قىس كەلىپ، قىستايتىن جىل قۇستارى پونياڭحۋ كولىنە ىركەس – تىركەس جەتتى. سۋرەتتە، پوياڭحۋ كولى الابىنداعى جىل قۇستارى. سۋرەتتى حالىق تورىنىڭ ٴتىلشىسى شى يۇي تۇسىرگەن
حالىق تورىنىڭ 12 – ايدىڭ 12 – كۇنى يۇڭشيۋدەن بەرگەن حابارى (شى يۇي). ”پوياڭحۋ كولىندە تىرنالار بيگە باسىپ، دۇنيە جۇزىمەن قاۋىشتى“، 12 – ايدىڭ 12 – كۇنى 2 – كەزەكتى پوياڭحۋ كولى حالىقارالىق قۇستاردى تاماشالاۋ اپتالىعىنىڭ باستالۋ سالتى جياڭشيدىڭ يۇڭشيۋ قالاسى ۋچىڭ جىل قۇستارى شاعىن قالاشىعىندا وتكىزىلدى. قازىر جۇڭگوداعى ەڭ ۇلكەن تۇششى كول پوياڭحۋ كولى جىل قۇستارىنىڭ قۇتتى مەكەنىنە، سونداي ـ اق ازياداعى ەڭ ۇلكەن جىل قۇستارىنىڭ قىستايتىن جەرىنە اينالدى.
ۇعىسۋعا قاراعاندا، ٴار جىلى كۇز، قىس ماۋسىمدارىندا، بۇكىل جەر شارىنداعى %98تەن استام اق تىرنا، %95تەن استام شىعىس اق لايلەگى، %70تەن استام اق مويىن تىرنا، %60تەن استام جابايى قاز ءسىبىر، موڭعۇليا جانە جۇڭگونىڭ شىعىس سولتۇستىگىنەن پوياڭحۋ كولىنە كەلىپ، 600 - 700 مىڭ جىل قۇسى وسى ارادا تىرشىلىك ەتەدى ەكەن.
جياڭشي ولكەلىك ورمان مەكەمەسى جاريالاعان ساندى مالىمەتتە كورسەتىلۋىنشە، 11 – ايدىڭ 28 - كۇنىنە دەيىن پوياڭحۋ كولىنە جەتكەن قىستامالى جىل قۇستارى 637 مىڭنان اسقان، مۇنىڭ ىشىندە مەملەكەتتىك 1 – دارەجەلى قورعالاتىن حايۋانات 7 ٴتۇرلى، ولار مىنالار: اق تىرنا، اق مويىن تىرنا، اق توبەل تىرنا، قارا لايلەك، شىعىس اق لايلەگى، كوك باس سۇڭگۋىر ۇيرەك جانە قارا بەت جالباعاي، مۇنىڭ ىشىندە جياڭشي ولكەسىنىڭ قۇسى اق تىرنانىڭ سانى 3500دەن اسقان. قۇستاردى تاماشالاۋ اپتالىعى كەزىندە پوياڭحۋ كولىندە قىستايتىن جىل قۇستارى 700 مىڭنان اساتىنى مەجەلەندى.
اۋدارعان: قادىر ماقان
