اۆتونوميالى رايون ”ەڭبەك تاماشا تۇرمىس جاراتادى“ اتىندا جەلىلەس اڭگىمە ءماجىلىس اشتى
ەڭبەكشىلەردىڭ ءار تامشى تەرى تۇگەلدەي قۇرمەتكە يە بولدى
انار بۇلت / شينجياڭ گازەتىنىڭ ءتىلشىسى جىڭ جو 12 - ايدىڭ 16 - كۇنى ۇرىمجىدەن حابارلايدى. 12 - ايدىڭ 16 - كۇنى شينجياڭ 9 - مايدان ”ەڭبەك تاماشا تۇرمىس جاراتادى“ اتىندا جەلىلەس اڭگىمە ءماجىلىس اشتى، اڭگىمە ماجىلىستە كوپتەگەن كاسىپورىن جاۋاپتىلارى مەن نەگىزگى ساتىداعى جۇمىسشى - قىزمەتشىلەردىڭ ۋاكىلدەرى كوسىلە اڭگىمەلەپ، ءوز باسىنان وتكەندەرى ارقىلى امەريكاداعى، باتىستاعى جۇڭگوعا قارسى كۇشتەر ويدان قۇراستىرعان ايتىلمىس شينجياڭدا ”زورلىقپەن ەڭبەككە سالۋ“ ءومىر ءسۇرىپ وتىر دەگەن وسەك - اياڭعا، ساندىراققا تويتارىس بەردى.
”ەڭبەكشىنىڭ نانى ەڭ ءتاتتى“. شينجياڭ ءالقۇت ورمان، مال شارۋاشىلىق عىلىم - تەحنيكا شەكتى سەرىكتەستىگىنىڭ باسالقاسى ابدىرەيىم ليتىپ اڭگىمە ماجىلىسىندە ءوز حيكاياسىن باياندادى. ول بالا كۇنىنەن - اق باقىتتى تۇرمىستىڭ ەڭبەكتەنۋدەن كەلەتىنىن بىلگەن، ەرجەتكەننەن كەيىن كوپ جىل قۇلشىنۋ ارقىلى ءوزىنىڭ سەرىكتەستىگىن قۇرعان. قازىر سەرىكتەستىگىندە ىستەيتىن تۇراقتى قىزمەتكەر مەن ماۋسىمدىق قىزمەتكەر 80 ادامنان اسادى، مۇنىڭ ％90تەن استامى از ۇلت قىزمەتكەرى. سەرىكتەستىك قىزمەتكەرلەرمەن ەڭبەك توقتامىنا قول قويىسىپ، بەلگىلەمەگە ساي ”بەس قامسىزداندىرۋ مەن تۇرعىن ءۇي الەۋمەتتىك قورىن“ تاپسىرادى، ادام باسىندىق ورتاشا ايلىق ەڭبەكاقى 5600 يۋان بولىپ، ولاردىڭ وتباسىلىق شارت - جاعدايىن بارىنشا جاقسارتتى. ”مەن فاكت ارقىلى وسەك - اياڭدى اشكەرەلەيمىن“، - دەدى ابدىرەيىم.
قالبىنۇر ماحمۇتجان وقۋ تاۋىسقاننان كەيىن لوتو توبى شينجياڭ اككۋمۋلياتور شەكتى سەرىكتەستىگىنە قىزمەتكە شاقىرىلدى، قىزمەت ناتيجەسى كورنەكتى بولعاندىقتان، قالبىنۇر وزات قىزمەتكەر بولىپ باعالانىپ، ايلىق ەڭبەكاقىسى 2800 يۋاننان 4500 يۋانعا ءوستى. ”ءار ۇلت قىزمەتكەرلەرى تەڭ دارەجەدە مامىلەدەن يگىلىكتەنەدى جانە تەڭ دارەجەدە ءوسۋ ورايىنا يە“، - دەدى ول.
