اۆتونوميالى رايوندىق پارتكومنىڭ تۇراقتى مۇشەلەرى جاۋاپتى سالالارىندا پارتيا 19-كەزەكتى ورتالىق كوميتەتى التىنشى جالپى ءماجىلىسىنىڭ رۋحى جونىندە ۇگىت لەكسيا جاسادى
جەتە ۇيرەنىپ، جەتە يگەرىپ، شىنايى تياناقتاندىرىپ، جاڭا داۋىردەگى ەمتيحان تاپسىرۋ جولىن جاقسى باسايىق
انار بۇلت / شينجياڭ گازەتىنىڭ تىلشىلەرى جاڭ يانفاڭ، ياڭ شۋحان، لياڭ ليحۋا، يان شياۋتيان 12 - ايدىڭ 13 - كۇنى ۇرىمجىدەن حابارلايدى. جۋىقتا اۆتونوميالى رايوندىق پارتكومنىڭ تۇراقتى مۇشەلەرى جاۋاپتى سالالارىندا پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحى جونىندە ۇگىت لەكسيا جاسادى.
ياڭ چىڭ قاراقۇرىم ۇستىرتىندەگى اسكەر جاتتىقتىرۋ، سوعىسقا دايىندالۋ ءبىرىنشى شەبىندە وفيتسەر - جاۋىنگەرلەرگە پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحى جونىندە ۇگىت لەكسيا جاسادى. ول بىلاي دەپ اتاپ كورسەتتى: جالپى ءماجىلىس اشىلۋىنىڭ ءساتى ماڭىزدى، نەگىزگى تاقىرىبى كەلەلى، ماڭىزى ەرەكشە، ىشكەرىلەي ۇيرەنىپ، ءتۇسىنىپ، ءتوراعا شي جينپيڭنىڭ جالپى ماجىلىستەگى ماڭىزدى ءسوزىنىڭ رۋحىن ۇيرەنۋدى «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارى» رۋحىن جەتە تۇسىنۋمەن ساباقتاستىرىپ، قاز - قالپىندا ۇيرەنىپ، جان - جاقتى، جۇيەلى ۇيرەنىپ، پارتيانىڭ 100 جىلدىق كۇرەسىنىڭ اۋەلگى ماقساتى، بورىشى جانە كەلەلى جەتىستىكتەرى، جاڭا داۋىردەگى تاريحي جەتىستىكتەرى جانە تاريحي وزگەرىستەردى، پارتيانىڭ 100 جىلدىق كۇرەسىنىڭ تاريحي ماڭىزى جانە تاريحي تاجىريبەلەرى سياقتى ماڭىزدى تۇيىندەردى شىن ىقىلاسپەن ۇعىنۋدى كورنەكتىلەندىرىپ، نازاريالىق جاسامپازدىقتىڭ ماڭىزدى ۇلەسىن، ”ەكىنى تۇراقتاندىرۋدىڭ“ شەشۋشى ماڭىزى سياقتىلاردى جەتە تانۋ كەرەك. ول بىلاي دەپ باسا دارىپتەدى: باسشىلار باستاماشىلدىقپەن ۇيرەنۋ، توپتىق تەرەڭدەي زەرتتەپ ۇيرەنۋ سياقتى تالاپتاردى تياناقتاندىرىپ، جەتە ۇيرەنۋدە، جەتە يگەرۋدە، شىنايى تياناقتاندىرۋدا وفيتسەر - جاۋىنگەرلەردىڭ يدەياسىن قارۋلاندىرىپ، ساياسي قابىلەتىن جوعارىلاتىپ، بورىشتى، قىزمەت جاۋاپكەرشىلىگىن ارقالاپ، توڭكەرىستىك جىگەردى قاۋلاتىپ، نانىمدى، سەنىمدى ونان ارى بەكەمدەپ، ادالدىق قاسيەتتەن اينىماي، كۇرەسكەرلىك رۋحتى سەرپىلتىپ، وزىنە توڭكەرىس جاساۋعا باتىل بولىپ، قاتاڭ ستيلدى ساقتاپ، پارتيانىڭ قامىن ويلاۋ، وتانعا ءوزىن ارناۋ، حالىقتى باقىتقا كەنەلتۋ كەرەك.
