انار بۇلت / شينجياڭ گازەتىنىڭ ءتىلشىسى ۋي يۇڭگۇي 12 - ايدىڭ 14 - كۇنى ۇرىمجىدەن حابارلايدى. 11 - ايدىڭ 30 - كۇنىنەن 12 - ايدىڭ 13 - كۇنىنە دەيىن پارتيا تاريحىن ۇيرەنۋ تاربيەسى بويىنشا ورتالىقتىڭ 10 - جەتەكشىلىك ەتۋ گرۋپپاسى رايونىمىزعا كەلىپ، حوتان ايماعىنا، قاشقار ايماعىنا، قىزىلسۋ قىرعىز اۆتونوميالى وبلىسىنا، بۇراتالا موڭعۇل اۆتونوميالى وبلىسىنا، سانجى حۇيزۋ اۆتونوميالى وبلىسىنا، تۇرپان قالاسىنا، قۇمىل قالاسىنا بارىپ، پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن مۇقيات ۇيرەنۋ، ۇگىتتەۋ، دايەكتىلەندىرۋ، پارتيا تاريحىن ۇيرەنۋ تاربيەسىن ىشكەرىلەي كەڭەيتۋ جونىندە تەكسەرۋ - زەرتتەۋ جۇرگىزىپ، جەتەكشىلىك ەتتى.
حوتان ايماعىندا، جەتەكشىلىك ەتۋ گرۋپپاسىنداعىلار ىلگەرىندى - كەيىندى كەريا اۋدانىنداعى قۇربان تۇلىم ەسكەرتكىش سارايىنا، حوتان ايماقتىق توعىسپالى مەديا ورتالىعىنا، حوتان اۋدانى حانارىق قالاشىعى داۋشياڭ قىستاعىنا، بيڭتۋان 14 - شى 47 - تۋانى شاحاي ساقا اسكەرلەر ەسكەرتكىش سارايىنا، قاراقاش اۋدانى مەملەكەتتىك وسىزاماندانعان اۋىل شارۋاشىلىق كاسىپ سالاسى باقشاسىنا، گۇما اۋدانى چودا اۋىلى اياققى چودا قىستاعىنا بارىپ، نەگىزگى ساتى ورىندارىنىڭ مالىمەتىن ەستۋ، بەينەجازبا كورۋ، پارتيا تاريحى كورمەسىن كورۋ جانە ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن كادرلارمەن، بۇقارامەن اۋىس - كۇيىس جاساۋ سياقتى تاسىلدەر ارقىلى جان - جاقتى جاعداي ۇعىسىپ، تەكسەرۋ - زەرتتەۋ، جەتەكشىلىك ەتۋ قىزمەتىن ىشكەرىلەي، ەگجەي - تەگجەيلى ورىستەتتى.
قۇربان تۇلىم ەسكەرتكىش سارايىندا، قۇربان اتايدىڭ شوبەرە جيەن قىزى رۋقيام ءماتسايدى جەتەكشىلىك ەتۋ گرۋپپاسىنا ەسكەرتكىش سارايىنىڭ ۇلتتار ىنتىماعى، العاباسارلىعى تاربيەسىن تەرەڭدەتۋ، جۇڭحۋا ۇلتى ورتاق تۇلعا تانىمىن بەرىك ورناتۋ سياقتى جاقتاردا اتقارعان رولىن ەگجەي - تەگجەيلى تانىستىردى؛ اياققى چودا قىستاعىنىڭ جاڭا ءداۋىر وركەنيەت امالياتى ورتالىعىندا، جەتەكشىلىك ەتۋ گرۋپپاسى قىستاقتاعى پارتيا مۇشەلەرىمەن بەتپە - بەت پىكىر اۋىستىرىپ، سىرلاستى؛ بيڭتۋان 14 - شى 47 - تۋانىندا، جەتەكشىلىك ەتۋ گرۋپپاسى جۇڭگو حالىق ازاتتىق ارمياسىنىڭ حوتانعا جورىق جاساۋ ەسكەرتكىشىنىڭ الدىنا گۇل شارباق قويدى؛ گۇما اۋدانىنىڭ جاڭا ءداۋىر وركەنيەت امالياتى ورتالىعىنداعى عايرات مامۇت قاھارماننىڭ ىزگى ىستەرى كورمە سارايىندا، جەتەكشىلىك ەتۋ گرۋپپاسى ”حالىق قاھارمانى“ عايرات مامۇت تۋرالى اڭگىمەنى مۇقيات تىڭدادى ءارى عايرات مامۇتتىڭ جەسىرى مەن قىزىنا امانداسا بارىپ، قاھارماننىڭ كوزى ءتىرى كەزىندەگى اسەرلى ىزگى ىستەرىنە وسكەلەڭ قۇرمەت ءبىلدىردى، وتباسىنداعىلاردان شىنايى حال سۇرادى.
