تيانشان تورى   ›   جاڭالىقتار   ›   ماڭىزدى حابارلار

مادەنيەت سانالىلىعىن كۇشەيتىپ، مادەنيەت سەنىمىن بەكەمدەپ، جۇڭگو ادەبيەت - كوركەمونەرىنىڭ جاڭا بەينەسىن ايگىلەپ، جۇڭحۋا مادەنيەتىنىڭ تىڭ شۇعىلاسىن تۇلعالاۋ كەرەك

شي جينپيڭ جۇڭگو ادەبيەت - كوركەمونەرشىلەر بىرلەستىگىنىڭ مەملەكەتتىك 11 - قۇرىلتايىنىڭ، جۇڭگو جازۋشىلار قوعامىنىڭ مەملەكەتتىك 10 - قۇرىلتايىنىڭ اشىلۋ سالتىندا بىلاي دەپ باسا دارىپتەدى

مادەنيەت سانالىلىعىن كۇشەيتىپ، مادەنيەت سەنىمىن بەكەمدەپ، جۇڭگو ادەبيەت - كوركەمونەرىنىڭ جاڭا بەينەسىن ايگىلەپ، جۇڭحۋا مادەنيەتىنىڭ تىڭ شۇعىلاسىن تۇلعالاۋ كەرەك

لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ قاتىناستى

  12 - ايدىڭ 14 - كۇنى جۇڭگو ادەبيەت - كوركەمونەرشىلەر بىرلەستىگىنىڭ مەملەكەتتىك 11 - قۇرىلتايى، جۇڭگو جازۋشىلار قوعامىنىڭ مەملەكەتتىك 10 - قۇرىلتايى بەيجيڭ حالىق سارايىندا اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قۇرىلتايعا قاتىناستى ءارى ماڭىزدى ءسوز سويلەدى.

□ سۋرەتتى شينحۋا اگەنتتىگىنىڭ ءتىلشىسى راۋ ايمين تۇسىرگەن

  12 - ايدىڭ 14 - كۇنى جۇڭگو ادەبيەت - كوركەمونەرشىلەر بىرلەستىگىنىڭ مەملەكەتتىك 11 - قۇرىلتايى، جۇڭگو جازۋشىلار قوعامىنىڭ مەملەكەتتىك 10 - قۇرىلتايى بەيجيڭ حالىق سارايىندا اشىلدى. شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ قاتارلىلار قۇرىلتايعا قاتىناستى.

□ سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

  شينحۋا اگەنتتىگىنىڭ 12 - ايدىڭ 14 - كۇنى بەيجيڭنەن بەرگەن حابارى. جۇڭگو ادەبيەت - كوركەمونەرشىلەر بىرلەستىگىنىڭ مەملەكەتتىك 11 - قۇرىلتايى، جۇڭگو جازۋشىلار قوعامىنىڭ مەملەكەتتىك 10 - قۇرىلتايى 12 - ايدىڭ 14 - كۇنى تۇستەن بۇرىن بەيجيڭ حالىق سارايىندا اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قۇرىلتايعا قاتىناستى ءارى ماڭىزدى ءسوز سويلەپ بىلاي دەپ باسا دارىپتەدى: 100 جىلدان بەرى پارتيا ادەبيەت - كوركەمونەر شەبىنە باسشىلىق ەتىپ ۇزدىكسىز ىزدەنىس جاساپ، امالياتتان وتكىزىپ، ماركسيزمدى جەتەكشى ەتكەن، جۇڭگونىڭ مەملەكەت جاعدايى مەن مادەنيەت داستۇرىنە ۇيلەسەتىن، حالىقتىق سيپاتتى اسقاقتاتاتىن ادەبيەت - كوركەمونەردى دامىتۋ جولىمەن ءجۇرىپ، ەلىمىز ادەبيەت - كوركەمونەرىنىڭ گۇلدەنىپ - كوركەيۋىنە، دامۋىنا ايقىن العا باسۋ بەتالىسىن كورسەتتى. اماليات ادەبيەت - كوركەمونەر ىستەرى پارتيا مەن حالىقتىڭ ماڭىزدى ءىسى ەكەندىگىن، ادەبيەت - كوركەمونەر شەبى پارتيا مەن حالىقتىڭ ماڭىزدى شەبى ەكەندىگىن، قالىڭ ادەبيەت - كوركەمونەر قىزمەتكەرلەرى پارتيا مەن حالىقتىڭ كۇتكەن ءۇمىتى مەن تالابىنا لايىق ەكەندىگىن تولىق دالەلدەدى.

  شي جينپيڭ بىلاي دەپ باسا دارىپتەدى: زامانىمىزداعى جۇڭگونىڭ تاۋ - سۋى كوركەم، حالقىنىڭ ايبىنى اسقاق، بولاشاعى زور. ءداۋىر ەلىمىز ادەبيەت - كوركەمونەرىنىڭ گۇلدەنىپ - كوركەيۋىنە، دامۋىنا بۇرىن بولىپ كورمەگەن كەڭ ءورىس ازىرلەدى. سوتسياليستىك ادەبيەت - كوركەمونەردىڭ گۇلدەنىپ - كوركەيۋىن، دامۋىن ىلگەرىلەتىپ، سوتسياليستىك مادەنيەتتە قۋاتتى ەل قۇرۋدا قالىڭ ادەبيەت - كوركەمونەر قىزمەتكەرلەرى بۇلتارتپاس بورىش، كەلەلى مىندەت ارقالاپ وتىر، ۇلكەن ىستەر تىندىرا الادى. قالىڭ ادەبيەت - كوركەمونەر قىزمەتكەرلەرى مادەنيەت سانالىلىعىن كۇشەيتىپ، مادەنيەت سەنىمىن بەكەمدەپ، كۇشتى تاريحي ىرىقتىلىق رۋحپەن سوتسياليستىك مادەنيەتتە قۋاتتى ەل بولۋ قۇرىلىسىنا بەلسەنە ات سالىسىپ، حالىق ءۇشىن قىزمەت ىستەۋ، سوتسياليزم ءۇشىن قىزمەت ىستەۋ بەتالىسىنا تاباندى بولىپ، بارلىق گۇل شەشەك اتۋ، جالپى جارىسا ءۇن قاتۋ باعىتىنا تاباندى بولىپ، جاسامپازدىقپەن كادەگە جاراتۋعا، جاڭالىق اشا دامىتۋعا تاباندى بولىپ، نازاردى تۋ ۇستاۋ، جۇرت تىلەگىن ۇيىستىرۋ، جاڭا ادام تاربيەلەۋ، مادەنيەتتى گۇلدەندىرۋ، وبراز ايگىلەۋ سىندى بورىش پەن مىندەتكە شوعىرلاندىرىپ، نەگىز قالاۋ، رۋح سومداۋ جاعىندا جاڭا جاۋاپكەرلىك كورسەتىپ، تۋراشىلدىقتان جازباي، جاڭالىق اشۋ جاعىندا تىڭ ىسكەرلىك كورسەتىپ، تاماشا ءمورالدىق جەتىلىم جاعىندا شىت جاڭا بەينە كورسەتىپ، ءوزىن تىنباي الەۋەتتەندىرەتىن، اسقاق مورالمەن ەلەۋلى مىندەت ارقالايتىن مادەنيەت جاسامپازدىعى ارقىلى جۇڭگو ادەبيەت - كوركەمونەرىنىڭ جاڭا بەينەسىن ايگىلەپ، جۇڭحۋا مادەنيەتىنىڭ تىڭ شۇعىلاسىن تۇلعالاپ، ەكىنشى 100 جىلدىق كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قۋاتتى قۇن جەتەكشى كۇشىن، مادەنيەتتىك ۇيىستىرۋ كۇشىن، رۋحاني دەمەۋ كۇشىن ازىرلەۋ كەرەك.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ قاتىناستى.

  تۇستەن بۇرىن ساعات 10نان 30 مينۋت وتكەندە قۇرىلتاي باستالدى. بۇكىل زالداعىلار ورىندارىنان تۇرىپ، مەملەكەت ءانىن اسقاقتاتا شىرقادى.

  شاتىرلاعان شاپالاق ءۇنى ىشىندە شي جينپيڭ ماڭىزدى ءسوز سويلەپ، پارتيا ورتالىق كوميتەتى اتىنان قۇرىلتايدىڭ اشىلعاندىعىن قىزۋ قۇتتىقتادى، بارلىق ۋاكىلدەرگە جانە بۇكىل ەلدەگى قالىڭ ادەبيەت - كوركەمونەر قىزمەتكەرلەرىنە شىنايى سالەم جولدادى.

