تيانشان تورى   ›   بىلگەنگە مارجان   ›   وتباسى جانە تۇرمىس

ۇنەمى ”جۇرەكتىڭ كەنەت سوعۋىن“ سەزىنۋ قانداي جاعداي؟ جۇرەكتىڭ مۇنداي كومەك سۇراۋ سيگنالدارىنا نەمقۇرايدى قاراۋعا بولمايدى!

  شاتاق بولدى، جۇرەگىم تاعى دا قاققانداي سەزىلىپ تۇرعانى!

  تۇرمىستا كوپتەگەن ادامداردا ”جۇرەك كەنەت قاعۋ“ كەشىرمەسى بولادى، ونىڭ ۇستىنە كەيبىرەۋىندە وسىنداي جاعداي ٴجيى تۋىلادى.

  قازىرگى قوعامدا ٴتۇن بويى كىرپىك ايقاستىرماۋ كوپتەگەن ادامداردىڭ ۇنەمىلىك جاعدايىنا اينالدى، الايدا، وسىعان ىلەسە ۇنەمى جۇرەك سوعۋىنىڭ تەزدەگەنىن سەزىنەدى، ادامدى الاڭداتاتىنى جۇرەكتەن الدە نەندەي ماسەلە شىقتى ما، جوق پا؟ دەگەن بولىپ وتىر...

  ”جۇرەكتىڭ كەنەت سوعۋى“ قانداي جاعداي؟ ۇزاق ۋاقىت ٴتۇن بويى ۇيىقتاماۋ جۇرەك اۋرۋى حاۋىپ - قاتەرىن ارتتىرا ما؟ جۇرەكتىڭ كومەك سۇراۋ سيگنالى قايسىلار؟ رەداكتور تومەندە وسى جايىنداعى ماڭىزدى تۇيىندەردى ەسكەرتەدى!

  1

  ”جۇرەكتىڭ كەنەت سوعۋى“ قانداي جاعداي؟

  ”جۇرەكتىڭ كەنەت سوعۋىنىڭ “ اۋرۋ بەلگىلەرى ٴار ٴتۇرلى تيپتەگى جۇرەك سوعۋىنىڭ قالىپسىزدىعىندا ٴجيى كەزىگەدى، مىسالى، جەدەل جۇرەك سوعۋىنىڭ قالىپسىزدىعى، مۇشەنىڭ رەتسىز ورىن اۋىسۋىنان بولعان جۇرەك سوعۋىنىڭ قالىپسىزدىعى. جۇرەك سوعۋىنىڭ قالىپسىزدىعىن تۋدىراتىن سەبەپتەردەن فيزيولوگيالىق فاكتور جانە پاتولوگيالىق فاكتور بار.

  فيزيولوگيالىق جۇرەك سوعۋدىڭ قالىپسىزدىعى كوبىنەسە قالىپتى ادامداردىڭ تەمەكى تارتۋ، كوپ مولشەردە كوفە ءىشۋ، اشتى شاي ٴىشۋ، اراق ٴىشۋ، دەنە ارەكەتى، اشۋلانۋ، ابىرجۋ سياقتى كەزدەردە كەزىگەدى، ادەتتە اۋرۋ بەلگىلەرىن ەرەكشە ٴبىر جاقتىلى ەتپەسە دە وزدىگىنەن جوعالادى.

  پاتولوگيالىق جۇرەك سوعۋدىڭ قالىپسىزدىعى كوپتەگەن ۇقساماعان تۇرلەردى قامتيدى، مىسالى، جۇرەكشە سيپاتتى ەرتە سوعۋ، قارىنشا سيپاتتى ەرتە سوعۋ، جۇرەكشەنىڭ تالشىقتى دىرىلدەۋى، جۇرەكشەنىڭ اتىلىپ سوعۋى، قويناۋ سيپاتتى جۇرەك سوعۋدىڭ تەزدەۋى، قارىنشا ءۇستى سيپاتتى جۇرەك سوعۋدىڭ تەزدەۋى، قارىنشا سيپاتتى جۇرەك سوعۋدىڭ تەزدەۋى سياقتىلار. الايدا كەيبىرەۋى پاتولوگيالىق فاكتورلاردان تۋىلادى، مىسالى، جۇرەكتەگى مۇشەلىك اۋرۋ وزگەرىسى، قىزۋ، قالقانشا بەز قىزمەتىنىڭ ارتۋى، قان ازدىق، شوك بولۋ، جۇرەك بۇلشىق ەتىنە قان جەتىسپەۋ، قانتالاۋ سيپاتتى جۇرەك السرەۋ سياقتىلاردان تۋىلاتىن جۇرەك سوعۋدىڭ قالىپسىزدىعى.

  پاتولوگيالىق جۇرەك سوعۋدىڭ قالىپسىزدىعىندا تۋما اۋرۋدى بەلسەنە ەمدەۋگە تۋرا كەلەدى، قاجەت بولعاندا ٴدارى ءىشىۋ نەمەسە ەمدەۋ جۇرگىزۋ كەرەك.

  2

  ۇزاق ۋاقىت ٴتۇن بويى ۇيىقتاماۋ جۇرەك اۋرۋىنىڭ حاۋىپ - قاتەرىن ارتتىرا ما؟

  قالىپسىز ۇيقى ريتىمى دەنەنىڭ دەربەس نەرۆ جۇيەسىنىڭ قىزمەتىنە ىقپال جاسايدى، بۇلار سيمپاتيكالىق نەرۆى مەن قوسالقى سيمپاتيكالىق نەرۆتى قامتيدى.

