تيانشان تورى   ›   جاڭالىقتار   ›   ماڭىزدى حابارلار

شي جينپيڭ جۇڭحۋا مەملەكەتتىك اقپارات قىزمەتكەرلەرى قوعامى 10 - كەزەكتى القالار كەڭەسىنىڭ 1 - رەتكى ءماجىلىسىنىڭ جانە جۇڭگو اقپارات سيلىعىن تاراتۋ ءماجىلىسىنىڭ ۋاكىلدەرىمەن كەزدەستى

لي كىچياڭ، ۋاڭ حۋنيڭ كەزدەسۋگە قاتىناستى

  12 - ايدىڭ 15 - كۇنى پارتيا مەن مەملەكەت باسشىلارىنان شي جينپيڭ، لي كىچياڭ، ۋاڭ حۋنيڭ قاتالىلار بەيجيڭ حالىق سارايىندا جۇڭحۋا مەملەكەتتىك اقپارات قىزمەتكەرلەرى قوعامى 10 - كەزەكتى القالار كەڭەسىنىڭ 1 - رەتكى ءماجىلىسىنىڭ جانە جۇڭگو اقپارات سيلىعىن تاراتۋ ءماجىلىسىنىڭ ۋاكىلدەرىمەن كەزدەستى.

□ سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

  شينحۋا اگەنتتىگىنىڭ 12 - ايدىڭ 15 - كۇنى بەيجيڭنەن بەرگەن حابارى. جۇڭحۋا مەملەكەتتىك اقپارات قىزمەتكەرلەرى قوعامى 10 - كەزەكتى القالار كەڭەسىنىڭ 1 - رەتكى ءماجىلىسى جانە جۇڭگو اقپارات سيلىعىن تاراتۋ ءماجىلىسى 12 - ايدىڭ 15 - كۇنى بەيجيڭدە وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ حالىق سارايىندا ءماجىلىس ۋاكىلدەرىمەن ىقىلاسپەن كەزدەسىپ، ولاردان شىنايى حال سۇرادى جانە ولاردى قىزۋ قۇتتىقتادى.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، ۋاڭ حۋنيڭ كەزدەسۋگە قاتىناستى.

  تۇستەن كەيىن ساعات 3تەن 10 مينۋت وتكەندە شي جينپيڭ قاتارلىلار حالىق سارايىنىڭ جينسى زالىنا كەلدى، بۇكىل زالدى شاتىرلاعان شاپالاق ءۇنى كەرنەدى. شي جينپيڭ قاتارلىلار ۋاكىلدەردىڭ اراسىنا كەلىپ، كوپشىلىكپەن ىقىلاسپەن پىكىرلەستى ءارى بىرگە سۋرەتكە ءتۇسىپ ەستەلىك قالدىردى.

  حۋاڭ كۇنميڭ كەزدەسۋگە قاتىناستى ءارى ءماجىلىستىڭ اشىلۋ سالتىندا پارتيا ورتالىق كوميتەتى اتىنان ءسوز سويلەدى. ول مىنالاردى ءبىلدىردى: قالىڭ اقپارات قىزمەتكەرلەرى پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيانىڭ جاسامپاز نازارياسىن ىشكەرىلەي ۇگىتتەپ، ءتۇسىندىرىپ، پارتيانىڭ ءۇنىن بەلسەنە تاراتىپ، ءجۇرۋ قابىلەتىن، كورۋ قابىلەتىن، ويلاۋ قابىلەتىن، جازۋ قابىلەتىن ۇزدىكسىز كۇشەيتىپ، جاڭا داۋىردەگى بۇقارالىق لۋشيانمەن دەن قويا ويداعىداي ءجۇرىپ، سەنىمدى، سۇيىكتى، قادىرلى جۇڭگو وبرازىن بەلسەنە سومداپ، پارتيا مەن مەملەكەت قىزمەتىنىڭ كەلەلى جاعدايىنا پارمەندى قىزمەت وتەۋ كەرەك. جۇڭگو تىلشىلەر قوعامى يدەيالىق - ساياسي جەتەكشىلىكتى كۇشەيتىپ، اقپارات قىزمەتكەرلەرىمەن بايلانىس جاساۋ، قىزمەت وتەۋ قابىلەتى مەن دەڭگەيىن ۇزدىكسىز جوعارىلاتۋى كەرەك.

  باستالۋ سالتىندا جۇڭگو تىلشىلەر قوعامىنىڭ ءتوراعاسى جاڭ ياننۇڭ باستالۋ ءسوزىن سويلەدى، جۇڭگو ادەبيەت - كوركەمونەرشىلەر بىرلەستىگى پارتيا باسشىلىق گرۋپپاسىنىڭ شۋجيى لي ي حالىقتىق ۇيىمدار اتىنان قۇتتىقتاۋ ءسوزىن سويلەدى. ءماجىلىس 31 - كەزەكتى جۇڭگو اقپارات سيلىعى يەگەرلەرىنىڭ ۋاكىلدەرىنە سيلىق تاراتتى.

  ديڭ شۋەشياڭ، سۇن چۇنلان، چىن شي، جي بيڭشۋان، شياۋ جيە، ليۋ چيباۋ كەزدەسۋگە قاتىناستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.