  شي جينپيڭ بىلاي دەپ اتاپ كورسەتتى: بيىل جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى. جۇڭگو كوممۋنيستىك پارتياسى قۇرىلعان كۇننەن باستاپ جۇڭحۋا ۇلتىنىڭ ۇلتتىق، عىلمي، بۇقارالىق جاڭا مادەنيەتىن قۇرۋدى ءوزىنىڭ بورىشى ەتىپ، مادەنيەت قۇرىلىسى مەن ادەبيەت - كوركەمونەردىڭ گۇلدەنىپ - كوركەيۋىن، دامۋىن بەلسەنە ىلگەرىلەتتى. 100 جىلدان بەرى پارتيانىڭ باسشىلىعىندا، قالىڭ ادەبيەت - كوركەمونەر قىزمەتكەرلەرى داۋىرمەن تەڭ قادام باسۋعا تاباندى بولىپ، حالىقپەن تىنىستاس، تاعدىرلاس، تىلەكتەس بولىپ، مىزعىماس مۇراتىنان اينىماي توڭكەرىس، قۇرىلىس، رەفورما ىستەرىنە ات سالىسىپ، باي مازمۇندى ادەبيەت - كوركەمونەر فورماسى ارقىلى حالىقتىڭ كۇش - قۋاتىن ارتتىرۋ، ۇلتتىق رۋحتى سەرپىلتۋ ءۇشىن ماڭىزدى رول اتقاردى.

  شي جينپيڭ بىلاي دەپ باسا دارىپتەدى: پارتيا 18 - قۇرىلتايىنان بەرى قالىڭ ادەبيەت - كوركەمونەر قىزمەتكەرلەرى پارتيامەن ءبىر نيەت، ءبىر تىلەكتە بولىپ، حالىقپەن ءبىر بەتالىستا بىرگە ءجۇرىپ، وزەكتى ارقاۋ ەتىپ، كەلەلى جاعدايعا قىزمەت ەتىپ، ءداۋىر دامۋىنىڭ ەكپىندى ۇنىنە ىقىلاسپەن قۇلاق ءتۇرىپ، رەفورما جاساۋدىڭ، جاڭالىق اشۋدىڭ جالىندى امالياتىن جاندى جىرلاپ، ادەبيەت - كوركەمونەر جاسامپازدىعى، ادەبيەت - كوركەمونەر قيمىلى، ادەبيەت - كوركەمونەر ارقىلى حالىققا تيىمدىلىك جاساۋ سياقتى جاقتاردا بەلسەندى ۇلەس قوسىپ، سۇبەلى تابىستارعا قول جەتكىزدى. ادەبيەت، شيجۇي، كينو، تەلەۆيزيا، مۋزيكا، ءبي، اسەمونەر، فوتو سۋرەت، حاتكەرلىك، چۇي - ي، سەرىك ويىنى، حالىقتىق ادەبيەت - كوركەمونەر، ادەبيەت - كوركەمونەر سىنى، بۇقارالىق ادەبيەت - كوركەمونەر، كوركەمونەرلىك تاربيە سياقتى سالالاردىڭ بارلىعى ارشىندى ىلگەرىلەۋشىلىككە قول جەتكىزىپ، ەلىمىزدىڭ ادەبيەت - كوركەمونەر ىستەرىندە بارلىق گۇل شەشەك اتقان، جاندى دا جالىندى كوركەيۋ جاعدايى جارىققا شىقتى.

  شي جينپيڭ ادەبيەت - كوركەمونەر قىزمەتكەرلەرىنە مىناداي 5 ءتۇرلى ءۇمىت ارتتى: ءبىرىنشى، ۇلتتىڭ گۇلدەنۋى سىندى ۇلى ءىستى كوكەيدە ساقتاپ، جاڭا داۋىردەگى جاڭا جورىقتىڭ ايبىندى بەينەسىن قىزۋ ىنتامەن بەينەلەۋ؛ ەكىنشى، حالىق تۇرعىسىندا بەرىك تۇرىپ، ماڭگى وشپەيتىن حالىق ەپوسىن جازۋ؛ ءۇشىنشى، تۋراشىلدىقتان جازباي، جاڭالىق اشۋعا تاباندى بولىپ، داۋىرگە ساي سارا تۋىندىلار جاراتۋ ارقىلى ادەبيەت - كوركەمونەردىڭ تىڭ ءورىسىن اشۋ؛ ءتورتىنشى، جۇڭگو حيكاياسىن سۇيىسپەنشىلىكپەن، كۇش سالا ويداعىداي بايانداپ، دۇنيە جۇزىنە سەنىمدى، سۇيىكتى، قاستەرلى جۇڭگو وبرازىن ايگىلەۋ؛ بەسىنشى، دۇرىس جولدى ساۋلەلەندىرۋگە تاباندى بولىپ، ءمورال مەن ونەردە بىردەي ۇزدىك بولۋعا تالپىنۋ بارىسىندا ءومىر قۇنىن جاراتۋ كەرەك.

