انار بۇلت / شينجياڭ گازەتىنىڭ ءتىلشىسى ليۋ شياڭ 12 - ايدىڭ 16 - كۇنى ۇرىمجىدەن حابارلايدى. 12 - ايدىڭ 16 - كۇنى اۆتونوميالى رايوننىڭ ۋاقىتشا ءتوراعاسى ەركىن تۇنياز اۆتونوميالى رايوندىق 13 - كەزەكتى حالىق ۇكىمەتىنىڭ 146 - رەتكى ۇنەمىلىك ىستەر ءماجىلىسىن باسقارىپ اشىپ، اۆتونوميالى رايوندىق پارتكومنىڭ ەكونوميكالىق قىزمەت ءماجىلىسىنىڭ ورنالاستىرۋىنا ساي، «”14 - بەسجىلدىقتاعى“ جانە ايماقتاردىڭ، وبلىستاردىڭ، قالالاردىڭ 2021 - جىلعى ەكولوگيالىق ورتاعا قاتىستى كورسەتكىش جوسپارىن» جاساۋ، تەمىر جول بويىنىڭ حاۋىپسىزدىك ورتاسىن باسقارۋدى كۇشەيتۋ، سىرتقى ساۋدا جاڭا كاسىپ كۇيىنىڭ، جاڭا ۇلگىسىنىڭ دامۋىن جەدەلدەتۋ، جۇمىسشى - قىزمەتشىلەردىڭ نەگىزگى ەمدەۋ قامسىزداندىرۋى بويىنشا امبولاتوريادا بىرگە جاردەم بەرۋدى قامتاماسىز ەتۋ مەحانيزمىن ورناتۋ، اقاۋسىزداندىرۋ سياقتى قىزمەتتەردى اقىلداستى.
ءماجىلىس مىنالاردى اتاپ كورسەتتى: «”14 - بەسجىلدىقتاعى“ جانە ايماقتاردىڭ، وبلىستاردىڭ، قالالاردىڭ 2021 - جىلعى ەكولوگيالىق ورتاعا قاتىستى كورسەتكىش جوسپارى» − جەر - جەردىڭ، ءارقايسى باعىتتامالى سالالاردىڭ رايونىمىزدىڭ ەكولوگيالىق ورتانى قورعاۋعا قاتىستى شارالارىن دالمە - ءدال ىلگەرىلەتۋىنە جانە تياناقتاندىرۋىنا قۋزاۋ سالىپ، جەتەكشىلىك ەتەتىن ناقتى ارەكەت باعدارناماسى، كورسەتكىش - مىندەتتەردى ورىنداۋ رايونىمىزدىڭ ەكونوميكالىق، قوعامدىق دامۋىنىڭ ”14 - بەسجىلدىق“ جوباداعى نىسانا - مىندەتتەردى جۇزەگە اسىرۋمەن قاتىستى، ەكونوميكانىڭ جوعارى ساپالى دامۋىمەن جانە ەكولوگيالىق ورتانى جوعارى دەڭگەيدە قورعاۋمەن قاتىستى. جەر - جەر، قاتىستى تاراۋلار تۇنىق سۋ، جاسىل تاۋ − باعالى بايلىق ۇستانىمىن مىقتاپ ورناتىپ، ەكونوميكالىق قۇرىلىمدى، ەنەرگيا قۇرىلىمىن ۇزدىكسىز ساپالىلاندىرىپ، تاۋ، سۋ، ورمان، ەگىستىك جەر، كول، جايلىم، قۇمدى ءبىر تۇلعالاندىرىپ قورعاۋ مەن جۇيەلى جونگە سالۋدى ءبىر تۇتاس جوسپارلاپ ىلگەرىلەتىپ، جاسىل، تومەن كومىر قىشقىل گازدى دامۋ ءتاسىلىن جەدەل قالىپتاستىرىپ، اسپانى اشىق، جەرى مانات، سۋى تۇنىق كورىكتى شينجياڭدى قۇلشىنا قۇرۋ كەرەك.
ءماجىلىس مىنالاردى اتاپ كورسەتتى: تەمىر جول بويىنىڭ حاۋىپسىزدىك ورتاسىن باسقارۋدى كۇشەيتۋ تەمىر جول حاۋىپسىزدىگىن، ىركىلىسسىزدىگىن قامتاماسىز ەتۋ، حالىق بۇقاراسىنىڭ ءومىرى مەن مال - مۇلىك حاۋىپسىزدىگىن قورعاۋ، رايونىمىز تەمىر جولىنىڭ جوعارى ساپالى دامۋىن ىلگەرىلەتۋ جونىنەن كەلەلى ءمان الادى. تەمىر جول بويىنىڭ حاۋىپسىزدىك ورتاسىن ۇزدىكسىز جاقسارتىپ، ۇكىمەت جەتەكشىلىك ەتەتىن، تاراۋلار ءجون كورسەتەتىن، كاسىپورىندار جاۋاپتى بولاتىن، تەمىر جول تاراۋلارى مەن جەرگىلىكتى ورىن سايكەسەتىن، كوپ جاق بىرگە باسقاراتىن قىزمەت ارناسىن قالىپتاستىرىپ، كورنەكتى ماسەلەلەردى زاڭ بويىنشا شەشىپ، شىرعالاڭداردى، كومەسكى كىناراتتاردى دەر كەزىندە الاستاپ، ساقتالعان مولشەردى جوعالتىپ، ارتۋ مولشەرىن تىزگىندەپ، حالىقتىڭ ءومىرى مەن مال - مۇلىك حاۋىپسىزدىگىن جانە تەمىر جول تاسىمالى حاۋىپسىزدىگىن شىن مانىندە قامتاماسىز ەتىپ، ەكونوميكانىڭ جوعارى ساپالى دامۋىنا، قوعامنىڭ جاراسىمدىلىعىنا، ورنىقتىلىعىنا پارمەندى تىرەك ازىرلەۋ كەرەك.
