12 ـ ايدىڭ 9 ـ كۇنى كورلا قالالىق 6 ـ باستاۋىش مەكتەپ 6 ـ جىلدىق (5) كلاس وقۋشىلارى تىكە تاراتۋ ارقىلى جۇڭگو كەڭىستىك بەكەتىنىڭ تۇڭعىش رەتكى عارىشتا ساباق ٴوتۋىن كوردى. سۋرەتتى ياڭ كۇن تۇسىرگەن
انار بۇلت / شينجياڭ گازەتىنىڭ ٴتىلشىسى شىن زۋشياۋ
12 – ايدىڭ 9 - كۇنى تۇستەن كەيىن شىنجوۋ 13 ـ ٴنومىرلى عارىشكەرلى الەم كەمەسىنىڭ عارىشكەرلەر گرۋپپاسىنىڭ عارىشكەرلەرى جاي جىگاڭ، ۋاڭ ياپيڭ، يە گۋاڭفۋ جۇڭگو كەڭىستىك بەكەتىندە عارىشتا ساباق ٴوتتى ٴارى عارىش پەن جەردىڭ ىقپالداستىق تاجىريبەسىن جۇرگىزدى. ناق مايدان تىكە تاراتىلۋىن كورۋ ارقىلى عاجايىپ تا قىزىقتى ”تيانگۇڭ ساباقحاناسىنان“ شينجياڭداعى ورتا، باستاۋىش مەكتەپ وقۋشىلارى عارىشتىڭ عاجايىپ الەمىنە كۋا بولىپ، ولاردىڭ عىلىم ارمانى مەن عارىش ارمانى تاسقىندادى.
”ولار عارىشتان ۇشپا تالەڭكەنى كورە الا ما؟“، ”عارىشتان جارقىراعان جۇلدىزداردى كورۋگە بولا ما؟“ … ساعات 15تەن 30 مينۋت وتكەندە ساباق ٴالى باستالمادى، ٴۇرىمجى قالالىق 1 ـ ورتا مەكتەپ تولىق ورتا 1 ـ جىلدىق وقۋشىسى دۋ يچىن مەن ساباقتاستارى ٴبىر قاتار سۇراۋ قويدى.
”مەن عارىشتا ساباق وتەتىن وقىتۋشى ۋاڭ ياپيڭمىن ... “. ساعات 15تەن 45 مينۋت وتكەندە، ”تابيعات ٴۇنى“ عارىشتان جەر بەتىندەگى ۇلكەن ساباقحاناعا جەتكەندە، كلاستا دۋ قول شاپالاق ٴۇنى كوتەرىلدى.
ساباقحانادا وقۋشىلاردىڭ قايران قالعان داۋىسى تولاستامادى. ”سۋ دوپ وپتيكالىق تاجىريبەسىندە عارىشكەرلەردىڭ وڭ – تەرىس تۇرعان ەكى ادامنىڭ كەسكىنى بايقالدى، توتەنشە عاجايىپ سەزىلدى“. عارىشتا ساباق ٴوتۋ وسى مەكتەپتىڭ وقۋشىسى جۋ يۇيفىڭنىڭ جاراتىلىستىق عىلىمدى جاقسى ۇيرەنۋ بەكىمىن اناعۇرلىم بەكەمدەدى.
بيىل 9 ـ ايدىڭ 1 ـ كۇنى ٴۇرىمجى قالالىق 16 ـ ورتا مەكتەپ ورتالاۋ 2 ـ جىلدىق (4) كلاس وقۋشىسى يۇلتۇز يليار ورتالىق تەلەۆيزيانىڭ تىكە تاراتۋ بولمەسى ارقىلى عارىشكەرلەرمەن ”عارىش پەن جەردە تىلدەسۋدى“ ورىستەتتى. ول ”تيانگۇڭ ساباقحاناسى“ ارقىلى عارىشكەرلەردىڭ كەڭىستىك بەكەتىندە وتباسىنداعىلارمەن بايلانىس جاساي الاتىنىن، سونداي ـ اق كينو كورىپ، مۋزيكا تىڭدايتىنىن بىلگەن كەزدە تەبىرەنە: ”بۇرىنعىلاردىڭ عارىشقا ۇشۋ ارمانىن قازىرگى زامان ادامدارى جۇزەگە اسىردى. وسى داۋىردە جاساعانىما توتەنشە باقىتتىمىن“، - دەدى.