  شي جينپيڭ بىلاي دەپ اتاپ كورسەتتى: مادەنيەت − ۇلتتىڭ رۋحاني جان تامىرى، ادەبيەت - كوركەمونەر − ءداۋىردىڭ دابىلى. جاڭا ءداۋىر، جاڭا جورىق − زامانىمىزداعى جۇڭگو ادەبيەت - كوركەمونەرىنىڭ تاريحي ورنى. قالىڭ ادەبيەت - كوركەمونەر قىزمەتكەرلەرى ۇلتتىڭ گۇلدەنۋى سىندى ءداۋىر تاقىرىبىن تەرەڭدەي يگەرىپ، ءومىر تالپىنىسىن، كوركەمونەرلىك ءومىرىن مەملەكەتتىڭ بولاشاعىمەن، ۇلتتىڭ تاعدىرىمەن، حالىقتىڭ تىلەگىمەن تىعىز بىرلەستىرىپ، ادەبيەت - كوركەمونەر ارقىلى كاسىپتى وركەندەتىپ، ادەبيەت - كوركەمونەر ارقىلى نەگىز جەتىلدىرىپ، ادەبيەت - كوركەمونەر ارقىلى سەنىم ورناتىپ، ادەبيەت - كوركەمونەر ارقىلى رۋح سومداپ، ادەبيەت - كوركەمونەر جاسامپازدىعىن ۇلتتىڭ گۇلدەنۋ تاريحىنا جازۋ، حالىقتىڭ كۇرەس جورىعىنا جازۋ كەرەك. ۇلى تاريح كوزقاراسىن، ۇلى ءداۋىر كوزقاراسىن ورناتىپ، تاريحي ءۇردىس پەن ءداۋىردىڭ ۇلكەن اۋقىمىن يگەرىپ، جۇڭحۋا ۇلتىنىڭ مىڭ جىلدىق وراسان زور وزگەرىسىن بەينەلەپ، 100 جىلدىق جۇڭگونىڭ دۇرىس ءومىر جولىن اشىپ كورسەتىپ، وتانشىلدىقتى وزەك ەتكەن ۇلتتىق رۋح پەن رەفورما جاساۋدى، جاڭالىق اشۋدى وزەك ەتكەن ءداۋىر رۋحىن اسقاقتاتىپ، پارتيا قۇرۋ ۇلى رۋحىن ساۋلەلەندىرىپ، ءداۋىر اۋەنىن اسقاقتاتا شىرقاۋى كەرەك. ءداۋىر وزگەرىسىنەن، جۇڭگونىڭ العا باسۋىنان، حالىقتىڭ ۇنىنەن نەگىزگى تاقىرىپ سۇرىپتاپ، ماتەريال ەكشەپ، جۇڭحۋا تاريحىنىڭ كوركەمدىگىن، تاۋ - وزەنىنىڭ كوركەمدىگىن، مادەنيەتىنىڭ كوركەمدىگىن ايگىلەپ، جۇڭگو حالقىنىڭ كۇرەسكەرلىك جىگەرىن، جاسامپازدىق قۋاتىن، دامۋ تابىستارىن سۋرەتتەپ، جاڭا داۋىردەگى رۋحاني بەينەنى جان - جاقتى، تولىق كورىنىسپەن ايگىلەۋ كەرەك.