قاشقار ايماعىندا، جەتەكشىلىك ەتۋ گرۋپپاسىنداعىلار قاعىلىق قۇرباندار قابىرستاندىعى، ياركەن اۋدانى گىبي كاسىپ سالاسى باقشاسى، كونەءشار اۋدانى توققۇزاق قالاشىعى اياققى مانگان قىستاعى، كونەءشار اۋدانى توققۇزاق قالاشىعى سەنترلى باستاۋىش مەكتەبى، قاشقار نان كاسىپ سالاسى باقشاسى، قاشقار كونە قالاسى، قاشقار داشۋەسى شينچۋان مەكتەپ رايونى سياقتى جەرلەرگە بارىپ، جاعدايدى ءار تۇرعىدان، جان - جاقتى ۇعىسىپ، قاشقار ايماعىنىڭ پارتيا تاريحىن ۇيرەنۋ تاربيەسىنە تۇرلەر بويىنشا جەتەكشىلىك ەتتى.
قاعىلىق قۇرباندار قابىرستاندىعىندا، جەتەكشىلىك ەتۋ گرۋپپاسىنداعىلار توڭكەرىستىك قۇرباندارعا گۇل شارباق قويىپ، باس ءيىپ قۇرمەت ءبىلدىرىپ، پارتياعا كىرۋ سەرتىن قايتا ەسكە الدى ءارى قۇرباندار ەسكەرتكىشىنە قۇرمەت كورسەتتى؛ ياركەن اۋدانىنىڭ گىبي كاسىپ سالاسى باقشاسىندا جەتەكشىلىك ەتۋ گرۋپپاسى كاسىپ سالاسى باقشاسىنىڭ حالىق ءۇشىن ناقتى ءىس ىستەپ، شارۋالاردىڭ سول جەردىڭ وزىندە، جاقىن ماڭدا جۇمىسقا ورنالاسۋىن شەشىم ەتۋ سياقتى جاعدايلارىن تولىق تۇراقتاندىردى؛ قاشقار 2 - ورتا مەكتەبىندە (جاڭاءشار مەكتەپ رايونى) جەتەكشىلىك ەتۋ گرۋپپاسى ”ءداۋىر ونەگەسى“ لاچين بايەكەنىڭ بالالارىنان حال سۇراپ، ولاردى ونەردى جاقسى يگەرىپ، جان - جاقتى دامىپ، جاڭا ءداۋىردىڭ ءىزباسارلارى بولۋعا شابىتتاندىردى.
2014 - جىلى 4 - ايدىڭ 28 - كۇنى باس شۋجي شي جينپيڭ اياققى مانگان قىستاعىنا كەلىپ، قىستاق تۇرعىندارىنان حال سۇراپ، ابدۇقيۇم روزىنىڭ ۇيىندە اۋىلداستارمەن اڭگىمە دۇكەن قۇرعان بولاتىن. اياققى مانگان قىستاعىندا جەتەكشىلىك ەتۋ گرۋپپاسىنداعىلار ابدۇقيۇم روزىنىڭ ۇيىنە بارىپ ءوندىرىس، تۇرمىس جاعدايىن ۇعىستى.
”پارتيا مەن ۇكىمەتتىڭ قامقورلىعىندا، ءبىز بەيقۇت ۇيگە كوشىپ كىردىك، ەمدەلۋىمىز قامتاماسىز ەتىلدى، بالالارىمىز وقۋ وقىعاندا قورەكتىگى مول تاعامدار جەيتىن بولدى. ءبىر ءۇيلى جاننىڭ تۇرمىسى بارعان سايىن جاقساردى، قازىرگى تۇرمىسىما ءدان ريزامىن. پارتياعا العىس ايتامىن، باس شۋجي شي جينپيڭگە العىس ايتامىن! مەن اۋىلداستارمەن بىرگە باس شۋجي شي جينپيڭنىڭ ىقىلاستى تاپسىرماسىن ەستە ماڭگى بەرىك ساقتاپ، باقىتتى تۇرمىستى قاستەرلەپ، پارتيانىڭ مەيىرىنە العىس ايتىپ، پارتيانىڭ سوزىنە قۇلاق اسىپ، پارتياعا ىلەسەمىن“، - دەدى ابدۇقيۇم روزى تەبىرەنە.
قىزىلسۋ وبلىسىندا، جەتەكشىلىك ەتۋ گرۋپپاسىنداعىلار ۇلۇقشات اۋدانىنا، اقتاۋ اۋدانىنا، اتۇش قالاسىنا بارىپ، قىزىلسۋ وبلىسىنىڭ پارتيا تاريحىن ۇيرەنۋ تاربيەسىن ورىستەتۋ جاعدايىن ىشكەرىلەي ۇعىسىپ، پارتيا تاريحىن ۇيرەنۋ تاربيەسىنىڭ تەرەڭدەۋىن، ناقتىلانۋىن ىلگەرىلەتتى.
ۇلۇقشات اۋدانى جىعىن اۋىلىندا، جەتەكشىلىك ەتۋ گرۋپپاسى ”حالىق ونەگەسى“ بۇرماحان مولدوعا امانداسا بارىپ، ونىڭ 50 جىلدى ءبىر كۇندەگىدەي وتكىزىپ، شەكارانى كۇزەتكەن، شەكارانى قورعاعان قاھارماندىق حيكاياسىن مۇقيات تىڭدادى؛ ۇلۇقشات اۋدانى جىعىن اۋىلى سىمقانا قىستاعىندا تۇراتىن شەكارا قورعانىس بەلگىلى بولىمىندە، جەتەكشىلىك ەتۋ گرۋپپاسى جەرگىلىكتى ورىنداعى شەكارا قورعاۋشىلارعا امانداسا بارىپ، حال سۇرادى ءارى جەرگىلىكتى ورىنداعى پارتيالى كادرلارمەن بىرگە ۇيىمدىق تۇرمىس وتكىزىپ، پارتياعا كىرۋ سەرتىن قايتا ەسكە الدى؛ اتۇش قالاسى سۇنتاع اۋىلى ازعان قىستاعىندا، جەتەكشىلىك ەتۋ گرۋپپاسى جەرگىلىكتى ورىنداعى قىستاق تۇرعىندارىمەن اڭگىمەلەسىپ، وسى قىستاقتىڭ پارتيا تاريحىن ۇيرەنۋ تاربيەسى ارقىلى اۋىل - قىستاقتى گۇلدەندىرۋدى ىلگەرىلەتۋ جاعدايىن ىشكەرىلەي ۇعىستى.
اقتاۋ اۋدانى چارلۇڭ قالاشىعى كۇنلۇن جيايۋاندا، جەتەكشىلىك ەتۋ گرۋپپاسى كوشىپ كەلگەن سارا قۇرباننىڭ وتباسىنا امانداسا باردى. سارا قۇربان وسى اۋداننىڭ تۇڭعىش توپتاعى قونىس جاڭالاپ كەدەيلەردى سۇيەمەلدەۋ وبيەكتىسى، ول قونىس جاڭالاعاننان كەيىن ءبىر اسحانا اشىتى ءارى توڭىرەگىندەگى ەگىنشى - مالشىلاردىڭ كىرىسىن ارتتىرۋىنا كومەكتەستى. ول: ”پارتيانىڭ ساياساتى جاقسى، تاۋ قويناۋىنان كوشىپ شىققان بىزدەر ەندىگارى كەدەيلەسپەيتىن بولدىق. مەن پارتيانىڭ سوزىنە قۇلاق اسىپ، قوس قولىما سۇيەنىپ تۇرمىسىمدى جاقسى وتكىزىپ، كوپشىلىكتى بىرگە بايۋعا باستايمىن“، - دەدى.
بۇراتالا وبلىسىندا، جەتەكشىلىك ەتۋ گرۋپپاسىنداعىلار اراسان اۋدانى زالىمتى اۋىلى بوگدۇر قىستاعى، بۇراتالا قالالىق 1 - بالاباقشا، بۇراتالا قالاسى چىندەل ءمالىسى دۇڭفاڭحۇڭ الەۋمەتتىك اۋماعى، بۇراتالا وبلىسى جالپى حالىقتىق دەنە شىنىقتىرۋ ورتالىعى. مادەنيەت - كوركەمونەر ورتالىعى سياقتى جەرلەرگە بارىپ تەكسەرۋ - زەرتتەۋ جۇرگىزىپ، جەتەكشىلىك ەتتى.
بوگدۇر قىستاعىنىڭ مادەنيەت اۋلاسىندا، جەتەكشىلىك ەتۋ گرۋپپاسىنداعىلار اراسان اۋدانىنىڭ ۇلانمۇچىر ويىن - ساۋىق ۇيىرمەسىنىڭ پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحى جونىندەگى ۇگىت لەكسياسىن ءار ۇلت قىستاق تۇرعىندارىمەن بىرگە كوردى؛ بۇراتالا كاسىپتىك - تەحنيكالىق شۋەيۋانىندا، جەتەكشىلىك ەتۋ گرۋپپاسىنداعىلار وسى مەكتەپتىڭ ماركسيزم شۋەيۋانىنا، مەكتەپ تاريحى سارايىنا، ”4 تاريح سارايىنا“، اۆتوكولىك جاتتىعۋ ورتالىعىنا بارىپ، ءار ۇلت وقىتۋشى - وقۋشىلارىمەن ىقىلاسپەن اڭگىمەلەسىپ، پارتيا تاريحىن ۇيرەنۋ تاربيەسى، ”مەن بۇقارا ءۇشىن ناقتى ءىس ىستەيمىن“ امالياتتىق قيمىلى، يدەيا - ساياسي ساباقتى وقىتۋ جانە شەبەرلىككە تاربيەلەۋ سياقتى جاعدايلاردى ەگجەي - تەگجەيلى سۇراپ ۇعىستى. جەتەكشىلىك ەتۋ گرۋپپاسىنداعىلار تاعى بيڭتۋان 5 - شى شۋاڭحى قالاسىنا بارىپ، پارتيا تاريحىن ۇيرەنۋ تاربيەسى جونىندە تەكسەرۋ - زەرتتەۋ جۇرگىزىپ، جەتەكشىلىك ەتتى.
سانجى وبلىسىندا، جەتەكشىلىك ەتۋ گرۋپپاسىنداعىلار جەمسارى اۋدانى بەيتيڭ بايىرعى قالاسى مەملەكەتتىك ارحەولوگيالىق جۇرتى باقشاسى، سانجى قالاسىنىڭ جاڭا ءداۋىر وركەنيەت امالياتى ورتالىعى، سانجى نان كاسىپ سالاسى مادەنيەت - ساياحات شاعىن قالاشىعى، شينجياڭ ەرەكشە ترانسفورماتور شەكتى جارنا سەرىكتەستىگى سياقتى جەرلەرگە بارىپ تەكسەرۋ - زەرتتەۋ جۇرگىزىپ، جەتەكشىلىك ەتتى.
فۋكاڭ قالاسىندا، سانجى قالاسىندا، جەتەكشىلىك ەتۋ گرۋپپاسى 8 - كەزەكتى مەملەكەتتىك ءمورال ۇلگىسىنە كورسەتۋ سيلىعىنا يە بولعان سانيحان ايتام مەن سۋ يۇيچينگە امانداسا باردى ءارى ولاردان حال سۇرادى؛ جەمسارى اۋدانى بەيتيڭ بايىرعى قالاسى مەملەكەتتىك ارحەولوگيالىق جۇرتى باقشاسىندا، جەتەكشىلىك ەتۋ گرۋپپاسى ەسكى جۇرتتاردى قورعاۋ، باسقارۋ، كورمەگە قويۋ، پايدالانۋ، تاقىرىپتىق زەرتتەۋ سياقتى جاعدايلارعا تەكسەرۋ - زەرتتەۋ جۇرگىزدى؛ فۋكاڭ قالاسى چىڭگۋان قالاشىعىنىڭ شانپو سەنترلى قىستاعىندا، جەتەكشىلىك ەتۋ گرۋپپاسى حالىق ءۇشىن ناقتى ىستەر ىستەۋ، قىستاق تۇرعىندارىنىڭ شارۋاشىلىق قۇرۋ، جۇمىسقا ورنالاسۋ جاعدايىن ىشكەرىلەي ۇعىستى؛ سانجى قالاسىنىڭ جاڭا ءداۋىر وركەنيەت امالياتى ورتالىعىندا، جەتەكشىلىك ەتۋ گرۋپپاسى ”تيانشان اسەم سۋرەتى. زامانىمىزداعى سانجى جەلىلەس اسەمونەر فوتو سۋرەت كورمەسى“، سانجى وبلىسىنىڭ پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋى جونىندەگى نەگىزگى تاقىرىپتىق ۇگىت لەكسيا قيمىلى سياقتىلاردى كوردى.