  سيمپاتيكالىق نەرۆى ادام دەنەسىنىڭ اسەرلەنگىشتىك كۇيىندەگى اڭىسىن جوعارىلاتادى، بۇلار: جۇرەك سوعۋىن جوعارىلاتۋ، قان قىسىمىن جوعارىلاتۋ، كەڭىردەكتى كەڭەيتۋ، قاراشىقتى ۇلكەيتۋ سياقتىلار.

  قوسالقى سيمپاتيكالىق نەرۆى دەنەنىڭ ادەتتەگى كۇيدەگى كوپتەگەن فيزيولوگيالىق قىزمەتىن ساقتاۋعا جاۋاپتى بولادى: جۇرەك ريتمىن باياۋلاتۋ، قان قىسىمدى تومەندەتۋ، اسقازان - ىشەكتىڭ جيىرىلۋىن تەزدەتۋ سياقتىلار.

  ٴتۇن بويى ۇيىقتاماعاندا، ادام دەنەسىنىڭ سيمپاتيكالىق نەرۆتەرى جاندانۋ كۇيىندە تۇرادى، وسىلاي بولا بەرسە جۇرەكتىڭ جۇگى ارتىپ، ٴوزىن رەتتەۋ قابىلەتىندە كەدەرگى تۋىلىپ، ٴتۇرلى جۇرەك اۋرۋلارىنىڭ قاتەرى دە ارتا تۇسەدى.

  3

  جۇرەكتىڭ كومەك سۇراۋ سيگنالى قايسىلار؟

  جۇرەك جۇيەسىندەگى ەڭ كوپ كەزىگەتىن اۋرۋ بەلگىلەرى كەۋدەسى قىسىلۋ، تىنىسى تارىلۋ، جۇرەگى قوبالجۋ، ەنتىگۋ، ارەكەت توزىمدىلىگى تومەندەۋ، اياقتىڭ ويىلۋ سيپاتتى سۋلى ىسىگى، سول جاق يىعىنىڭ جوتاسى اۋرۋ ت. ب لار.

  ال، كوپتەگەن وزگەشە بولماعان اۋرۋ بەلگىلەرى جۇرەككە تىكەلەي اسەر ەتپەيتىندىكتەن وڭاي ەلەۋسىز قارالادى، مىسالى، تاياۋ مەزگىلدە كورنەكتى سەبەپتەر بولماي، تۇسىندىرۋگە بولمايتىن تاماق قىستىعۋ، جۇرەك اينۋ، تاماققا تابەتى تارتپاۋ، ٴتىس اۋىرۋ، شارشاۋ، كوڭىل كۇي وزگەرىسى سياقتىلار بايقالۋ.

  جوعارىداعى اۋرۋ بەلگىلەرى بايقالعاندا ٴمان بەرىپ، دەر كەزىندە ەمدەلىپ جانە كەڭەس الىپ، اۋرۋ جاعدايىن كەشەۋىلدەتۋدەن ساقتانۋ كەرەك.

  4

  جۇرەكتىڭ اقاۋسىزدىعىن قالاي قورعاۋ كەرەك؟

  1. تاماشا تۇرمىس ٴتاسىلىن ساقتاۋ. تەمەكىدەن، اراقتان تيىلۋ؛ تاماشا كوڭىل كۇيدى ساقتاۋ، ۇزاق ۋاقىت ناشار كوڭىل كۇي قان قىسىمىن جوعارىلاتىپ، دەنە سالماعىن ارتتىرىپ، جۇرەكتىڭ اقاۋسىزدىعنا زيان جەتكىزەدى؛ قاتىقسىز تاعامداردى جەۋ، جاڭا كوكونىس، جەمىس - جيدەكتەردى كوبىرەك جەۋ؛ دەنە سالماعىن تەجەۋ؛ ەڭبەك پەن دەمالىستى ۇشتاستىرىپ، شەكتەن تىس ەڭبەك ىستەۋدەن ساقتانىپ، جەتكىلىكتى ۇيقىنى ساقتاۋ كەرەك.

  2. لايىقتى ارەكەت جاساۋ. ۇيلەسىمدى ارەكەت مولشەرى جۇرەكتىڭ توزىمدىلىگىن ارتتىرىپ، جۇرەك بۇلشىق ەتىنىڭ جيىرىلۋ قۋاتىن ارتتىرادى.

  3. تۋما اۋرۋ، مىسالى، جوعارى قان قىسىم، قانتتى نەسەپ اۋرۋى، جوعارى حولەستەرين قان اۋرۋى، قالقانشا بەز قىزمەتىنىڭ ارتۋى، قان ازدىق، جۇرەك مۇشەلىك اۋرۋ وزگەرىسى سياقتىلاردى تىزگىندەۋ.

  4. بەلگىلى مەرزىمدە دەنساۋلىق تەكسەرتۋ. ەرتە بايقاۋ، ەرتە ەمدەلۋ اۋرۋدىڭ سوڭىنا تىكەلەي ىقپال جاسايدى.

  اۋدارعان: قادىر ماقان

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى