جۇڭگونىڭ شينجياڭىنىڭ وزبەكستانداعى شينجياڭدىق چياۋمين باۋىرلاستارمەن جانە وزبەكستاندا وقىپ جاتقان وقۋشىلار ۋاكىلدەرىمەن بەينە ەكراندىق اۋىس - كۇيىس ءماجىلىسى اشىلدى
مەيلى قايدا جۇرسەك تە شينجياڭ حيكاياسىن جاقسى باياندايمىز
انار بۇلت / شينجياڭ گازەتىنىڭ ءتىلشىسى جاڭ يۇنمەي 12 - ايدىڭ 17 - كۇنى ۇرىمجىدەن حابارلايدى. 12 - ايدىڭ 17 - كۇنى جۇڭگونىڭ شينجياڭىنىڭ وزبەكستانداعى شينجياڭدىق چياۋمين باۋىرلاستارمەن جانە وزبەكستاندا وقىپ جاتقان وقۋشىلار ۋاكىلدەرىمەن بەينە ەكراندىق اۋىس - كۇيىس ءماجىلىسى اشىلدى. وزبەكستانداعى شينجياڭدىق چياۋمين باۋىرلاستار مەن وزبەكستاندا وقىپ جاتقان وقۋشىلار ۋاكىلدەرى شينجياڭداعى تۋىس - تۋعاندارىمەن بەينە ەكراندا باس قوسىپ، ساعىنىشتارىن اڭگىمەلەپ، شينجياڭنىڭ دامۋىن، وزگەرىسىن تىلگە تيەك ەتتى.
اۆتونوميالى رايوندىق ساياسي كەڭەستىڭ ورىنباسار ءتوراعاسى نۇرىم سىمايىلقان ماجىلىستە شينجياڭنىڭ ورنىقتىلىعىنا، دامۋىنا قاتىستى جاعدايلاردى تانىستىردى. ول بىلاي دەدى: پارتيا ورتالىق كوميتەتىنىڭ پارمەندى باسشىلىعىندا، شينجياڭ قىزمەتىندە ەلەۋلى تابىسقا قول جەتتى، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى. الايدا جاقىنعى ءبىر مەزگىلدەن بەرى امەريكاداعى، باتىستاعى ءىشىنارا جات نيەتتى ادامدار ايتىلمىس شينجياڭعا ساياتىن ماسەلەنى ويدان قۇراستىرىپ، شينجياڭنىڭ حاۋىپسىزدىگىن، ورنىقتىلىعىن بۇلدىرۋگە، جۇڭگونىڭ دامۋىنا، نىعايۋىنا بوگەتتىك جاساۋعا ۇرىندى. ءبىز مۇنى قاتاڭ جازعىرامىز جانە وعان باتىل قارسى تۇرامىز. جۇڭگو - وزبەكستان ەكى ەل جان - جاقتى ستراتەگيالىق سەرىكتەر، جۇڭگو مەن وزبەكستاننىڭ ءداستۇرلى دوستىعى ارىدان جالعاسقان، بايىرعى جىبەك جولى سوناۋ 2000 نەشە جىلدىڭ الدىندا - اق ەكى ەل حالقىن تىعىز بايلانىستىرعان. چياۋمين باۋىرلاستاردىڭ، وسىندا وقىپ جاتقان وقۋشىلاردىڭ وتاندى ءسۇيۋ، مەكەندى ءسۇيۋ داڭقتى ءداستۇرىن ساۋلەلەندىرىپ، جۇڭحۋا ۇلتى ورتاق تۇلعا تانىمىن بەرىك ورناتىپ، وتاننىڭ تۇتاستىعىن باتىل قورعاپ، ۇلتتار ىنتىماعىن قورعاپ، ۇلتتىق بولشەكتەۋشىلىككە قارسى تۇرۋىن؛ كوپىرلىك، دانەكەرلىك رولدارىن تولىق ساۋلەلەندىرىپ، اناعۇرلىم كوپ وزبەكستان حالقىنا جۇڭگو حيكاياسىن، شينجياڭ حيكاياسىن جاقسى بايانداپ، جۇڭگو - وزبەكستان ەكى ەل حالقىنىڭ دوستىق بارىس - كەلىس، اۋىس - كۇيىس جاساپ، ءوزارا ۇلگى الىپ، ادامزاتتىڭ تاعدىرلاس ورتاق تۇلعاسىن قۇرۋعا بەلسەندى ۇلەستەر قوسۋىن ءۇمىت ەتەمىن.