تۇرپان قالاسىندا، جەتەكشىلىك ەتۋ گرۋپپاسىنداعىلار گاۋچاڭ رايونى يار قالاشىعى شينچىڭ شيمىن قىستاعى، لاۋچىڭ جولى ءمالى باسقارماسى شينچۇن الەۋمەتتىك اۋماعى، ءجۇزىم قالاشىعى باعرى الەۋمەتتىك اۋماعى، تۇرپان مۇراجايى، ءپىشان اۋدانى تۇيۇق اۋىلى تۇيۇق قىستاعى، تۇرپان كروران اراق قورجالىعى شەكتى جارنا سەرىكتەستىگى سياقتى جەرلەرگە ىشكەرىلەي بارىپ تەكسەرۋ - زەرتتەۋ جۇرگىزىپ، جەتەكشىلىك ەتتى.
شينچىڭ شيمىن قىستاعىندا، جەتەكشىلىك ەتۋ گرۋپپاسى قىستاق تۇرعىنى ءامينيقان قادىر وتباسىنداعىلارمەن ىقىلاسپەن اڭگىمەلەسىپ، پارتيا تاريحىن ۇيرەنۋ تاربيەسىن، ءوندىرىس، تۇرمىس جاعدايىن ەگجەي - تەگجەيلى ۇعىستى. وسى قىستاقتاعى قىزىل انار جاڭاشا شارۋا جۇمىسكەرلەر وتباسىنىڭ شارۋا - جۇمىسكەرلەر كىتاپ ۇيىندە قىستاق تۇرعىندارى مەن پارتيا مۇشەلەرى 100 جىلدىق پارتيا تاريحى جونىندە پىكىر اۋىستىرىپ، ۇيرەنىپ، قىزىل كىتاپتاردى وقىدى. جەتەكشىلىك ەتۋ گرۋپپاسىنداعىلار قىستاق تۇرعىندارىمەن جانە پارتيا مۇشەلەرىمەن كىتاپ ۇيىندە بەتپە - بەت پىكىر اۋىستىردى. قىستاق تۇرعىندارى پارتيانىڭ بۇقارانى باقىتتى تۇرمىس كەشىرۋگە باستاعانىن، پارتيانىڭ مەيىر - شاپاعاتىن ماڭگى ەستە بەرىك ساقتايتىندىقتارىن ءبىلدىردى.
قۇمىل قالاسىندا، جەتەكشىلىك ەتۋ گرۋپپاسىنداعىلار ىلگەرىندى - كەيىندى باركول قازاق اۆتونوميالى اۋدانى ياڭ جۇڭشيان ەسكەرتكىش سارايى، ۋىنبو باقشاسى، جيانكۇن مال شارۋاشىلىق شەكتى سەرىكتەستىگى، حۋايۋان اۋىلى حۋاجۋاڭزى قىستاعى جانە قۇمىل قالاسى يجوۋ رايونى جۇڭگو جۇمىسشى - شارۋا قىزىل ارمياسى باتىس باعىت ارمياسىنىڭ شينجياڭعا كىرۋ ەسكەرتكىش باقشاسى سياقتى جەرلەرگە بارىپ تەكسەرۋ - زەرتتەۋ جۇرگىزىپ، جەتەكشىلىك ەتىپ، قۇمىل قالاسىنىڭ قىزىل بايلىقتان تولىق پايدالانىپ، پارتيا تاريحىن ۇيرەنۋ تاربيەسىن تەرەڭدەتۋ، ”پارتياعا ماڭگى ىلەسۋ − تاريحقا نازار سالۋ، اتا مەكەندى ساياحاتتاۋ، وتاندى ءسۇيۋ“ قيمىلى، ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىنىڭ ورىستەتىلۋى سياقتى جاعدايلاردى تەكسەرىپ - زەرتتەدى. باركولدە، جەتەكشىلىك ەتۋ گرۋپپاسىنداعىلار 3 ۇرپاق بويى ەرىكتى ۇگىتشى بولعان، قازاق مالشىسى بەيىسحان ۋالشا وتباسىنا امانداسا بارىپ، بەيىسحان ۋالشانىڭ نەمەرە قىزى شىناردىڭ ينتەرنەت تەكشەسىنەن پايدالانىپ شينجياڭنىڭ ءدامدى تاعامدارىن، كوركەم كورىنىسىن، اتا مەكەنىنىڭ كۇن سايىن جاڭالانعان وزگەرىسىن، ءار ۇلت بۇقاراسىنىڭ ىنتىماقتى، جاراسىمدى تۇرمىسىن ۇگىتتەگەنىن تۇراقتاندىردى جانە شابىتتاندىردى.
