انار بۇلت / شينجياڭ گازەتىنىڭ ءتىلشىسى گاۋ فىڭ 12 - ايدىڭ 16 - كۇنى ۇرىمجىدەن حابارلايدى. مەملەكەتتىك ساناق مەكەمەسى شينجياڭ تەكسەرۋ باس اترەتىنەن ۇعىسۋعا قاراعاندا، مەملەكەتتىك ساناق مەكەمەسىنىڭ تەكسەرىپ تۇراقتاندىرۋىنا قاراعاندا، بيىل شينجياڭنىڭ ماقتا جالپى ءونىم مولشەرى 5 ميلليون 129 مىڭ توننا بولىپ، بۇكىل ەل ماقتا ءونىم مولشەرىنىڭ ％90كە تاياۋىن يەلەگەن؛ شينجياڭنىڭ ماقتا ءونىم مولشەرى ءۇرتىس 4 جىل ورنىقتى تۇردە 5 ميلليون توننادان اسىپ، بۇكىل ەلدە يەلەگەن سالىستىرماسى ءۇرتىس 5 جىل ％80تەن اسقان.
بيىل جىل باسىنان بەرى، شينجياڭ جوعارى ءتۇسىمدى باسىمدىققا يە ماقتا ءوندىرىس ءوڭىرىن دامىتۋدى ورنالاستىرىپ، سۋ قاينارىمەن قامتاماسىز ەتۋ مۇمكىندىگى جوق، جەمىس اعاشى اراسىنا ماقتا ارالاس ەگىلەتىن ەكىنشى ورىنداعى ماقتا ەگۋ ءوڭىرىن شەگىندىرىپ، ماقتانى ساپالى ماقتا وندىرەتىن اۋدانعا، قالاعا شوعىرلاندىرۋدى ىلگەرىلەتىپ، ءوندىرىس بايلىق قاينارىنان پايدالانۋ ورەسىن جوعارىلاتتى. بۇكىل رايوننىڭ ماقتا ەگىلگەن جەر اۋماعى 2 ميلليون 506 مىڭ 100 گەكتار بولىپ، سايكەس مەزگىلدەگىدەن 4200 گەكتار ارتتى.
مەملەكەتتىك ساناق مەكەمەسى شينجياڭ تەكسەرۋ باس اترەتىنىڭ سول جەردىڭ وزىندە تەكسەرۋ ناتيجەسىنەن قاراعاندا، شينجياڭ ماقتا ساپاسىن جوعارىلاتۋدى ۇزدىكسىز ىلگەرىلەتكەن، ۇقساس ءبىر ەكولوگيالىق ماقتا ەگىمشىلىك ءوڭىرىنىڭ تەكسەرۋ وڭىرىندەگى ەگىلگەن ماقتانىڭ سورتى بىرتىندەپ بىركەلكىلىككە بەت الىپ، بۇكىل رايوننىڭ ماقتا سورتىنىڭ بىركەلكىلىگى ءونىمدى جوعارىلاپ، شينجياڭنىڭ ماقتا بىرلىك ءونىمى نەگىزىنەن تۇراقتىلىقتى ساقتاعان. بۇكىل رايوننىڭ ماقتا بىرلىك اۋماعىنىڭ ءونىم مولشەرى ءار گەكتارىنا 2046.4 كيلوگرامعا (ءار مۋىنان 136.4 كيلوگرام) جەتكەن.
تاياۋ جىلدان بەرى شينجياڭ جاڭا دامۋ ۇستانىمىن جەتەكشى ەتىپ، استىقتى ورنىقتىرۋ، ماقتانى ساپالىلاندىرۋ دامۋ وي جەلىسىنە ساي، ماقتا ءوڭىرى ورنالاسىمىن جانە سورت قۇرىلىمىن ۇزدىكسىز ساپالىلاندىرىپ، ماقتا ەگىمشىلىگىن باسىمدىققا يە ءوندىرىس رايونىنا شوعىرلاندىرۋعا جەتەلەپ، ماقتانىڭ نىسانالى باعا ساياساتىنىڭ ماقتا ءوندىرىسى ساپاسىمەن سايكەسۋ مەحانيزمىن ۇزدىكسىز اقاۋسىزداندىرىپ، ماقتانىڭ قامداۋ جاعىنداعى قۇرىلىمدىق رەفورماسىن ىشكەرىلەي اتقارىپ، كاسىپ تىزبەگىن، قامداۋ تىزبەگىن ۇزدىكسىز ۇزارتىپ، كەمەلدەندىرىپ، ماقتا كاسىپ سالاسىنىڭ ساپاسى مەن ونىمدىلىگىن جاپپاي جوعارىلاتتى. سونىمەن قاتار، ماقتانى ماشينالاندىرىپ جيناۋ سياقتى تەحنيكالاردى جالپىلاستىرۋدى ۇزدىكسىز كەڭەيتىپ، ماقتانى كولەمدەندىرە، شوعىرلاندىرا ەگۋدى دامىتۋعا جەتەلەپ، سەلبەستىك كووپەراتيۆىن ۋاكىل ەتكەن جاڭاشا اۋىل شارۋاشىلىعى تيجارات تۇلعالارى جارىققا شىعىپ، ماقتا ءوندىرىسىن شاعىن شارۋالار بىتىراڭقى تيجارات جۇرگىزۋدەن ۇيلەسىمدى كولەمدەنگەن تيجارات جۇرگىزۋگە قاراي ويىستىرۋعا جەتەكتەپ، شينجياڭنىڭ ماقتا ءوندىرىس قۋاتى باسىمدىعىن ورنىقتى ساۋلەلەندىرۋدى جۇزەگە اسىردى.