قالقىتۋ كۇشىن جويۋ تاجىريبەسى، سۋ شارى وپتيكالىق تاجىريبەسى... عارىشكەرلەردىڭ كەڭىستىك بەكەتىندە تاجىريبە جاساعانىن كورىپ جاتقاندا، ٴۇرىمجى قالالىق 3 ـ باستاۋىش مەكتەپ وقىتۋشىلاردى قاتىستى بىلىمدەردى تۇسىندىرۋگە ۇيىمداستىردى. 4 - جىلدىق (1) كلاستىڭ ساباقحاناسىندا وقىتۋشى لەي شۋەۋي ۇستەل دوپ پەن ولشەۋىش ستاكان الىپ، عارىشكەرلەرمەن بىرگە قالقىتۋ كۇشىن جويۋ تاجىريبەسىن جاساپ، وقۋشىلارعا عارىش پەن جەردىڭ پارقىن سەزىندىردى.
”عارىشتا قالىپتى جۇرۋگە بولا ما؟ قالىپتى بۇرىلۋعا بولا ما؟“، ”بولمايدى!“ ساباقحانادا ۋاڭ ياپيڭ مەن يە گۋاڭفۋ وقۋشىلاردىڭ سۇراعىنا دەن قويا جاۋاپ بەردى ٴارى كەڭىستىك بەكەتىندە قالاي ٴجۇرۋ، بۇرىلۋ سياقتىلاردى كورسەتتى، بۇل كۇشار قالالىق 4 ـ ورتا مەكتەپتىڭ وقۋشىلارىن توتەنشە باۋرادى.
”تىكە تاراتۋدى كورگەننەن كەيىن، ۇدەمەلى جىلدامدىق، سالماقتى جويۋ سياقتى ابستراكت سوزدەردى دە ٴتۇسىنۋ ونشا قيىن ەمەس ەكەنىن بايقادىم“. وسى مەكتەپتىڭ تولىق ورتا 2 ـ جىلدىق وقۋشىسى گۇلجانات ۇسەن بىلاي دەدى : عارىشتا ساباق ٴوتۋ مەنىڭ عىلمي بىلىمدەردى ۇيرەنۋدەگى قوزعاۋشى كۇشىمدى ارتتىردى.
جىڭ اۋداندىق جوعارى دارەجەلى ورتا مەكتەپ تولىق ورتا 1 ـ جىلدىعىنداعى وقىتۋشى ـ وقۋشىلار ”تيانگۇڭ ساباقحاناسىن“ بىرگە كورگەننەن كەيىن، ساباقتاستاردىڭ ٴالى قۇمارى قانباي، وقىتۋشىلارمەن بىرگە عارىشكەرلەردىڭ ٴتۇرلى تاجىريبەلەرىنىڭ قاعيداسىن تالقىلادى.
”ماعان ەڭ تەرەڭ اسەر قالدىرعانى كوبىرشۋ تابلەتكاسى تاجىريبەسى بولدى، ٴبىراق كوپتەگەن قاعيدالاردى ٴالى تۇسىنبەدىم. عارىش توتەنشە عاجايىپ ەكەن“. وقۋشى ليۋ يۇيگۋاڭ بىلاي دەدى: ”مەنىڭ ارمانىم عارىشقا بارىپ كورۋ“.
”بۇدان كەيىن ەرەكشە مەكتەپ وقۋلىعى ساباعىن اشۋ، عارىش عىلىمىن جالپىلاستىرۋ لەكسياسىن ورىستەتۋ، عارىش جاڭالىق اشۋ ۇيىمىن قۇرۋ سياقتىلار ارقىلى عارىش بىلىمدەرىن مەكتەپ اۋلاسىنا ەنگىزۋدى ىلگەرىلەتەمىز“، ـ دەدى جىڭ اۋداندىق جوعارى دارەجەلى ورتا مەكتەبىنىڭ باستىعى جاڭ يۇيتاڭ.
اۋدارعان: قادىر ماقان
