار، جاڭاشا ونەركاسىپتەندىرۋدىڭ، ينفورماتسيالاندىرۋدىڭ، قالا - قالاشىقتاندىرۋدىڭ، اۋىل شارۋاشىلىعىن وسىزامانداندىرۋدىڭ تەز دامۋ كەزەڭىندە تۇر، قارجى قوسۋ سۇرانىسىنىڭ كومەسكى كۇشى اسا زور؛ جاپپاي دوڭگەلەك داۋلەتتى قوعام ورناتىپ، مۇلدەم كەدەيلىك ماسەلەسىن تاريحي سيپاتتى شەشىپ، جىگەرىمىز تاسقىنداي ءتۇسىپ، جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعۋداي ەكىنشى 100 جىلدىق كۇرەس نىساناسىن بەتكە الىپ ارشىندى قادام تاستاۋدامىز. اماليات مىنانى تولىق ءتۇسىندىردى: حالىقارا، ەل ءىشى جاعدايىندا تەرەڭ دە كۇردەلى وزگەرىس تۋىلعانىمەن، الايدا ەلىمىز ەكونوميكاسى ورنىقتىلىق بارىسىندا جاقسارۋ، ۇزاق ۋاقىت جاقسارۋ نەگىزگى اۋقىمى وزگەرمەدى، ەلىمىز ەكونوميكاسىنىڭ كومەسكى كۇشى جەتكىلىكتى، توزىمدىلىگى جاقسى، ومىرشەڭدىگى كۇشتى، مۇمكىندىك ءورىسى كەڭ، ساياساتتىق قۇرالدارى مول بولۋ سىندى نەگىزگى ەرەكشەلىگى وزگەرمەدى، ەلىمىز دامۋىنداعى كوپ جاقتى ارتىقشىلىقتار مەن شارت - جاعدايلار وزگەرمەدى. وراي مەن اۋقىم ءبىز جاقتا، بۇل ءبىزدىڭ تاباندىلىعىمىز بەن قايراتىمىزدىڭ تياناعى، سونداي - اق ءبىزدىڭ بەكىمىمىز بەن سەنىمىمىزدىڭ تياناعى. جاڭا جورىقتا ءبىزدىڭ سىن - سايىستارعا توتەپ بەرۋگە بەرىك بەكىمىمىز، باتىل ەرىك - جىگەرىمىز، مىعىم مەملەكەت قۋاتىمىز بار، ءتۇرلى حاۋىپ - قاتەرلەردىڭ سىناعىن جەڭۋگە جەتكىلىكتى سەنىمىمىز، قۋاتىمىز، اقىل - پاراساتىمىز بار.
ناتيجە وڭاي - وسپاق قولعا كەلگەن جوق، تاجىريبە وتە باعالى. حاۋىپ - قاتەر مەن سىن - سايىستارعا توتەپ بەرۋ امالياتى بارىسىندا، شي جينپيڭ جولداستى ۇيتقى ەتكەن پارتيا ورتالىق كوميتەتى ەكونوميكالىق قىزمەتتى ويداعىداي ىستەۋدىڭ زاڭدىلىق تانىمىن ونان ارى توپتادى. ورتالىقتىڭ ەكونوميكالىق قىزمەت ءماجىلىسى وسى جونىندە سىندارلى تۇجىرىم جاسادى: ءسوز جوق، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولىپ، ەلەۋلى سىن - سايىستارعا بايسالدىلىقپەن توتەپ بەرىپ، بىركەلكى قاداممەن العا ىلگەرىلەۋ؛ جوعارى ساپالى دامۋعا، ءسوز جوق، تاباندى بولۋ، ەكونوميكالىق قۇرىلىستى وزەك ەتۋگە تاباندى بولۋ −پارتيانىڭ نەگىزگى لۋشيانىنىڭ تالابى، بۇكىل پارتيا زەيىن - زەردەنى شوعىرلاندىرا وتىرىپ دايەكتىلەندىرىپ، اتقارىپ، ەكونوميكانىڭ ساپا جاعىنان ورنىقتى قاداممەن جوعارىلاۋىن جانە سان جاعىنان ۇيلەسىمدى ارتۋىن ىلگەرىلەتۋ؛ ءسوز جوق، ورنىقتىلىق بارىسىندا ىلگەرىلەۋگە تاباندى بولىپ، ساياساتتى رەتتەۋدىڭ جانە رەفورمانى ىلگەرىلەتۋدىڭ ۋاقىتىن، شەگىن، ونىمدىلىگىن ويداعىداي يگەرىپ، الدىمەن ورناتۋعا، سوڭىنان تالقانداۋعا، تىڭعىلىقتى، بايىپتى ىستەۋگە تاباندى بولۋ؛ ءسوز جوق، ءبىر تۇتاس جوسپارلاۋدى، سايكەستىرۋدى كۇشەيتىپ، جۇيە كوزقاراسىنا تاباندى بولۋ كەرەك. وسى ”ءتورت ءسوز جوق“ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جۇڭگو ەكونوميكاسى الىپ كەمەسىن باستاپ العا ىلگەرىلەگەن ەرەن پاراساتىن تولىق ايگىلەدى، پارتيا ورتالىق كوميتەتىنىڭ العا ىلگەرىلەۋ جولىنداعى حاۋىپ - قاتەر، سىن - سايىستارعا بايىپپەن توتەپ بەرەتىن جەتىك قابىلەتىن تولىق كورسەتتى، ول ءبىزدىڭ ەكونوميكالىق قىزمەتتى ويداعىداي ىستەۋىمىزدىڭ ماڭىزدى تانىم نازارياسى جانە ادىستەمەسى بولىپ، ءسوزسىز، جەڭىپ شىعۋ سەنىمىمىزدى اناعۇرلىم بەكەمدەدى، ستراتەگيالىق تاباندىلىعىمىزدى اناعۇرلىم كۇشەيتتى.