  شي جينپيڭ بىلاي دەپ باسا دارىپتەدى: حالىقتى قاينار ەتۋ، حالىق ءۇشىن بولۋ، حالىققا ءتان بولۋ − سوتسياليستىك ادەبيەت - كوركەمونەردىڭ ءتۇبىرلى تۇرعىسى، سونداي - اق سوتسياليستىك ادەبيەت - كوركەمونەردىڭ گۇلدەنىپ - كوركەيۋىنىڭ، دامۋىنىڭ قوزعاۋشى كۇش تياناعى. ادەبيەت - كوركەمونەر حالىق تاريحتى جاراتقان ۇلى ءۇردىستى ەڭ ىستىق ىقىلاسپەن جىرلاۋى، جۇڭحۋا ۇلتىنىڭ ۇلى گۇلدەنۋى ءۇشىن كۇرەس جۇرگىزگەن بارشا كۇرەسكەرلەردى، حالىق ءۇشىن قۇربان بولىپ، ءوزىن ارناعان بارلىق قاھارمانداردى ەڭ تەرەڭ سۇيىسپەنشىلىكپەن القاۋى كەرەك. قالىڭ ادەبيەت - كوركەمونەر قىزمەتكەرلەرى حالىقتى وزەك ەتكەن جاسامپازدىق باعدارىنا تاباندى بولىپ، حالىقتىڭ مادەنيەت قاجەتىن قاناعاتتاندىراتىن جانە حالىقتىڭ رۋحاني كۇشىن نىعايتاتىن اناعۇرلىم كوپ تاڭداۋلى تۋىندىلار جاراتىپ، ادەبيەت - كوركەمونەردىڭ گۇل باقشاسىن حالىق ءۇشىن ماڭگى قۇلپىرتۋ كەرەك. حالىقتى تۋىندىنىڭ باس كەيىپكەرى ەتىپ قانا قويماي، ءوزىنىڭ يدەيالىق ىڭعىلى مەن سۇيىسپەنشىلىگىن حالىقپەن ءبىر تۇلعالاندىرىپ، ءداۋىر ءۇشىن، حالىق ءۇشىن جىر سەلدەتۋ كەرەك. جۇڭگو ادەبيەت - كوركەمونەرىنىڭ اسقاقتىققا، ىزگىلىككە تالپىناتىن تاڭداۋلى ءداستۇرىن ساۋلەلەندىرىپ، يدەياسى تەرەڭ، كىرشىكسىز دە قاراپايىم، سارا دا قۋاتتى تاڭداۋلى تۋىندىلار ارقىلى حالىقتىڭ ەستەتيكالىق كوزقاراسىن، قۇن كوزقاراسىن نارلەندىرىپ، حالىقتىڭ رۋحاني ومىردە اناعۇرلىم تولىسۋىنا مۇمكىندىك جاساۋ كەرەك.

  شي جينپيڭ بىلاي دەپ اتاپ كورسەتتى: ءبىر ءداۋىردىڭ ادەبيەت - كوركەمونەر تابىسىن تارازىلاۋدا ەڭ سوڭىندا تۋىندىعا قاراۋ كەرەك، ادەبيەتشىلەردىڭ، كوركەمونەرشىلەردىڭ ءومىر قۇنىن تارازىلاۋدا دا تۋىندىعا قاراۋ كەرەك. قالىڭ ادەبيەت - كوركەمونەر قىزمەتكەرلەرى توسەلۋ بارىسىندا كەمەلدىلىككە تالپىنىپ، باتىلدىقپەن جاڭالىق اشىپ، ءبىزدىڭ وسى ۇلى ۇلتقا، ۇلى داۋىرگە سايما - ساي كەلەتىن تاڭداۋلى تۋىندىلاردى قۇلشىنا جاراتۋ كەرەك. ساپانى جوعارىلاتۋدى ادەبيەت - كوركەمونەر تۋىندىسىنىڭ ارقاۋى ەتىپ، تۋىندىنىڭ رۋحاني قۋاتىن، مادەنيەتتىك ءمانىن، كوركەمونەرلىك قۇنىن ۇزدىكسىز جوعارىلاتۋ كەرەك. جۇڭحۋانىڭ تاڭداۋلى ءداستۇرلى مادەنيەتىنىڭ يدەيالىق كوزقاراسىن، گۋمانيتارلىق رۋحىن، ءمورالدىق ولشەمىن كادەگە جاراتىپ، كوركەمونەردىڭ جاسامپازدىق قۋاتى مەن جۇڭحۋا مادەنيەتى قۇنىن توعىستىرىپ، جۇڭحۋانىڭ ەستەتيكالىق رۋحىمەن جانە زامانىمىزدىڭ كوركەمدىك تالپىنىسىمەن ۇشتاستىرىپ، جۇڭحۋا مادەنيەتىنىڭ ومىرشەڭدىك كۇشىن قاۋلاتۋ كەرەك. جالعاستىرۋ مەن جاڭالىق اشۋدىڭ قاتىناسىن يگەرۋ، بۇرىنعىلاردان ۇيرەنگەندە ەسكىلىككە جابىسىپ الماۋ، قاساڭ قاعيدانى بۇزعاندا زاڭدىلىققا قارسى كەلمەۋ، جۇڭحۋانىڭ تاڭداۋلى ءداستۇرلى مادەنيەتىن ادەبيەت - كوركەمونەردە جاڭالىق اشۋدىڭ ماڭىزدى قاينار بۇلاعىنا اينالدىرۋ كەرەك. جاڭا تەحنيكالاردى، جاڭا تاسىلدەردى دۇرىس قولدانىپ، جاسامپازدىق شابىتتى قاۋلاتىپ، مادەنيەت مازمۇنىن بايىتىپ، يدەيالىق سۇيىسپەنشىلىكتى بەينەلەپ، ادەبيەت - كوركەمونەر جاسامپازدىعىندا مازمۇنى قوردالى، كومەسكى كۇشى مىعىم سونى ءورىستى ايگىلەۋ كەرەك.