نيجات مامەت قازىر وزبەكستاندا دوكتورلىق وقىپ جاتىر، ول وتاننىڭ مەيىرىمىن ءار دايىم سەزىنىپ وتىر. مەكتەپتە جۇڭگونىڭ شينجياڭى قانداي جەر، - دەپ سۇراعان ساباقتاستارىنا ول ۇنەمى ماقتانىشپەن: شينجياڭ تابيعاتى كوركەم، قۇرىلعىلارى وسىزاماندانعان، ءان - بيگە تولى، تاعامدارى ءتىل ۇيىرەدى، باقىت كۇلكىسى كەز كەلگەن جەردەن مەن مۇندالايدى... دەپ جاۋاپ بەرەدى. ”شەشە، الاڭسىز بولىڭىز، مەن قۇلشىنا ۇيرەنىپ، وتاننىڭ قۇرىلىسى ءۇشىن تيەسىلى ۇلەس قوسامىن“، - دەدى نيجات.
نيجاتتىڭ شەشەسى مەن اعاسى قارامايلىدا بەينە ەكران ارقىلى ونىمەن جۇزدەستى. ”قارامايلىنىڭ وزگەرىسى توتەنشە زور، ساعان ايتايىن دەگەن ءسوزىم دە وتە كوپ، ايتىپ تاۋىسا المايمىن“. ەكراننان ۇلىن كورگەن شەشەسىنىڭ تەبىرەنگەن سەزىمىن سوزىنەن اڭعارۋعا بولادى. ”سىرتتاعى قيسىنسىز سوزدەرگە سەنبە“. ول نيجاتقا مەيلى قايدا جۇرسەڭ دە شينجياڭ حيكاياسىن جاقسى باياندا دەگەندى قاداعالاي تاپسىردى.
وزبەكستان چاۋنىڭ ماشينا شەكتى سەرىكتەستىگىنىڭ جاۋاپتىسى جوۋ جۇن 2018 - جىلى وزبەكستانعا بارىپ شارۋاشىلىق قۇرعان بولاتىن. ”ءبىر بەلدەۋ، ءبىر جول“ قۇرىلىسىنىڭ ارقاسىندا سوڭعى جىلداردان بەرى ونىڭ سەرىكتەستىگىنىڭ كاسىپتەرى ايتارلىقتاي دامىدى. جۇڭگوعا قارسى كۇشتەردىڭ ويدان قۇراستىرعان ساندىراعىنا جوۋ جۇن توتەنشە كەكتەندى، ول: ”شينجياڭدىق ەر ازامات رەتىندە، شينجياڭنىڭ دامىعان تاماشا جاعدايىن اناعۇرلىم كوپ ادامعا ايتۋعا بورىشتىمىز ءارى جاۋاپتىمىز“، - دەدى.
بەينە ەكران ماجىلىسىندە جۇڭگونىڭ وزبەكستانداعى ەلشىلىگىنىڭ ۋاقىتشا ۋاكىلدىك ءىس ءبىتىرۋشىسى جاڭ چيڭدۇڭ وزبەكستانداعى شينجياڭدىق چياۋمين باۋىرلاستار مەن وزبەكستاندا وقىپ جاتقان وقۋشىلاردىڭ قاتىستى جاعدايىن تانىستىردى. شينجياڭنىڭ نەگىزگى ساتىسىنداعى بۇقارا ۋاكىلى ناقتى مىسالدار ارقىلى شينجياڭنىڭ ەڭبەكپەن جۇمىستاندىرۋدى جەبەۋ، ءدىني سەنىم ەركىندىگىن قورعاۋ، از ۇلتتاردىڭ مادەنيەت، كوركەمونەرىن جالعاستىرۋ جانە قورعاۋ سياقتى سالالاردىڭ دامۋ جاعدايىن تانىستىرىپ، امەريكاداعى، باتىستاعى جۇڭگوعا قارسى كۇشتەردىڭ وسەك - اياڭىنا، ساندىراعىنا تويتارىس بەردى.
