اۆتونوميالى رايون ”زورلىقپەن ەڭبەككە سالدى“ دەگەنگە تويتارىس بەرۋ جونىندە ارناۋلى اقپار جاريالاۋ ءماجىلىسىن اشتى
كۇيە جاعۋ، جالا جابۋ ءبىزدىڭ باقىتقا دەگەن تالپىنىسىمىزعا بوگەت بولا المايدى
انار بۇلت / شينجياڭ گازەتىنىڭ ءتىلشىسى فان چيۇڭيان 12 - ايدىڭ 12 - كۇنى ۇرىمجىدەن حابارلايدى. 12 - ايدىڭ 12 - كۇنى شينجياڭ ۇيعۇر اۆتونوميالى رايونى ”زورلىقپەن ەڭبەككە سالدى“ دەگەنگە تويتارىس بەرۋ جونىندە ارناۋلى اقپار جاريالاۋ ءماجىلىسىن اشىپ، مامان - وقىمىستى، ءار سالا، ءار كاسىپ ۋاكىلدەرىن، ت.ب ۇسىنىس ەتىپ، شينجياڭداعى ءار ۇلت بۇقاراسىنىڭ ءوز قالاۋى بويىنشا جۇمىستانىپ، ابىرويلى ەڭبەك ىستەگەن، ەڭبەك ۇقىق - مۇددەسى، پەرزەنت ءسۇيۋ ۇقىعى زاڭ بويىنشا قامتاماسىز ەتىلگەن شىندىقتاردى تانىستىرۋ ارقىلى امەريكاداعى، باتىستاعى جۇڭگوعا قارسى كۇشتەر ويدان قۇراستىرعان شينجياڭدا ايتىلمىس ”زورلىقپەن ەڭبەككە سالۋ“ ءومىر ءسۇرىپ وتىر دەگەن وسەك - اياڭعا، ساندىراققا پارمەندى تويتارىس بەردى.
شينجياڭ شىفان داشۋەسىنىڭ ورىنباسار باستىعى گۇلپاري ابدۇللا مىنالاردى ءبىلدىردى: كوپتەگەن اڭعارلى جاندار تەك از ساندى ايتىلمىس ”مامانداردىڭ“، ”كۋاگەرلەردىڭ“ وسەگىنە بولا شينجياڭدا ايتىلمىس ”ءناسىل جويۋ“ ءومىر ءسۇرىپ وتىر دەپ كەسەتۋ، شىندىعىندا، وتە ماسقارالىق دەپ ەسەپتەيدى.
”شينجياڭ ماقتاسىن ايرىقشا قولداپ، وتاندىق بۇيىمدار ماركالارىن قولداپ، شينجياڭ ەكونوميكاسىنىڭ قارىشتاۋىنا دەم بەرەمىز“، - دەپ ۇندەۋ تاستادى شينجياڭ كيىم - كەشەك جوبالاۋشىلار قوعامىنىڭ ورىنباسار باستىعى گاۋ حۇي. ول بىلاي دەپ قارادى: ماقتا − ادامزاتتىڭ تىرشىلىك سۇيەنىشى بولىپ وتىرعان وسىمدىك بايلىعى، جات نيەتتەگىلەردىڭ ونى ساياسيلاندىرۋىنا، وعان داق سالىپ، اياققا تاپتاۋىنا استە جول بەرمەيمىز. شينجياڭ كيىم - كەشەك كاسىپ سالاسىنىڭ دامۋى تەبىندى، ساپالى شينجياڭ ماقتاسى كيىم - كەشەك جوبالاۋ، ايگىلى ماركالاردى دامىتۋ سياقتى جاقتاردا، ءسوز جوق، اناعۇرلىم تاماشا دامۋ كەڭىستىگىن ازىرلەيتىن بولادى.
الىمجان ءمامتىمىن گۇما اۋدانىنداعى ءبىر اۋىل شارۋاشىلىق ونىمدەرىن مانەرلەۋ كاسىپورنىنىڭ جاۋاپتىسى، ول ”پيالما انارىنىڭ“ اتاعىنا سۇيەنىپ، اۋىلداستاردى باستاپ قاجىرلىلىقپەن ەڭبەك ىستەپ، اۋىلىنىڭ ەرەكشە ونىمدەرىن بۇكىل مەملەكەتتىڭ جەر - جەرىنە ساتتى. ول: ”كۇيە جاعۋ، جالا جابۋ ءبىزدىڭ باقىتتى تۇرمىسقا دەگەن تالپىنىسىمىزعا بوگەت بولا المايدى!“، - دەدى.