جاڭ جۋ ايىرىم - ايىرىم اۆتونوميالى رايونداعى ايماق، مەڭگەرمە دارەجەلى كادرلارعا، ورىنباسار مەڭگەرمە دارەجەلىدەن جوعارى دەمالىسقا، پەنسياعا شىققان كادرلارعا پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحى جونىندە ۇگىت لەكسيا جاسادى. ول بىلاي دەپ اتاپ كورسەتتى: جالپى ءماجىلىس پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن جان - جاقتى قورىتىندىلادى، ماڭىزى زور، اسىرەسە، جۇڭگوشا سوتسياليزم جاڭا ءداۋىرى سىندى وسى ءتۇيىندى كورنەكتىلەندىرىپ، ”ەكىنى تۇراقتاندىرۋدى“ باسا دارىپتەدى، بۇل بۇكىل پارتيانىڭ ورتاق ەركىن ايگىلەگەن، حالىقتىڭ ورتاق جۇرەك ءۇنىن بەينەلەگەن كەلەلى ساياسي تۇجىرىم، بۇكىل پارتيانىڭ كۇشىن بىركەلكى قاداممەن العا ىلگەرىلەۋگە، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جەڭىسىنە قۇلشىنا قول جەتكىزۋگە ۇيىستىراتىندىعى داۋسىز. شينجياڭنىڭ ءىس جۇزىندىك جاعدايىمەن ۇشتاستىرا وتىرىپ، جاڭ جۋ پارتيانىڭ نەگىزگى ساتى ۇيىمى قۇرىلىسىنىڭ 100 جىلدىق ىزدەنىس امالياتى مەن تاجىريبە تولعانىستارىن جۇيەلى ءتۇسىندىردى. ول بىلاي دەپ باسا دارىپتەدى: پارتيالى كادرلار ونان ارى ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيانىڭ 100 جىلدىق كۇرەسى بارىسىنان اقىل - پاراسات جانە كۇش - قۋات الىپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋ جولىندا قاجىماي - تالماي كۇرەس جۇرگىزۋ كەرەك. پارتيانىڭ ساياسي قۇرىلىسىن ءبىر تۇتاس باسشىلىققا الۋعا تاباندى بولىپ، تاريحي ىرىقتىلىق رۋحتى اسقاقتاتىپ، پارتيانىڭ شينجياڭداعى بيلىك جۇرگىزۋ نەگىزىن ۇزدىكسىز بەكەمدەۋ كەرەك. قالىڭ ساقا كادرلاردىڭ ساياسي باسىمدىعىن، تاجىريبە باسىمدىعىن، بەدەل باسىمدىعىن ساۋلەلەندىرىپ، پارتيانىڭ قىزىل قان تامىرىن ۇلاستىرىپ، پارتيا مەن حالىققا مۇنان دا زور داڭق اپەرۋگە كۇش سالۋ كەرەك.
تيان شياڭلي بۇكىل رايوننىڭ ءتارتىپ تەكسەرۋ، باقىلاۋ - تەكسەرۋ جۇيەسىندە پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحى جونىندە ۇگىت لەكسيا جاسادى. ول بىلاي دەپ باسا دارىپتەدى: جالپى ءماجىلىس رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ پارتيانى جاپپاي قاتاڭ باسقارۋ جونىندەگى ماڭىزدى بايىمداۋىن ىشكەرىلەي ۇيرەنىپ، ءتۇسىنىپ، پارتيانى پارتيا باسقارۋدىڭ، پارتيانى جاپپاي قاتاڭ باسقارۋدىڭ جانە وزىنە - ءوزى ۇلى توڭكەرىس جاساۋ ارقىلى قوعامدىق ۇلى توڭكەرىسكە جەتەكشىلىك ەتۋدىڭ كەلەلى ماڭىزىن جەتە تانىپ، ونان ارى ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيانى جاپپاي قاتاڭ باسقارۋدىڭ ساياسي جەتەكشىلىگى مەن ساياسي قامتاماسىز ەتۋ رولىن تولىق ساۋلەلەندىرۋ كەرەك. ورتالىق ءتارتىپ تەكسەرۋ كوميتەتىنىڭ، مەملەكەتتىك باقىلاۋ - تەكسەرۋ كوميتەتىنىڭ ورنالاستىرۋلارىنا ساي، اۆتونوميالى رايوندىق 10 - رەتكى پارتيا قۇرىلتايىنىڭ جانە اۆتونوميالى رايوندىق 10 - كەزەكتى پارتكوم ەكىنشى جالپى ءماجىلىسىنىڭ تالاپتارىن تياناقتاندىرىپ، قاتاڭدىق سىندى نەگىزگى اۋەنگە ۇزاق ۋاقىت تاباندى بولىپ، جۇيەلى شارا قولدانۋ، ۇستىنەن وڭاۋ مەن تۇبىرىنەن وڭاۋدى قاتار جۇرگىزۋ ۇستانىمىمەن ستيلدى دۇرىستاپ، ءتارتىپتى قاتايتىپ، شىرىكتەسۋگە قارسى تۇرىپ، ءبىر جاعىنان، بولشەكتەۋشىلىككە قارسى كۇرەستى يگەرۋگە، ەندى ءبىر جاعىنان، پارتيا ستيلى، پاكتىك قۇرىلىسىن جانە شىرىكتەسۋگە قارسى كۇرەستى يگەرۋگە تاباندى بولىپ، شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الماۋدى ءبىر تۇلعادا ىلگەرىلەتىپ، پارتيانى جاپپاي قاتاڭ باسقارۋ ساياسي جاۋاپكەرشىلىگىن ءبىر تۇلعادا تياناقتاندىرىپ، پارتيا ستيلى، پاكتىك قۇرىلىسىندا جانە شىرىكتەسۋگە قارسى كۇرەستە ۇزدىكسىز تۇردە اناعۇرلىم زور ستراتەگيالىق جەتىستىكتەرگە قول جەتكىزۋدى ىلگەرىلەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋگە، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا ستيلى پاك، سالتى دۇرىس ساياسي ەكولوگيا مەن دامۋ ورتاسىن قالىپتاستىرۋ كەرەك.