  شي جينپيڭ بىلاي دەپ باسا دارىپتەدى: جۇڭگو حالقىنىڭ كۇللى الەمگە دەگەن سۇيىسپەنشىلىگى ەجەلدەن تەرەڭ، زامانىمىزداعى جۇڭگونىڭ ادەبيەت - كوركەمونەرى دۇنيە جۇزىنە، ادامزاتقا كوز تاستاۋى كەرەك. مادەنيەت ارقىلى ادام تاربيەلەۋ جان جۇيەنى اناعۇرلىم ۇيىستىرادى؛ كوركەمونەر ارقىلى كوڭىل توعىستىرۋ دۇنيە جۇزىمەن اناعۇرلىم وڭاي ءتىل تابىستىرادى. قالىڭ ادەبيەت - كوركەمونەر قىزمەتكەرلەرىندە بۇرىنعىلاردىڭ جولىن جالعاستىرىپ، قازىرگى تاڭنىڭ وزگەرىسىنە سايكەسىپ، جۇڭگونىڭ ەستەتيكالىق تۇپكى ويىن ايگىلەيتىن، زامانىمىزداعى جۇڭگونىڭ قۇن كوزقاراسىن تاراتاتىن، بۇكىل ادامزاتتىڭ ورتاق قۇن تالپىنىسىن بەينەلەيتىن اناعۇرلىم كوپ تاڭداۋلى تۋىندىلار جاراتاتىن سەنىم مەن مۇرات بولۋ كەرەك. جۇڭگونىڭ بايتاق دالاسىن تياناق ەتىپ، جۇڭگو حيكاياسىن ويداعىداي بايانداپ، دۇنيە ءجۇزى تانيتىن اناعۇرلىم كوپ جۇڭحۋا مادەنيەتى وبرازىن سومداپ، جاندى دا ستەرەولدى جۇڭگونى قۇلشىنا ايگىلەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ جولىندا تىڭ تاراۋ جازۋ كەرەك. جۇڭحۋا مادەنيەتى تۇرعىسىنان جازباي، دۇنيە جۇزىندەگى ءار ەل ادەبيەتشىلەرىمەن، كوركەمونەرشىلەرىمەن اۋىس - كۇيىس جاساۋ كەرەك. ۇلتقا بەيىمدەلگەن كوركەمونەردىڭ مازمۇنى مەن فورماسىن دامىتۋعا باسا ءمان بەرىپ، ۇلتتىق، حالىقتىق ادەبيەت - كوركەمونەر داستۇرىنە مۇراگەرلىك ەتىپ جانە ونى ساۋلەلەندىرىپ، ستيلدىك اعىمدى، فورمالىق ۇلگىنى كەڭەيتىپ، دۇنيە ءجۇزى ادەبيەت - كوركەمونەر سالاسىندا جۇڭگو ايبىنىن، جۇڭگو ستيلىن ايقىن ورناتۋ كەرەك.