تەكسەرۋ - زەرتتەۋ بارىسىندا جەتەكشىلىك ەتۋ گرۋپپاسىنىڭ باستىعى ۋي داپىڭ بىلاي دەپ اتاپ كورسەتتى: پارتيا تاريحىن ۇيرەنۋ تاربيەسىن ورىستەتۋ − شي جينپيڭ جولداستى ۇيتقى ەتكەن پارتيا ورتالىق كوميتەتى شىعارعان كەلەلى شەشىم. كەزەكتە پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋدى، دايەكتىلەندىرۋدى ءتۇيىن ەتىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنۋدى ءتۇبىرلى تالاپ ەتىپ، دۇرىس بەتالىستى يگەرىپ، ۇگىت لەكسيانى كەڭ كولەمدە ىشكەرىلەي ورىستەتىپ، ءار ۇلت بۇقاراسىنا پارتيانىڭ 100 جىلدىق كۇرەسىنىڭ شۇعىلالى بارىسىن، شۇعىلالى تابىستارىن، تاريحي ءمانىن، تاريحي تاجىريبەلەرىن جەتە ءتۇسىندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ وي - ساناعا، جۇرەككە ۇيالاۋىن ىلگەرىلەتۋ كەرەك. ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن ۇزدىكسىز ويداعىداي ورىستەتىپ، بۇقارا كوڭىل ءبولىپ وتىرعان ”شۇعىل، قيىن، ۋايىمداعان، ءزارۋ“ ماسەلەلەردى ءداپ باسىپ تاۋىپ، ناقتى ءىس ىستەۋدىڭ ناقتى ونىمدىلىگىن جوعارىلاتىپ، بۇقارانىڭ ريزا بولۋ دەڭگەيىن جوعارىلاتىپ، پارتيانىڭ مەيىرىنە العىس ايتاتىن، پارتيانىڭ سوزىنە قۇلاق اساتىن، پارتياعا ىلەسەتىن قويۋ راي قالىپتاستىرۋ كەرەك. پارتيا تاريحىن ۇيرەنۋ تاربيەسى ارقىلى قالىڭ پارتيالى كادرلاردى شىنايى تۇردە ”ءتورت تانىمدى“ كۇشەيتۋگە، ”ءتورت سەنىمدى“ بەكەمدەۋگە، ”ەكىنى قورعاۋدى“ ورىنداۋعا جەتەكتەپ، ”ەكىنى تۇراقتاندىرۋدى“ تاباندىلىقپەن، باتىلدىقپەن قولداپ، نەگىزگى ساتى پارتيا ۇيىمدارىنىڭ جاۋىنگەر قورعاندىق رولى مەن پارتيا مۇشەلەرىنىڭ اۆانگارد ۇلگىلىك رولىن تولىق ساۋلەلەندىرىپ، ۇكىمەت قىزمەتكەرى تانىمىن، حالىق ءۇشىن قىزمەت ىستەۋ سۇيىسپەنشىلىگىن كۇشەيتىپ، قىزمەت جاۋاپكەرشىلىگىن، بورىشىن ويداعىداي اتقارىپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الۋ كەرەك.
اۆتونوميالى رايوندىق پارتكوم پارتيا قۇرىلىسى قىزمەتى باسشىلىق گرۋپپاسىنىڭ ورىنباسار باستىعى، اۆتونوميالى رايوندىق پارتكوم پارتيا تاريحىن ۇيرەنۋ تاربيەسى باسشىلىق گرۋپپاسىنىڭ ورىنباسار باستىعى، كەڭسە مەڭگەرۋشىسى تيان ۋىن بىرگە تەكسەرۋ - زەرتتەۋ جۇرگىزدى.