ءماجىلىس مىنالاردى اتاپ كورسەتتى: رايونىمىزدىڭ سىرتقى ساۋداسىنىڭ جاڭا كاسىپ كۇيىن، جاڭا ۇلگىسىن دامىتۋ قىزمەتىن ءتۇيىندى تۇردە ويداعىداي جوسپارلاۋ حالىقارالىق ەكونوميكالىق سەلبەستىك پەن باسەكە باسىمدىعىن جەتىلدىرىپ، رايونىمىز سىرتقى ساۋدا ىستەرىنىڭ جوعارى ساپالى دامۋ دەڭگەيىن جوعارىلاتۋ جونىنەن كەلەلى ءمان الادى. جاڭالىق اشۋعا شابىتتاندىرۋ، قامتىمدى، بايىپتى بولۋ، اشىق سەلبەسۋ پرينسيبىنە تاباندى بولىپ، شينجياڭ ەرەكشەلىگىندەگى شەكارا وتكەلىنىڭ شەكارا اتتاعان ەلەكتروندى ساۋداسىن، شەكارا وتكەلى قامباسىن، سونداي - اق شەتەل قامباسىن دامىتىپ، سىرتقى ساۋداعا جالپىلىق قىزمەت وتەيتىن كاسىپورىنداردى جەتىلدىرىپ، بازار ارقىلى ساتىپ الۋ ساۋدا ءتاسىلىن، باجىسىز جوندەۋ كاسىبىن، وتكەلدەن شىققاننان كەيىنگى ساۋدانى لايىقتى قاراستىرىپ، سىرتقى ساۋدانىڭ جوعارى ساپالى دامۋىن ىلگەرىلەتۋ كەرەك.
ءماجىلىس مىنالاردى اتاپ كورسەتتى: جۇمىسشى - قىزمەتشىلەردىڭ نەگىزگى ەمدەۋ قامسىزداندىرۋى بويىنشا امبولاتوريادا بىرگە جاردەم بەرۋدى قامتاماسىز ەتۋ مەحانيزمىن ورناتۋ، اقاۋسىزداندىرۋ − مەملەكەتتىڭ امبولاتوريادا ەمدەلۋدى ءبىر تۇتاس جوسپارلاپ قامتاماسىز ەتۋگە ەنگىزۋدەگى ماڭىزدى شاراسى ءارى رايونىمىزدىڭ ەمدەۋدى قامتاماسىز ەتۋدەگى ۇلكەن سالالارى مەن شەشۋشى بۋىندارىندا رەفورمانى جەدەلدەتۋدەگى ماڭىزدى شاراسى. نەگىزدى قامتاماسىز ەتۋگە تاباندى بولىپ، ءبىر تۇتاس جوسپارلاپ، بىرگە جاردەم بەرىپ، قامسىزداندىرۋعا قاتىناسقانداردىڭ ۇقىق - مۇددەسىن شىن مانىندە قورعاۋ كەرەك. ورنىقتى وتكەرۋگە تاباندى بولىپ، ساياساتتىڭ ۇلاسپالىلىعىن ساقتاپ، رەفورمانىڭ الدى - ارتىنداعى مامىلەنىڭ ىركىلىسسىز ۇشتاسۋىنا شىنايى كەپىلدىك ەتۋ كەرەك. سەلبەسىپ، بىرلەسىپ ارەكەتتەنۋگە تاباندى بولىپ، امبولاتوريانىڭ قامتاماسىز ەتۋ مەحانيزمىن كەمەلدەندىرۋ مەن جەكەلىك ەسەپ ءتۇزىمىن جاقسارتۋدى قاتار ىلگەرىلەتۋ، بىرتىندەپ جاڭالاۋ كەرەك. جەرگىلىكتى جاعدايعا قاراي ىستەۋگە تاباندى بولىپ، تۇلعالىق جاقتان جوبالاۋ نەگىزىندە ءبىر تۇتاس جوسپارلانعان وڭىرلەردى ءىس جۇزىندىكتى شىعار ءتۇيىن ەتىپ، جۇمىسشى - قىزمەتشىلەردىڭ ەمدەۋ قامسىزداندىرۋىن امبولاتوريادا قامتاماسىز ەتۋدى كۇشەيتۋدىڭ ءونىمدى جولىن بەلسەنە قاراستىرۋعا شابىتتاندىرۋ كەرەك.
ءماجىلىس تاعى باسقا دا ىستەردى اقىلداستى.