  شي جينپيڭ بىلاي دەپ اتاپ كورسەتتى: ادەبيەت - كوركەمونەر ادام تاربيەلەۋ مىندەتىن ارقالاپ وتىر. ونەگە كورسەتىپ، ادام تاربيەلەيتىن ادام، ءسوز جوق، اۋەلى ءوز بويىنان ونەگە كورسەتۋ؛ رۋحتى سومداپ، نەگىزدى جەتىلدىرەتىن ادام، ءسوز جوق، اۋەلى ءوزىن سومداۋى كەرەك. قالىڭ ادەبيەت - كوركەمونەر قىزمەتكەرلەرى ءوزىنىڭ ءمورالدىق جەتىلىمىن، قوعامدىق وبرازىن تۋىندىنىڭ قوعامدىق ونىمدىلىگىمەن بىرلىككە كەلتىرىپ، كوركەمونەر مۇراتىنا تاباندى بولىپ، ءمورال مەن ونەردە بىردەي ۇزدىك بولۋعا تالپىنىپ، وسكەلەڭ مىنەز - قۇلىق جانە ءتىلى مەن مازمۇنى بىردەي كوركەم تۋىندىلار ارقىلى تاريح ءۇشىن دۇرىس سالت قالدىرۋعا، ادامدار ءۇشىن تاماشا ءمورالدى اسقاقتاتۋعا، ءوزى ءۇشىن ات - اتاعىنا داق سالماۋعا قۇلشىنۋ كەرەك. ادەبيەت - كوركەمونەرى ۇعىنىقتى بولۋ كەرەك، الايدا تۇرپايى، پاسىق، جاعىمپازدىققا استە سالىنباۋ كەرەك. ادەبيەت - كوركەمونەر تۇرمىسقا جاناسىمدى بولۋ كەرەك، الايدا ناشار سالتتى تۋدىرۋشى، ىلەسۋشى، ۋاعىزداۋشى بولۋعا استە بولمايدى. ادەبيەت - كوركەمونەردە جاڭالىق اشۋ كەرەك، الايدا قىم - قۋىت بولۋىنا، لاعىپ كەتۋىنە استە بولمايدى. ادەبيەت - كوركەمونەر ونىمدىلىكتى قاجەت ەتەدى، الايدا پايداقۇمارلىققا سالىنۋىنا، بازاردىڭ قۇلى بولۋىنا استە بولمايدى. شىعارماشىلىقتا قاجىر - قايرات كەرەك، ونەرگە قۋات كەرەك، وبراز سومداۋدان كەلەدى، ونىمدىلىك ساپادان كەلەدى، اتاق - ابىروي ءمورال مەن ونەردەن كەلەدى. قالىڭ ادەبيەت - كوركەمونەر قىزمەتكەرلەرى وزدەرىنىڭ قوعامدىق ىقپالىن قاستەرلەپ، تۋىندىنىڭ قوعامدىق ونىمدىلىگىن مۇقيات، قاتاڭ ويلاسۋ كەرەك. ادەبيەت - كوركەمونەر قىزمەتكەرىنىڭ مىنەز - قۇلقى ناشار بولسا، حالىق ونى قابىلدامايدى، ءداۋىر دە ونى قابىلدامايدى! ءوز قادىرىن ساقتاماسا قۇرمەتكە دە يە بولا المايدى! قالىڭ ادەبيەت - كوركەمونەر قىزمەتكەرلەرى دەڭگەيدى، اۋەن - ستيلدى، جاۋاپكەرشىلىكتى دارىپتەپ، سالاۋاتتى، تۋراشىل ادام بولىپ، كىرشىكسىز جۇمىس ىستەپ، شىنشىلدىقتى، ىزگىلىكتى، سۇلۋلىقتى جىرلاپ، جالعاندىقتى، سۇرقيالىقتى، پاسىقتىقتى سىن تەزىنە الۋ كەرەك. كاسىپتىك سالتتى، كوركەمونەر ءمورالىن ساۋلەلەندىرىپ، ار - نامىسىن ساقتاپ، ءوزىن ايالايتىن، ءوزارا ۇيرەنىپ، ءوزارا ۇلگى الاتىن، تازا، كىرشىكسىز كاسىپتىك سالت قالىپتاستىرۋ كەرەك.