”وسەك - اياڭ مىڭ رەت قايتالانسا دا شىندىققا اينالمايدى!“. ونسۋ اۋدانى ونسۋ قالاشىعى ءداپسان مەشىتىنىڭ يمامى ابدۇكەرىم ءمۇتالىپ بىلاي دەدى: شينجياڭنىڭ ماقتاسىنا كۇيە جاعىپ، ”زورلىقپەن ەڭبەككە سالدى“ دەگەن وسەك - اياڭدى ويدان قۇراستىرعاندار شينجياڭداعى ءار ۇلت بۇقاراسىنا باي - باقىتتى تۇرمىس كەشىرتكىسى كەلمەگەندەر.
ءۇرىمجى قامان رۋجيا وتباسىلىق قىزمەت وتەۋ شەكتى سەرىكتەستىگىنىڭ جاۋاپتىسى قامان بىلاي دەدى: ايتىلمىس ”زورلىقپەن ەڭبەككە سالدى“ دەگەن بۇكىلدەي بۇيرەكتەن سيراق شىعارعاندىق. سەرىكتەستىگىمىزدىڭ نەگىزگى كاسىبى ينتەرنەت جەلىسىندەگى تۇعىر ارقىلى وتباسىلىق قىزمەت وتەۋمەن قامدايدى، جىل سايىن جۇمىسشى ىستەتۋ مولشەرىمىز 1000 ادامنان اسادى. ول: جۇمىسشىلار سەرىكتەستىكتە قىزمەتتە، تۇرمىستا ەشقانداي كەمسىتۋگە ۇشىراپ كورمەدى، ءدىني سەنىمى، ۇلتتىق مادەنيەتى سياقتىلار ەڭ جوعارى شەكتە قۇرمەتكە يە بولدى، - دەدى.
اقپار جاريالاۋ ءماجىلىسىن جۇرگىزۋشى حۋ جىچۇن مىنالاردى ءبىلدىردى: شينجياڭنىڭ ماقتاسىنىڭ، قىزاناعىنىڭ ەگىلۋ اۋماعى مول، تومەنگى بۋىن كاسىپ سالاسى تىزبەگى ۇزىن، جۇمىستانۋعا باۋرايتىن ادام سانى مول. جۋىق جىلداردان بەرى وڭتۇستىك شينجياڭدا كوپتەگەن وتباسىلار ماقتا، قىزاناق ەگۋگە سۇيەنىپ نەمەسە ءوز ەركىمەن ماقتا توقىماشىلىق، قىزاناقتى جىنتىكتەي مانەرلەۋ كاسىپورىندارىنا بارىپ جۇمىس ىستەپ، كەدەيلىكتەن ارىلىپ، بايىپ، تۇرمىستارىن بارعان سايىن جاقسارتتى. الايدا، امەريكا جاق ايتىلمىس ”زورلىقپەن ەڭبەككە سالدى“ دەگەن وسەك - اياڭدى ويدان قۇراستىرىپ، شينجياڭنىڭ ماقتاسىنا، قىزاناعىنا جانە ماقتا توقىماشىلىق كاسىپ سالاسىنا تيىم سالىپ، زاڭسىز ۇستاپ قالدى، ولاردىڭ سۇرقيا ماقساتى − شينجياڭنىڭ ماڭىزدى كاسىپ سالاسىنا قىسىم جاساپ، شينجياڭنىڭ ورنىقتىلىعىن، دامۋىن شەكتەپ، ءار ۇلت بۇقاراسىن ءومىر ءسۇرۋ ۇقىعىنان، جۇمىستانۋ ۇقىعىنان، دامۋ ۇقىعىنان ايىرۋ. امەريكا جاقتىڭ قيسىنسىز جازالاۋىنا قاراتا، شينجياڭ زاڭ ارناسىمەن كاسىپورىنداردىڭ ورىندى ۇقىق - مۇددەسىن قورعاپ، زياننىڭ ورنىن باتىل تولتىرادى.