”ۇكىمەت ءتۇرلى كاسىپتىك شەبەرلىككە باۋلۋ كۋرستارىن اشىپ، جۇرتشىلىقتىڭ كىرىستەرىن ارتتىرۋىنا كومەكتەستى، مەنىڭ بولە اپەكەم مۇنىڭ يگىلىگىن كورۋشى“. قالبىنۇر بىلاي دەدى: بولە اپەكەم كاسىپ كوزىن اشقىسى كەلگەنىمەن قولىندا ونەرى جوق ەدى، جەرگىلىكتى ورىنداعى الەۋمەتتىك اۋماق ونىڭ تىگىنشىلىككە باۋلۋ كۋرسىنا تىزىمدەلۋىنە كومەكتەستى، ۇيرەنىپ شىققاننان كەيىن ول ءوزىنىڭ پەردە تىگۋ شەبەرحاناسىن اشىپ، ايلىق تيجارات سوماسىن 30 مىڭ يۋاننان اسىردى.
اكرام رەيىم ىستەپ جاتقان شينجياڭ چىڭرۇن جينلان بيو - تەحنيكا شەكتى سەرىكتەستىگى كۇشار قالاسىندا، قىزمەتكەرلەردىڭ باسىم كوبى جەرگىلىكتى اۋىل - قىستاق ارتىق ەڭبەككۇشتەرى، ادام باسىندىق ورتاشا ايلىق ەڭبەكاقىسى 5000 يۋاننان اسادى. اكرامنىڭ وتباسىندا 7 ادام بار، بيىل 40 نەشە مۋ جەرگە ماقتا ەگىپ، 20 نەشە سيىر جانە 30 قوي باقتى، ەڭبەكشىل قوس قولدارىنىڭ ارقاسىندا ولاردىڭ وتباسى تۇرمىسى بارعان سايىن جاقساردى.
”شينجياڭنىڭ قانداي ەكەندىگى جونىندە شينجياڭ حالقى ەڭ سويلەۋگە ۇقىقتى“. شينجياڭ لانشان تۇنحى پوليەستەر شەكتى سەرىكتەستىگىنىڭ قىزمەتكەرى ءبىلال اتا - باباسىنان بەرى شينجياڭدا تۇرمىس كەشىرىپ كەلەدى، ول: كوركەم شينجياڭدى ەڭبەكشىل ءار ۇلت بۇقاراسى ەڭبەك ارقىلى بىرگە قۇرىپ شىققان. شينجياڭدا تەك قانا باقىتتى ەڭبەك بار، ”زورلىقتى ەڭبەك جوق“، - دەدى.
قاشقار اندى فوتو ەلەكتر تەحنيكا شەكتى سەرىكتەستىگىنىڭ قىزمەتكەرى تاجىگۇل ابدۇميجىت ەڭبەكتىڭ تاماشا تۇرمىس جاراتقانى جونىندەگى حيكاياسىمەن ءبولىستى. ول: شينجياڭداعى ءاربىر ەڭبەكشىنىڭ توككەن ءار تامشى تەرى تۇگەلدەي قۇرمەتكە يە بولدى، - دەپ قارادى.
شينجياڭ حۋا - اۋ ەنەرگيا حيميا ونەركاسىپ شەكتى جارنا سەرىكتەستىگىنىڭ قىزمەتكەرى اكرام ەركىن: شىندىققا تالاس جۇرمەيدى، شينجياڭنىڭ گۇلدەنىپ - كوركەيۋىن، دامۋىن بۇلدىرۋگە ۇرىنعان ءارقانداي ارام نيەت پەن ارەكەت تەك قانا ءوز تۇبىنە ءوزى جەتەدى، ءسوز جوق، جەڭىلىسپەن تىنادى، - دەدى.
اۆتونوميالى رايون باسشىلارىنان لي شۋەجۇن اڭگىمە ماجىلىسكە قاتىناستى.