  شي جينپيڭ بىلاي دەپ باسا دارىپتەدى: سوتسياليستىك ادەبيەت - كوركەمونەردى گۇلدەندىرۋ - كوركەيتۋ، دامىتۋ، سوتسياليستىك مادەنيەتتە قۋاتتى ەل قۇرۋ پارتيانىڭ باسشىلىعىندا وتاندى سۇيەتىن، ۇلەس قوساتىن ادەبيەت - كوركەمونەر قىزمەتكەرلەرىن كەڭىنەن ىنتىماقتاستىرىپ، ۇيىستىرىپ، ءمورالدى دا قابىلەتتى ءبىر توپ ادەبيەتشىلەردى، كوركەمونەرشىلەردى جەتىلدىرۋ، سومداۋ قاجەت. جۇڭگو ادەبيەت - كوركەمونەرشىلەر بىرلەستىگىنىڭ، جۇڭگو جازۋشىلار قوعامى ادەبيەت - كوركەمونەر بىرلەستىگىنىڭ، جازۋشىلار قوعامى جۇيەسىنىڭ ۇيىمدىق ابزالدىلىعىن ساۋلەلەندىرىپ، قىزمەت جۇيەسىندە جاڭالىق اشىپ، جاڭا ادەبيەت - كوركەمونەر ۇيىمدارى مەن جاڭا ادەبيەت - كوركەمونەر توپتارىن تاربيەلەۋ، جەتەكتەۋ قىزمەتىن ويداعىداي ىستەپ، نەگىزگى ساتىداعى ادەبيەت - كوركەمونەر قىزمەتكەرلەرىنە بەيىمدەلىپ، ءىس ارقىلى دارىندىلاردى شابىتتاندىرىپ، دارىندىلاردىڭ كاسىپتە تابىسقا جەتۋىنە مۇمكىندىك جاساۋ كەرەك. ءار دارەجەلى پارتكومدار پارتيانىڭ نازارياسى مەن لۋشيان، باعىت - ساياساتتارىن دايەكتىلەندىرىپ، رەفورمانى تەرەڭدەتۋ، ساياساتتى كەمەلدەندىرۋ، ءتۇزىلىستى اقاۋسىزداندىرۋ ارقىلى ۇزدىكسىز سارا تۋىندى شىعاتىن، دارىندىلار شىعاتىن جالىندى جاعداي قالىپتاستىرۋ كەرەك. ماركسيزمدىك ادەبيەت - كوركەمونەر نازارياسى مەن شولۋى قۇرىلىسىن كۇشەيتۋ كەرەك. تاربيەلەۋدى، جەتەكتەۋدى جانە جان - جاقتى باسقارۋدى قاتار يگەرۋگە تاباندى بولىپ، تازا دا كىرشىكسىز ادەبيەت - كوركەمونەر ەكولوگياسىن قۇرۋ كەرەك. دارىندىلاردى تانىپ، دارىندىلاردى ايالاپ، دارىندىلاردى قۇرمەتتەپ، دارىندىلاردى ىستەتىپ، جاس ادەبيەت - كوركەمونەر قىزمەتكەرلەرىن دۇرىس جولدان تايماۋعا، داڭعىل جولمەن جۇرۋگە جەتەكتەپ، ولاردى كوبىرەك جاڭالىق اشۋعا، سارا تۋىندىلار جاراتۋعا ىنتالاندىرىپ، ولاردىڭ اۋىر جۇكتى كوتەرۋىنە، باس رول اتقارۋىنا قولداۋ كورسەتىپ، زامانىمىزداعى جۇڭگو ادەبيەتشىلەرىنىڭ، كوركەمونەرشىلەرىنىڭ بۇلاق سۋىنداي جوڭكىلۋىنە، جۇڭگو ادەبيەت - كوركەمونەر اسپانىنىڭ جارىق جۇلدىزدارمەن اناعۇرلىم نۇرلانا تۇسۋىنە مۇمكىندىك جاساۋ كەرەك.

  جۇڭگو ادەبيەت - كوركەمونەرشىلەر بىرلەستىگىنىڭ ءتوراعاسى، جۇڭگو جازۋشىلار قوعامىنىڭ ءتوراعاسى تيە نيڭ باستالۋ ءسوزىن سويلەدى، كوممۋنيستىك جاستار وداعى ورتالىق كوميتەتى شۋجيچۋىنىڭ ءبىرىنشى شۋجيى حى جۇنكى حالىقتىق ۇيىمدار اتىنان ءسوز سويلەدى.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ءبىر ءبولىم مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى، مەملەكەتتىك كەڭەستەگى، مەملەكەتتىك ساياسي كەڭەستەگى، ورتالىق اسكەري ىستەر كوميتەتىندەگى قاتىستى باسشى جولداستار قۇرىلتايعا قاتىناستى.

  ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، بۇكىل ەلدەگى ادەبيەت - كوركەمونەر قىزمەتكەرلەرىنىڭ ۋاكىلدەرى جانە ەرەكشە ۇسىنىس ەتىلگەن سيلى قوناقتار قاتارلىلاردان شامامەن 3000 ادام قۇرىلتايعا قاتىناستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.