ەرجۇرەكتىك قاسيەت قۇبىلمالى جاعدايدا ايگىلەنەدى. ءتۇرلى حاۋىپ - قاتەرلەردەن، كومەسكى كىناراتتاردان ساقتانىپ جانە ونى جويىپ، سىرتقى ورتانىڭ وزگەرىسى الا كەلەتىن سوققىعا، سىن - سايىسقا بەلسەنە توتەپ بەرۋدىڭ تەتىگى −ءوز ءىسىمىزدى ويداعىداي ىستەۋدە. شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ورتالىقتىڭ ەكونوميكالىق قىزمەت ءماجىلىسىنىڭ شەشىمدەرىن، ورنالاستىرۋلارىن شىن مانىندە تياناقتاندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، جوعارى ساپالى دامۋدى ىلگەرىلەتىپ، وزگەرىستەردى دالمە - ءدال تانىپ، وزگەرىسكە عىلمي توتەپ بەرىپ، ىرىقتىلىقپەن وزگەرىسكە تالپىنىپ، حاۋىپ - قاتەر بارىسىنان وراي جەتىلدىرىپ، وزگەرىس بارىسىنان جاڭا جاعداي اشىپ، اناعۇرلىم جوعارى ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى، اناعۇرلىم حاۋىپسىز دامۋدى قۇلشىنا جۇزەگە اسىرۋىمىز كەرەك. بولاشاقتى بەتكە العاندا، بىزدە پارتيانىڭ پارمەندى باسشىلىعىنىڭ جانە جۇڭگوشا سوتسياليزم ءتۇزىمىنىڭ كورنەكتى ابزالدىلىعى بار، رەفورما جاساعاننان، ەسىك اشقاننان بەرى جيناعان مىعىم زاتتىق، تەحنيكالىق نەگىز بار، اسا ءىرى كولەمدى بازار ابزالدىلىعى جانە ىشكى سۇرانىس كومەسكى كۇشى بار، قىرۋار دارىندى كاپيتالى جانە دارىندى بايلىعى بار، ءبىز سەنىمدى بەكەمدەپ، ءبىر نيەت، ءبىر تىلەكتە بولىپ، ءوز ءىسىمىزدى مىزعىماس تاباندىلىقپەن ويداعىداي ىستەسەك، ءسوز جوق، ءىرى حاۋىپ - قاتەرلەگە قارسى سوققى بەرۋ بارىسىنان وراي جەتىلدىرىپ، باستان - اياق جەڭىلمەس ورىندا تۇرا الامىز.
جۇڭگو ەكونوميكاسى شالقار تەڭىز، سان رەتكى سۇراپىل داۋىل مەن جويقىن نوسەردى باستان كەشىرگەن شالقار تەڭىز ءباز - باياعىسىنداي ءوز ورنىندا! باسىپ وتكەن كۇرەس بارىسىمىزعا قايىرىلا قاراساق، ءبىز قيىنشىلىقتى جەڭۋ بارىسىندا دامىپ، العا باسىپ، سىن - سايىستارعا توتەپ بەرۋ بارىسىندا ءوزىمىزدى باسىپ وزىپ كەلەمىز. جۇڭگودا قيىندىقتارعا قارسى قاسقايا اتتاناتىن، ورگە ۇمتىلىپ، بۇرالاڭدى باسىپ وتەتىن قابىلەت بار، جۇڭگونىڭ العا باسۋداعى باتىل قادامىن ەش نارسە توسا المايدى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، سەنىمدى بەكەمدەپ، قايراتتانا ىسكەرلىك كورسەتىپ، ۇدەرە العا باسىپ، جاڭا داۋىردە، جاڭا جورىقتا كەدەرگى بوگەتتەردى الاستاپ، ەرلىكپەن العا ۇمتىلۋىمىز كەرەك!
(شينحۋا اگەنتتىگىنىڭ 12 - ايدىڭ 12 - كۇنى بەيجيڭنەن بەرگەن حابارى)
